泰茶館 (已結業)

前幾日去灣仔出席朋友公司活動、早左少少、又唔知食咩好、行入個商場聞到好香、就入咗呢間小店、問佢係乜嘢嚟佢話係泰式香辣肉碎飯、我見佢而家煮緊我又趕時間、想食少少野咁就點左嚟食啦、幾十蚊一個飯加埋奶茶、$60有找！依家真係勁少見、我平時食個all day 早餐都一百元！呢個真係好抵！仲要好好食喎、香辣肉碎好味入邊仲有豆角！加埋呢隻煎蛋蛋黃流心！呢個價錢絕對美味！ 超級推介呢個飯！我本身係一個咖啡人但係佢跟餐＄58所以我就是買佢個泰式奶茶、可能係凍飲我又唔係飲得晒、所以再點左個咖啡！個咖啡出奇地好味喎、幾香滑⋯⋯下次經過都在泥食呢個飯先！真係唔錯、真心推介！

今天中午吃飯後經過灣仔集成中心，見到新開的泰式飲品店Teacoon，好奇下就跟同事每人買了杯熱泰式奶茶（少甜）及曲奇餅。聽說泰式奶茶很甜所以我們都要求了少甜，喝了一口真的喜出望外，奶茶很香很滑、茶味很濃且甜度適中（個人認為少甜已夠，如果正常的甜可能會過甜），味道非常好，一試難忘。然後試了榛子，綠茶及伯爵茶的曲奇，味道都不錯不過稍為凍，個人而言最愛榛子味。最後值得一讚的是收銀哥哥很有禮，不厭其煩地逐一介紹飲品及食物，態度一流，親切有善，一定會再去光顧！

係集成返工 附近太多集團式經營 今日lunch見到樓下新開左間主打飲品既小店 一定要支持下 仲有d輕食 飲品好多選擇 眼花撩亂 但比我見到收銀果到見到一杯好靚既野食 漸變紫色😍😍😍即刻叫返杯黎厄like先 初初都驚係d唔好既色素 一問之下原來係用蝶豆花整既檸檬茶 夠晒天然 唔駛擔心✨😁靚就唔駛講啦 味道仲要一流 甜度岩岩好 個杯仲要有我最愛既浣熊 😗😗🙃好可愛呀我諗我每日lunch 都要試佢一款野飲 太多唔同選擇 好多都好吸引 仲有熱有凍👍

今日行過灣仔集成中心個細商場，行入去就聞到一陣香味，行埋去見到原來間野煲緊茶，門口做緊試飲泰式奶茶，去泰國就飲得多都幾鐘意，所以走埋去試下咩料先，試完覺得好香好滑所以即刻忍唔住買左一杯黎飲，茶味好香同飲落都好滑下，香港都好少見到有泰國奶茶飲，仲要唔係茶粉沖出黎，係用茶葉煲真材實料，因為試飲時有問職員煲咩咁香，佢就答我係泰國奶茶既茶葉，有其他泰國飲品外仲有其他飲品都幾特別，今日太凍啦，所以飲左熱既，下次再試下其他野先