泰苑小食

营业中

休息中

第一個感覺--->堅辣, 不過我buy, 因為佢無因為遷就香港人o既口味而改, 所以唔錯!!! 價錢應該比起出面地鋪o既平少少, 不過坐就當然冇咁舒服啦~ 畢竟環境侷限左嘛! 青檸沙冰同杧果沙冰同樣出色~~~ 正~~~ 青檸沙冰: 如果鍾意酸味味o既朋友們就會好buy, 唔慣酸味o既朋友就千萬唔好試啊~~~ 杧果沙冰就好受歡迎, 男友一飲再飲, 正~~~ 唔會太甜, 但又好重杧果味 好似$16, 唔錯~~~ 2款沙律, 一款係柚子沙律, 一款係海鮮沙律, 前者真係不必試, 因為唔知點解會咁唔好食, 而且用料普通, 我寧願揀木瓜絲沙律 後者o既沙律係我食lee d泰式沙律咁耐最辣o既一次~~~ 用料都不賴, 不過又冇我想像中咁好味~~~ 可能太期待所以有d失望 小食拼盤, lee款當然係人多必order菜式啦~~~ 4樣小吃, 蝦餅最棒, 真係好彈牙!!! 真係一試難忘, 其他o既魚餅同包雞就一般味道啦~ 因為lee兩款我一向都麻麻鍾意!!! 春卷都唔錯o既, 用料十足....個半主角芋頭飯的確幾惹味, 可能佢有少少焗o既關係所以好正啊, 而且都足料, 我地6個人每人食左一碗都

因為打定電話留位關係,所以唔洗等就有位比我地7位,好多人都講這間食店平靚正,所以今次"九龍城好食夜"真係食了在九龍城精要同想食的食物生蝦刺身 - 一人一件左右,好新鮮,同事個汁都好得,不過我就冇加汁,就咁食,食出個鮮味泰式通菜 - 碟菜唔係好多,不過好好食,有同事食過講好辣,我就覺得這種辣帶落通菜上,真係一個好掂的通菜泰式炒飯 - 呢個炒飯可能係食得唔多的一碟,因為真係要留肚食好野,不過炒得好有火氣.生菜包 - 覺得生菜少左d,但居然肉碎都出到有肉汁,真係估你唔到泰式咖哩蟹&蒜蓉飽 - 本人唔太好食蟹,所以試過小小就算,但係個咖哩配蒜蓉飽這個,真係我覺得係全店的精要,十分掂炭燒豬頸肉 - 可能個飽令到我冇乜位,所以豬頸肉食了一片就夠,但食得出這肉若加飯食係好夾.什錦拼盆 - 這個盆有春卷,蝦片,蝦餅,魚餅,雞件,我覺得係春卷普通左d,其餘個d真得的,尤其蝦餅,我地仲要叫多一碟呢個"好食夜1"已經食得好勁好滿足,九龍城食泰國野真係呢一間!

因為朋友上次6:00去到都已經要等位,所以今次5:30到,但一個人都無...坐到6:00後開始多人之後爆晒!我地4個人叫左8樣野:木瓜沙律- 第一口覺得幾辣,但食食下又覺得ok喎,酸酸辣辣咁好開胃!泰式咖哩蟹- 個咖哩超好味!!蟹就好多膏,連個蟹蓋都頂晒膏,可惜就無乜蟹味,而且個汁好快就變凍,不過味道真係好好蒜蓉包- 面頭有d蒜蓉粒,整得好香口,加埋咖哩蟹個汁來食,超好味!!一定要咁配搭泰式通菜- 我個人唔係好食得辣,覺得辣左少少,不過都好味!生蝦刺生- 蝦都算新鮮,肉質就唔係話彈牙果隻,點左個汁之後其實都蓋過晒d蝦味,都ok既.沙嗲串燒- 成晚呢個最差,叫齊猪牛雞來試,個面燒得唔夠香,肉又唔夠滑無咩汁,差左d炸蝦餅- 炸得好香,食落幾彈牙,唔錯!炭燒魷魚- 魷魚個面都燒得幾香,不過點左佢個汁就會蓋晒個炭燒味,反而點咖哩蟹個汁仲好食.環境方面: 街市大排擋,無要求啦! 唯一係個地板成晚係咁震...唔知平時係咪咁呢...服務方面: 大排擋都預左無乜架啦...唔趕人走食得開心無氣受就ok!價錢方面: 除左以上既食物,每人仲叫左4杯野飲,另因有朋友生日,除左3份,埋單每人$18x,都ok呀!

因為睇阿蘇介紹,我亦有朋友去過食話讚...所以上黎會一會佢先得啦!!上到黎大概8點左右...人又唔算多wor...我地總共叫左成5樣野..哈哈~都幾痴線~因為樣樣都想試丫麻1. 木瓜沙律 -都幾開胃,唔錯啦! 2. 炒蜆 - d 蜆都算大隻..不過得好少...味道麻麻地3. 炸蝦餅 - 我覺得冇咩特別囉4. 蝦刺身 - lee 個雖然真係好貴..不過好好味呀!!5. 芋頭飯 - lee個都等左好耐..不過值得等囉! 因為真係好好味呀!! 想像不到咁好味~多謝openrice 各位既介紹services 就冇咩0家啦...但態度都ok囉!! 況且又有冷氣..咁樣樣算不錯啦!埋單好似都係二百幾..所以都ok既~

好嘈呀! 成個場都好嘈, 唔適合傾偈~重點, 嘢食無想像中好食, 其實好一般!生蝦- 唔算新鮮, 白雪雪咁! 啲醬汁唔夠辣! 啲蝦頭又唔係新鮮炸起, 凍既!泰式炒金邊粉 - 頗甜, 好似加咗好多蒜頭, 食完個口好大陣味呢!酸辣鳳爪 - 又係唔夠辣!椰汁青咖哩雞肉 - 呢個完全無味, 少許椰汁香, 啲雞肉好似都浸到無晒味! 呢個真係唔好試!馬拉盞通菜 - 呢個又係好普通, 無乜特別!除咗枝泰啤可以encore, 其他無需要! 可能我們點錯晒, 無點招牌菜! 下次可以唔駛山長水遠來呢度!

每次gathering 如果朋友們想食泰國野 我一定推介呢間....食物平得來又好味..炸蝦餅- 外脆之餘 仲好彈牙 食完一夠 仲有食下一夠 生菜包 - 超好味 d肉汁勁正呀 泰式金邊粉 - 酸酸地好開胃 泰式鳳爪- 夠辣 生蝦刺身 --- d 蝦唔夠爽 但尚可接受泰式炒飯 - 一d都唔油 勁多料 正呀 明爐魚... 有得玩有得食 ....正咖哩唔好食 --- d汁太稀喇 雖然有個味係ok 但太多水鐵板蠔 - 食送 飯 一流呀 一d沙都無 而且加埋d芽菜 真係好味呀

好耐無食泰國菜，再黎食泰苑，覺得人流少左，野食細碟左，但味道仍然幾好。蒜蓉辣椒青檸蒸烏頭：好多蒜蓉，唔會好辣，成個汁酸甜好清爽，魚肉又新鮮又鮮味。青木瓜沙律：酸辣醬汁加埋爽口既青木瓜好配合。串燒 (雞/ 牛/ 豬)：燒後仍保留肉汁，最好味係豬肉。鐵板蠔仔餅：濕濕地，保留番蠔仔既鮮味，好正！泰式炒魚肚：有幾種配菜，炒得好香又野味，估唔到呢個菜甘正。紅酒雞：酸酸甜甜也有紅酒香味，雞炸過但唔會乾爭爭。咖哩魚：咖哩香濃、辣度適中，但魚塊既炸粉太厚身。蒜蓉包：面包外脆內軟，點咖哩醬食好好味。馬拉盏炒通菜：馬拉盏好香，通菜炒得太淰，份量也太少！竽頭焗飯：焗飯入味好香，略為油膩左d。生蝦：蝦肉唔夠凍又唔彈牙。原本只係要左 8 個菜，但都好細碟，所以再點多左幾碟又 encore 番好味既菜，我覺得無以前甘抵食。

去開九龍城,自然想食泰國嘢,又未試過市政大廈呢間,咁就試下啦叫左冬蔭功(細),沙爹串燒,鐵板蠔仔蛋,泰式海鮮炒金邊粉1)個湯既味道唔夠濃,幾辣下,食得出辣椒粉很多2)沙爹串燒一般,燒得唔夠香3)鐵板蠔仔蛋份量多, 蠔仔多過蛋, 黑椒味幾勁, 油都勁多4)泰式海鮮炒金邊粉,幾正路,味道唔錯,酸酸地幾開胃賣單總共$150,都唔算貴

朋友們話依到街市間泰國菜好食..所以走黎試下...睇過下之前的食評...嗯...1. 炸蝦餅 (叫左兩碟) - 之前睇食評見好多人都話唔錯，叫黎試下! 真係幾好，皮好脆，入面幾好味...very good! 2. 蒜蓉包 (叫左兩碟) - 唔係好夠蒜蓉味啊!3. 生蝦刺身 (叫左兩碟) - 以為係一大隻圓碟上..點知唔係..叫兩碟先夠啦! 還可以啦! 4. 炒通菜 - D味炒得都OK! 5. 冬陰功 (細) - 依個我無飲，我怕辣。但朋友們話根本係唔辣，反而係咸....6. 生菜包 - D肉好似比出面辣左一點，但都好好食 7. 沙嗲串燒 (叫左兩碟) - 普通，有點鞋..8. 燒豬頸肉 - 整得都算林身，幾好 9. 燒魷魚 - un左一點...麻麻地..10. 芋頭蝦春卷 - 個配搭好似有點怪..有芋頭...普通..11. 青檸梳打 (三杯) + 珍多冰 + 象啤 (二/三枝)4個大人+一個小朋友total around $660...OK啦!

冬陰功湯配料足,辣得泥好有椰香味,飲完好開胃~生蝦刺身好大隻好甜,個汁酸酸辣辣好正!炸蝦餅即炸熱辣辣,蝦肉新鮮彈牙,一流!香草炒蜆蜆好大隻,唔會有沙,好惹味泰式炒金邊粉酸酸甜甜的,普通我覺得泰式豬頸肉味道唔錯馬拉盞炒通菜一般水準海鮮芋頭焗飯我超中意食~飯夠乾身,焗得又夠焦,料夠味足!好掂!

尋日兩條友走咗出九龍城搵食, 因為有人想食粉絲湯, 吾打吾撞就上咗黎呢度, 諗住試下啦, 叫咗:海鮮湯粉絲 ($39) - 佢係一個鍋咁上既, 入面有蝦, 有玉子豆腐, 有菜, 有魷魚, 湯有胡椒味, 吾錯吾錯, 有少少辣咁...什錦冰 ($16) - 入面有涼粉, 栗米等, 又幾好食, 味道又吾太sweet..估吾到一心諗住試下, 但點知呢間野又ok wor..仲好好味tim...但價錢就覺得貴咗少少, 因為無service, 環境又吾太好...不過無所謂啦, 好食咪得囉

好唔開心!!! 食親泰國野都來依一間, 一向都覺得ok, 雖然唔係特別好味, 但價錢唔算貴加上食開懶轉其他, 一路都覺得依度啲呀姐態度普通除左偶爾有啲新人會好好禮貌之外. 今次真係火都來埋!!! 我都知佢地真係唔憂做, 但真係唔可以再甘差落去...第一, 佢地啲生蝦一向都唔新鮮, 所以慢慢我地每一次食thaifood都唔再叫生蝦...第二, 佢地啲蝦餅特別細, 唔知點解我地每一次都比其他人細, 除左一次我同佢講"姐姐, 上次真係好細, 今次可唔可以唔好選啲甘細家." 就係依一次, 我地先知佢地可以係normal size... 我唔知其他常客洗唔洗講依句, 定係有啲客真係日日食先叫熟客, 先有normal size啲特權, 我地依啲兩星期來一次既就唔係熟客...$42係干過出面, 但個size有時係出面既一半有時係2/3, 其實係無平到,,,個curry除左curry crab之外其他都... 差... 不過坦白講佢curry crab真係ok, 重有個dung yun gung就好好...依今次點解會甘火係佢地唔只啲野食差左, 重有啲呀姐由"唔係好好禮貌"到"好無禮貌"... 特別

上星期日又去九龍城。今次無去同心，去咗泰苑。之前食過一次，但因那時喉嚨不適，所以無食辣野。今次再黎，就係想試佢個蝦餅。三個人，叫了乾炒肉片河、沙嗲串燒、青木瓜沙律、蝦餅 + 香草炒蜆。乾炒肉片河好味，河粉夠粗。炒得有鑊氣。亦夠乾身。比濕炒河好食，因為無濕炒河咁肥。沙嗲串燒有豬牛雞。每樣兩串。我試咗牛同雞。燒得夠乾身，牛肉惹味d，又濃牛味。沙嗲醬ok, 不過唔夠辣。青木瓜沙律呢個一般，因為木瓜絲切得唔夠幼。仲要有好多都係切唔斷。所以唔夠入味。味道不算太辣，惹味度亦不足。蝦餅正正正！好彈牙！彈牙！真材實料，啖啖蝦肉。香草炒蜆嘩，d蜆好大隻。係花甲嘅size，啖啖肉。味道鮮，不過有少少沙。醬汁味道不太濃，不會蓋了蜆的鮮味。最後仲有個芒果糯米飯。呢個至掂。黑白糯米飯熱辣辣，軟軟黏黏。配埋椰汁真係好正。芒果好甜，無根。

三人行........是日為朋友補祝生日飯......九點左右去到....比較多人要等位.....但邊等邊坐......還不錯.........三人叫左﹕冬陰功湯(細) - 味道完全唔得.,.....只有辣味~酸辣椰汁雞湯(細) - 好香濃的椰汁味......生蝦刺身 - 正~~~~Encore了一碟........泰式炸蝦餅 - 夠彈牙........生菜豬肉包 - 可能有些紫色的蔥煮得不夠熟...有些苦.......咖哩焗海鮮 - 汁一般.....不太像咖哩.....海鮮不太多.,....兩杯青檸冰、一杯椰汁冰

由於喉嚨仲有點痛，所以今次去食泰菜都唔敢食辣。唔食辣真係好唔過癮，又好似無食過泰菜一樣。兩個人去食，星期六下晝，十二點幾，個門口擠滿晒人，原來d人係排緊樂園，但就塞住晒個公用門口。於是我地就由後門入。泰苑地方較大，亦無咁多人。我地叫咗個肉片濕炒河，札肉湯河、青木瓜沙律、咸魚炒芥蘭。肉片濕炒河幾有鑊氣，不過亦較肥膩。有好多蔬菜，肉片幾鞋吓。不過味道算不錯。河粉正，又粗又大條，好好口感。札肉湯河有四五片札肉，味道不過不失，但未見特別。個湯底幾香又夠熱。還加了冬菜、中芹同芽菜，好好味。青木瓜沙律，呢個係辣嘅。不過又唔算好辣。木瓜切幼絲，夠入味。d車厘茄仲正，吸晒d汁，又酸又辣。最後仲叫咗個芒果糯米飯。超正！糯米飯暖暖的，又軟軟地，一舊係黑糯米，一舊係白糯米。芒果亦夠甜。下次黎會再試冬蔭公、蝦餅同春卷！