影片
招牌菜
食记 (64)
之前见倒有团购好似几吸引未食过泰式火锅就同贫友一齐买book左19:30准时来到已经可以攞位睇下有咩食先一般大路o既汤底同火锅配料都有仲多左d泰式汤底同配料拣tim除左火锅, 仲有串烧都系任食哈~仲有好多泰式酱料任加唔知边样打边样o既话可以睇哩度我自己就拣左薄荷海鲜酱, 蒜香海鲜酱同泰式甘辣牛汁个人觉得绿色o既薄荷海鲜酱最好味冬阴功海鲜汤酸酸辣辣咁, 正不过其实又唔算好辣因为唔食辣o既贫友都食得倒香草猪骨蟹煲因为个冬阴功汤底实在太惹味最后哩个煲竟然冇乜人食不过其实都唔差的但相比起冬阴功就一定系清淡d睇下哩个蟹煲有埋成只蟹, 其实都几足料因为人多, 所以我地可以每样火锅料都叫d以任食计, 火锅料o既质素都算唔错, 几新鲜串烧系即叫即烧, 点埋d酱汁, 好好味见隔离枱叫d, 入面好似系虾有师傅o系你面前炒, 著晒火咁, 好吸引
继续阅读
呢晚, 同几位朋友仔欢聚一下~有位远道回归既朋友仔话好挂住香港既打边炉, 所以我就提意咗呢间!!之前黎食过一次, 果次系食小菜既, 食味留咗唔错既印象分~记得上次, 响我地食小菜既同时, 隔离枱就系响度打边炉, 仲好似好吸引咁…终于!! 有机会再黎, 又咁啱朋友仔话想打边边, 一于就试佢呢个… 冬荫公海鲜锅!!!一共 5 位, 预早打咗电话黎 book, 准时到达~坐低之后, 就急不及待先落一个: 冬荫公海鲜㶽老板话, 呢日无蟹, 所以会变咗龙虾… 当然无问题啦~因为呢个㶽本身已经有好多料, 包括: 龙虾 1 只, 海虾 1 堆, 大蚬 6-7 只, 花甲 1 少堆, 仲有就系番茄…红萝卜……..等等~所以我地唔急于拣火㶽配料…㶽底会干身上, 可以比你望清楚有咩料, 绝对对版!!然后先会响你面前落冬荫公汤…..加汤之后, 卖相都好吸引… 先偷一啖汤试下, 味道唔算太浓郁, 只属微辣, 但系够味…味道啱啱好!!等咗一阵, 就已经滚起啦….好心急~ 好心急~ 等埋泊车果位朋友仔一到, 开餐!!!!!!!龙虾鲜甜, 肉质弹牙唔鞋身, 新鲜货, 而且仲有好多甘香既膏, 正!!海虾 size 虽然无手掌咁大只, 但系一D都唔细, 只只厚身弹牙又鲜味, 正!!至于火㶽料, 我地拣咗:桶蚝 / 芥兰 / 牛膀丸 / 鳝片 / 泰式肉碎饺 / 虾胶酿油条 (唔记得个名) / 贵刁 / 手切本地牛 / 越式生牛肉 x2桶蚝 – 大大只, 鲜甜…芥兰 – 新鲜嫩绿…牛膀丸 – 牛膀味都几重, 感觉新鲜又得意…鳝片 – 新鲜肉脆…泰式肉碎饺 – 其实应该系「生菜包」既馅料, 都几好味…虾胶酿油条 (唔记得个名) – 虾味唔算突出, 不过几弹牙…贵刁 – 就好似食紧冬荫公汤粉咁, 哈哈…手切本地牛 – 有牛味, 不过唔浓, 肉质一般…越式生牛肉 x2 – 呢个牛味都唔算浓, 但系肉质比本地牛嫩…好满足既一餐!!!
继续阅读
因为系朋友介绍, 对呢间野一无所知, 所以当日食之前专登去睇食评, 见到评语麻麻, 不过, 心谂系朋友介绍,差极都系食一次, 所以都照食~~一早订咗位, 所以唔洗等位. 我地6个女仔去食, 佢比张大圆枱我地, 对于我地谂住倾计食嘢既真系好唔方便,间嘢比较细, 每枱都好近, 所以好嘈, 要大声讲嘢先可以.我地order咗个好似叫冬阴公海鲜锅$288, 里面有只细细龙虾, 大蚬, 虾, 细蚬, 菇类少少,d虾极唔新鲜, 只只都好"霉",大蚬一咬劲多沙! 另外order咗烧海鳗(唔记得记钱, 不过份量少), 仲有个set, 烧鱼($138) + 炒大蚬($130)送生虾12只(原价$138), 个虾一黎到就谂,点解唔同样既?! 唔系两食咩?! 我心谂, 可能系送既, 所以无炸虾头啦. 食到差唔多都唔系好饱, 就再order咗d牛肉, 响令,饺子...火锅料, 碟碟份量少少, 再order炒通菜, 其间order咗d饮品, 有椰青, 荔枝沙冰, 青柠soda, 呢d都ok, 无问题,最后再order咗2个椰青雪糕, 个雪糕跟埋杯椰青水, 只系椰青+雪糕, 无咩特别, 其实我唔系好食得出雪糕系咩味!!系整个过程呢间野真系无咩服务可言, 好似得2个男仔+老板做嘢, 仲要成日企系埋边背住大家, 想叫一叫佢地都难,从来唔会望下大家有无咩需要, d垃圾成枱都系, 又唔执, 叫佢地执野都好似唔识执咁样, d嘢又黎得好慢,特别系饮品!! 佢地对人既态度唔系差, 只系无咩服务, 一d都唔细心.食到咁上下听到隔离枱同我一样有一个疑问, 就系个生虾点解无炸虾头?! 个老板话"系呀! 唔系次次有架!!" 我再同我朋友讲返,佢话之前系有架, 唔知点解今日无! 哗.....即系钟意有咩就整咩, 事前又唔同客解释, 好唔老实啰!! 我地傻傻下唔问, 好在人地有问, 先知咩一回事!! 到埋单啦, 我朋友问可唔可以签卡, 我就将我系食评睇到既讲出黎...."系openrice到咩卡都得, 但实际上只收cash.....", 跟住我就再问下啦, 佢地话只收现金, 如果系咁, 做咩唔update返openrice既资料, 如果真系无cash咁点呢?专登出去襟钱都唔方便啦!!最后埋单$1228, 每人$2百松dddd, 呢个价钱唔系贵, 其实味道唔难食, 只系唔值, 大家食唔饱, 又无服务, 用料质素差,又无咩特色, 我唔会建议人去食, 我都唔会再去呢间食.....
继续阅读
真系不吐不快！型姐介绍来到呢间泰肥牛海鲜火锅菜馆食生日饭！不过我地原先订左七点钟六位，来到佢地话我地无订位！因为佢地写错左电话！未有再confirm，所以无位！完全唔觉得佢地自己有问题！当时都有一张枱的，但佢地都叫我地等下先！等到无人来先比我地！睇下有乜食先？不过睇下好了，分分钟叫时佢地会话无的！唔该六只贵妃蚌啦！无㖞！依家无喇㖞！好耐之前写的！黑板手写字都话无？先来个海鲜锅，快ｄ加自助调味料！加完佢地会拎走比第二枱架！前菜试个生虾刺身，都几贵$138得12只海鲜锅好快到了！冬阴功汤底！有一只龙虾，中虾，蚬，少许什菇饮左好多碗冬阴功，晚上知错了！口渴！叫左样唔知乜野饺又话无，最后来了西洋菜饺另外叫了几款熟食红绿咖哩都话无，问佢敢系用乜野咖哩黄咖哩面包软壳蟹最后有生日蛋糕做甜品添！原先侍应拎左碟来，后来见我地个蛋糕细ｄ就换来碗！唔通洗碗会开心ｄ？我真系觉得呢间泰肥牛真系好小家！好多时去ｄ餐厅都会帮你清理枱面后换来新碟啦！我叫佢抹枱就只系抹我前面果一部份！六个人埋单差不多$1500，又话无得签咭！我地都问佢：你地open rice度话可以签咭架㖞！佢居然答我：刚开张果阵系有的，之后无了！喂！你地乜都话之前，又话open rice果度好耐架喇！老板你都要更新下你......地既资料啦！最后都顶佢唔顺，回赠左佢一句！唔该你update下你自己啦！
继续阅读
此店本来主打是泰式冬阴公肥牛火锅, 可是我们却进去来的个简单小菜, 原因主要系我见到他们有烧白鳝。哈哈...有时选择一些东西, 原来就系咁简单。我跟友人都很喜爱泰式生虾, 不怕生虫 (生虫那怕可减肥), 不怕肚痛, 只怕不好吃。不过生虾最紧要还是新鲜, 虾霉了就不可吃。这里的泰式生虾算是中规中矩, 汁酱亦不算突出。不过就肯轻轻酥炸虾头, 脆口可吃。令全只虾都吃下肚! 不过吃这虾头还是趁热吃, 不然就不脆口而咬不断。冬阴公汤粉 -- 算是可以. 不过可能是主打冬阴公火锅的关系 (因为其他人会不停烚野), 如果做汤粉的话整个汤就比较淡, 用料也挺足的。吸引我进来的是这个, 烧白鳝。遁得多年前在佐敦老赵老店吃过烧白鳝。白鳝肉厚而多汁, 底部的皮烧得干脆, 入口还感觉到牙齿轻轻一揉而令底皮断开的效果。可惜自那次之后, 因白鳝来货贵而少有便宜厚肉的, 餐厅就扬走了这项。现在外边很多港式, 湘式, 日式, 各混合式的串烧有时都有一串串的烧鳝, 可是感觉差得很远。烧的是白鳝因为白鳝够肉地, 有嚼头。黄鳝太奀而有肉膻, 不烧。烧白鳝得有心机慢烧, 也得原条烧, 一边烧一边加汁, 如串烧上, 肉质给破坏而且汁液流失。这个烧白鳝算是可以, 不过有些细微的骨未起净, 令口感大打折扣。还是这个串烧, 看卖相都只属一般。 不提, 省篇幅。基本上, 这餐厅的水准是一般, 不过烧烤作料, 确是有可令人接受的效果。除串烧外, 白鳝或鱼等的烤味都算香浓, 生虾也可接受。无奈用料上的成本上升, 价钱也不算便宜。餐厅收铺较夜, 可供宵夜选择。
继续阅读