影片
港铁红磡站 D1 出口, 步行约5分钟
继续阅读
电话号码
35654496
21515654
95939196
营业时间
今日营业
12:00 - 16:00
17:30 - 23:00
星期一至日
12:00 - 16:00
17:30 - 23:00
以上资料只供参考，请与餐厅确认详情
影片
相片
班斓神仙水 & 芒果沙冰
马莎文咖哩牛坑腩配薄饼
+1.1K
+89
食家推介
泰绝科学馆道14 号新文华中心地下10号A舖l位于尖东新开嘅泰国餐厅梗系要试吓，入边非常有格调，枱同枱之间够宽敞又阔落，位于新文华中心的隐蔽小巷估唔到有一间味道出色的泰式小店餐厅仲有好多选择，有小炒，船面，船面份量细细碗，可以品尝到不同嘅味道正宗曼谷三口船面曼谷招牌猪肉河$32曼谷招牌牛船河$32曼谷招牌牛腩泰国蛋面$32 三款迷你船面都各有特色，带有少少辣味，如果太辣可以加入醋中和一下，面质弹牙有口感，汤底用咗猪骨汤同牛血炖制而成，汤底味道浓郁，棉质烟靭弹牙还可以自己配上泰国辣椒，非常惹味泰国生虾$118生虾刺身，肉质爽嫩，虾味鲜甜，配埋旁边嘅泰式酱汁味道更加出众，每一只生虾上面都有一片蒜头同指天椒，味道酸酸辣辣，醒胃刺激，能够将虾嘅鲜味带到更高层次串烧烤猪肉（2 串）$38猪肉加入牛奶去烧，有牛奶嘅甜甜香味，猪肉嘅肉质嫩滑，旁边仲有自家制嘅甜酸汁，每一啖都好好味蟹肉奄列$168份量非常多，最重要系蟹肉嘅份量都相当足够，蟹肉鲜甜，弹牙，连埋鸡蛋一齐食，原来系好夹，鸡蛋仲要煎到非常干身香口，微微嘅焦香龙眼冰$32龙眼味道清甜，味道淡淡的唔会太甜，味道香醇芒果沙冰$48卖相非常靓下面沙冰，打到非常细滑，超级香嘅芒果味道，饮完透心凉，好好饮，口味香甜，香气扑鼻，又够解渴
继续阅读
香港都可以食到正宗泰国船面😍细细碗，你又可以食到几多碗？最近有大量新开泰国餐厅，尖东平时睇落冇乜人，其实附近一带不乏高质餐厅。今次就试咗一间嘅泰国餐厅，菜式睇落十分地道，有多款地道泰国小炒，味道实际上亦唔错。先试试秘制牛奶猪肉串，真心好正，食落真系有淡淡牛奶味🥛味道十分香甜😋猪肉肉质软稔中带嚼劲🐷嚟到呢度一定要试吓！蟹肉奄列🦀奄列蛋味浓厚🍳唔会话煎到太干👍🏼🐷里面食到一粒粒蟹肉十分新鲜🦀同朋友都好满意🧡猪肉船河，猪肉一啲都唔臭🐷肉质爽滑，有猪肉同埋猪肉丸，猪肉丸爽口弹牙。牛肉船河牛肉味浓郁🐮油脂分布均匀，牛肉丸同样爽口弹牙。牛腩船河牛腩又几软腍，加入港式元素，令其菜式更有创意😆三款船河汤底亦浓郁，令面条软硬度恰到好处🍜原只鱿鱼筒🦑好新鲜又爽口，尤其中意鱿鱼须部分。泰式绿奶茶泰国当地人相当钟意饮，绿茶加奶茶配搭出嚟比例均匀，茶味香醇💚斑斓神仙水真系第一次饮😆饮品内食到一粒粒斑斓啫喱，渗出清香斑斓味🍃同泰式绿奶茶一样高质💚
继续阅读
今天我和老婆在尖沙咀的泰绝泰国菜享用了一顿美妙的晚餐。这家餐厅位于新文华中心，是朋友们极力推荐的。佢话香港都可以食到正宗泰国街头粉仔。当我们走进餐厅，浓厚的泰国风情立刻扑面而来，装饰典雅而富有异国情调，墙上挂满了泰国艺术品，柔和的灯光和轻柔的音乐营造出舒适的用餐氛围。职员们的态度也非常热情友好，让我们感到宾至如归。我们的晚餐从泰斗招牌牛船河粉开始，河粉滑嫩，搭配的牛肉鲜美无比，让人欲罢不能。接著品尝了泰斗招牌猪肉金边粉，这道菜的汤味十分浓郁，材料也极为丰富，让人一口接一口。泰斗招牌牛腩干捞面同样不容错过，牛腩软嫩，口感极佳，让我印象深刻。而啖啖蟹肉奄列则是惊喜不断，奄列里面充满了丰富的蟹肉，每一口都让人陶醉。细细碗，你又挑战食到几又碗？ 我们还点了牛奶烤猪肉（2串），这是我吃过最好味的猪肉串，肉质鲜嫩，香气四溢。随后，泰式奶茶沙冰的奶茶味道香浓，让人心情愉悦。杂果手打双重柠檬绿茶则清新可口，柠檬味和杂果的搭配让人感到清新舒爽。小食拼盘中包含了虾饼、鱼饼、泰式春卷和蟹肉卷，每一样都相当美味，令人回味无穷。最后，我们品尝了串烧沙嗲鸡和串烧沙嗲牛，配上香浓的沙嗲酱，让整餐的味道更加出色。整体来说，这次用餐体验非常愉快，菜品的美味与餐厅的环境相得益彰，确实是一个值得再访的泰国餐厅。地道泰国小炒，快来一起体验吧！
继续阅读
最近发现咗呢间泰绝，真系一个好大惊喜！好有泰国街边小店嘅feel，啲装修好有heart一入到去，即刻闻到阵阵香味，等咗冇几耐，我哋就开始点餐。首先嚟个柚子虾沙律做开胃菜，个柚子香甜清新，啲虾新鲜弹牙，配埋酸酸甜甜嘅酱汁，开胃一流！饮品拣咗班斓神仙水同青柠梳打，班斓神仙水香甜清爽，青柠梳打就酸中带甜，消暑解渴一流。主食方面，我哋叫咗三款船河。泰斗招牌牛船河个汤底香浓惹味，啲船河煮得啱啱好，够弹牙，牛肉片片新鲜嫩滑。招脾牛腩河就系我嘅最爱，个牛腩慢火炖到腍实入味，一啖咬落去，肉汁四溢，仲要夹埋啲新鲜豆芽，完美！至于招牌猪肉河，啲猪肉炒得香口，配料丰富，同埋个酱汁劲惹味，真系停唔到口。啖啖蟹肉奄列系我哋嘅心水推介，蛋炒得金黄香滑，入面嘅蟹肉够鲜甜，加埋个特制酱汁，每啖都系享受。牛奶烤猪肉串就香甜可口，猪肉腍滑多汁，牛奶香气浓郁，食完仲想再叫多两串！串烧沙嗲牛都几出色，牛肉够嫩滑，腌料入味，配埋个花生酱，香口开胃。尤其系个花生酱，香浓惹味，完全唔会觉得漏。最欣赏佢哋啲船河全部都系即叫即整，啲汤底香浓，啲粉条爽滑，配料新鲜，真系劲有诚意。佢哋啲船河份量唔系好大，但系够正宗，真系想试下泰国地道风味嘅话一定要嚟试下！最后送俾大家一个贴士：佢哋啲辣度可以跟个人要求调较，怕辣嘅朋友可以加返枱上面嘅酱料中和返。
继续阅读
今日嚟到尖沙咀新文华中心呢一间泰国餐厅，见到佢装修都好新，所以朋友就话想入去试吓！餐厅主打地道泰国小炒同埋特色泰国食品！同埋见到佢有最新嘅主题，主力系船面，都有惊喜，竟然喺香港都食到正宗嘅街头泰国船面！细细碗价钱又抵食，大食嘅朋友应该可以食到好多碗😙🥢嚟到呢度当然要试吓佢嘅船面，试咗佢嘅招牌游船河，招牌猪肉船河同招牌牛腩河！每一碗嘅味道同泰国正宗嘅味道真系非常相似，好似返咗泰国咁！你爱佢有好多唔同嘅配菜包括有通菜芽菜芫荽葱，令到成个口感配搭上更加好食！牛肉亦都选用左新鲜嘅靓牛肉，食落去嘅口感好好！另外猪肉𠮶碗我都非常钟意食佢嘅猪肉丸，喺餐厅自家制嘅猪肉丸非常爽口弹牙！每碗都非常好食，可以试多几种唔同嘅！🥢蟹肉奄列，嚟到嘅时候份量非常多，冇谂过咁大份，中间睇一睇非常多蟹肉，第一次见到有咁多蟹肉既奄列，蟹肉亦都非常鲜味，加埋一齐食，简直就系正！🥢秘制牛奶猪肉串，呢个同泰国街头嘅串烧味道亦都系一样，非常好食，而且再有一个餐厅特别配制嘅酱汁，可以点埋一齐食！我朋友都非常钟意佢呢一个味道，真系做得唔错！🥢泰式生虾，钟意食生虾嘅我，每次去泰国餐厅都会叫，呢一间餐厅都做得唔错，佢嘅虾非常爽口，而且加埋餐厅特别配制嘅酱汁酸酸辣辣，成个口感上我都觉得非常好，而且亦都令人开胃！🥢青柠檬梳打，佢嘅柠檬梳打唔会太甜，饮到本身青柠檬本身嘅酸味道，加埋梳打一齐饮好爽！
继续阅读
您可能会有兴趣的...