影片
之前服务同质素都好好，收银姐姐好快手，次次都系冬阴公米，米线软淋好惹味两个月无来，唔知系咪转左手，寻日食已经觉得米线好硬，无左之前质素，今日谂住可能系一次半次就再试下，落单时仲特登讲明要淋啲，当时个位新阿姐已经有啲唔耐烦。拿到返左位打开黎睇，哇，成旧米线痴系度筷子都搅唔开，去返问下咩事，好在都煮过比我，点知比返我时系用返我之前个胶袋（个袋同筷子已经污糟左），筷子都无比过新的我，真的觉得系咪唔识做生意…
继续阅读
小店无堂食只有外卖，正宗泰国青咖哩味，味道都几辣，配料好多，有泰国圆形小茄子，鸡肉块，仲有好多金不换，可以配饭或者米线，米线系偏幼身同软熟嘅面线质地，米线预先煮熟，冇再同青咖哩煮过，相信系因为主要做午餐时间，要配合返快速节奏饭餐免费跟配鸡汤，送完即止，因为今次叫青咖哩本身都属于饭餐，所以都有鸡汤送汤好够热，有块冬瓜，鸡汤略咸而且好重胡椒味+$6可以跟泰式樽仔奶茶，都系日常饮到嘅泰式奶茶味，午餐可以饮啖泰国奶茶再努力都算一种鼓舞
继续阅读
初黎附近番工，见呢间铺细细，只做外卖，但都劲多人系门外等外卖，于是就走入去睇下有咩野好食！原来专做泰菜，款式唔算多，得几样选择，最后选择试左个无骨海南鸡饭，有野饮重有汤送，又唔算贵！个汤系瓜汤，清清地都ok, 打开买相可以，试鸡先！虽然唔算好滑但又唔系鞋，还可以接受，如有鸡翼都会帮连骨起埋，好方便食！啖啖肉！但鸡翼就有d鸡毛未清晒，可以清一清佢，饭反而就觉得麻麻地，眼见系黄白色，但食落有d干，又无鸡油味，又无姜味！唔知用咩整到黄色！好奇妙！但整体都算可以！
继续阅读
九龙城泰皇阁一向评价不错，又抵食，长期人龙。九龙湾呢间分店位于商贸区，只做外卖，我试咗佢个泰式炒金边粉，未开始食，见到金边粉嘅颜色就已经有啲担心，果然，调味非常不足，甜味与酸味都弱，面条比较干身，冇咩镬气，整体嚟讲有啲失望。反而泰式樽仔奶茶就有惊喜，奶滑茶味浓，好饮。
继续阅读