泰玖 (已結業)

泰式明爐烏頭 $158 原條烏頭以明爐上菜，不算多骨，大部分都是大骨，搭配肉碎、秀珍菇和香茅，還附有湯，隨時可以添加。芒果糯米飯 $78造型像芒果壽司，香甜的芒果搭配糯米飯，一口就可以將兩樣食材放入口。泰玖招牌肉碎生菜包（小辣） $128這道生菜包份量十足，肉碎質地黏，不油膩，鮮香的酸味令肉的味道更加突出。搭配新鮮的生菜和炸豬皮，增加層次感。泰玖 (荃灣)荃灣曹公坊5號地舖港鐵荃灣站A3 出口，步行約11分鐘

最近喺飲食節目見到呢間在荃灣區超高人氣的泰式食店，佢哋嘅介紹真係好吸引，所以決定去試吓。首先，金磚蒜蓉包值得一試，外層香脆，蒜蓉味濃，配上點嘅咖哩牛腩，味道一流。全隻雞翼真係帶來驚喜。由於我哋坐喺BAR台，可以親眼見到師傅用心燒製。雞翼香脆可口，肉質鮮嫩，必吃推介。芒果思樂冰份量十足，好大杯，見到隔離枱都叫。清爽解渴，飲完仲想再叫多杯。蝦餅亦係必吃，大大件，口感脆嫩，蝦肉鮮甜，味道非常好。另外職員態度有禮貌，服務周到。我坐喺BAR台，環境舒適，可以同朋友傾計，氣氛輕鬆愉快。

好友約我去位於荃灣曹公坊5號地舖的 Thainine 泰玖食午餐，環境舒適，坐得舒服。我點左個 無骨海南雞配油飯 $55，小食係泰式炸蝦餅 $12，餐飲係新鮮椰青 $28；好友點左個 泰式招牌豬手飯 $64，小食係芒果糯米飯 $18，餐飲係新鮮椰青 $28。無骨海南雞配油飯賣相吸引，無骨海南雞的雞肉嫩滑，啖啖肉，配油飯真係好味又好食；泰式炸蝦餅香脆可口，蝦肉味濃好味；泰式招牌豬手軟腍入味，伴碟有隻熟蛋👍；芒果糯米飯係即叫即做，上檯時的糯米飯還是帶著熱氣，原來新鮮糯米飯係好好味的，新鮮芒果片好鮮甜；新鮮椰青好好飲。

叫左杯芒果冰沙等左成粒鐘都未到，催左4-5次每次嗰服務員都只係hea我地，敷衍完就算，等左1個鐘落去吧檯催先話而家幫我地整，即係之前催左4-5次都無整？本身以為淨係我地檯係咁，結果隔離檯比我地早叫左杯草莓冰沙到佢地走都無上！幾乎所有野食都等左半個鐘都未上，無諗到嗰串燒上到黎竟然係凍嘅！？真係好離譜，等咁耐至少比d熱野我地食呀今次係二樓度食，全場有4部冷氣結果淨係開左1部，熱到爆🥵真係唔建議去！！

約咗朋友食泰國菜，冇幾耐之前食過一次，覺得唔錯所以再黎食。餐廳有兩層但唔算好大，當晚高峰期都係7成滿左右。唔知係咪唔近地鐵站，所以冇乜人揀黎呢到食。我地4個人叫咗個貴啲嘅2人餐再散叫多咗其他野食share。套餐有齊前菜，海鮮，主食，小菜同飲品。另外散叫薄餅，雞翼，炒河同埋燒牛肉。泰式生蝦(6隻)幾大隻，個汁酸酸辣辣(偏辣)，夾埋個蒜片一齊食好開胃。飛天通菜正常發揮，夠惹味。泰式乾炒鮮蝦河粉上次食過佢地嘅乾炒河之後一直好想再食翻，佢地嘅河粉質地炒完好煙韌，即炒所以夠晒鍋氣，但蝦嘅份量就小咗啲。(上次食豬嘅份量感覺上反而多啲)惹味咖哩炒軟殼蟹又係一道上次食完念念不忘想再食翻嘅一味。個咖哩質地偏杰，微微辣一啲都唔咸，啱晒點包/薄餅/撈飯。主角軟殼蟹都差唔多成個碟咁大隻，另外仲有好多配菜。原本想叫個蒜蓉包配黎食，但可惜佢賣晒，所以叫咗薄餅。泰式蟹肉炒飯雖然炒到啲飯多乾身同粒粒分明，但整體好普通，蟹肉唔係好多，中間有幾條蟹柳咁。燒牛肉原本想叫蠔餅，但佢賣晒，所以轉叫燒牛肉。估唔到又幾好食，牛味都出，燒到5成熟口感軟淋。沾埋酸酸辣辣嘅汁一齊食，更有泰式風味。整體係間好食嘅泰國菜，裝修幾靚幾舒服，唔

之前在電視上看過對泰玖的介紹，其工業風格的裝修和高質量的泰國料理十分吸引！泰式鳳爪沙律這道菜的酸辣味道十分突出，一般的鳳爪沙律相比，辣味更強烈。泰式燒豬頸肉燒得恰到好處，肉質鮮嫩多汁。豬頸肉的油脂分布均勻，使得每一口都充滿肉汁，即使不沾醬汁也能感受到濃烈的泰式香料味。泰式青咖喱雞青咖喱的味道濃郁，椰香濃而辣度則相對溫和，適合大多數人的口味。咖喱中不僅有豐富的雞肉，還加入了茄子等雜菜，增加了整道菜的層次感。搭配蒜蓉包正是絕配。泰玖金磚蒜蓉包每一面都烘烤得金黃香脆，外皮酥脆，佈滿滿滿的蒜蓉醬。士多啤梨活性乳酸菌沙冰菠蘿活性乳酸菌沙冰這兩杯沙冰均散發著濃郁的果香，完全沒有人工香精的假味道。小總結❤️❤️❤️❤️❤️📌燒豬頸肉鮮嫩多汁📌蒜蓉包外脆內軟📌沙冰果香濃郁

聽朋友講有間好多電視台飲食節目推介嘅泰國餐廳，咁啱想食泰菜，於是決定去試試，點知幾有驚喜。🌼金磚蒜蓉包大推，牛油蒜香味超濃，勁大份，食落好實在，用料好足，超抵食😋🌼青咖喱雞咖哩唔會好辣，食唔到辣嘅可以挑戰。雞肉好嫩唔會鞋，茄子超級索汁入味，流飯一流！🌼馬拉盞炒通菜一上枱嘅時候嚇親，真係勁大碟，我哋兩個人食極都有。馬拉盞味好香，配料嘅碎碎好多，好有咬口。🌼泰式豬手飯非常滿意嘅豬手飯🤤豬手炆得好淋好入味，食落啖啖骨膠原，豬手底下仲有啲菜索汁，正！🌼泰式奶茶飲品試左泰式奶茶，茶味幾香，而且唔會太甜，可以試試。見到好多人叫芒果糯米飯，今次太飽，決定下次再試！🎀泰玖（荃灣）📍 荃灣曹公坊5號地舖☎️57282626

[✨荃灣泰玖 ]#泰玖 #荃灣🥢泰玖金磚蒜蓉包 $42好好食嘅一份小食！蒜蓉包烘得金黃香脆，好似磚頭咁堆疊起嚟，好吸睛😍🥢泰式招牌豬手飯 $118豬手大大份，燉得好軟嫩入味，食得出嘅滿滿骨膠原，搭配米飯真係無得輸！🥢泰式燒豬頸肉 $88泰國菜唔少得嘅豬頸肉，豬頸肉焦邊燒到好惹味，份量仲要唔嘢少！配上佢個酸辣汁就更醒神開胃🤩🥢泰式馬拉盞炒椰菜苗 $92同樣係超大碟嘅馬拉盞炒椰菜苗，食落健康又清爽，濃郁嘅馬拉盞味好食得嚟又唔會太油膩，正💯🍹百香果梳打 $30🍹百香果青檸梳打 $302杯野都幾大杯，解膩一流。————————♡♡♡♡♡♡————————✨總結之前已經食過一次，不過見十二月TVB有個飲食節目介紹，又勾起自己嘅心癮🤣餐廳食物分量都相當可觀，性價比高；空間寬敞舒適，平日嚟食都見幾多人嚟食，真係一間好值得推薦嘅泰國菜餐廳😊💞📍泰玖🏠荃灣曹公坊5號地舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港

見好多人話呢間好食，但今次整體用餐體驗不太好。呢日去聽講得一個廚師，出菜都比較慢。而食材都比較唔新鮮，部分食物只係微溫～🥹馬拉盞炒通菜已經係成餐最正常嘅菜色😂～過咗一個鐘先有下一道餸～烤豬頸肉，上菜個陣已經係微溫，部份肉仲要油到滴晒油，但係都烤得香嘅～泰式乾炒雞肉肉河粉同黃咖喱雞，個雞真係唔得，勁雪藏味🤨叫咗五杯嘢飲，有一杯勁耐都未嚟，催咗兩三次先送到🥲..真係冇下次，令人失望………………

很喜歡吃泰國菜，於是上網找到這間位於荃灣的泰玖，最後發現竟然曾被電視台訪問😳 大頭蝦炒金邊粉大頭蝦帶有濃郁的海鮮香味，肉質鮮嫩，外殼炸得酥脆，而金邊粉吸醬汁，加上雞蛋和芽菜等配料，令整道菜味更富口感☺️泰式軟殼蟹金柚沙律這道沙律結合了酥脆的軟殼蟹和新鮮多汁的金柚，加上蝦皮、櫻花蝦、椰子條和蔥花等豐富的配料，酸酸甜甜，非常惹味，個人認為是必點的沙律🥹泰式串燒顧客能坐在bar台位置前觀看廚師燒串燒，泰式串燒的牛肉、雞肉和豬腩肉經過特製的泰式醬料燒烤，帶有獨特的泰式香料風味😋泰式芒果糯米飯糯米飯以壽司形狀呈現，有特色❤️糯米口感黏糯且有彈性，芒果則香甜美，配上帶有濃郁的椰香和淡淡的鹹味，非常好吃🫡下次去荃灣會再光顧🙌🏻

海南雞配油飯，雞肉嫩滑，鮮嫩可口，肥美，又化再加上雞油，實在濃濃的雞味，營養豐富，再配製佢嘅特別醬汁，更加鮮味。泰式臘腸炒飯，呢個我最欣賞嘅炒飯，有臘肉味，亦都有啲蔬菜，甜甜鹹鹹的，粒粒皆分明，口感非常豐富。正宗泰式酸辣粉絲（海鮮），我配咗個海鮮，湯底酸辣適中，粉絲入晒味，我覺得好爽口，海鮮新鮮，再加上一啲蔬菜。一杯熱嘅蜜桃茶，芒果熱茶，我特別喜歡蜜桃茶，好香嘅蜜桃味，仲有啲蜜桃生果粒喺裏面。啱晒冬天飲。好欣賞佢連洗手間都清潔衛生乾淨，特別讚賞呢點。價錢非常之實惠，每個午餐都係50幾蚊，而且免加 1 服務費，簡直就係大眾化嘅價錢，泰國特級風味嘅享受。服務非常之好，又有禮貌，又親切，我好滿意。交通非常之方便，附近就有小巴站，行去荃灣地鐵站都好方便。

💬今次又再二訪心心念嘅泰國餐廳🍴成日番工叫外賣都食唔到最新鮮熱辣嘅口感，今日再黎堂食！！真係截然不同嘅感覺😍-泰式鳳爪沙律🥗酸辣程度岩岩好，前菜黎講都算幾開胃！份量都有好多！抵食之選🥇-泰玖金磚蒜蓉包🍞超！級！脆！口！真係不得了！好好食🤤蒜蓉醬好夠，濃濃嘅蒜香味🥰-泰式串燒（雞/牛/豬 各兩串）豬肉串今次係用左腩肉去整，半肥瘦，燒到好重油香味👍🏻牛肉唔乾身，沾埋泰式酸辣醬，突出到牛嘅味道🤩雞肉燒完都依然好滑口，冇得輸！-泰式燒豬頸肉🐷炭燒原塊豬頸肉，燒到燶邊，好香，入口外脆內軟🥰沾埋泰式辣汁，係靈魂醬汁！！不可缺少！！👍🏻👍🏻-泰式黃咖喱雞🐔好濃郁椰奶香味！雞嘅份量巨多！😆薯仔都好入味！黃咖哩偏甜，適合唔太食到辣嘅朋友食😌-新鮮椰青，好清甜，好似真係喺泰國本土飲嘅味🥇👍🏻-百香果活性乳酸菌屎樂冰勁濃百香果味😂原來百香果溝益力多係咁夾！食呢餐飲埋呢杯，一流😋

荃灣隱世泰菜由於要到荃灣工作，預先一晚book定間餐廳做完嘢去食晚飯。雖然book咗位都被安排坐吧枱位置，上菜後發現吧枱位影相都唔錯🤭🤭食泰菜又點少得飲番杯凍飲呢！呢杯菠蘿益力多沙冰夠曬清新又解膩，賣相亦唔馬虎，我哋兩個人share一杯🥂呢碟乾炒河粉係用正宗泰國正方塊狀的河粉，好煙韌，唔會炒得好油，相比其他泰國菜的炒河粉，份量亦唔少，鍾意食辣椒醬嘅我，仲試埋佢哋嘅辣椒醬，加入炒河粉，簡直係絕配因為叫咗泰式豬頸肉嘅關係，串燒我哋揀咗牛肉和雞肉，牛肉有點令人失望，燒得較為乾身，雞肉就好好味，而串燒嘅靈魂- - - 沙嗲汁🤤🤤🤤就當然冇得輸啦泰式燒豬頸肉亦係推介之一，豬頸肉後依然係好Juicy，配上豬頸肉嘅辣汁份外出色😍總括而言，除咗牛肉串燒之外，其他菜式都好好味，而分量亦唔少，兩個人叫咗呢三碟都食唔晒👍🏻

店名：泰玖地點：荃灣曹公坊5號地舖之前拍拖成日嚟香車街街市附近食嘢，一直見到間泰國嘢都想試，今日又黎開香車街街市附近，一於試試佢，二個人叫了二款主菜同甜品1.泰玖招牌肉碎生菜包 $128生菜新鮮大塊，配埋招牌肉碎好好食，再加上店家有放幾條豬油渣係碟上，三者混合上黎非常好食，肉碎炒得乾身，沒有出水，生菜大塊脆口，豬油渣爽脆無比，好香好惹味2.泰式無骨海南雞（半隻）$108海南雞好大隻，又無骨，點埋佢個自家制醬汁好好食，但醬汁微辣，唔太食得辣就要小心，雞肉嫩滑，肉質肥美，我地專登叫左兩碗絲苗白飯一齊食👍👍👍👍3.泰式芒果糯米飯$68泰玖嘅糯米飯同其他食肆有些許分別，佢會將糯米同黑糯米弄成壽司形狀，糯米上放上芒果片，中間盛載椰奶，但味道係微咸。所以成件食落去，唔似其他店家係甜，所以入口時微鹹，口感好獨特，好味4.蜜桃荼（熱）$38蜜桃味濃郁，微甜，好清新感覺5.泰國絲苗白飯 @18 $36食完真係覺得抵食夾大件，埋單時同店員傾開，佢同我哋講成日都有電視台到訪，拍攝飲食節目，估唔到行下街都會食到間出名食肆總價 $378

晚餐時段，原本滿懷歡喜地想食火山排骨，結果來到店主話冇辦法提供，已經很失望了，結果叫了一個精選二人餐，食到一肚氣，首先是前菜招牌肉碎生菜包反而是最後先上的菜，還要催了幾次才上，一開始催服務員還説我們沒有叫此菜，明明是套餐包的，爲何不先去了解厨房的情況再講呢？之後上的泰式燒豬頸肉，上菜的時候已經是微溫唔似係現燒，結果唔熟要返煮。主食選了泰式乾炒豬肉河粉，結果又話沒有河粉，要改為炒金邊粉，再次無奈地接受，炒金邊粉的蝦肉唔係好新鮮，蝦肉又霉霉哋。連飲品也要催幾次才來，真係冇下次。