泰特色泰國餐廳 (已結業)

放工夜，不如出街食算啦！8點幾見到路德圍間金坊仲有成廿幾人等緊，不如今晚試間新店。其實都有人等架，應該唔會太差嘅。等左大概5分鐘就有位，我們一行三個人點左個必叫的冬陰公湯、馬拉盞炒通菜同粉絲蟹煲。首先上左碟通菜，味道唔錯；之後個湯就都正常，不過帶少少甜。最後個蟹真係大失望😫，啲蟹竟然霉架，我以為一件係霉啦，點知成煲都係霉架，食左一半同個店長講啲蟹唔新鮮，佢仲要堅持啲蟹係新鮮擋😡😡😡 個蟹話晒都成三百幾蚊，點都應該俾返有質素的食材，死蟹都可以上枱俾客食，真係好無良！個店長因為咁送左甜品俾我們，點知啲甜品有少少酸嘅，唉，你叫我下次點會再幫襯呢！

呢排做左(無飯主婦)經常同老公出街食飯，上次見到呢間泰特色泰國餐廳係一樓上去門口望過，見入面都好整潔，晚飯重有88折因為剛食左飯，就決定下次試下今晚就去試下泰特色,我地5㸃50分去到可能早唔洗等位，裏面都係3枱客，侍應生好熱情安排左卡位比我地座，呢到D位好寛濶，唔似有某D泰國餐廳座位迫到放唔到D菜,望下餐牌有2人套餐(冬蔭功湯位上(碗湯超好味夠濃郁👍)柚子沙律,👍炸蝦餅，泰色春卷夠香脆👍主菜咖哩大蝦,(D汁ok唔會太辣，但蝦就唔掂，有雪味👎)泰色豬手好入味👍泰色炒介蘭冇咩特別😞溥餅㸃咖喱汁食好味👍老公加12元叫左枝泰象啤酒我就飲三色冰重有兩件甜品送👍套餐368元加一,，埋單折左386元😃我同老公都飽到捧住個肚，非常滿意呢一餐😃一讚各侍應由開始到走時候個個都熱情招待,泰特色都會係我地食泰國菜ge首選😘

已經幫襯過泰特色好幾次，因為價錢便宜又大碟又好味😋決定要寫一寫食評！而且原來9點後有88折，所以決定今晚晚餐又係佢👏係1樓，要行幾級樓梯，大家唔好上錯去左2樓間放題😂顧明思義即係蠔仔炒蛋，唔會難食得去邊，調味落得啱啱好，唔會太咸，蠔仔份量都足夠，同埋都幾大碟，底仲有d芽菜墊底佢會配埋個甜酸汁，點埋味道大大提升！但一咬入面d料好易散哂出黎，所以食個陣要小心d蝦醬味唔夠，炒得都夠乾身，精華係個3塊臘腸，如果可以多幾塊就好啦😁個人覺得超好食！個燒牛肉好香燒烤味仲有醃得好好，牛肉份量又係超多，佢個沙津係撈埋d類似葱既物體，兩個夾埋一齊食絕配👍但菜既份量都係可以多番d就好啦~要留意個沙津本身都幾辣下，我本身唔太食得辣所以會叫佢少少辣就夠估唔到最後都有甜品送，而且味道都唔差，兩舊都係椰汁糕埋單折左$244，本來佢唔記得左折，我落到樓下計番先知，所以即刻上番去，好彩佢地都有計番，仲記得我地坐邊張枱同係咁同我地講唔好意思，所以都無咩bad feeling，呢間餐廳已經成為我係荃灣會keep住幫襯既餐廳啦☺️

見泰特色都開左段時間，就黎試下，呢日係閒日，所以唔使等位，見有個4人餐，都幾吸引，價錢$786,一共有8樣野食，5行人就叫呢個啦散叫一份生蝦，good! 小食拼盤，以為得3-4款，點知原來係3層架海南雞，半隻，滑咖哩蝦球，好味，個套餐有埋薄餅，可以點汁食胡椒炒蟹，正呀！其實想試螺頭鱷魚肉湯，但無晒，唯有試椰汁雞湯，偏酸，我就麻麻地喇仲有金邊粉，同馬拉盞通菜，菜既份量多，岩我埋單88折，$840左右，環境服務都ok,,坐得比較舒服

今晚嚟到呢度一試，等位情況尚算輕鬆，等幾張檯就可以上樓入座，上樓之前仲可以响樓下預先點餐，好有效率嘅服務構思。先鎖定餐牌上呢兩味。果然係有圖有真相，實物同餐牌比對似樣程度達九成以上，冇好似啲連鎖快餐店咁相靚過食物N倍，好均真。泰式蔭生蝦沙律，其實就係坊間叫慣嘅「泰式生蝦刺身」。所謂沙律亦確實冇花假，皆因沙律底竟然用上刨得好鬼乾淨嘅苦瓜切片。蝦肉爽，醬汁掂；蒜片大小恰到好處，辣椒略嫌多咗啲啲。苦與辣嘅結合配合得天衣無縫，係一道好精彩嘅前菜！食完至寫稿時相隔已經四個鐘頭，冇肚痛，衛生過關。話說肥仔奇從來對於熟魚嘅興趣只流於去人哋擺酒時果一條東星之類嘅大條蒸魚，平時甚少主動食魚。今日唔知做乜嘢點咗呢味泰式明爐魚。眾所周知，呢道菜幾乎無一例外總係用烏頭，而烏頭除咗打冷同泰式酸辣做法之外，其他做法都難以除去烏頭嘅泥味。今晚呢條魚就做得好出色。細骨少、魚肉多；一啖魚配以一口爐中滾住嘅酸辣熱湯嚟食，fit到漏油！又有神奇處，唔明點解呢類爐底易燃啫喱永遠都好似加咗感應器咁，你差唔多食完佢就曉得熄火。青檸梳打早已處理好至上檯，唔係畀支梳打水、糖水你自拮自斟果種飲法。飲落冇特別。泰式凍奶茶則非常奇特，唔係

荃灣真係好多泰國菜,有朋友推介呢間坐得舒服,又高檔feel價錢又唔係貴,上到黎3個人,服務員俾左卡位我們坐,真的幾闊落唔迫,洗手間仲好乾淨,比附近地鋪乾淨得多!我們叫左柚子沙律,好多水多汁好開胃好味,大家不妨試下又唔辣,因為第1度菜食左先記得未影,哈！跟住就到蒜蓉炒芥蘭,幾香有鑊氣,泰式金邊粉,得2隻大蝦,隻蝦甜甜酸酸的,d粉炒得乾身,條條分明,加埋花生碎和檸檬汁好好味! 沙嗲就好厚肉,食肉獸就啱啦,無咩特別, 最有驚喜係海南雞,我們係睇到其他人食才叫,皮爽唔肥, d雞肉又滑, 當然應該係雪雞,難得佢煮得熟唔會有血水又爽滑,配番海南雞醬已經係very good啦,炸蝦餅普通無咩特別,春卷皮夠薄都唔錯*^O^*總括黎講食物有水準,服務員都係泰國人,order時最好講number落單,大家方便

年初二很多人在忘於拜年而小弟卻空閒得很，在荃灣有開的食市寥寥可數，原本想去燒味檔吃雞飯卻沒開，退而選擇有雞吃的泰國餐廳，這間泰國餐廳應該開業了數個月但還在此沒吃過晚飯。位置在路得圍的中心點在兩間豆腐店對面(7-11旁邊)另一邊入口也在松記旁邊，人流極旺。所有菜式都沒有坐地起價，有良心。金黃色的表皮單看外觀已知道好吃與否，入口肉質鬆軟嫩滑，不用點什麼醬料已好吃，必點之選。對於平日點海南雞不算便宜，但在於今天街市還要賣過百元半隻雞的話，這裡是超便宜及抵吃的，又不用自己煮又可吃到便宜的雞，每舊雞肉佔部份比較多，雞肉夠嫩滑有鮮味。蟹肉比較少只有幾片像絲一樣的蟹肉，整體沒什麼特別，粉絲亦沒味道可言。肉鬆配腰果有口感及咬感，提子配波蘿酸酸甜甜跟飯一起大口吃。

食店都幾大..卡檯座寬敞舒服~不過牆身+地磚無吸音食客講野又超大聲..入去果下已經覺得超嘈我地揀坐較隱蔽位置..算好少少~同埋..冷氣都唔太夠(焗)我地點個"辣椒膏炒蜆"($88)d蜆好大隻..份量都ok多~肉質新鮮唔韌口但蜆肉好多沙~汁底唔夠惹味~叫左個白飯撈汁大家不約而同都話連個汁都好多沙~感覺食緊幼沙咁"馬拉盞炒椰菜苗"($68)椰菜苗爽脆..但味道好鹹"冬蔭功海鮮湯"(細-$72)海鮮料ok足~湯底酸辣度唔突出又唔夠濃郁椰奶味太重~同埋..果種椰奶感覺唔係用靚貨飲左幾啖..有少少反胃感~整體食物水準唔掂..服務一般

同細佬兩人去食下午茶，好想食泰國野，見呢間門面唔錯，侍應又喺門口落力招呼，就上去試試。細佬揀左個豬頸肉撈檬，我就揀左個豬頸肉炒河。我地另外每人再加$6轉飲龍眼冰。龍眼冰先到，龍眼肉勁少，又無味，仲要加$6，好後悔。先上撈檬，還可以，但都有待改善。之後就犀利喇，話說細佬個撈檬好快就到左，佢食完，我個炒河都未到，望望張單，個時都距離落單時間已經過左差唔多20分鐘，咪諗住搵個侍應追追，點知侍應A就叫侍應B去睇下我做咩，侍應B又叫侍應C,最後係侍應C過黎~如果好忙，我接受。但果時一啲都唔忙，各自只為吹水，食野嘅而一個推一個，服務就好有問題。好啦，侍應C過黎，我同佢講個炒河等左好耐，檬粉都食完仲未到，個侍應望望張單話去催催，結果佢只係走返去原位發呆。再等左5分鐘，都係未黎，我就再搵人，終於有人話會入廚房催催，幾分鐘後就有位侍應，高聲用國語大叫「現在炒啦」～炒河終於嚟，一食，好咸！嗰一刻，只有三個字「冇下次」！

今次已是第二次幫襯此店的下午茶, 上次是周末, 有八成滿座, 今次為星期三, 相當冷清, 只有窗邊卡位有客。新開張不久, 環境寬闊乾淨, 梳化椅厚坐墊坐得我十分舒適。午餐及下午茶餐有部份選擇重覆, 今次點了一個 $30 炸豬扒湯河及加 $6 一杯特飲龍眼冰龍眼冰清甜而偏淡, 不過我可以接受, 龍眼肉亦即桂圓肉已煲至無味, 只有爽口感, 數量不多, 大約有8-9粒河粉是窄身那一種, 薄而爽滑, 很合我意主角炸豬扒面層有一層炸粉, 一下湯已"皮肉"分離, 豬扒切至香蕉形, 即一條一條但仍有一部份連在一起, 吃得比較狼狽, 肉質不淋不韌, 亦有肉味配菜之一的芽菜無任何草青味, 但仍然爽口成個湯河最令人驚喜的是兩塊紅蘿蔔, 紅蘿蔔的甜味, 已經溶化於湯底內, 而紅蘿蔔同時會吸收湯內精華, 所以非常可口入味, 兩塊實在太少

2/11例牌返荃灣亦係我和車爸爸揾食時間每星期日揾新嘢試已成為我倆習慣,今次食泰式lunch泰特色開業不久車公公試過佢哋嘅下午茶餐大讚好吃又抵食尤其海南雞飯所以使來試試看先選飲品車爸爸要了熱泰式奶茶~茶味不算香濃但也頗滑溜始終不能和港式相比,而我梗係要最愛嘅青檸梳打啦用上泰國玻璃樽裝梳打水特別好氣正正,午餐加$6就可升級了~另外我哋也加多樣升級優惠$22泰式春卷2條成品乾身脆口唔錯,如果有3條會更覺抵食(貪心師拉又上身)hehe~車爸爸點了扎肉雞絲河$40湯頭味道不錯份量也足尤其兩色蘿蔔入味淋甜,扎肉很讚肉質扎實不似坊間有D食店肉質鬆散霉口,不過雞絲就差得很鞋口不在講還有雪味no good到我的越式香茅豬扒湯河$40真奇怪泰國餐廳做越南菜??不過我愛吃就點吧上檯見豬扒有炸粉的可惜冇分開上浸到淋晒豬扒醃得再好都唔會好味能和愛人一起進餐不好吃也開心吧!!

放工在路德圍附近看看有什麼好吃的, 發現有間新的泰國菜餐廳, 叫「泰特色」, 新張有88折優惠, 看看價錢也正常, 就進去吃了。 餐廳是上樓的, 有職員在門口招客和叫飛, 感覺像酒樓的知客 有二人、四人、六人、十二人套餐由於我們並不打算大吃大喝，就沒叫餐 螺頭燉鱷魚肉湯＄６８湯是無味精的味道，好喝。 炒泰國空運椰菜苗＄４８早前聞說椰菜苗好甜好好吃，想試很久了，今次就叫來試試看，有點失望啊，菜有點硬，有點難咬，咬到牙都累，我們都不喜歡。 水晶晶海南雞（１／４隻）＄５８水晶晶海南雞，名字改得好好聽，好吸引，令我想起在新加坡吃過，雞皮呈啫喱狀，雞肉柔軟得像初生寶寶一樣的海南雞。但現在這裡上桌的雞，並不配襯到這個名字，雞肉尚算嫩能入口，但並不是好滑那一種，鄰近的「金坊」海南雞好食多了。餐廳的格局，有點像茶餐廳，又有點像酒樓，座位濶落，坐得幾舒服。埋單是有加一收費的，之後再88折，其實就和免加一差不多意思，折後大約$170。以這樣的質素和價錢，我覺得不會再來吃的了。

今日星期六，大家都放一時，下午興起相約了同事吃午飯，在思考的過程當中，行過一間簇新的裝修，橙紅色設計門面的泰特色，份外深深咁吸引我地的注目，因此，我地諗到唔諗，就合拍地行上裡面的樓梯去。裡面環境都係用以橙紅色為主色，十分寛敝，感覺到好舒適，我地選擇了沙發坐，我地坐的位置，一看到出面的景不太接受到，外面的有露台，周圍都係垃圾，不太美觀。睇一睇餐牌，有分早餐、午餐、下午茶、晚餐、小食、特色飲品等。真係花多眼亂咁，款款多，樣樣都想試，最後，我們兩人選擇海南雞脾飯送例湯 (要多加5元)配龍眼冰 (因為係特色飲品加6元)、冬蔭功海鮮湯米線配龍眼冰 (加6元)。海南雞脾飯的飯大大粒，用了雞油蒸一蒸，就連飯都有種雞的甜味，淺黃色，一震震雞香味好誘人，雞肉肥美甘甜，再配上特製醬汁，美味可口；冬蔭功海鮮湯米線，大大的一碗滿滿的，材料非常十足，十分滿足，海鮮又夠靚，湯底濃郁，米線稍為”淋”一d，俾八個讚。至於我地叫的龍眼冰，就清甜潤喉，口感冰涼，十份喜歡。如果係價錢方面，這種價錢都食都中上質素的午餐，都算係物超所值囉！

家人生日，今天到了荃灣路德圍附近吃泰國菜，不想充滿壓迫感地吃飯，不如給個機會這間新開的"泰特色泰國餐廳"吧！泰特色鋪面佔兩層，像很多茶樓一樣，地下那層是迎賓的，樓上就是鋪面。泰特色的門面較光鮮，或許因為是新店吧！上到一樓，鋪面寬敞，座位也不少呢！點菜先點菜先！ 一打開餐牌，除了平常吃開的泰菜外，還有一頁是冼灝英師傅推介的泰菜，例如"冼師傅拳頭沙律"。沒錯！是TVB的冼灝英，是大聖劈掛的冼灝英，是打泰拳的冼灝英，相信有了這頁，泰特式一定是冼師傅開的呢！這天我們就很保守，沒試到冼師傅推介的菜，只點了壽星公想吃的。馬莎文咖喱牛腩 ($68)牛腩炆得夠"林"，選料位置亦不錯，咬下夠不會痴牙，亦不會太肥膩。咖喱汁香濃撲鼻，但不會搶掉牛味。份量十分足料，以$68的價錢大約有十件牛腩，絕對貨真價實，並不像某些餐廳般把牛腩放面，薯仔、洋蔥等配菜在內裡堆得滿滿。印度薄餅 ($30)我們是絕對不會打咖喱汁浪費掉的！！！今天選了最簡單的印度薄餅，蘸咖喱汁吃簡直是絕配！不過這次的薄餅不是新鮮出爐，不太乾身，但咬下去十分煙韌。蒜子炒西蘭花 ($62)蒜子切碎再炒西蘭花，令每一口的西蘭花滿佈蒜香。通常餐廳吃到的西