泰然 (長發廣場)

营业中

休息中

時不時就會想食泰菜，不過青衣呢頭食物選擇本身已經唔多，如果泰菜嘅選擇就更加少，青衣城嘅泰菜餐廳都已經食過唔少次，見呢間餐廳有唔少好評，今日就行遠少少去長發村嗰邊揾食~ 估唔到係平日嘅夜晚七點幾，餐廳都幾多客，我諗味道應該唔錯~ 有樣嘢令我好驚喜嘅係，呢度居然有火山排骨，自從之前去泰國夜市食完之後就念念不忘，酸酸辣辣又啖啖肉好啱我口味最開心嘅係，二人餐都可以叫火山排骨，我地一行二人二話不説就揀咗火山排骨，明爐大蜆煲同蟹肉炒飯(太肚餓唔記得影低)呢度上菜神速，落咗單唔夠5分鐘已經嚟齊晒所有嘢，抵讚~ 食物方面，呢度嘅火山排骨用乾冰上，打咭效果一流，味道亦一啲都唔輸蝕俾泰國~ 可能為咗配合香港人嘅口味，我哋雖然冇特別叫小辣，但係辣度明顯比泰國食嘅低，酸度就差不多，整體同泰國食到嘅十分相似，仲冇咁辣添，我覺得好正~ 明爐大蜆煲嘅蜆肉食落好新鮮，調味主要係酸酸鹹鹹加上微辣，非常惹味，送飯一流~ 蟹肉炒飯份量十足，飯粒炒得粒粒分明夠乾身~ 總括嚟講呢間泰菜食物選擇多同埋味道不俗，亦都比青衣城嘅餐廳抵食，住附近嘅街坊不妨一試

除咗青衣城之外，長發廣場都有一間性價比高嘅泰國餐廳，環境寬敞乾淨，夜少少就已經好多人排隊。 二人餐 $298 青咖喱牛肋骨牛肋骨份量好多，撈埋青咖喱好入味，而且青咖喱好濃好香，但咖喱份量較少 碳燒豬頸肉豬頸肉好淋好好食，配埋個汁好夾，都算大份，好惹味～招牌蟹肉炒飯個人最鍾意呢個炒飯，蟹肉份量好多，幾乎每啖都食到蟹肉，炒飯粒粒分明，好香口冬陰功海鮮湯 $78冬陰功份量好足，而且有兩隻大蝦，好鮮甜，湯下面有個火令到冬陰功keep住幾時飲都熱辣辣！

難得返娘家，就同媽咪向附近試下間新開既泰國餐廳裝修大方得體，走廊好闊，卡位為主，坐得好寬敞舒適我地叫左個二人餐$298 有三個餸，有兩杯野飲，都好抵食串燒沙嗲自選三串雞三串豬，雞肉質鮮嫩，豬味道唔錯，沙嗲汁甜甜地有花生味，好惹味泰式經典明爐烏頭肉厚大條，有個明爐暖住，魚夠哂熱好好食。湯底偏酸，係泰國特色。有好多配料，蘿蔔絲肉碎香芹蔥洋蔥菇菜，口感豐富泰式經典明爐大蜆煲湯底同配菜同烏頭果個一樣，係主角變做左大蜆。蜆大隻鮮甜肥美，無沙，成十幾隻，好滿足火龍果芝士冰沙（+$18)面頭係一層厚厚既芝士，下面係火龍果冰沙。mix 埋飲到新鮮火龍果味，又有芝士既香味，少少creamy,勁好飲芒果芝士冰沙（+$18)芝士鋪面，下面係新鮮既芒果冰沙，唔會酸，幾好飲

泰然-------------------------粉絲大蝦煲 $138蝦煲係用咗大頭蝦，蝦膏甘甜，蝦肉彈牙，鮮味十足底下粉絲入味，仲有八角胡椒等配料，夠惹味 👍菠蘿海鮮炒飯 $98飯粒粒分明，炒得夠乾爽有鑊氣菠蘿香甜，好開胃份量唔細，抵食飛天炒通菜 $68微微辣，通菜鮮嫩，好食芒果芝士沙冰 $36芒果香濃，中間仲有新鮮芒粒芝士濃郁，同芒果至夾-------------------------泰然地址🎈青衣担杆山路6號長發廣場地下114B號舖

約左朋友去灝金灣打網球，打完就響附近的屋村商場長發廣場食晚餐。朋友話有間唔錯的泰國菜，開頭我都半信半疑，去到商場見到個門口的裝修，感覺已經好高級。話返轉頭，長發商場真系幾靚，領展發展得唔錯，裝修好高檔。用餐時間大概係晚上8點，但係店內仲有好多食客。店內的裝修同門口一樣咁靚，好有泰國風情。每張檯上面都擺左一支清水，感覺機窩心。我地點左個菠蘿海鮮炒飯，半隻海南雞，半打串燒。首先係個菠蘿海鮮炒飯，真系好好食，d海鮮的種類有好多，有魷魚，鮮蝦，青口。D菠蘿好甜，同d飯一齊咬落去，對口感同味覺的衝擊令人一試難忘！而且d飯粒粒分明，唔會好軟，唔會好油，真系超班之選，極力推薦。之後係個海南雞，個雞煮到啱啱好，其實都真系幾考個廚師的功力。d雞已經起曬骨，好滑，而且有肉汁，配合埋個泰式醬汁，真系好惹味，我地兩個大男人有d後悔只係叫左半隻，其實我地一隻都應該食得落。至於個串燒，只能說係同一般的泰式料理差不多，因為同前面個炒飯，海南雞真系好出色。我地叫左一半雞同一半豬，兩隻都燒得好脆，唔錯！最後，當然係要叫多個甜品，去食泰國料理一定要叫的椰汁西米糕，個size比一般的大，真系好驚喜，而且好正宗咁加左d鹽，甜

今日去左青衣做野 個個都話青衣唔嘢好食😅就問下住青衣嘅朋友 介紹左一間泰國餐廳 不過離青衣城大概8分鐘步行距離 我就行過去食下去到餐廳門口又真係幾靚 好有泰國風味 我就叫左個全日套餐 蟹肉炒飯 配埋雞翼 奶茶凍 仲可以加錢轉椰青 好好味😋

泰國菜都食唔少，但好味又抵食嘅都真係唔多，今次就遇到呢間正嘢 👫🏻二人套餐(自選三款菜) $298🦀招牌焗黃咖喱麵包軟殼蟹 必叫‼️呢度既招牌菜，麵包磚好大個，外皮烤得香脆裡面軟熟，入面仲搽咗牛油，食落好香口，點埋咖喱一齊食不得了😋軟殼蟹炸得香脆，有五/六件嘅份量，連埋麵包同咖喱汁一齊食，非常正呀👍🏻🥬泰式肉碎生菜包 肉碎有一大碗，食落好惹味🤤辣度啱啱好，唔會太辣🌶️生菜新鮮爽脆，份量足食哂生菜仲有肉碎淨😹🦐鮮蝦炒金邊粉蝦夠大隻，而且新鮮彈牙👍🏻仲有魷魚同蜆，金邊粉份量都唔少，炒得幾有香氣👏🏻🍹火龍果奶蓋沙冰$16(跟餐價)唔會太甜，幾清新解膩，火龍果味自然同有果肉✌🏻Overall餐廳位置唔算近地鐵站，但食物質素幾高，份量亦好足夠，2人餐3個人share都可以👨‍👩‍👦而且餐廳座位闊落，去開青衣或住附近既朋友，推介試試

今日同朋友去左青衣食一間穩世泰國菜餐廳🤤叫左4人餐 $498可以叫5個菜🇹🇭未食淨係睇價錢都覺得好抵😋🥬肉碎生菜包 肉碎好香多汁，配埋新鮮嘅生菜，味道好清新🐓去骨海南雞(半隻) 一啲都唔肥，去哂骨非常方便，雞肉好嫩滑，配埋泰式醬汁送飯一流🐟經典明爐烏頭 火爐不斷為烏頭加熱，熱辣辣，天寒地凍食個身暖哂🐖豬頸肉馬拉盞通菜煲 滾住上，通菜好入味，同係泰國食嘅味道一樣🍢小食拼盤 有雞串、魚餅、蝦餅同雞翼，沙嗲醬點雞串十分出色，其他都唔錯🍚油飯 +$14 海南雞本身冇跟飯，但食海南雞感覺上一定要配油飯，所以另外加左，粒粒飯都金黃色充滿油香🥥椰汁西米糕 甜品跟餐送嘅，好耐已經冇食過椰汁西米糕，居然可以俾我食到，味道仲要好好，超開心

Intro: 幾個月前青衣嘅長發商場開左間好大嘅泰國餐廳，晚市推出左二人同埋四人套餐， 叫餸係可以專揀坊間少有同特別嘅餸架，每份都好足料好大份，仲可以叫其他炒粉麵飯～___________________🍽 二人套餐（可揀三款菜、甜品各二、兩杯特飲半價）💰298（平日免加一）🍽 招牌焗黃咖喱麵包軟殼蟹 ⭐️8.5/10✍🏻 想象唔到有咁大隻軟殼蟹，最後可以切開四分分黎食；✍🏻 黃咖喱偏甜不帶辣，椰奶味都幾重；✍🏻 麵包好大塊，好鬆軟，好夾黃咖喱。🍽 泰式經典明爐烏頭 ⭐️8.5/10✍🏻 真係有明爐提供保暖，成條魚熱到出煙，烏頭仲好大條好多肉，魚肉唔會散；✍🏻 除左魚外底下仲有好多肉碎同粉絲，口感豐富；✍🏻 而汁就偏酸，魚肉仲可以點甜酸辣汁，都有別一番風味。🍽 泰式鐵板蠔仔炒蛋 ⭐️7.5/10✍🏻 蠔仔炒蛋好大碟，好多蠔仔，但就好快凍左無咁好食；✍🏻 蠔仔大隻，鹹鹹地有少少海水味；✍🏻 相對上呢個餐失色少少，可能更愛中式蠔餅。🍹火龍果奶蓋沙冰💰 32（跟餐半價，16）⭐️9/10✍🏻 真係用左新鮮嘅紅紫火龍果搞拌，仲有粒粒火龍果食；✍🏻 呢杯野嘅份量好大，啖啖沙冰都好重火龍果味，顏色都好靚

👦🏻同母親大人👩🏻去青衣城行街，順便揾d地方影下靚相📸️。由於👩🏻係超級鐘意食泰國野🇹🇭，所以就去左青衣「泰然」食個lunch，同👩🏻邊食邊吹下水。🌟招牌海南雞配冬瓜湯🐔🍚海南雞皮薄肉嫩，咬落去雞皮同雞肉之間有彈彈既啫喱，雞皮相當彈牙，配上泰式酸辣汁更是一絕！（唔點醬都好好食👍）；油飯微黃，雞油香而不油，油飯唔會淋身黏口👍👍，👦🏻除咗叫個餐另外再叫多半隻海南雞🐔。🌟泰式經典豬肉船米🐷🍜船河不嬲最講究湯底，湯底極濃牛味同滷水味，配料有炸豬皮、芽菜、魚蛋、豬肉丸、牛肉、同牛丸，飲落去帶少少甜味，泰式船麵食落掛湯，值得推介！🌟曼谷火山排骨（辣）🌋🌶️排骨採用肋骨排，份量多，起碼有3-4人份量（由於👦🏻同👩🏻食唔哂所以打包帶走左一半），排骨肉煮得腍，肉骨容易分離，煮得亦夠入味。湯底飲落酸酸辣辣，類似冬蔭功果種味道，拎黎送飯一流👍。

朋友試過青衣長發廣場的泰然餐廳話好好食，所以今日得閒便去試下，由青衣站行過去長發大約10分鐘。泰然地方大，座位距離寬敞，大部份都是卡位，坐得非常舒適。食物種類選擇多，我地叫了泰式青㗎喱雞、印度薄餅、椰香鮮蝦柚子沙律、豬手煲、珍多冰同埋芒果芝士沙冰。豬手煲是餐牌的推介主菜，不但醬汁惹味，而且超級腍，腍到用筷子夾起時已有些散開，放入口也不用多咀嚼。另一款餐牌推介的前菜是鮮蝦柚子沙律，賣相吸引，柚子新鮮爽口，沙律汁帶微酸，越食越開胃，如果多幾隻蝦會更好。青㗎喱雞味道香甜，有少少辣，雞肉大大件，而且肉質嫩滑，配搭鬆脆的印度薄餅，真係好味。最後我地仲叫多碟白飯撈㗎喱汁，真係食到舔舔脷。飲品方面，珍多冰夠正宗，芒果芝士沙冰吾太甜，加了芝士杰杰地，仲有芒果肉，口感豐富。整體食物質素吾錯，價錢合理，而且吾洗加一，真係抵食😋

👍🏻二人套餐 $298CP值高抵食泰菜🔥！長發開咗間泰國菜，裝修幾靚又坐得舒服估唔到價錢完全唔貴，晚市嗌套餐仲好抵食$298有三個主菜，另可以優惠價錢升級套餐同跟餐飲品半價，計過比起單點散嗌平咗75折🤪份量好多，2個人食真係飽到上心口，3人share都得🤰🏻係青衣城行5 mins就到，約屋企人朋友食飯，交通都算方便另外仲有4人餐同6人餐-🔸青咖喱牛肋骨牛肋骨肥膏唔多，肉質偏瘦，邊位連住少量肥膏同筋膜，牛味會濃啲青咖喱質地唔算好稠身，但味道濃郁，香料味明顯，椰汁甜味加上辣辣地夠惹味，送飯一流😛建議一定要趁熱食，凍咗燒牛肋骨會變得乾身-🔸去骨海南雞 (半隻)厚肉大舊，半隻份量都幾多，仲係去骨啖啖肉方便食肥瘦適中，雞皮爽彈唔會太肥膩，肉質就正正常常，整體雞味好濃🤤-🔸招牌去骨豬手煲豬手炆得超級軟腍，豬皮直頭係入口即溶個種，瘦肉部份亦唔乾柴😙麻油、蠔油同滷水味炆得入味，不過略嫌就咁食鹹咗少少，送飯就啱啱好-🔸泰式生海蝦 +$68/半打擺盤一shot shot幾靚仔，生蝦冇腥冇雪味夠爽彈，仲有兩款泰式酸辣汁俾你點-🔸冬陰功海鮮湯 +$78熱鍋滾住上枱，下面仲有火仔保暖住，酸辣開胃-🔸甜品拼盤 +

我從來無寫過食評，亦都無諗過要寫，所以個餐黎到果陣，我都無影相。我就叫左個海南雞飯66蚊，加左杯椰汁冰8蚊，同行叫左個炒粉絲加野飲夾埋70蚊，叫左個小食拼盤138一齊食。食食下覺得唔對路，點解有隻雞翼尖？越食越多骨，我睇一睇餐牌，你好野呀👍招牌海南雞飯👍👍先入為主左，我以為海南雞飯係無骨添🙇‍♂️🙇‍♂️老實講，味道無咩大問題既，小食拼盤種類都唔少，椰汁冰都好飲既，但係我唔會再幫襯第二次。

住附近想食泰國菜所以外賣自取，平時幫襯開生菜包外賣賣$81，肉碎另外有一個盒裝，但現在裝埋一齊，肉的份量比以前減少了，菜的份量一樣，生菜包價錢無變，見食評話抵食，見仁見智吧。

今日去咗青衣探朋友，順便食埋飯，朋友介紹在這附近有泰國菜食，就決定食泰國菜。入到餐廳這裏地方寛敞乾淨，細看餐牌，有很多選擇。選了一個馬拉盞豬頸肉炒芥蘭，送到我的面前香味撲面，吃一口芥蘭，芥蘭爽脆有口感，加上馬拉盞的鹹香10分惹味，豬頸肉入口爽淋，正！點了一個招牌黃咖喱麵包軟殼蟹，四四方方的麵包經過局製，表面金黃色而且卜卜脆，麵包中空，放了黃咖喱玄學蟹，吃一口沾了黃咖喱的麵包，麵包入口香脆和滿滿的咖喱香，非常好味，另外軟殼蟹也炸到卜卜脆，口感一流。點了一個泰式生蝦，生蝦加上橙色的和綠色的泰式汁，生蝦蝦肉爽淋有口感，連生蒜和泰式汁一齊食，正式泰式風味。，點了一個明爐烏頭，烏頭十分大條，吃一口魚肉十分新鮮，加上他的泰式做法，酸酸辣辣十分開胃。最後加上一杯椰汁冰，香濃的椰汁味冰凍透心涼，今餐十分滿足，餐廳性價比高，還會再來。