泰然 (長發廣場)

营业中

休息中

## 食評：母親節慶祝晚餐今次我跟老婆同外父外母慶祝母親節，選咗第二次嚟到呢間餐廳，真係性價比好高，味道亦都非常不錯！海南雞食咗第二次，依然好好味，加上佢嘅靈魂醬汁，簡直一流！青咖喱雖然偏辣，但味道好惹味，仲加購咗蒜蓉包來點醬汁，搭配得好好。其他食物基本上同上次一樣，保持住一貫水準，炒飯都非常好味。魚餅同蝦餅係外母大人要求加購嘅，$20一份，味道尚可，大家都開心。整體嚟講，四個人食得好滿足，性價比真係一流！飲品方面，本來係半價，但唔知點解有新優惠，跟餐由$36變咗$12，真係非常抵！整體用餐體驗十分愉快，期待下次再嚟！

又係好耐，冇去過青衣，行吓行吓去咗長發街市，隔籬有個商場仔，見到好多學生同埋附近啲人去食飯，咁咪又去食吓lunch今日揀咗呢間泰國餐廳，見到啲set都幾抵食我哋就叫咗個二人餐，A揀一款B揀兩款A我哋叫咗明爐烏頭B我哋叫咗生菜包同埋雞半隻飲品跟咗個鹹檸檬梳打同埋龍眼冰明爐烏頭原條烏頭遇上，上面仲有勁多蔬菜同埋肉碎，配埋個酸酸美味嘅湯汁，非常之惹味，條魚好新鮮，而且冇乜鱗，啲蔬菜煮腍晒之後好好食^_^生菜包我哋就要求翹小粒，估唔到細細隻碟都好多肉碎，而且個口味好啱我哋，佢仲有半隻青檸俾你調味海南雞半隻海南雞無骨唔使驚，俾啲骨拮親個嘴，而且隻雞好滑，好食到不得了，配埋啲汁個青檸梳打喺QR code落就只能嗌少甜，但我就叫返侍應幫我改就另一個係龍眼冰，龍眼冰好香濃

估唔到青衣長發邨有間街坊價，質素又OK嘅泰菜餐廳啵！-泰式海鮮炒金邊粉有鑊氣！一上枱就見到滿滿嘅份量，堆度好似成座山咁，泰式金邊粉嘅粉絲會鍾意😌-泰式豬頸肉小食6片mini size嘅豬頸肉，燒得燶邊又有焦香😋-冬陰公海鮮（揀咗配金邊粉）啱唔食得辣嘅人，因為個湯底係少少少辣，我呢啲咁唔食得辣嘅人都食到😏 份量充足，餸都有好多既～-泰式鳳爪沙律整得酸酸瞇瞇好開胃，有6-7隻，再加啲新鮮嘅紅蘿蔔絲、蔥、蕃茄仔及生菜，推介👍🏻-飛天炒通菜香港少見有飛天炒通菜🤔 偏辣好夠調味，份量又係好充足，但真係要食得辣先好嗌，因為會越食越辣！🥵😏-千層糕正常發揮～-椰青兩個字：清甜！🥥-芒果芝士沙冰🥭🍧呢個正吖，因為食泰菜會有辣嘢，芒果加奶解辣一流😉 一路食仲一路啜到粒粒芒果肉😋

雖然唔近地鐵站，但行過都係10分鐘左右。今次係黎食午餐。週末午餐時間2點零 2個人黎都可以坐卡位。有下午茶menu 但午餐好似吸引啲蠔仔煎蛋飯 唔係普通蛋炒蠔仔，勁。大。份！而且個蛋仲可以煎到有小小焦脆。。。蠔仔都唔算”仔” 都有一節手指甘大。 配埋辣醬好好送飯青咖哩牛腩飯 青咖哩都係好正路，辣味適中。 牛腩可能先係呢個菜式既賣點。牛腩本身牛味好夠又夠淋，又完全無渣。 雖然牛腩配青咖哩就因為太有牛味搶左小小咖哩 但2樣都好食既

性價比爆燈，份量超出預期今次同女朋友去咗間泰國餐廳試下佢哋嘅二人套餐，$298，再加多個冬陰功湯（$78），一開始以為份量唔多，怕唔夠食，所以仲加咗個薄餅，點知最後竟然食剩一半，真心物超所值！---## 海南雞配醬汁超驚喜首先要讚下佢哋嘅海南雞，雞肉嫩滑，雞皮唔油膩，最正係配埋嗰個醬汁，鹹香帶少少酸甜味，開胃一流，拌飯或者配麵都好夾。---## 冬陰功湯酸辣開胃冬陰功湯都係必試，湯底酸辣度啱啱好，蝦同海鮮份量足，湯味濃郁，飲完成個胃都暖晒。$78呢個價錢真係抵飲。---## 咖喱軟殼蟹偏甜，味道略嫌單薄咖喱軟殼蟹賣相吸引，用麵包做底，咖喱汁淋晒上面。不過味道偏甜，咖喱味可以再濃郁啲，軟殼蟹煎得脆身，但整體味道有啲單調，如果咖喱再重手啲就更正。---## 金邊粉份量夠，味道正宗金邊粉（泰式炒河）份量好多，蝦大隻又新鮮，炒得唔油膩，酸酸甜甜，花生碎加埋更有層次感。呢個真係幾有泰國街頭小食嘅感覺。---## 印度薄餅意外飽肚薄餅原本以為係細細片，點知份量幾多，外脆內軟，拎嚟點咖喱汁或者冬陰功湯都一流，結果太飽，最後食唔晒。---## 飲品賣相吸引飲品方面，我哋叫咗芝士奶蓋芒果沙冰同芝士奶蓋紅

同啲鄰居打完波老遠喺新界過嚟新界西食晚飯。因為佢哋之前食過呢間話好出色，咁就跟隊過嚟試吓啦。試完之後又真係冇失望喎，三個人叫咗二人餐再加少少嘢食，先上個吐司，個軟殼蟹d咖喱偏甜夾埋個麵包食就啱啱好。個海南雞相當滑，就算食雞胸都唔覺得佢嚡。個冬陰功湯份量雖然唔多，但係佢起碼有兩邊大頭蝦同埋啲蝦肉係爽口。真心好多出邊啲冬陰功湯啲蝦肉都冇呢一間一半嘅水準。另外加咗個泰式生蝦，佢有紅汁同埋青汁，兩個汁都BB辣帶酸。我就將啲汁撈埋落去啲生菜包啲肉嚟食效果更佳。另外值得睇係佢嗰杯芝士火龍果冰，初頭唔為意飲落去有少少鹹香，後來再睇清楚個餐牌原來係芝士整到奶蓋咁，啲火龍果唔太甜，飲得出佢冇另外加糖，值得加分～呢餐真係滿足到爆燈！

今日來了高質泰國菜～這餐廳性價比高～餐牌有多款套餐選擇～因應唔同人數可以揀唔同既套餐～今日同爸爸兩人食～點了一個二人套餐。套餐上有一埋食物名單，可以揀指定數量既野食，款式又多，總有岩自己心水既野食。點了一客無骨海南雞半隻～份量好足料，海南雞件又嫩又滑，啖啖肉超滋味，仲有個美味醬汁，沾上來食，帶點點香香辣辣，相當惹味。鮮蝦炒金邊粉，大大份好惹味，夠鑊氣。拌埋花生碎等等配料一齊食！金邊粉又香又美味，仲配上唔同食材：爽口彈牙鮮蝦、豆腐卜、魷魚等等，相當滋味。另外焗黃咖喱麵包軟殼蟹，這個菜式賣相吸引，大大件的麵包磚，淋上熱辣辣既黃咖哩～黃咖哩又香又吸引，而且香而不辣的，非常吸引！大人小朋友都岩食！仲有兩隻軟殼蟹放在麵包磚上，餐廳把軟殼蟹分為四份放到麵包磚上，食用時非常方便。軟殼蟹金黃香脆，脆卜卜，啖啖肉，相當滋味呢。食了一頓又抵食又高質又飽肚既泰國餐！

📍 泰然 (長發廣場) (青衣)青衣担杆山路6號長發廣場地下114B號舖✨ combo set 四人餐 💰488🤎泰式經典明爐烏頭明爐烏頭一上桌，香氣四溢，魚身烤得剛好，肉質鮮嫩，配上泰式酸辣醬，味道更加出色！🤎泰式肉碎生菜包肉碎唔單止鮮嫩，仲有啲微辣嘅味道，搭配生菜，口感清爽🤎炭燒豬頸肉豬頸肉炭燒得恰到好處，外脆內嫩，咬落去多汁，搭配佢哋嘅特製醬汁，味道更加豐富🤎泰式蠔仔煎蛋蛋香濃郁，蠔仔新鮮，口感滑溜，每一口都有海洋嘅味道。雖然係一個簡單嘅小食，但味道真係出奇地好！🤎去骨海南雞半隻肉質軟滑，醬油味道淡雅泰式千層糕 💰38泰式千層糕，口感細膩，甜而不膩馬拉盞炒椰菜苗 💰78馬拉盞炒椰菜苗，帶有微微嘅辣味，搭配清脆嘅椰菜苗，清新又唔膩Overall: 😋😋😋😋.5/5回頭: yes，無論係味道定係環境都非常唔錯！下次有機會再去，仲想試其他菜式！如果你鍾意泰國菜，絕對唔好錯過👍🏻

📍 泰然 (長發廣場) (青衣)青衣担杆山路6號長發廣場地下114B號舖今日我去咗長發泰然餐廳，食咗佢哋嘅四人餐，品嚐咗幾款泰式經典美食👍🏻👉 泰式四人餐💰488😋😋😋😋.8/5✨泰式經典明爐烏頭這道菜真係唔可以錯過，魚肉鮮嫩，口感一流，搭配特製辣醬，辣味適中，令人欲罷不能！✨泰式肉碎生菜包肉碎味道濃郁，生菜清脆爽口，兩者結合得恰到好處。每一口都充滿香氣，真係好適合作為開胃菜。✨炭燒豬頸肉這道炭燒豬頸肉煮得剛剛好，肉質軟滑，煙燻味道突出，配上特製醬汁，令人回味無窮。推薦給喜歡肉類的朋友！✨泰式蠔仔煎蛋煎蛋外脆內嫩，蠔仔新鮮美味，帶來海鮮的鮮味。這道菜的口感層次分明，真係好正！✨去骨海南雞半隻雞肉嫩滑，醬汁清新，搭配香米飯，簡單卻又好味，令人一試成主顧。✨芒果芝士沙冰 套餐加$12作為甜品，這道芒果芝士沙冰清涼可口，芒果味濃郁，芝士的醇厚感令整體口感更加豐富，值得一試！回頭: yes，泰然餐廳提供嘅泰式食品真係好正，無論係味道定係擺盤，都令人感受到泰國美食的魅力。如果有機會，絕對值得再次光顧！

位置：泰然 (長發廣場) (青衣)青衣担杆山路6號長發廣場地下114B號舖，巴士長安總站隔離就到長發廣場，交通十分方便。食後感：馬沙文咖喱牛筋腩飯牛腩軟淋入味，牛筋軟糯有膠質，咖哩唔太辣，椰香味濃，香料味岩岩好，配埋白飯好惹味。冬陰公海鮮湯米線冬陰功湯，甜酸味適中，啖啖入口香甜味濃，湯底大概十小辣，辣度岩岩好，唔會食到好辛苦，海鮮都好足料，有蝦、魷魚、沙白等等。沙白冇沙鮮甜，配埋米線爽彈滑，十分唔錯。泰式奶茶茶底濃，口感滑唔太甜。紅豆冰奶味香濃，紅豆軟棉冇渣。串燒雞豬（半打各半）雞肉配上雞皮，焦香濃味多汁，沙嗲醬有花生味，小甜香濃。豬肉卷濃味肉感重，雞肉同豬肉同樣好味。每串都好大串，抵食之選。餐廳有午市套餐/晚市套餐，午市平均價錢都係$50-60，大件夾抵食🥰🥰

今晚收工返咗嚟屋企附近嘅商場食飯，因為就腳同埋方便，今晚食泰國嘢食，所以揀咗呢一間。我哋嗌咗個二人餐，分別嗌咗炒金邊粉，咖喱麵包軟殼蟹，同埋半打串燒，全部雞，因為鍾意食雞。因為好肚餓，所以個金邊冰一上嚟就差唔多俾我哋食晒，之後係好新鮮味道非常之正宗既串燒，啲雞肉好鬆軟唔硬，保留咗肉汁係個肉度，同時燒得好脆口，加埋佢個醬汁，非常之特別，喺出邊啲餐廳好少見過呢一類嘅醬汁，佢係結結地好似忌廉咁樣，特別好食嘅。之後嚟咗個咖喱麵包軟殼蟹，嚟到已經十分之吸引，賣相好好，啲咖喱係唔辣嘅，好有咖喱味，我呢一啲唔食辣嘅嚟講係非常之好嘅，而個麵包非常之鬆軟，有埋啲咖喱汁一齊食，非常之美味，軟殼蟹份量慷慨又炸得香脆可口，非常出色最後嗌咗個甜品拼盤，有芒果糯米飯，椰汁糕，桂花糕，奶茶布甸，非常之豐富，食過返尋味，非常之新鮮同埋個糯米飯非常之煙靭好有口感。呢餐飯非常之滿足，兩個人食啱啱好，唔多唔少，價錢合理，地點就腳方便。#泰然

再次來到這家泰式餐廳用餐，泰式無骨豬手飯和泰式海南雞飯都各有千秋，值得一試。無骨豬手飯的豬手肉質滑嫩，配上濃郁的泰式醬汁。每一口都充滿著豬手的獨特風味。至於泰式海南雞飯，雞肉煮得恰到好處，既嫩滑又多汁，搭配上香軟的油飯，平衡了口感和味道。冬瓜湯清淡爽口，提供了清新的口感。最後，追加8元的暴打檸檬茶是一大亮點，檸檬茶清香四溢，冰涼解渴。這家泰式餐廳不僅提供了豐富的美食選擇，而且每道菜都充滿了泰國風味。

隱藏在屋邨商場既傳統平民化泰式餐廳，親民價錢，值得一試。每次來都係專一的order招牌海南雞飯配冬瓜湯，啖啖肉無骨，雞肉香滑，黃薑飯超好味，不油膩。海南雞飯轉雞脾加$10海南雞飯配冬瓜湯～黃薑飯百吃不厭，雞肉滑冬蔭公湯～套餐加$8～酸酸辣辣，好傳統既泰式冬蔭公味道

特意OpenRice找商場內食肆參考，見此餐廳食評不錯，即管試試。進了餐廳有驚喜，多款套餐選擇，非常便宜出餐快，火山排骨，肉嫩好吃咖喱牛筋腩黃咖喱很香，牛筋也淋。串燒不會很乾，醬汁也超級好吃。只是卡位座位有點狹窄，不是那麼舒適。員工服務態度良好，下次一定再來光顧試其他菜式。飲品方面珍多冰，椰汁不會太甜，入面材料豐富。此店舖位置也方便長發商場入口直入轉左便是。吃後回家也不感到口乾，所以應該沒有落很多味精。

最近同朋友食lunch，喺青衣長發商場入邊發現咗性價比超高嘅泰式餐廳，服務好，上菜速度仲要超級快。首先我哋叫咗兩杯餐飲，一杯泰式嘅檸檬茶，同埋一杯龍眼冰，兩杯都唔係好甜，十分健康😋菠蘿海鮮炒飯鑊氣好夠，有茶記feel，份量大，係兩個人嘅量。飯炒得好乾爽，粒粒分明，海鮮都好足料，口感超豐富。椰青蜆湯湯好潤，暖肚，冬天飲啱哂。d蜆超多，又有蘑菇，好好飲。沙爹串燒我哋點咗豬，雞雙拼，沙爹醬好地道，肉質都好嫩，燒得好夠火喉，陣陣碳燒嘅味道，但係略嫌肉質比較嚡。總括而言，一間幾好嘅泰式餐廳😬