泰濃麵 (樂道)

营业中

休息中

今日同家姐都係尖沙咀, 好耐無食泰國野,於是約埋食哩間泰國船麵餐廳係樂道巷仔中間,都幾易搵到,入到鋪頭D職員都好熱情好有親切感我地當然簡佢既皇牌船河同冬蔭功薯粉,我地船河簡左雞肶肉,個湯底好濃郁,配埋河粉好夾,而且雞肶肉夾埋都好夾湯底,加埋掛湯既河粉好好味我就簡左個冬蔭功湯底,簡左我最愛既薯粉,餸方面簡左頂級安格斯牛肉,湯底本身有蝦,蟹柳青口同秋葵,夾埋酸酸甜甜,湯底食得出好新鮮,同牛肉都好夾,食食下差D連個湯都飲曬我地仲叫左個青木瓜沙律,雖然佢同冬蔭功湯底都係一條辣椒,但佢明顯比較辣小小,但愈食惹味,好泰式仲叫左杯熱泰奶,好正宗,而且我走甜都好好飲,最近唔敢去泰國依然可以食到好味既泰國野

我地叫左一碗羊肉片船河湯底河粉，河粉幼滑，船河湯底濃郁，仲有脆炸豬皮，蘿蔔，彈牙白魚蛋同埋秋葵，份量都幾大碗船湯湯底入味又濃郁，羊肉片都幾多。另外叫左一碗美國肥牛冬蔭功湯底金邊粉，金邊粉口感比較彈牙，配埋冬蔭功湯底少少酸辣好惹味，仲有海鮮食，入面有蝦，青口同蟹柳，芫茜放面好吸睛，冬蔭功味刺激味蕾既惹味。脆炸燒腩仔，呢份小食真係好香脆，五花腩炸至外脆內軟配特別既醬汁好好味$88有甘多塊又肥瘦適中甘有層次真係好推介既小食之一。

隱世泰國味道，必試推介！🍜🇹🇭🌟 頂級美國肥牛船麵 呢碗船麵簡直係滿分之選！🥩🐄 肥牛嫩滑，肉味濃郁，湯底帶有微微藥材香氣，濃郁得嚟又唔會太重。配埋Q彈嘅金邊粉，啖啖都係幸福！😍🌟 卜卜蜆冬陰功湯金邊粉 真心要讚！🦪🍋蜆肉鮮甜又飽滿，每隻都好大粒，冬陰功湯酸酸辣辣，勁開胃！金邊粉吸收晒湯汁嘅精華，每一啖都係濃郁泰國風情～🔥🌟 泰式香茅斑蘭梳打特飲 飲品方面，香茅同斑蘭嘅香氣絕對係亮點！🌿🥤氣泡感帶嚟清新嘅口感，飲完即刻refresh！夏天飲一定係一大享受！🌟 泰式青檸梳打特飲 呢杯真係超級清爽，青檸嘅酸香配埋梳打嘅氣泡感，💚🍋解渴一流，飲完精神百倍！🍴🎉CP值高，值得一試！大家快啲mark低，下次揾日去試吓啦～@siam.noodles#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食泰濃麵 (樂道) Siam Noodles (Lock Road)每日12:00 - 21:45 地址 尖沙咀樂道7號嘉樂大廈地下A號舖Shop A, G/F, Kar Lock Building, 7 Lock Road, Tsim Sh

運動後最適合大魚大肉除了食燒肉海南雞都係very nice 嘅選擇所以久唔久發掘吓小店嘅海南雞就成為我嘅新嗜好🔥🔥走入作為泰國餐廳一定可以揾到海南雞嘅蹤跡當然bonus mark 係因為佢可以單叫雞牛刀小試半雞（走皮嘅話其實係唔夠食）雞肉幾爽彈嫩滑少少雞黃油入口幾香另外朋友就叫咗餐廳招牌和牛冬陰公河粉Feedback 係湯底夠辣夠惹味河粉都滑嘅～整體足料另外追加嘅青木瓜沙律正常發揮鍾意辣嘅朋友會幾歡喜因為都真係幾辣

哩間泰國麵食餐廳比較特別，好似我哋香港嘅車仔麵咁首先我哋要揀咗湯底先湯底就已經有好幾個味😆 我就梗係揀咗佢嗰個船湯啦 咁先夠似泰國㗎嘛而麵都有好多種，又有河粉，黃麵，金邊粉，薯粉，河粉係必須的🤭跟住就到揀配料，我就揀咗卜卜蜆啦，跟住我朋友就揀咗雞髀肉另外見到佢有炸芝士雲吞，我仲揀咗個炸盤小食黎試下勁快，就已經上菜啦跟住原來碗麵已經勁多配料，又有蘿蔔，芽菜，魚蛋 勁大碗😍個船湯好好味🤤 蜆都好多隻雞髀肉好淋好入味唯一覺得美中不足嘅就係個芝士雲吞，如果可以加少少肉就正啦😆

今日係尖沙咀行完街，想搵間好味嘅街邊小店，見到依間好受歡迎嘅泰國粉麵，一於試吓😍 主打船麵湯底，同朋友各嗌咗一碗都覺得好唔錯，仲有多款小食，選擇豐富🍜雞脾肉 船湯 配泰式河粉🍜頂級安格斯牛肉 船湯 配黃麵兩款肉都好唔錯，特別係安格斯牛肉，送上枱仲係生嘅，浸多幾秒熟晒就可以食啦，口感好嫩滑，仲有大粒魚蛋勁彈牙😋 份量好足，食完一碗好飽肚🍹青檸梳打用上樽裝泰國梳打水水，飲落特別爽口好多氣😆🍹熱柚子蜜

🇹🇭呢啲美食真係令人食到停唔到 好想再試其他菜式 🍽️❤️=====================Food list📌🇹🇭卜卜蜆船湯金邊粉真係好正呀 湯底鮮甜蜆味十足配埋滑滑嘅粉好味到爆 💦🇹🇭海南雞飯就係經典啦 雞肉嫩滑米飯香口 食完仲想再嚐一碗 🍚🍗🇹🇭原個泰國椰街 Coconut 嘅椰子味道超濃厚 每一口都好享受 🥥🇹🇭凍泰式奶茶真係好涼快 喝落去甜甜地 好適合夏天 ☀️🥤🇹🇭炸蝦片就係零食界嘅王者 脆脆的口感一口接一口停唔到 🦐✨

芫茜山船湯配金邊粉 $84這碗湯頭非常渾厚，香辣中帶有芫茜的清香，真的超級開胃，金邊粉吸滿了湯汁，一入口就感到湯汁在口中爆開，絕對是個過癮的選擇。頂級安格斯牛肉冬陰功湯麵配黃麵 $94濃濃的湯底，配上頂級的安格斯牛塊，是個絕妙的配搭，是一碗有份量嘅黃麵，再加上充足的配料，這一個頂級，絕對配得上。香茅斑蘭梳打 $29味道夠清新，平衡濃味湯底。凍泰式奶茶 $29是濃烈的茶香，特別的飲品風味，適合喜歡嚐鮮的人。

見到網上有人介紹芫茜山船麵～特登黎試試佢！入到黎5點幾，原來仲係下午茶時段（下午茶做到6點），50幾蚊個麵，平正價2 30蚊，豬牛雞 加三款湯total 9隻味有得揀，加上有得揀唔同麵底，平日人都唔多唔洗排隊，值得一戰！不過想食嘅芫茜山味下午茶就冇包～照嗌啦澎湃！以前都有食過其他店咩咩芫茜米線個啲，都覺得唔算好出味，原來係未夠多😂啖啖都滿滿芫茜～好正！黃麵就似車仔麵油麵😂朋友食金邊粉就覺得幾唔錯～冬陰公味唔算好出 唔知係咪俾芫茜覆蓋左味蕾而缺點係得隻蝦😂冇肉 咁比起下午茶又好似冇咁抵 睇下點取捨啦我自己就可能口痕時會再黎食多次滿滿芫茜山

泰濃麵雖然鋪位唔算大，不過裝修頗有泰式風情主打泰式湯河，可以自選冬陰功湯、船湯、清湯。我地叫左黑豚肉船面，冬陰功卜卜蜆湯飯，另外嗌左一個小食炸芝士雲吞。船面湯底濃厚，好多配料，除左黑豚肉仲有魚蛋，蘿蔔，泰式炸豬皮等，炸豬皮浸落湯裡索晒D味，好好味好滿足😌。冬陰功湯地酸酸辣辣，不過唔會好辣，幾開胃，配上鮮甜蜆肉，撈飯一流。芝士雲吞好特別，雲吞表皮好薄，炸到好脆，入面芝士🧀好大舊，軟糯可口可以拉絲。

尖沙咀雖然是遊客區，但不是間間都咁貴，仍然有平靚正的食店，今日來到樂道的「泰濃麵」食碗招牌船河，食物質素高，可以自選配料和麵身，還有多款泰式小食和飲品，簡簡單單已很滿足。《卜卜蜆船湯黃麵》$94蜆肉粒粒飽滿，為整碗麵增添鮮味，加了兩粒彈牙的白魚蛋，麵身順滑特別掛湯，吸收了湯的精華，很有口感。《頂級安格斯牛肉船湯麵》$94船麵的黑色湯底味道極為濃郁，入口好香好醇，配上軟滑的安格斯牛肉，半生熟剛剛好。《香茅斑蘭梳打》$29淡淡的香茅味和斑蘭味很夾配，相輔相成，清新解渴。

年尾了又是約舊朋友見面的日子👩‍❤️‍👩選擇了我至愛的泰國菜 ♥️♥️尖沙咀是我倆的中心地點非常方便👍就在iSquare的細行隔離店內以木質格調為主潔淨光猛，服務員親切勤奮，客流國際化🤭✅卜卜蜆船面份量不小香氣撲鼻，賣相吸引蜆肉大隻鮮嫩，用料豐盛，蘿蔔入味薯粉超級彈牙可口，麵質掛湯✅泰式鳳爪 賣相色彩繽紛，刺激味蕾 甜酸辣味樣樣齊軟骨咬下去極具口感，紫洋蔥爽甜脆口😋✅炸芝士雲吞三角形外邊金黃脆口配上芝士的香軟 🧀整體不油不膩✅蝶豆花特飲 🍹賣相深紫色感覺很夢幻哦 😍✅熱薑蜜 ☕超足料，去寒暖胃，心身靈都得到呵護

想食泰式嘅麵，我個人就好鍾意嚟呢間泰濃麵啦佢嘅面真係好好食，特別係佢嘅冬陰功湯底，會附送海鮮，包括蝦蜆、蟹柳等等，仲要唔使另外加錢，超鍾意呢個湯底！另外，面底除左有普通面之外，亦有得揀薯粉，薯粉煙煙韌韌，非常之好食，再加埋和牛，更加正啦！🥰🥰唔想食麵嘅話，呢度有海南雞飯㗎，佢嘅海南雞飯好滑，醬汁香，油飯又好正。嚟到泰式餐廳就一定要叫返佢個泰式梳打水啦，勁有氣，仲可以加少少錢轉成青檸梳打添，絕對正！

係尖沙咀做完facial，見有啲餓，自己一個食咩好呢？行到樂道呢條街，見到都有人係門口望望下，原來係食泰式粉麵，就試下啦！好，坐低睇下有咩好食先。叫左船湯，個湯係黑胡椒豬骨，先試飲一啖湯底，好濃郁既豬骨湯，帶微微黑胡椒味，就咁飲湯都好正。夾起個麵，個麵爽口又滲出湯底味。雞髀肉，好有鮮雞味，唔是雪藏，啖啖肉鮮雞，配菜仲有秋葵、魚蛋、蘿蔔。炸蝦片，咸、香、脆，會追住食，仲有個另類食法，就係點個船湯黎食，蝦片索左個湯底仲好食。熱薑蜜，真係飲到手切薑絲，夠晒薑！

約左整頭髮之前喺附近搵嘢食, 見呢間六點已經坐唔多坐滿晒人，一定有保證啦～原來平日仲有下午茶餐更加抵，就算禮拜六日六點前入座都唔收+1，同埋叫特飲只係加多少少🤏🏻🤩叫左個頂級安格斯牛肉冬陰功湯河同香茅斑斕梳打。嚟到有驚喜喎，除咗有特濃牛味嘅安格斯牛肉片之外，仲有蟹柳、青口同海蝦。冬陰功湯底本身中辣，我叫咗小辣覺得啱啱好，夠酸，非常開胃，不禁一口接一口咁飲。特飲有香茅同斑斕味，非常有泰國風味，食到辣辣地飲兩啖，真係爽晒。