泰泰

营业中

休息中

去開佐敦所以隨便喺附近搵食見到呢間泰菜坐滿人 係新開張無耐所以就入去等位試吓等咗15分鐘到今次同囡囡一齊 所以好多野都無叫辣泰式蝦膏炒飯($98)味道吾錯蝦膏都炒得均勻不過無乜餸得三色豆所以一粒米都清唒😹泰式炒雜菜 ($76)不會太油 味道尚可蒜茸牛油雞中翼($55)算係成晚最抵嘅一個餸$11/一隻呢個雞翼值得一讚好食 香口清蕅酸辣羅飛魚($240)本身叫烏頭嘅但因為賣唒所以轉咗羅飛魚湯底酸酸美美係開胃嘅但係魚嘅魚鱗好多每啖食到有但由於未食過羅非魚唔知係咪係咁嘅芒果沙冰（$39)呢個沙冰有少少失望因為好水好淡吾係太好飲最後店員好好送咗啲甜品但好似大多魚膠粉有少少梗不過係送嘅 就無所謂啦總括黎講服務態度好 店舖裝修靚不過價錢較貴但如果一班朋友去share食 食多幾款會抵啲

泰泰即係以前係觀塘既泰上皇 泰上皇有幾好食唔駛多講啦!今日有事要去一去佐新敦 點都要順便行去拜會下老細 新鋪開張嘛買個泰式鳳爪返去加餸 老細好好人呀 佢賞賜左甜品俾我差唔多3個月冇食啦 味道完全無變過 鳳爪一樣咁好味一定會搵日幫親堂食先得 正呀~! 

位於佐敦吳松街新開張的泰泰，超闊面鋪吸睛，裝修有泰國風味及細節位體貼，如近街的大窗位可選擇半落簾增加私隱。另外可加屏風變包廂！ 另有一枱是有蓋的室外，方便呼吸🤭甘靚裝修原來裝修公司是相熟的朋友間公司工匠出品👍侍應與廚師都是泰國人（識得聽簡單廣東話），菜式上與港式泰菜有分別，更正宗。無得去旅行，來呢度感受泰國風味😁先來一客泰式柚子沙律 ，柚子是從泰國入口，清甜唔酸，鮮蝦、腰果配搭得宜，醬汁甜香有特色🤤至於lunch set 選了冬陰功炒飯 ，則香辣惹味，調味適中，有鑊氣而不覺油膩👍🌶️🌶️🌶️酸辣刺激的泰式無骨鳳爪 可說是頂級下酒菜，鳳爪挺身有口感。對於我地只接受小辣，略為辣左些 🤪 lunch set 加$25有呢碟小食，抵食👍食泰菜又點少得椰汁西米糕，甜度適中、西米足，最正是lunch set 可加$8有一件，滿足非常🙇點解椰青 $39 咁清甜、美味？原來係泰國直送靚貨👍最後飲埋杯凍泰式奶茶（走冰）跟餐，大大杯，抵飲。雖偏甜，要加冰會較好🤣lunch 時間較多人，我地選了下午3pm人少的時間來慢慢享受環境及美食😋總結好滿意，口福滿滿的一個周末😌