泰星匯泰國菜

营业中

休息中

今日經過葵芳，很想食泰國菜於是去到這家泰國菜餐廳，簡單叫了一個豬肉濕炒河，生菜包，海南雞飯海南雞飯表現尚可以，醬汁好食濕炒可很鹹，河粉分量不夠多生菜包也很鹹，不過餐廳職員的態度良好，價錢也很相宜

由於今日係葵芳附近上班，因此中午和同事相約於葵芳吃午飯❗️由於同事想食泰國野所以就黎左泰星匯泰國菜🇹🇭餐廳環境裝修一般，但卻提供多樣傳統泰國餐點如泰式海南雞飯、泰式炒金邊粉等等❗️今次我點左泰式海南雞飯午餐，午餐連熱飲一杯 價錢共$46 ，份量適中，味道尚可，算係葵芳午飯性價比之選✅如果中意食泰國野既朋友都可以試下呢一間👍🏻美味指數：⭕️⭕️⭕️❌❌賣相指數：⭕️⭕️⭕️❌❌抵食指數：⭕️⭕️⭕️⭕️⭕️

叫餐已強調2次泰色奶茶要熱，本身都唔知間野沒有熱，可以當時同我講聲，甘黎到只得凍，唔緊要，好小事，換咗佢就得都唔係話怪任何人，但個老闆娘嘈到拆天話同員工講唔飲就唔好叫，仲鬧d伯伯員工，我就行出去講返件事，（而且佢餐牌亦無講明只有凍），佢知自己唔岩態度仲要係好差話米換比你law,我就話你d服務態度好差，佢就答我係甘差，真係唔知咩人，唔係想做生意，又猛鬧d公公婆婆職員，唔知咩人，唔係想做生意，見呢度下面都有人都講佢態度差，我都知唔係只對我一個

中午食過幾次海南雞飯買過一次外賣味道唔錯但這次去對佢衛生好成疑有位女士的飲品滴了辣椒醬見店員從主店送餐到對面副店沒有把食物蓋好她最後棄單走了（其實有一位店員有把食物蓋好另一位則沒有）但海南雞醬汁在副店存放就沒有蓋好我晚上回家條腸乸住痛+肚屙海南雞及飯都沒有問題估計係醬汁因為可能本身酸酸辣辣沒察覺有問題其實上次外賣的經驗也不太好在店內等外賣時見師傅冇戴手套直接取雞切總結：如果衛生情況有改善都會再去.

葵芳泰國菜選擇不太多，飯腳提議泰星匯食正宗泰國菜。而家晚市不太多人，8pm不用等就已經可以入座。香辣肉碎海鮮炒河粉 （$66)一上枱已經聞到好香，夠味足料（肉碎仲好多添）即刻開胃晒馬拉盞炒椰菜苗（$75）本身仲好掙扎用唔用鐵板上，叔叔提我因為我着白色衫，怕鐵板上會彈到件衫污糟，提議我都係用碟上😂椰菜苗好爽口，馬拉盞炒簡直完美👏🏻沙嗲串燒牛肉 （$58）兩隻食肉獸見到真係胃口大開，牛有牛味，大大嚿得嚟又唔un, 點埋沙嗲汁真係好正！炸蝦餅 ($48)炸蝦餅真係最驚喜之作，上枱時怕熱氣唔敢即刻食，隔咗一陣食都仲係好熱好熱，蝦餅又香口又厚又彈牙，正呀！總括黎講，食物正宗好味，雖然每款份量唔算多，但價錢唔貴可以食多幾款呀

等左一個鐘 叫左碟香葉炒飯 等到唔肚餓 而家10點冇堂食 8點半去到 等到9點半都冇得食 叫佢取消就話自己做緊外賣 唔得閒整 咁不如執咗佢 揾間細鋪做外賣仲好啦 叫啲客坐咁耐等咩如果10點冇堂食 最好6點就去食 唔係餓死都冇人理

今日lunch 想食泰國野，所以就行左去公司附近間泰國餐廳搵食😋餐廳坐位唔算多，所以食晏時間都要等一陣先入坐🤔其實之前都黎食過幾次，都覺得d食物ok🍛見唔係太肚餓，所以叫左個金不換濃湯海南雞河粉，配凍檸蜜😍🍲好快就有得食，金不換個湯底夠濃夠香，d雞件雖然唔係好滑，但份量多，淡淡肉，仲有配埋我最鍾意嘅粗河粉，超滑，口感好好，一淡湯一淡粉好快俾我清曬😂正👍總括來説味道唔錯，幾抵食，下次會再幫襯🤣

記得上幾次 都係1男人負責 招呼我們，在用餐中，也睇到他也負責樓面&收銀工作。…記得他們服務好好、食物也不錯，所以我今日下午專登去食。我5:30已到，見到他們原來有落場時間，…我都願意等待到 6:00pm。當他們開燈，我便進去問 是否可以進來…，有位年紀較大的女人（不太禮貌回答我）:師傅未返咼…。（我感到有點錯愕…感覺她好像不想做生意似的…這樣回覆客人。）過了一會 有1男1女 進舖，年長女人話：師傅返到了…。我接著再問：咁 入得未_？！女(自稱老細、態度一直不好)回話說: 可以…未開冷氣…你座著等一會…。我便找位置座下…沿途沒有人想招呼我，我自己起身想攞餐牌…想問呢個女的時（我眼神望著她，她也看到我的…但扮聽唔到我講嘢、睇唔到我行去拎餐牌…便走入廚房。) 當下我感到無奈，我覺得他們不禮貌之如，他們給我感覺是：不滿我影響他們剛回來開檔、尤其是果位女“自稱老細” 她的態度超不爽…回想當初 果位又熱心好好服務的、似是老闆的男 比較之下，差太多了！我之後便問那個女(話自己係老細的女人)，你哋係咪轉咗老細_？女(話自己是老細)回答我：你都幾得意…無轉過老細…不溜都係我。…但係她態度 好輕挑…唔似

坐低食餐晚飯，食左成5，6支煙，差唔多45分鐘都未有一樣野食，每樣都要等勁耐，仲耐過食法國餐，野食係唔錯，但係等等下好想即刻走，等到好餓丫 ，隔離左右都乍晒型喇。

餐廳係葵涌廣場行過去幾分鐘就到, 非常方便。晚飯時間一直都有人等位, 但勝在街坊生意大家食飽休息夠自然會走, 唔使等太耐。生蝦刺身, 冰涼爽口, 好味😍串燒唔會燒到過硬, 個醬亦唔會太重口味。泰式金邊粉, 蝦大大隻, 味道正常好食。重頭戲: 蟹肉咖哩麵包其實見到佢招牌咖哩蟹足一斤都係一百五十蚊已經好想叫, 但奈何人比較懶要係街食有骨食物, 所以睇中呢個麵包。好貼心唔會倒晒個汁浸個包, 個包焗到脆晒。咖哩亦有蟹肉鮮味, 雖然搵肉就搵唔到架啦, 但個汁好味到可以加多碗飯食架。服務係零, 因為樓面就得1個半人到, 但叔叔同弟弟都好親切有禮。價錢真係用係食物本身上, 抵食好食!

6:00多到店點咗一個蝦膏海鮮炒飯。等咗半個鐘。6:40終於上來一個類似蛋炒飯的嘢，完全圖文不符。更沒有蝦膏！撥開飯，有一隻蝦。呢個就係海鮮？仲要66蚊。係咪過份咗？？？

可能人手太少，服務質素真係麻麻地，基本上係冇乜服務嘅，叫啲嘢，長期漏單，訂咗位，都係一樣要等位，但係食物係OK嘅，特別係芝士蝦球，留心嘅芝士，勁趣嘅外皮，彈牙嘅蝦肉，好好味，咖喱蟹168 ，咖喱唔喊，仲有滑滑嘅雞蛋，點買個蒜蓉包，一絕，勁抵，一定要叫蒜蓉包，好重嘅蒜蓉牛油味，就咁食，已經好好味，再加埋咖喱，好好味，唯獨唔好嗌咖喱炒蜆，冇乜蜆肉，可能蜆肉出水，令到個咖喱希流流，價錢就真係好抵食，八個人食，買單都係$153每人

今次黎食真係大失望老細不停做外賣執外賣完全冇理過堂食食客叫寫野叫左好多次先肯過黎落單寫完野等左成半個鐘先黎個冷盤繼續等...一路望住佢地啲外賣單終於清曬繼續等...差唔多50分鐘之後先上炒飯一個鐘後先上個冬蔭公海鮮湯河（個海鮮湯得幾粒蝦同埋一堆菇）同佢講話真係等得太耐太過分啦唔知係咪老闆娘既店員竟然無動於衷轉身就走一啲唔好意思都冇同場有幾枱都係有講話等太耐 再唔上菜就算數埋單做食店做到咁真係不如轉做外賣店算啦唉其實明眼人都睇到你地清外賣單清到9點幾開始冇曬外賣單，先開始做啲堂食單真係等到一肚氣

午餐時段路過 , 見到這間「泰星匯泰國菜」個 lunch 真係平到笑 ~ 讀過門口的 menu, 青咖哩雞飯，連湯跟飲品都只係 $35 .... 有種，唔入去食都對唔住自己嘅感覺 ~Menu ~餐飲 : 我點了凍檸蜜 , 味道正正常常 , 沒有什麼好陳述 ~餐湯 : 雜菜煲雞腳湯 , 味道都幾清香 , 飲落不覺有味精 ~青咖哩雞 : 餸同飯是分開的 , 青咖哩的汁底濃厚 , 味道微辛帶點甜 , 椰香味重 , 除雞肉外還配了不少蔬菜 , 加上一隻荷包蛋 , 堅正 ~海南雞飯: 去骨海南雞 , 肉質嫩滑 , 雞有雞味 ; 油飯香口油潤夠味道 , 配上特製泰式醬汁 , 勁惹味 ~食物頗有水準， 平靚正！本篇完 ~

天氣開始熱，想食泰國菜醒神開胃，特登黎食，雖然離地鐵站遠咗少少，但為食無計2個人就點咗2樣餸，雖然等咗成粒鐘，但值得等，因為好好味，仲食到勁飽。黃金咖哩蟹肉海鮮包 咖哩同包簡直係完美配搭，仲要勁多咖哩淋濕個包度食先正送飯一流，不過配包已經好夠 泰式甜酸脆炸魚等咗成粒鐘先黎，不過真係好考功夫菜式魚肉預先切好晒先煮方便夾黎食，汁偏酸咗少少，不過都好食雖然環境麻麻，但嗰晚見廚房出咗好多外賣，證明好多街坊都幫