影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
今日去青衣城攞鞋，咁啱经过泰昌饼家，连前港督都大赞，当然要买返几个蛋挞返屋企。我自己钟意食酥皮，但挞皮啱啱出炉，所以都忍唔住买，最后买咗3个酥皮2个挞皮，5个或以上有盒装，$8.5一个，少少🤏🏽贵啦。唔知系咪因为酥皮唔系刚刚出炉，所以食落无挞皮咁好食。酥皮同挞皮嘅牛油味都好香，挞皮香味稍胜一筹。酥皮口感唔够「酥」，食落比较实同厚，同时亦较干，好似唔系好够油。蛋馅嫰滑清甜，蛋香扑鼻，我钟意食蛋挞好大原因系因为个蛋馅😁，𠮶种香甜真系叫人不能抗拒。
继续阅读
今日路过见到买一送一，即刻买返六个食，蛋挞热辣辣，好好味！买咗曲奇皮，我觉得好味过酥皮好多，曲奇皮松脆，蛋好香滑，六个都只系$24，除开都系$4个，好抵食㖞！下次会再买
继续阅读
位于相当方便既位置-青衣站老婆饼$6.5本身只系想填一填肚外表平平无奇，点知一食之下出乎意料之外！ 好惊喜！ 一令上手已经加分！因为老婆饼系热热地，暖暖地～再者，意想不到外皮系好松脆！松脆得黎又唔会整到成身都系～好赞👍🏻至于个馅唔会好甜～甜度适中👍🏻而且好口感好烟韧～好满意～
继续阅读
有时出门口都冇时间食早餐所以我早一日买定泰昌饼家嘅西饼面包以备不时之需 最新佢哋推出左蓝莓挞 紫色嘅外表好香好特别 所以我即刻买左非常吸引 上面仲有少少糖花最得意系有几个笑哈哈纸牌插住 感觉趣致另外买左酥皮蛋挞口感有层次 曲奇皮够实净👍🏼👍🏼仲有最经典嘅老婆饼 内里烟烟韧韧返工之前焗一焗热食 味道更佳有朋友仲向我推介佢哋嘅鸡批都唔错所以下一次我决定都要试吓！ #taicheongbakery#泰昌饼家#蓝莓挞
继续阅读
今日返屋企行经泰昌，见到蛋挞岩岩出炉，太吸引，所以行埋去望下。见到好多好靓既挞，好多款。香喷喷，而且都好多人买，而且如果买半打蛋挞既话，会抵点。不过我贪心。见到又有新出品，蓝莓挞，所以又想买黎试试。贪心既我，最后买了两个曲奇皮蛋挞、两个酥皮挞、两个蓝莓挞、两个老婆饼。返屋企慢慢叹。曲奇皮蛋挞是我的至爱，我好钟意佢个曲奇皮，曲奇皮脆卜卜，同中间既蛋口感一软一硬，好夹，好好味。中间既蛋好杰身，蛋味香浓，就算放耐左先食，蛋挞都唔会塌下。而爸爸最爱吃酥皮蛋挞，所以两只皮都各有fans，爸爸说酥皮好松化，一咬开好松脆，层次感好重，好好味。另外新出口的蓝莓挞，好特别好足料。成个挞都铺满了蓝莓酱，好惹味，酸酸甜甜好醒胃，钟意食蓝莓既都必要试试。唔错唔错。另外港式传统既老婆饼都好好味。入面馅料丰富，外皮烟韧，中间馅心都软绵绵的，超好味。行经买少少小食，过下口瘾果然唔错👍🏽
继续阅读