泰昌餅家 (港鐵青衣站)

营业中

休息中

年初一，去馬灣拜年，搭番車出青衣。為食嘅我地又入咗望一望。結果買了三舊糕：西米糕、芝麻糕同茶果。西米糕超揾笨！乜西米好貴咩？只得面嗰層係西米，下面嗰d係大菜糕囉！有無搞錯呀！咁整都算西米糕？？！！！中間有紅豆蓉，味道不會太甜。芝麻糕，唔幼滑，有少少起粒。芝麻味一般，仲有陣怪味。我無試茶果，不過落去，個皮較硬。都係俾心機做好d蛋撻啦！唔好搞咁多新野喇！

青衣城的食店又多了個新力軍，今次輪到分店越開越多的泰昌餅家！估唔到一間靠港督發圍的餅店咁厲害...不過我認，我喜歡它的蛋撻。今日見到又對它的蛋撻心動了...逛著逛著，竟然看見店內有兩個大凍櫃，放著自家出品的飲品 - 凍檸茶和蜂蜜綠茶。蛋撻蛋撻味有很香的牛油味，餅皮鬆脆，蛋漿是甜甜的但沒有蛋味...我喜歡。凍檸茶不是很甜的那一種，也不會很酸，感覺和「冰紅茶」差不多。蜂蜜綠茶先喝一啖，感受到蜂蜜味，清清的不難入口，然後綠茶味甚淡，加起上來較凍檸茶好味。樽裝茶的包裝其實幾簡單，但最型的印了泰昌餅家的logo上去...感覺有點奇怪但特別，哈！為了蛋撻Encore。

呢間咁既野......真係因為彭定康至咁出奇咋係咪???我真係食左3間分店都係難食。d 蛋攤皮好明顯係隔夜，因為食完好口喝，做過蛋榚 or 曲奇餅都知道如果 d 粉底早d 打定隔左夜唔新鮮就一定食左好口乾......佢地完全係呢個feel而d 蛋.........哈....又唔係香，仲要係凍既.....唔通係特色？

因為”肥彭”o既關係…認識到【泰昌】…因為店舖吾就近o既關係…久久未有機會試…真好了!...上月在青衣城開分店了!!...當然名店上場, 又見人龍啦!!...要排隊為買個蛋撻又吾想…今日可好了…小病放半日回家休息…正值午餐時份…途經見冇人播…仲剛好一盤新鮮蛋撻出爐…雖然身子抱恙頭重重, 但我點捨得放過哩個機會, 即刻買兩個熱騰騰o既返家!!!...寒風大刮…回家已涼左一半…不過冇損佢o既美味程度…本身鍾意食曲奇皮多過酥皮的…哩個曲奇皮真正奇趣無比…帶丁點咸味…超鬆化...感覺又似界乎兩者之間,有點酥皮感覺…蛋漿餡夠厚, 滑滑又香又夠甜…總之, 就好心滿意足啊!!...食果刻有”返魂”o既感覺…病死都要做隻飽鬼!!!嘻嘻!

最近，在青衣城機鐵站附近開了一間「泰昌餅家」即時令我聯想起 彭定康與蛋撻..自從彭家康係度食過蛋撻之後, 呢間野既賣點就係「蛋撻」不過我反而冇興趣試佢既蛋撻 ..反而試左其他野。每日朝早返工經過都人山人海..感覺上佢D麵包會比美心好味,所以次次引唔住入去買野~加埋都試左唔少產品 !1. 軟心芝士包 , 味道普通, 芝士味不太濃 !唔好抱太大期望2. 火腿肉鬆卷 , 味道不夠 A1麵包好味 !而且好油膩..食左一半放棄了3. 燒餅 , 咸咸地的,有D似蔥油餅..味道還可以 !不過勝在夠飽肚4. 牛油曲奇, 一食落口..差 !!口感不夠鬆化, 而且話明牛油曲奇, 牛奶味蓋過牛油味 !變得唔好味5. 芝麻球, 一啖一個, 幾香口~~咬落去入面脆卜卜~~當早餐食, 再加杯茶都唔錯!!~~6. 凍檸茶 ($4.5), 我覺得比維他好飲, 不會過甜, 有D似日本個隻檸檬茶7. 蜂蜜綠茶 ($4.5), 味道好似道地, 所以冇咩特別整體上產品唔係特別優勝, 我相信如果唔係彭定康..間店一定冇咁出名..