泰旺泰國小菜

营业中

休息中

Waited >30 mins for my takeaway food and realized that they put fried rice noodle from other dishes into mine, which doesn’t match with my dish (I ordered tom yum goong sauced stired fried noodle and meat, they gave me the soy sauced fried rice noodle from other menu and just put a tom yum gong sauce on it). Food not good, service is also VERY bad and rude! Horrible experience ever and not worthed at all!!!

公司附近的食肆選擇有限，每天吃的幾乎都是港式茶餐廳、連鎖快餐和粉麵店 差不多就有些少悶了，幸好走遠一點到石籬、光輝圍就有多些花款 先是將近三十年歷史的老店金來越南粉，然後有衝出葵興開分店的人氣漢堡嘉寶小食 友人推薦的街坊泰菜泰旺雖然光環不及以上食店之亮麗，但平時眼見也有不少捧場客 泰式炒金邊粉 $43輕裹酸甜開胃的醬汁，吃著仍有點彈牙，不算太過油 基本配料有炒蛋花、豆乾、芽菜和蔥段等，趁熱與花生碎拌勻才吃香一點 沒有像坊間出品般伴辣椒碎奉桌，又加了蟹柳，感覺是港化的泰菜，不過亦甚順口 無骨豬手飯 $43半餸半飯，豬手瘦肉量不多，反而是皮層的肥脂及膠質位豐厚 醬汁微稠，鹹甜適度，拌飯吃正好，適時還可以吃醃瓜菜消減膩感

之前都食過幾次㗎啦，次次都同一大班朋友嚟，呢間嘅食物質素一直都好好，生菜包真心推薦，之前有一次同朋友叫咗四碟😂😂，另外生蝦、咖喱、冬陰公湯都好好味，最特別嘅就係條魚，聽講佢哋個湯係特別炮製😂

有日下午去了光輝圍附近，經過一間泰國菜館，一於睇下做咩咁多人食先。三人叫左兩個海南雞飯，一個冬蔭公海鮮湯飯包野飲，都係四十來元，難怪咁多人食啦。海南雞飯基本上都係比雞脾雞亦位，見倒基本上每枱都係呢！同事話油飯偏林，如果偏好食粒粒分明嘅可能就未必喜歡喇。而碗冬蔭公海邊湯飯，雖然知道比得四十幾蚊，都唔洗要求比咩海鮮你，不過比呢個錢，而飲倒咁惹味嘅冬蔭公湯，又抵喎！餐牌上面仲有好多泰國特色粉面飯類，下次再踩場。係工廠區附近有間性價比咁高嘅平民餐廳，正。

呢間嘢大概係我見過最有鑊氣既泰國菜 其實已經黎食過幾次晏就 每次都覺得幾好食 啲餸都好好送飯 每次晏就都食飽飽返去做嘢 搞到個人好眼訓 都唔知道應該推薦定唔推薦呢間嘢 記得第一次黎食 廚房入面傳出陣陣既地道泰文 雖然唔係識好多 但都好想衝過去吹返兩嘴 除左泰文之外 廚房仲不時傳出陣陣既鑊氣同香味 第一次食左個茄子炒豬肉飯 個茄子辣辣地 真係好好送飯 唯一唔開心既 就係有啲太油 再下次去見到個friend碟茄子 已經發現無我之前食咁多油 今次去就食左個青咖喱 呢度既飯青咖喱黃咖哩都可以自己轉 想食辣就食黃啦 唔想食辣就食青啦 作為一個唔辣既咖喱 呢個豬頸肉其實已經算好送飯 如果鍾意椰奶味重咖喱既朋友應該會更加享受呢份豬頸肉 雖然覺得呢個咖喱都唔錯 但係我就覺得椰奶味重左少少 如果再揀 我應該會揀返小辣既黃咖哩 不過唔試點知自己唔鍾意呢嗱嗱聲食完個飯 一抬頭 見到泰王對住我微笑 係啦 無錯啦 如果一間泰國嘢入面無泰國王室既相 呢間就註定唔係一間好既泰國餐廳 呢個就係最簡單直接既rule 👍🏿🙇🏽‍♀️

本來中午想過來吃 後來有事晚上回來後在葵興站下車跟著導航走了一小段路過來 位置很好找 看了推薦點了菠蘿炒飯 好香 裏面有葡萄幹 香腸 淡菜 蝦仁 蚘魚和蟹味棒 總體不錯 菠蘿我喜歡吃所以覺得裏面的菠蘿量偏少了 飯吃到最下面也不會太油 沙爹肉串我個人喜歡豬肉的 菜包炒肉碎也挺好 裏面好像有肥肉 不過不會膩 香料味十足 稍微有點點鹹但配上mango冰沙剛剛好沒有點咖喱海鮮和生蝦 下次有機會再來

這間小小的泰國餐廳 其冬陰公湯實在太過美味了🤤❣️😍❣️🤤辣到適中 擁有不同的泰國香料味😇以及 一點點的椰汁奶香🤗富有層次感 湯河可配選兩餸 這次的選了 豬頸肉 及 海南雞🤣🤣🤣 每款餸都好正 豬頸肉醃得很濃味 即使混入濃郁的冬陰公湯中 依然能於吃豬頸肉時刺激到味蕾👅而海南雞的雞肉非常嫰滑😋但由於店鋪旁之後巷充滿渠味 故店鋪有時會很臭 但基於其冬陰公實在太過美味 其口感之衝激能遠超於嗅覺的刺激 所以我還是經常會幫親😅😂😂😂😅

平日去九龍城吃泰國菜多，今晚乘母親節一行十人到泰旺試吃環境雖然細細，但整齊乾淨。一行9人先點了6人餐，有拼盤、豬頸肉沙律、炒通菜、咖哩炒蟹連法包、烏頭魚、串燒x6、泰式炒金邊粉，還有6杯飲品，另外還點了海南雞飯和菠蘿炒飯。咖哩炒蟹很新鮮和法國蒜蓉包非常香脆！讚！菠蘿炒飯很香口，份量亦十足！最讚是串燒，一點也不乾身，配上沙嗲醬，一上枱已被搶空, 相機也不及手快！最後來一客椰汁糕作甜品，為完美的晚餐劃上句號！埋單價錢九百多，總括而言是驚喜十足，性價比高，比九龍城永珍更出色，日後定必encore!

原來葵興邨都有一間泰國菜，所以同朋友入咗去試下，呢間食店環境一般，但室內都有基本泰國嘅佈置。喺牆上貼咗泰色風情圖案。而食物款式都算多，唔洗加一服務費。因為得兩個人，所以share咗碟"泰式海鮮金邊粉"$55,貌相吸引程度一般，份量比較少，兩個人食剛好，用料唔算太特別，再加上啲夾起時啲粉黏埋一齊，但味道就酸甜醒胃。飲品就叫咗一個椰青$35，價錢一般，但非常鮮甜多汁。

知道附近新開左間泰菜就當然要試下啦！！！而且價錢都幾抵食，嗌左個海南雞飯外賣都係44蚊咋！！咁我就要求左雞脾既，肉質係好嫩滑而且好香雞味，唔會太咸又唔會淡，雞肉下底仲有幾條菜心，唔會只係得肉咁唔健康哈哈，飯有淡淡既椰子味，飯好鬆軟，好香，而且雞肉粉量係好多真係好抵食!!!!!!!!!!!!!!!!!!!!!我諗會經常食呢佢仲有個辣醬，不過我就冇點到，中意食辣或者重口味既朋友就可能要點醬食先過引啦

香港好多地方食到Phat Thai，但係救鑊氣嘅唔係咁多。呢一碟炒到超夠鑊氣，蝦仁同蛋有少少燶燶地，啱啱好。啲河粉完全冇一般鋪頭嗰啲河粉味，好清爽。價錢又唔貴，冇得輸。之後仲叫多咗個粉絲什菜煲，蒜頭香味香到不得了，上菜嗰陣時個煲仲係吱吱聲，超香超好食！兩碟菜一共埋單唔使＄120 ,抵食！

星期日唔想煮，路過見到間新開的泰國小店，一於食過泰式午餐，估唔到有驚喜這間泰國小店真係幾細，裝修簡單，有點家庭作業feel，但係午餐有很多選擇，收43元仲包熱飲。本來泰國咖哩係首選，但係新年食得太多，2個人都係簡單叫個海南雞飯，泰式白雲鳳爪沙律，餐飲就試芒果沙冰。海南雞飯一上檯就知無叫錯，黃油飯雖然雞油味唔重，但勝在一d都唔肥膩，有淡淡的香味，雞肉夠滑，加上那碟泰國辣椒醬白雲鳳爪味道一般，但係份量十足。芒果沙冰值得推介，有清甜的芒果味，但又唔會太甜，冰冰涼配泰國食物的香辣，超夾跟餐只係加10蚊註:見到鄰桌個哥哥仔叫左個青咖哩豬頸肉，都係大大碟，佢竟然食晒，味道一定唔錯，我下次都要試下。

同朋友經過葵興，佢話呢間泰國菜館好抵食，於是拉左我入去。我心諗，有幾抵呀？望下餐牌，湯麵35蚊，其他40蚊，又真係唔貴喎！結果一行五人，有三個叫左湯麵，配金邊粉。札肉豬手👆🏻豬扒魚片頭，豬扒超大塊！👆🏻雞翼蝦卷👆🏻另一位叫馬拉盞炒通菜飯，睇落似碟頭飯，不過朋友食晒成碟，都話炒得好香。我碟鹹肉炒粉絲就耐d。不過食得出係即炒，相當足料又唔算多油，鹹肉有成七八舊，整體好惹味！一行五人都話呢間好食，下次試埋海南雞飯先！

路過葵興村，發現有間泰國野，於是想入去食，但午市超級旺！等左一陣終於入到去，午市套餐40蚊份都幾抵。我叫左炒金邊粉，即炒，好夠鑊氣！兩餸湯粉麵，轉左冬蔭公湯，超惹味！豬手飯d豬手又腍又多肉又入味，切開細細舊，比較易食。咁好食，難怪咁多人啦！

小弟因工作關係，今日去左葵涌依邊做野所以就係光輝圍附近搵野食啦由於小弟係十分喜歡青咖哩的，所以一見到有泰國野食的餐廳就仆埋去但其實小弟係十分節儉的死肥佬，故此，都係門口睇左一陣價錢先入去見到４０蚊一個飯，有野飲又唔算貴，所以就咁入左去啦（對唔住大佬們，由於小弟太過開心所以唔記得影相比大家，唔好打面）咁我就叫左個青咖哩雞柳飯加熱ＯＴ，　４０蚊找數個咖哩汁好正，唔會太辣，青味十足　（我都唔知咩叫青味，唔好問我）入面有菜菜，茄子，雞雞，汁汁，飯飯但係啲雞的肉質就差啲啲另外個到員工好親善大使的感覺，唔小心聽到個老闆娘原來係香港出世的泰國人同埋唔小心見到原來個廚房都係泰國人主理　整體黎講四十蚊一個泰個飯，正到爆，抵到爛