影片
以上资料只供参考，请与餐厅确认详情
今天同朋友一齐尝试左大围呢间泰国餐厅，感觉不错。我地一行二人共点了三道菜: 马拉盏炒通菜、海南鸡饭、泰式炒金边粉。马拉盏炒通菜: 味道略咸，个人认为可以落少一点调味。而且友人唔食得辣，对佢黎讲，辣左小小甘多菜亦嫩口弹牙，岩岩好泰式炒金边粉: 金边粉略为唔够干身，而且虾肉太老，失去弹牙的感觉。整体味道酸酸辣辣，个人来说还算可以，但见友人唔系太喜欢，因此只觉得是OK而已。海南鸡饭: 饭粒「粒粒分明」，但稍为有啲太干身喇今次而家饭本身冇味只是海南鸡救回呢碟饭，肉质嫩滑，而且好有鸡味。虽然尚有改善空间，但属于OK之质素。每道菜平均只系$48余元，尚算抵食。令人有所微言既，大概只系饮品类型不足。青柠梳打亦只是汽水加一片柠檬 (冇错，只系一片)。
继续阅读
唔好评论环境同装修，因为我哋系一早知呢间餐厅系点，所以no expectation！ 我哋叫咗：蒜蓉炒椰菜苗 上次食过好好食, 今次好祈待, 第一个叫就系呢个𩠌。点知拎到埋枱见到碟菜唔够蒜蓉, 所以叫伙记拎入去加番多啲蒜蓉, 同埋啲椰菜苗唔够嫰, 今次真系好失望泰式炒金边粉 呢个食过好好食, 所以今次再叫, 但今次无上次咁好食, 啲粉炒得唔够干身, 未有上次咁够镬气, 里面啲虾就落得太多梳打去腌泰式煎蚝饼 如果要跟潮式蚝饼相比... 佢呢只泰式蚝饼真系太多粉, 一大块蚝饼, 得五六只蚝, 粉估嘅比例太多... 但胜咗够脆够热串烧：两串牛舌 <= ok 两只蛏子 <= 老咗啲一只蚝 <= 唔新鲜但系边有泰式串烧唔系用炉烧，烧烧下改用微波炉叮？因为我哋坐喺烧烤果个女人旁边, 睇到晒佢烧烤嘅过程, 见到佢烧烧下夹起放入去微波炉度叮, 就问佢点解咁做? 佢话... :"果个电烧炉唔够力, 惊烧啲嘢唔熟!!"甜品/饮品： 想饮椰青… 无 两杯青柠soda 点知 原来佢用 雪碧 加 一片青柠, 咁叫soda咩? 一罐可乐一个芒果糯米饭 喺街外面食过咁多次芒果糯米饭, 都未见过好似佢呢间咁细碟, 无两种色嘅糯米不特止... 果旧黑糯米... 又系用微波炉叮热比我哋食, 啲黑糯米又硬又干... 个心仲要唔热 =_=" 两个大人、一个细路合共… $388食啲咁嘅嘢都百几银each，下次都唔使旨意再帮趁 ！
继续阅读
呢日我地一家一行５人好准时19点去到，原来店子都几细，有楼上，不过系For大枱多人先有得坐，店子地下里面有２张枱，我地被安排坐地下，对住个电烧烤炉，都几烟下。系我地拣野食时，都见到好多人行经揾位或外卖，估唔到间野咁偏僻都几多人食㖞~~ 系我地之后来的客人都被安排坐系路边，系突登开张枱比佢地坐嘅，铺隔离同对面街都有添。今次我地一定要妈咪发板想食乜就叫啦，谂吓望吓终于拣咗以下食物：- 青木瓜沙律 ($58)- 炸虾饼 ($58)- 沙嗲鸡x5 ($45)- 冬阴海鲜汤 ($55)- 烧乌头 ($99)- 泰式炒金边粉 ($45)- 芒果蟹肉饭 ($58)- 烧鱿鱼须 ($18)= $436当然呢个＜青木瓜沙律＞系我必选嘅，我主要系食佢架喇，最爱呀！呢个好快就上枱，睇表面似是好正宗，味道是对了，够辣但少了鱼露同柠檬味，得个辣字；青木瓜份量劲足，小虾米又好多，可是冇咗车厘茄，花生碎同蒜头都偏少。＜炸虾饼＞貌相一般，眼见好似得个壳咁，但食落粉浆松软虾胶爽口且弹牙㖞，唔错。＜沙嗲鸡＞睇住佢系隔离即叫即烧，热辣辣，沙嗲香浓惹味，鸡肉大大旧肉质鲜嫩，都ＯＫ。每次食泰国菜都会叫冬阴公嘅，呢次有款＜冬阴海鲜汤＞，就睇吓有几海鲜先？海鲜配料都几丰富，有虾、青口、番茄、墨鱼、草菇等等，汤味不酸亦不太辣，但味道不太浓，一般喇。 当妈咪一见到有烧鱼，因为即烧要等船舰分钟，所以一坐低已经即时叫咗＜烧乌头＞喇，当一上枱真系好大条，皮好脆，片开鱼身里面有好多柠檬叶同香茅，因为我同哥哥都好怕腥的，少少都唔得，我食呢条都觉有Ｄ腥味，但爸爸妈咪话冇，仲话鱼肉系鲜嘅唔腥添，另有豆酱点。＜泰式炒金边粉＞一上枱我只觉咁细碟嘅？材料有数只虾、蛋、豆干，小虾米，碟边有花生碎，金边粉少酸少辣，爽口，算ＯＫ。同样见到＜芒果蟹肉饭＞又系觉得咁细碟嘅？？眼见真系有好多芒果，可是蟹肉少Ｄ，炒饭味一般，湿了点。最后＜烧鱿鱼须＞终于来喇，妈咪急不及待已经食喇，我都来不及影相...哈哈~~ 呢个真系肥大肉厚，须尾有㶶边，又鲜又正，唔韧。总括来讲，我地都一致认为名声过大，质素只属一般。点解名声过大？因为老板问我地有冇睇「越夜越美丽」，吕慧仪来食过访问㖞，唔怪之得咁多人来食啦........。
继续阅读
每个星期必有一日会去泰国餐馆食泰国菜. 通常也只会到九龙城食. 今次尝试一下入去新界区揾下泰国菜. 我们选择去大围搜索下. 揸车兜入大围积福街, 那条街聚集了很多餐厅和食肆. 有中菜, 西餐, 日菜, 面店和甜品店等等... 而大多数都是大排档的格局, 客人坐在外边聊天吃饭. 整条街只有这间泰国餐厅, 而且里面环境朴素. 但看见他们在外边烧的串烧很香很吸引, 那就试试吧. 这间餐厅不算大, 有上下两层. 上面像是阁楼, 只有几张枱. 店员安排我们上去坐. 每次食泰国菜必会叫冬阴功汤, 这个汤不会过酸亦不会太辣. 而且味道很浓, 海鲜配料也很丰富, 有虾, 青口, 墨鱼, 草菇, 番茄等. 不错.这道菜很有泰式风味, 煮得不会太辣或太咸, 蚬很大只而且很干净, 吃下一点沙也没有. 蚬肉很鲜甜配合泰辣汁一起吃味道不错. 是一道非常惹味的泰菜式蚬.从来没有吃过咸鱼炒椰菜苗, 没想到还蛮不错的. 不过咬了一淡咸鱼的确好咸. 椰菜苗有口感而且甜和带点爽脆. 好味.即叫即烧, 热辣辣. 沙嗲非常香浓惹味, 猪肉亦很鲜嫩. 不错.上枱时以为两串是鸡肾. 分不出那串是牛舌那串是鸡肾. 吃下爽脆的那串是鸡肾. 但牛舌就一般, 吃不出有牛吞的味道.不算贵的泰菜, 可以一试.
继续阅读