泰廳 (已搬遷) 新店位置

難得我們一家人一同外出，但到了晚上我們想了又想都不知吃甚麼才好，突然母親大人想起哥哥屋企附近早前了間新餐廳「泰廳」，而我們一向都喜歡吃泰國菜，所以不說二我們便到此用膳。「泰廳」的設計有點跟一般的茶餐廳相似，看到去餐廳小小，但坐得都十分舒服，只是冷氣都開得太大，令我們每一位都感到非常凍而未能完全享受整個用餐的過程。看到六人餐相當吸引，由湯至甜品共十二款之多，價錢亦只是$788，所以沒有怎樣看單點的餐牌，我們便直接把這個六人餐點下來。生蝦剌身生蝦剌身處理得非常乾淨又新鮮，口感爽彈牙，味道鮮甜美味，配以蒜頭、辣椒和泰式辣醬汁一起吃更為滋味可口!蒜蓉包蒜蓉包烘至外脆內軟，蒜蓉包本身已有很香蒜蓉味，但蒜蓉包上的蒜粒令蒜香味更加濃郁，濃郁蒜香味中又吃到微微的牛油香，出色得令我們吃過不停!冬蔭公湯冬蔭公湯的水準甚高，酸辣度做得剛好，不會蓋過湯頭本身的鮮味又做到開胃醒神的效果，再者微辣得來夠滋味又不會有嗆喉的感覺，配上秀珍菇和車厘茄後就更為有咬口亦很美味。整體上的確有令人喜出望外的感覺，不過湯料中不夠爽口彈牙的大頭蝦實在令我們有點失望。燒豬頸肉豬頸肉有肉香之餘還有炭燒過的香味，燒得剛好富肉汁，味道真的

今日Lunch 一個人嘆個靚 set lunch。 去到新開既泰廳就入去試下。新開環境唔錯， 富有泰國佈置， 但個冷氣真係非常冷， 坐咗係風口位既我， 都忍唔住要叫關細 D 個冷氣。跟手叫咗個 lunch 青咖哩雞飯加杯凍咖啡 (Total $ 54 )， 再叫個柚子沙律。要讚下個青咖哩雞，好香咖哩味， 椰汁味分量適中。正 ! 值得再食凍咖啡都唔錯。 柚子沙律係最富味既一個。分量不少， 辣味十足。而且個蝦非常新鮮， 個汁都非常野味但由至單拖得一條友， 未試到個冬蔭公湯同炸蝦餅。但總體性價比較高， 值得再去

昨晚去咗食泰國菜，係元朗廣場對面”泰廳”定咗 6位。好彩定咗位， 7點未夠已經爆棚。叫咗燒豬頸肉， 芒果沙冰，生蝦 ， 蝦醬炒飯。唔係講笑， 有 D 驚喜。咁既價錢有咁既質素。芒果應該用新鮮芒果整，無咩糖水， 完全用新鮮芒果打出黎 - 正。 原本叫咗 1杯， 之後更手即刻叫多 2杯。而家做特價 $ 22， 都算 ok 抵。個豬頸肉， 燒得好香。每碟都夠曬大碟個生蝦直得再食， 好新鮮。而家做特價 $ 98 ，個汁又夠野味。服務員都好有禮貌， 整體都唔差。係元朗區咁既價錢， 有咁正宗既泰國餐廳。都唔錯不過， 原本定咗 7點入坐，但都不 7點3先可以安排入坐。下次希望餐廳可以準時安排。咁就 happy 曬啦。

這是元朗新開的泰國餐廳，因為近屋企，老婆又愛泰菜就入去試試裝修同乾淨度不錯，不過因為鋪細所以較迫，可幸今天食午飯。又因為新開未有很多客。這個海南雞河，雞夠嫩龍眼冰，有蜜糖味幾滋潤，如果龍眼再多一點更好。無骨豬手飯，去過泰國後就好想係香港再吃，這間味不錯，汁濃，皮都幾冧幾有膠質感，但肉應切片狀，而家條狀太厚，肉實又乾，呢度菜就不推介了。這個泰式沙律材料十足，極豐富好味。不怕辣既必試。比較同區泰菜，今次不太公平因為只試得幾樣。泰國招牌串燒／炒河／冬陰功等等都未試，暫時只係覺得冷盤較好。

同5個朋友仔都係愛泰之人，當然想食正宗泰國菜啦，有朋友之前食過呢間新開泰菜話好泰味一於就試下，晚飯時間都係等一陣就好快有位，叫左8個送5杯飲品，生蝦同鳯爪好新鮮同入味，每款叫左2碟大家唔洗爭唔講得小，每個送真係泰好味大碟，最尾都加碼叫埋椰汁西米糕同芒果糯米飯，整個晚餐太完美，一個字講哂，好味埋單平均每個人都係$150左右，抵食，新開張而家仲有折扣優惠👍🏻👍🏻同行朋友話父親節要黎多次 😂😂

今日同一位朋友食晚飯，去左呢間新開的泰國餐廳，新開張唔太多人知，唔洗等位👍🏻👍🏻2個人，叫左個小食拼盤，辣椒膏炒大蜆，泰式咸肉炒通菜，2杯飲品，等左無耐就有野食，都幾快上菜。小食拼盤有5款小食！炸蝦餅，魚餅，泰式素春卷，香葉包雞，串燒新開張價錢優惠89蚊！抵！ 食食就上左最想食的辣椒膏炒大蜆，是我的最愛名不虛傳，大蜆真係超大隻！仲要好鮮甜無沙，辣椒膏味道好惹味，啲配料好足同入味，我覺得可以做呢間野既招牌菜！當晚仲要做晚市$88！唔好講咁多，有圖有真相！最後上埋個泰式咸肉炒通菜，食落唔咸，泰國餐館黎講都幾大碟食到呢度2個人都已經好飽，埋單每人120蚊👍🏻泰國菜有咁既質素唔貴幾抵食😋