泰寮泰菜館 (已結業)

啲侍應衰到無人有, 亳無禮貌服務態度勁差差差差差差差, 食完野即刻趕你走!!! 食品差勁, 咖喱蟹超咸, 叫咗幾樣嘢食, 無一樣掂, 食咗幾啖咖喱蟹, 已經咸到頂唔順, 叫佢比杯水,叫咗4次(記住係死都唔會比),仲要話我地係咁,你下次可以唔嚟.好我會記住, 一世都唔會再去.不過我都好同情佢地, 因為佢地應該做的好唔開心,其實佢地咁唔想做, 咪返屋企做少奶奶囉, 何必要黑口黑面去打工呢? 大家未試過一肚氣, 就快啲試吓啦!送句劉德華名句比佢地: 今時今日咁既服務態度係……….唔得o架.

見咁多笑面專程試食，今日星期六下午3時到步，見店內約9成客滿，只有3個侍應非常忙碌，門口企咗3分鐘無人理，自己與家人入座，3個侍應仍然非常忙碌，我們坐下數分鐘無茶無餐牌，得閒望下店內裝修枱椅都幾殘舊感覺濕濕立立唔係咁乾淨，失分。終於叫到侍應取餐牌睇，好多特價套餐配搭睇到眼花撩亂，不理套餐只叫個人喜愛。須然侍應人手少，但食物準確陸續送上，時間亦合理，無錯漏，讚。1/.鐵板蠔仔蛋-7分，蠔仔份量足味道ok，但不夠乾身油大多。2/.菠蘿炒飯-6分，外型交足貨，但味道淡無香味。3/.沙爹牛半打-5分，太乾身無牛味。4/.蝦餅-7分，粉較多，算啦。5/.乾炒雞肉河，8分，乾身香口有鑊氣。另飲品2杯。整體非常一般，有點失望！令我更加懷念昔日的香辣屋。

今日同朋友在沙田找地方食晚飯，因為新城市太多人，而且價錢也不便宜，所以朋友介紹了此食店。一坐下便有籃蝦片，好脆好味！我們三人點了食物如下：1)冬陰公雲吞：自從去了泰國後便愛上喝冬陰公，不過自己又唔食得辣。這裡的冬陰公對我而言就非常合拍了；好多料、好夠酸、好好飲呀！不過嗜辣的人可能會覺不夠辣。2)豬頸肉：略為乾身！3)椰汁烚雜菜：用椰汁做獻，幾香；不過吃得多會覺膩4)泰式少米粉：即是炒金邊粉，不過不失5)咖哩雞件：咖哩好香好濃，也是不辣，岩曬我！總括而言有驚喜呀，是沙田市中心食泰國野之好選擇，食完行過新城市又方便，正！

5個人叫左招牌炒飯泰式炒米飛天通菜鐵板蠔青咖喱雞豬頸肉綠豆布甸招牌炒飯份量都幾大味道都ok la泰式炒米即係金邊粉略嫌比較通菜夠鑊氣鐵板蠔幾特別味道唔錯青咖喱雞就而甜為主只有少少辣豬頸肉就一般般啦綠豆布甸就....似蛋糕多唔推薦$356埋單如果星期3去有八折就更抵啦!

它搬了之後都未試過，我昨晚才真正試過.....開頭懷著一個唔好的心態去食，因為逢星期三有八折，d 一定唔多啦，冇咁好食.... 雖不知..嘩！勁好食呀！一家人叫了九個菜，都是四百多元..幾抵....又近... 我屋企樓下.... 哈哈！推介是：火鳳凰(燒雞燴紅色醬汁)

岩岩去食完"服務都ok"食物我叫左四樣野，有飯有沙律有豬頸肉有蝦覺得好辣"好好味"飲左杯菠蘿檸"好味!"逄星期三有２０％off今日咁岩又係星期三非常好總括整体：良好

雖然忙碌的日子已來臨，可是再忙也是緩一緩氣。於是昨晚相約男友在沙田食晚飯。極少在希爾頓中心覓食，但由於又想食泰菜，記起這裡有一間，於是走了過來。一坐下就送上一籃蝦片，不知道要收幾多錢。我們order了一個波蘿焗飯($55)和豬頸肉($45)。蝦片有少少辣，都蠻好食的。豬頸肉的味道相比起平時食的，有點兒怪怪的，不過蘸上醬汁後就好多了。波蘿焗飯份量都頗大，似乎要滿瀉。味道就一般啦，還是比較掛念香菜肉碎炒飯(可惜我食不了辣……)雖然只點了兩個菜，都已飽飽了。環境當然沒有ntp食肆那麼好，但坐得都蠻舒服的。侍應應該全都是泰國人吧，服務不算好，而且都是沒有笑容的。添水也是無聲無息地在你身後加水，真的嚇一跳。最意外的是星期三全日八折，可是價錢也不是特別抵食。當然，能撇開煩務和男友食飯，是最開心的吧。

要解決週一的report+presentation，全體成員集合於新城市廣場傾project。　同學們齊心又認真，討論完畢後，已經二點了；之後5位成員由地頭蟲引路，到達這間泰式餐\館醫肚。　到達餐\廳已是茶市時間，由於相當肚餓關係，我們每人點了一個冬蔭公米線茶餐\，再散叫雞肉濕炒河、飛天通菜、香葉辣肉碎包等：　茶餐\的冬蔭公米線($25)原來並不小，冬蔭公湯底不太酸辣，口味溫和得來滋味算不錯；幾位同學都點豬頸肉，試過味道ok不突出，反而我揀的扎肉很好食，令我留下深刻印象，值得推介!飛天通菜-不過不失，$28一碟一叫又無妨，一頓飯總要有綠葉陪襯嘛雞肉濕炒河($28)-攤到半涼我才試，覺得麻麻地，可能作不得準；不過食剩最多是事實香葉辣肉碎包-$38居然份量超大，不過味道不算出色，主要是肉碎較濕而味偏淡；好處是有得自己動手包菜肉卷，樂趣一欄有分加。一班人食都幾ok!　茶餐\還有飲品，我加$6要了熱紅棗蜜，飲完暖入心窩。整體食物不差，環境尚算整潔，服務都算合格，最抵是價錢：埋單每人$50，捧著大肚子離開!

20070128在沙田逛街，想起有這樣一間泰國餐館，好像評論還不錯，一路從新城市廣場“翻山涉水”過來這個有些“人跡罕至”的“小巷”，望望裏面也很鼎盛的樣子，門口姐姐又真的是泰國人，就儘管一試。四個人，研究了一輪餐牌之後，發現四人餐分量太多，二人餐的選擇又太普通，於是選擇a la carte。說來也奇怪，香港的餐廳裏，二人餐永遠是適合三個人的分量，報紙最近評論說香港人“無衣食”，浪費太多，不知追本溯源，錯在誰人呢？言歸正傳，我們一共點了四樣東西，原本猜它會自行調節為一個正常的上菜順序，誰知全然不是……所以，第一盤就是鳳梨火局飯，而主菜剛上齊，作為甜品的香芒糯米飯也來了，放久了有些變涼發硬……撇開這一點不說，平均味道還是不錯的。以鳳梨火局飯為例，大碟足料，魷魚、蝦仁、雞丁等等一應俱全，另伴一小碟肉鬆與腰果，飯很幹身，毫不油膩，但又滲透鳳梨清香，值得一贊。再說椰汁時菜，有椰香而不甜膩，菜蔬款式繁多，也是大大碟。另一個生菜包豬肉碎，散發著香草的天然味道，清新可喜，比前兩天試過的灣仔那間還略勝一籌。美中不足是生菜洗得不夠乾淨，先後發現幾點泥水與一條小蟲……安慰自己說這是它夠“有機”的證明：）還好

在這裡，好像是愈吃愈沒有味道，是晚吃的炸蝦，外看金黃，咬下是腍又沒味道，找來個炸薯餅還比這個好吃。 金邊粉炒得不香，粉質帶韌，味道不到位，只是微酸甜，濃度不足，當中的蝦，肉質是實的的，心想是否用來煲了個蝦湯才拿出來作配料的，否則的話沒理由丁點兒蝦味也沒有。 原本只是路過的菠蘿炒飯，走了兩轉也沒人認領，同情心的驅使下收留享用，混了魷魚及小時候常吃的雜菜粒，例牌的用了半個菠蘿盛著，整個飯也是埋得滿滿的，用了一雙匙左挑右撥，小心翼翼把飯移至各人碟上。 餘下的一道是芋頭飯，噢！這個叫像樣一點吧，芋頭是又粉又香的貨色，連肉碎的飯也炒得香噴噴，用瓦煲盛裝著，份量不少，味道總比以上的各樣好。 埋單是一百三十多，平均每碟都只是三十多元，整體來說，快餐的價錢，以此個質素，也勉強合格。

Went for dinner the night before. Originally, we wanted to go to Chilli & spice but have to wait, so we decided to ry this restaurant.The environment is cosy and the waitresses are verypolite. The food is quite good and the portion is really big. We ordered too much and had to take away one fried noddle home in the end. I love the green papaya salad there!

雖然明知佢d 野食唔太正宗, 但味道仍然唔錯, 係沙田來講,個價錢算公道, 但唔知點解無左泰奶茶幾年了!!!

琴晚同老公兩個人去食, 因為老公話星期三全日八折,不過要等位，等左差不多二十分鐘，入到去即時比左兩杯熱茶我地，但我怕辣所以叫佢地比冰水我，跟住佢地就比左一籃蝦片我地，好好食，有小小辣，我同老公叫左一個二人套餐，有冬陰公、雞、蝦、蒜茸包，我地仲叫左個芋頭肉碎焗飯，因為聽人講話好好食，啲野黎得好快，啲waiter服務同態度都非常好，非常有禮貌，同成日講唔該，食物好味，好香，冬陰公好正又不太辣（好有泰國feel)，自從同老公去完泰國，我地都愛上飲冬陰公；蝦同雞也不錯，大大碟，最後食唔得晒，打包埋今日帶番公司食。值得推界！可以一試！

我覺得佢地d服務態度算幾好,每個侍應都好有禮貌同好有耐性；而d食物就一般啦，有d都幾好味，例如: 冬陰公(好有泰國feel)、蝦餅(夠熱同有蝦味)，但有d就麻麻地嘞，例如: 咖哩蟹(唔夠辣)，串燒-喺個泰式拼盤度(就比較"鞋")。而有一樣野唔講可能大家唔知，當大家最初坐低order咗食物時,個侍應小姐就會埋嚟擺低d茶同埋兜蝦片係枱度，大家就以為呢兜蝦片係唔收錢哩，哈！當你地埋單時就知原來呢兜蝦片係要收88蚊gar，嘩！咁嘅價錢簡直可以叫多一兩味餸啦！呢樣野，似乎有d搵笨噃!!如果我之前知道咁嘅，我諗我會考慮吓幫唔幫襯佢地囉!!(開飯喇按︰蝦片收$10元非$88元)

叫咗四樣野冬蔭公烏冬, 唔太辣唔太酸,都好夠味,好開胃芋頭肉碎焗飯,香口,好似食煲仔飯,正蠔仔鐵皮燒,好似潮洲蠔餅,幾特別飛天通菜,好夠獲氣,好青綠服務態度真係一流, 好好笑容,全部侍應都係泰國人, 廣東話好好,環境就比以前新城市中心第三期差咗少少