泰好餸 (已結業)

前排去左朋友屋企順便食埋dinner先走，最後我地揀左泰國餐廳 - 泰好餸，試一試味道如何先！泰式三餸飯 - 自選餸菜（黃咖喱、綠咖喱、炸魚）：三款餸份量幾多，綠咖喱比黃咖喱辣，連同白飯混埋一齊食，味道幾香口又惹味，而雞件口感亦嫩滑。至於炸魚味道同樣吾錯，件數亦吾少。50蚊就食到大大碟飯餸感興幾抵！另外，可以加$5(熱飲)或$8凍飲添。+$8 泰式奶茶：茶同奶既比例岩岩好，口感香口又滑，用黎解渴提神又得！泰式串燒 (豬、牛、雞)：一共六串，可以一齊過試晒三款肉類串燒。沙嗲醬汁不得不讚，夠濃郁夠惹味。三款串燒肉味香濃，豬同雞串吾會鞋口，牛香味就最突出。芒果糯米飯：芒果甜中帶少少酸，糯米飯軟硬適中，上面既椰汁夠甜，作為飯後甜品一流。

大角咀開始成為泰式食物的集中地，知道新開泰式兩餸飯，試食先，門口好清晰，一睇就知兩餸飯！👀除左兩餸飯🍱，仲有其實炒粉麵飯，各式飲品🥤☕裝修有特色，地方寬敞！ 門口先落單，多種類泰菜選擇，花多眼亂🌈西蘭花炒蝦仁，🌈馬拉盞炒通菜，🌈茄子肉碎，🌈綠咖哩雞，🌈黃咖哩雞，🌈紅咖哩雞，🌈香葉肉碎，🌈紅咖哩豬，🌈豬手，🌈椒鹽雞翼，🌈泰式家鄉炸腩仔，🌈泰式燒雞，🌈泰式春捲環境乾淨衛生，我最後決定要，兩餸飯$40另加$8配凍飲，泰式奶茶🥤🌈香葉肉碎🌈綠咖哩雞雖然價格親民，但製作認真，絕無馬夫，食物味道，正宗泰菜，招呼好！有禮貌！ 下次會再試其他食物！ 🍛

今日去大角咀探朋友，朋友話帶左我去佢屋企附近試下泰式三餸飯。餐廳裝修都幾有特色，掛咗泰式嘅油畫，充滿泰式風。三餸飯都幾多選擇，十多款餸菜可以揀，賣相都唔錯我地點左個泰式三餸飯，揀左黃咖哩雞、馬拉盞炒通菜同炸魚。三餸飯賣相都唔錯，黃咖哩辣度溫和，唔會過辣，口味偏甜；馬拉盞炒通菜夠鑊氣，味道夠濃夠惹味而且菜唔會老；炸魚唔會厚粉或油膩，都幾香脆。泰式鳳爪- 酸辣開胃，食落夠晒爽脆，啱晒呢啲天氣食。泰式炒貴刁 - 份量夠好足料，有蝦、蛋、花生碎等，食落香辣惹味，味道層次豐富。 西米露同紫米露- 香濃順滑，唔會太甜，甜度剛剛好。椰青- 食完熱辣嘢當然要飲返d野，椰青水解渴消暑，食埋椰肉就更加滿足。

今晚幫趁由泰國人主理的「泰好餸」，兩個小食、兩款炒河，享受一個泰式風味晚餐，小店鋪裝置充滿清邁風情，皆因女店主喜愛清邁的清新寧靜天然環境，餐館還兼營外賣兩、三餸飯，方便上班一簇。冰凍泰式椰汁很消暑。小食：泰式燒魷魚，魷魚肉質鮮甜，可惜份量較少。泰式家鄉炸腩仔，香口又脆口，是下餸送酒佳選。乾炒雞肉河，夠鑊氣很香，更有胡椒香味，芥蘭很爽嫩可口，雞肉嫩滑，很美味可口。濕乾炒牛河，牛肉鬆軟，濕河其特色有多款蔬菜，份量也多，獻汁可以提升味道，也有滑溜溜口感。乾河和濕河各有特別，共通之處都是受歡迎之選。

最近潮流興賣雙餸飯。行過估唔到呢間新開咗間賣泰式雙餸，比中式雙餸有少少新意，懶得煮於是買個雙餸屋企加餸。咕嚕魚+青咖哩雞 $68仲可以加$10轉冬蔭功湯！10蚊一細碗冬蔭功湯，抵喎！d餸既份量都合理，可能拎到返屋企都已經一段時間，味道一般般，不過總括黎講，咁既價錢，ok gei!下次堂食再試真啲！

泰式兩餸飯近年興起都未試過，見附近開左間一於試試佢之前已經聽街坊講呢間兩餸飯比餸好孤寒，西蘭花炒蝦得兩粒蝦仔，所以本身對份量已經無咩期望，點知都係太天真！嗌左魚露炸雞翼同馬拉盞炒通菜，飯同通菜份量正常偏少，同一般兩餸飯無得比都算，雞翼竟然得兩隻姑寒到咁真係超越想像。。。味道都正正常常既，不過通菜係無馬拉盞味既，係普通嘅炒通菜。。。$42 食餐飯唔貴既，但兩餸飯食完唔飽真係太過份大角咀附近大把野食可以唔洗揀佢

好耐都冇去大角咀區域，因為搵朋友，所以去試試那裡的美食。朋友介紹去食泰國菜，感覺好特別，餐廳門口有現在最熱門的3餸飯，不同的配答，都係$50/份，仲可以跟餐補$8有杯飲品！我地坐左起餐廳叫左個thai style combinati $98/份剛好適合兩人份量，魚餅，我最愛食，香口，有泰國風味。蝦餅夠脆。春卷比較清淡，素食者喜愛。雞翼係香茅味道，炸到比較乾身。乾炒牛河$56/份牛肉同菜炒上河粉，好有鍋氣，不油不膩，味道剛好！芒果🥭糯米飯🍚$58可以當飯後甜點，糯米飯仲係熱的，配上椰汁🥥新鮮芒果🥭，真好味😋咸檸7當然少不了的飲品😊

好耐冇嚟大角咀記得呢頭以前好多嘢食原來而家仲係短短一條街仔就中、西、日、越、泰都齊見呢間泰式三餸飯好有特色一於入去試一試可能晏咗少少選擇唔算太多揀咗黃咖喱雞、香葉炒肉碎，阿姐推介雞翼，話好味道跟住見到收銀機傍佢都食緊，一於照跟😁逐樣逐樣食黃咖喱好香好味完全係咖喱炒蟹嗰種味好地道、好泰國。。。呢個時候，即刻追加碗冬蔭公不過碗湯只係暖暖哋，偏甜唔辣問阿姐佢哋如果自己飲嘅味道係咪有啲唔同阿姐二話不說即入廚房捧咗碗熱騰騰嘅冬蔭公俾我嘩，辣度十足、泰國味道返哂嚟多謝阿姐！跟住雞翼，味道好正，但煮得老咗啲，肉質頗硬然後食炒肉碎唔好見佢炒定一大盤味道竟同逐碟新鮮炒一樣咁正好唔好食，睇下隻碟。。。晚市個菜牌好可愛揾晚一定要嚟試呢個爆多蟹肉咖喱包，唔好阻我，冇面俾😂

最近留喺大角咀嘅時間比較多 經常喺度搵食🥢講到創新嘅話 我又比較欣賞呢一間 兩/三餸飯開到成行成市 不過泰式嘅我第一次見咋😆最重要係有堂食 而且裝修都好舒服 除咗兩/三餸飯 仲有其他泰國菜式可以選擇 ▪️三餸飯淨係咖喱都有幾款 紅咖喱豬同黃咖喱/綠咖喱雞 我就揀咗黃咖喱雞🐓咖喱汁加咗蛋所以特別香 除咗雞件之外 仲有薯仔同洋蔥等配菜 🧅甜酸魚柳有好多件 味道好開胃 最後就係泰菜必食嘅馬拉盞炒通菜 整體來講都滿意 每樣餸俾嘅份量都唔少 真心抵食▫️泰式炸蝦餅雖然未算好香脆 不過質感夠彈牙🦐▪️泰式串燒豬/牛/雞各2串 共有6串🍡一上枱已經聞到陣陣炭燒味 串燒最重要當然係燒完都唔乾 吳度嘅水準都唔錯 最鍾意係雞肉夠嫩滑⚠️同店員傾談間 先知道原來佢地係朗晴坊嘅真心泰國菜館搬過嚟 唔怪得知咁啱我口味啦😆以前同朋友成日去㗎

去奧海城參觀新樓盤示範單位，順道去大角咀吃晚餐。餐廳的内部裝修新，牆壁掛了很多泰國油畫，不斷播放泰國歌曲，恍似置身於泰國。三餸飯50元，有十多款餸菜供選擇。燒雞沾些泰式甜醬一起吃，很滋味。綠咖哩雞又香又辣。炸魚甜而不辣。白飯軟硬適中。泰式煎薄餅38元，外層被煎香，內層餅煙韌。芥蘭炒鹹豬肉95元，芥蘭翠綠爽口，鹹豬肉被油炸過，有嚼勁，帶咸味。泰式芒果糯米飯58元，芒果甜，糯米飯混入少許炸米，雙重口感，椰漿甜，糯米飯沾些椰漿一起吃，很美味。總結：充滿泰國風情的餐廳，美味的食物。

平時的兩餸三餸飯多是港式的，今天路過大角咀見這間名為「泰好餸」的餐廳竟然有泰式兩餸三餸飯，便即刻入去試一試。一入去見侍應應該是泰國姐姐，笑容😀親切又有禮貌，由於不食得太辣，姐姐即刻介紹我食咖喱雞，果然味道香而不會過辣。其他兩餸我選了肉碎和西蘭花蝦仁，肉碎炒得很香份量又多，蝦仁大大隻😍乾炒海鮮河，十分好味，青口和蝦仁大大隻，河粉炒得乾身配以香料，泰式風味完全出哂👍🏻串燒（可選牛豬雞），我們叫了牛和雞，即叫即燒熱辣辣，一碟6 串燒魷魚，完全令我想起泰國的大排檔風味！主食例如三餸飯、炒粉麵，加$8便有特飲，有多種選擇例如椰汁、三色冰、珍多冰等等。我們叫了龍眼冰和鹹檸七，簡直透心涼，消暑佳品🥤

原來呢邊開咗間新嘅泰菜 有兩餸飯三餸飯 可以堂食又可以外賣 泰式兩餸飯又幾特別😆 睇落都好吸引又抵食 平時一個小菜都幾十蚊我哋堂食就嗌咗小菜share乾炒雞肉河粉 $56意想不到好好食😋 河粉好惹味黑椒味好出炒得好香 河粉滑身少少煙韌 雞肉嫩滑 再配蛋同芥蘭妙 好香好好食 份量都幾多兩個人都夠share泰式椒鹽軟殼蟹 $76同普通日式炸軟殼蟹唔同 外皮更厚 更有口感 原隻炸嘅軟殼蟹亦都保留左佢嘅本身嘅汁同埋膏泰式燒豬頸肉 $63豬頸肉爽口鮮美 配上秘製醬汁酸酸辣辣好惹味👍🏻仲嗌咗個芒果糯米飯攞走食～雖然隔咗成幾個鐘先食😹 但芒果超香甜 椰汁好香 糯米飯軟糯

中午路過大角咀道，在街口處看到一家泰式餐廳，如同曼谷街頭一樣，於是便走上前看看有甚麼美食。門前擺了一盆盆的泰國美食，$50有自選三餸飯及$42兩餸飯，很吸引。餐廳半開放式，裝修富泰國風情，令人彷如置身泰國。自選三餸飯：甜酸魚塊、青咖喱雞、炸蝦餅。魚塊酸甜惹味，炸蝦餅也不錯，青咖喱濃一點更佳。加$5椰汁紫米露和加$2有罐裝汽水紫米露椰汁也香濃。“泰式燒魷魚”，魷魚燒得微焦，但香脆可口，點上泰式辣醬來吃，滋味非常。“泰式燒豬頸肉”，肉質爽口，燒得香口，加上泰式辣醬，口感不錯。“生菜肉碎包白飯”，肉碎微辣，加入香葉，有泰菜味道，用生菜包著來吃，香辣中帶清爽，非常配合。這裏用餐，用街坊價錢，換來異國體驗，很有特色。

本身被這泰式3餸飯$50招牌所吸引，諗住黎試下。入黎坐低，睇一睇嗰餐牌先知原來這間係喺旺角搬來的。老闆娘透露旺角鋪地方大，租金太貴，所以都被逼要轉營，轉來細鋪同做埋3餸飯。可惜唔多人知道搬左黎大角咀。都多熟人黎既然係識嘅，一於幫下小店，點小菜慢慢食。黃咖哩牛咖哩味滑溜，唔辣，味道偏甜。牛片都多，仲有泰式蔬菜咪睇佢細細碗咁，倒轉勁多雜錦串燒 雞皮燒到好香 細細串 容易食 而家製花生醬味蠔油雜菜雜菜多種類，補充下纖維洛神花茶/青檸茶老闆娘介紹，果然比起其他地方特別濃郁

估唔到屋企附近又開多左間2餸飯~不過今次唔再係粵式, 而係泰式! 好想念係泰國街頭D幾餸飯, 香港好似真係少見D, 等隊長B又試下佢~係廚窗已經見到好多款餸, 心大心細底下叫左香葉炒辣肉碎同紅咖哩雞原來2餸飯都可以堂食, 呢度堂食都唔錯, 好夠冷氣, 而且極有泰國feel香葉炒辣肉碎都幾香口既, 送飯不錯, 紅咖哩雞個汁相對水D, 但D雞同茄子都幾好, 如果辣D就更加正!另外再加多個泰式生菜包同辣椒膏炒花甲生菜包好多料, 份量夠, 幾香口, 每件都可以放好多肉碎落去包住食辣椒膏炒花甲幾惹味既, 不過可能是日D花甲唔夠大隻啦, 加上老板娘話係員工落錯貨, 所以肉就唔太大粒, 但無沙乾淨且有味道補救~ 連D配料都好入味