影片
去迎海探朋友 下昼去咗迎海商场 一间泰国餐厅食下午茶 点咗个香叶大做碎炒饭 个炒饭一啲都唔油 有香叶味 又够香辣 都只系45蚊😍超值 值得推介 另外点咗个马拉盏炒通菜 呢个马拉盏通菜唔会太咸又有微辣 非常香口惹味 都只系48蚊 👍🏼👍🏼下次我会叫朋友同我一齐嚟呢度再试其他食物
继续阅读
我本身住喺迎海附近 都未嚟过迎海商场食嘢 ,今晚 就过嚟睇下有咩食，见到有间泰国菜就入去 试下, 因为妈咪钟意食鱼所以叫咗条明炉乌头 另外叫咗碟腊肠炒芥兰， 条乌头好肥美呀 啲汤酸酸微微 非常醒胃， 另外接腊肠芥兰啲腊肠甜甜地好好食，问咗侍应佢话系泰国嚟嘅腊肠， 叫咗两碗白饭 两个人两百蚊都唔使 总括嚟讲都ok👍🏼
继续阅读
今日同朋友打完波好肚饿，经过迎海场商场见到有间食泰国菜餐厅于是走入去试吓啦，叫咗个辣肉碎炒饭、 虾饼 、冬阴功、 辣椒膏炒蚬辣肉碎炒饭炒得唔错唔油份量又够大 唔觉唔觉就食晒。😋辣椒膏炒蚬［正］［正］👍👍啲蚬够大只够新鲜加埋辣椒膏洋葱一齐炒甜甜地 好食到不得了。😋冬阴功酸辣适中整体上唔错下次会同波友再来食😚😚
继续阅读
2024年7月26日中午去食饭，三个人叫咗个咖喱饭，鱼面&金边粉，鱼面食到一大半，发现有曱甴脚喺入面，作呕，同服务员讲左，佢哋话赔返个鱼饼，其实我哋都已经饱，建议俾个折扣，但佢哋话唔可以只能赔鱼饼，我哋都唔想麻烦就接受咗，但等极都冇送上嚟，加上又赶时间就建议佢打包，呢个时候服务员要求我哋比两蚊做打包费，当时已经觉得好唔合理，呢个系赔偿仲要我哋俾钱打包，算啦，息事宁人！但返到屋企一打开鲍鱼饼，真系激死人，入面只得一粒，系一粒鱼饼！好似我哋系做错𠮶个咁样，当我哋系乞儿呀！唯有走上嚟投诉讲返件事出嚟。
继续阅读
点咗海南鸡配焗黄姜饭餐，食咗上面𠮶层海南鸡都冇乜嘢，系淡茂茂冇乜鸡味。但食到下层嘅时候，发现近鸡翼脾位附近嘅鸡肉系生嘅！！！😤😤用佢餐厅嘅锯齿餐刀🔪切都到切唔开。同个男待应讲，佢第一下反应系话：「近骨位置可能系唔熟，但依旧依旧(手指指住啲鸡话俾我听）都系熟。」我同咗佢讲：「唔熟就系唔熟！唔会再慢慢同你拣边够熟，边够唔熟。」（我心谂我个叉都掂到唔熟嘅位置，唔通要我不断换叉，以免生同熟嘅交叉感染？）我谂住佢系会换过俾我，点知佢Offer话：「我俾多杯嘢饮你？！」😠亏佢讲得出，我点嘅系套餐，已经包咗杯嘢饮，我饮咁多杯嘢做乜鬼？！之后佢想收走𠮶两嚿生鸡，佢话换过俾我，我就俾佢收走。(冇谂过要影低相，谂住佢都话肯换）我仲加句话叫佢俾返两嚿俾我就得。转个头听到佢话：「啲鸡全部切好晒一份份，所以冇！唔好意思！」即系佢完全冇心换俾我！出尔反尔！不负责任！🤬🤬🤬🤬🤬我叫另一个女侍应收埋我哋食净𠮶啲鸡，费事笃眼笃鼻。到埋单嘅时候，我系俾足钱，当然佢亦收足钱，完全唔觉得有问题。食物质素差！服务态度差！处理手法更差！
继续阅读