泰國小吃 (已結業)

29/4(日) 11:15am家庭樂的星期天,十數位親友組合的海膽團於西貢碼頭集合.我倆刻意預留點點時間先到西貢醫肚.早上的西貢挺熱鬧的,不少爬龍舟的健兒已划了好幾轉.屈入福民路這窄巷,同樣人群聚集;不想翻吃"松記",決意嘗嘗隔壁的"泰國小吃".來吃早餐的食客大多是踢拖的街坊一族,小店格局,圓木桌椅數張,沒甚花巧裝潢.粗略掃看牆上的餐牌後,我倆點了海南雞飯$27及魚餅檬粉$20.海南雞飯--雞肉不算極嫩滑,雞味亦不濃;但勝在份量足;而油飯頗有嚼勁但不夠軟糯,不得不提那碟秘製醬汁,拌雞或飯皆一流!附送的冬瓜湯味道清而甜.魚餅檬粉--魚餅質感彈牙,湯頭清甜,檬粉入口爽而滑,水準地道!作早餐的話,份量太豐盛!$47的早餐,吃得肚皮脹脹,水準亦不遜,值得一試!

近排去西貢練習完都會去d間食店食野,d豬頸肉好瘦好好味,手撕雞都唔錯.有朋友試過海鮮炒飯話好好味.佢地係既自制既醋好好味,食麵時我都會落兩匙.算係我地近日蒲得最多既食店.p.s.佢分開左幾個舖頭架.不過食客仍然係好多.所以都比較迫.

我0係西貢住的, 好開心呀~ 因為旺泰係我睇住佢開, 第一次食, 覺得超好味超抵食, 覺得佢0地一定有得做, 點知事隔幾月, 佢地開埋分店tim la...0係舊舖時(行仔) 以前我一定食佢d雞飯, 豬頸肉飯, 超正, 食過你就知.. 不過後來呢, 食得多都會厭, 就轉左食大餐先去... (因為有分舖裝修靚d.. )會叫curry蟹啦~ 一流, 尤其是個curry汁, 食過包你話正~ 紅curry的菜都好好味0架~ 要試試... 其他的菜式其實每一樣都好有水準... 都唔知講邊樣好, 總之, 去到放心點菜, 經濟又好味... 一流0架~

以前得一間鋪時...無分店....而且隔離仲有售賣同類產品的對手時,佢個雞豬飯好正,飯底好香,雞味好好,加上碟醬好野味...真的好好...但現在分鋪多開成4間,品質開始走樣,有時d雞仲無味...好差....仲加上現焦對手,...恐怕品質會更差

依間食店係西貢出左名好食，當中既雞飯及豬頸肉飯更是極品，飯底充滿椰香，泰式油飯真係與別不同，日賣幾佰碟都視作等閒！別外泰式牛丸爽口彈牙，大大粒，口感非常，與平常食到的實為不同，據講全是泰國入口！最後一定要推介滷水雞翼，因為味道略帶甜味，同瑞士雞翼一樣，但食味好食過太平館既出品，萬二分推介！此店位於專線小巴站前既大廈小巷裡，唔係咁易搵到，鋪位細細，但次次去都人頭湧湧！