泰國婆

营业中

休息中

屋企附近開左新餐廳，泰國菜我的最愛之一，一於去試下質素素。餐廳的菜式都幾多樣化，大部分大家認識的菜式如串燒，冬陰公，船麵都可以食到。我地點了泰式炸蝦餅蝦餅肉厚，又夠彈牙，滿滿的鮮蝦味，又不油膩，質素很高。泰式海南雞飯跟餐湯海南雞的油飯做得唔錯，有油香和少少香料如香矛的味道。雞肉啖啖肉夠嫩滑，份量都多。泰式蟹肉炒飯炒飯夠鑊氣，加埋蔬菜粒夠健康。蟹肉絲鋪滿飯面，食落夠鮮味。芒果糯米飯糯米飯份量多，上面的椰漿很香濃，芒果夠清香，正常發揮餐廳係大商場的定價合理，味道達標，職員細心有禮，值得一讚。下次過埋黎試下菜式先。

今個星期屯門放工做完T R X後，就去V city行下，無意中發覺新開左一間泰國餐廳，入去試試。泰式炸蝦餅$58/三件佢嘅蝦餅炸得幾香口，而且蝦肉識落彈牙，三件佢會每件一開二，所以可以一口一啖，配埋泰式辣將食好惹味。太陽蛋炒香葉肉碎飯 $78呢個飯真係有啲驚喜，因為佢嘅香葉肉碎炒得非常之香，有少少辣經過咗調味之後，再配埋太陽蛋有少少流心嘅蛋黃，撈埋啲飯一齊食勁惹味。泰式冬陰功湯 $98相比之下呢碗冬陰功湯其實分量唔係好大，不過勝在味道唔錯。有一隻大大嘅海蝦而且都算足料，入邊有唔少嘅菇，酸酸辣辣係正宗泰國冬陰功湯嘅味道。泰式鳳爪沙律$78呢度整既鳳爪沙律我覺得味道適中，唔會過辣，食落好清爽，因為佢仲加咗啲洋蔥同埋蕃茄去做調味，所以食到咁上下，refresh下都幾好。

在V City新開的泰國餐廳，在門外見到幾乎滿座，似乎很受歡迎，剛好有最後一張枱不用等位，立刻進去用餐吧！職員招呼很好，一坐下便為我們介紹餐牌，不會因為太忙而忽略服務。點了我最愛的泰式鳳爪沙律$78，要拌勻酸辣汁吃才夠味，辣度適中，稍嫌酸味不夠，鳳爪非常爽口新鮮，連泰式沙律一起吃，辣得來醒神。炸蝦餅$58/3件，切開六塊，這個小食價錢比其他泰式餐廳便宜，與朋友分享邊吃邊談天很不錯！蝦餅較軟身，外層炸得鬆脆香口。泰式乾炒豬肉片河粉$78，吃下有驚喜，因為加了泰式香料，帶點香葉味道，鑊氣夠，令香味揮發，吃著河粉滿口生香。肉片和雜菜份量多，很有口感。泰式船河$78，是這裏的招牌菜，見到幾乎每枱客人都有點的。牛肉片是火鍋肥牛片，沒有煮得太熟，浸在湯裏吃的時候，熟到就剛好 。細細顆的牛肉丸有五粒，非常爽口彈牙，有肉香，很好吃啊！湯底夠味，鹹淡適中，配河粉和炸豬皮浸在湯裏，吸收湯的精華，真的很美味！泰式奶茶$25，喜歡它味道正宗，稍甜的奶味和特別的茶香，才是泰國風味。泰式椰子刨冰$38，刨冰非常棉滑，像吃雪糕般，有椰汁香，也不會太甜，吃完香口菜式，再喝椰汁冰，有口感又甜絲絲的。朋友都吃得很滿意，整

一向鐘意食泰國菜既我 發現屯門Vcity最近新開左間泰國菜餐廳——泰國婆😍食物又多種類 而且價錢好超值 簡直好似回到泰國一樣 -🔸泰式冬陰功湯
冬陰功湯絕對係我每次食泰國菜必點 但好多一係太辣 一係太酸佢地既冬陰功味道恰道好處 好香好惹味 唔會太太辣太酸 仲有份椰香 令我同朋友爭住飲😋-🔸泰式海南雞飯
海南雞飯好有驚喜 每碟飯都配一碗湯
而雞肉份量好多而且啖啖肉 肉質仲好滑加埋油飯真係好好食😍
-🔸鳳尾蝦炒金邊粉
 金邊粉好惹味好香口 份量都好有誠意好多鳳尾蝦好大隻仲啖啖肉 得好滿足😌
-🔸芒果糯米飯
食泰國菜必點既甜品 芒果又甜又大配上椰汁糯米飯真後好好味 值得一贊佢地芒果糯米飯份量好豐富
-🔸泰式奶茶
唔會太甜或者太重茶味 份量剛剛好
食一啖飯再飲一啖泰式奶茶 真係完美既配搭🤤

🔹️泰國婆🔹️ 屯馬開通真的很興奮😂相約屯門既朋友一齊去試新開泰國餐廳地點好方便，就係西鐵屯門站Vcity商場 🥢泰式肉碎生菜包 ($88)肉碎大小平均 肉質嫩滑唔會太乾 味道香辣惹味新鮮生菜食落爽脆 包住肉碎食口感一流 🥢泰國青咖哩雞 ($88)咖喱汁香氣濃郁唔會太稀 辣中帶點椰香而雞肉入味之餘 又唔會嚡烚烚搭配泰國爽口小圓茄子及四季豆配白飯食真係好夾 🥢芭堤雅雞肉卷(6粒) ($48)起初被賣相蒙騙以為係炸燒賣外層炸得薄脆 內層雞肉內還保留少許肉汁點配泰式酸辣醬一齊食特別惹味 🍨芒果糯米飯 ($68)糯米飯口感軟糯芒果味道清甜 椰漿椰香十足 🍹泰式椰子刨冰 ($38)🍹泰式菠蘿刨冰 ($38)刨冰真係好綿滑好飲，下次來食都會再Encore

🫶泰國婆(Grandma Thai)依間餐廳個英文名好特別，唔知係咪外婆開架呢？定係拎左泰國外婆既食譜開店，所以整得咁好味呢～餐廳位於屯門VCity，門面開揚，門口大大個泰國菜招牌加入面有個紫色寫泰文既霓虹燈非常靚。餐廳招牌菜係海南雞同船麵。🥣泰式冬蔭公湯湯頭色澤好靚，鮮橙色帶有少少油份，配料豐富，有很多塊秀珍菇及蕃茄仔。碗中的一隻原隻大蝦🍤很大隻，食落隻蝦感覺好新鮮，而且肉質很嫩滑。蝦頭都好多肉食一定要「嗦」埋。冬蔭公湯味道剛好，偏酸少辣，岩大眾口味。🍜泰式船湯河(牛肉片＋牛丸5粒)湯底呈暗啡色亦很濃味，好有泰式風味呢。軟滑既湯河配上濃湯係超好食，每一啖都加埋湯食好滿足～我較鍾意食牛丸，好彈牙。牛肉片份量好多，亦加入了菜，有肉有菜很健康👍小食：🥢泰式燒豬頸肉燒豬頸肉係我既最愛，每次泰菜必點。每一片肉的表面燒至金黃色，賣相好靚。依間既醬汁比外面的黏身，更為甜一點，黏身可以更多令豬頸肉的整個表面都沾上，味道更惹味～🥤菠蘿梳打杯邊掛了一片菠蘿，內裡亦有多粒迷你菠蘿粒，最後食埋非常解膩;而且菠蘿酸酸地好開胃。梳打甜甜地，味道調得很好～芒果糯米飯糯米飯上鋪了很多黃色的粒粒米通增加口感。飯微暖亦

泰國婆屯門V city 1樓坐低睇吓menu 食咩先有好多款小食都好吸引🤩一於叫番個食吓先。泰式炸蝦餅配咗泰式醬，泰式炸蝦餅外面鬆化，蝦肉Q彈爽口，蝦味香濃，點埋個醬仲正😍泰式鳳瓜沙律鳳爪配上洋蔥，青瓜，生菜，番茄。酸酸味味好開胃醒神。泰式海南雞飯配咗雞腳蘿蔔湯同兩款醬汁海南雞肉鮮嫩滑溜，食落雞味香濃啖啖肉。雞腳蘿蔔湯鮮甜足料👍泰式街頭椰子粟米雪糕甜品叫咗呢款特色雪糕我第一次食估唔到椰子雪糕筒配粟米咁好味，好幸福可以食到佢😍飲埋個椰青都飽飽啦！

中意食泰國野既朋友今日又出動🇹🇭今日同大家試一試呢間勁有街頭風味既泰國婆👵🏻點解咁講呢🤭因為佢入嚟係半開放式嘅設計，而入面所用既餐具都好令我回想起係泰國大牌檔既感覺🥄所以係到食野別有泰國風味。今日去到仲可以食到午市套餐會配埋飲品😌雖然食物種類唔算好多，但勝在價錢抵，而我想食既基本上都有🥳所以醫我既泰菜癮係絕對無問題👌🏽。🐒泰式炒金邊粉💰$88👉🏻凍泰式奶茶+$10🐒海南雞飯(連冬瓜雞湯)💰$82👉🏻凍泰式檸檬茶+$10呢2款就係6個Set Lunch入面既其中2款，海南雞份量都好多而且好滑🐔並唔會好肥，而飲品方面都好正宗，飲得出泰式紅茶既特別🥤。🐒泰式南京椰汁雞湯💰$88🐒泰式肉碎生菜包💰$88另外去得食泰菜緊係唔少得生菜包啦🥬呢到好人性化地可以少辣，咁小朋友都可以享受泰菜既魅力👧🏻而天氣咁凍，配埋熱辣辣酸maymay既椰汁雞湯真係好開胃🤤

經過V City搵嘢食，就見到呢間開咗冇耐嘅泰國餐廳‘泰國婆‘，鐘意食泰國菜嘅我點會唔試試它！值得一讚每一道菜嘅份量都夠哂足料，一定夠飽肚。泰式船湯河有別於一般船河，湯底顏色較淺，但鹹甜比例幾好，藥材味都算突出但唔濃烈！呢碗取勝之處內有好多香脆炸豬皮，嫩滑牛肉片&牛丸5粒。仲有腍甜嘅蘿白、彈牙嘅河粉。鳳尾蝦炒金邊粉欣賞鳳尾蝦處理得夠乾淨，唔會見到蝦腸，而且夠哂新鮮，爽口又彈牙！金邊粉亦炒得夠乾身又夠香，撈埋花生碎同埋辣椒粉夠哂惹味！泰式冬蔭公湯湯底味道夠哂酸辣開胃，泰式香料味都幾出。蝦頭有蝦膏，夠濃郁。嘢食就唔錯嘅，但座位都幾擠迫！想叫多個甜品都唔係好夠位擺。另外唔知係咪對正個風位，嘢食好快就凍哂🫢

同屋企人行Vcity 行行下肚餓搵食 基本上成個場間間餐廳都試過晒 咁岩見到間新開泰國菜 咁新野就緊係要去試啦 有新鮮感呀嘛♡泰式燒豬頸肉 $78肉夠厚個邊燒到焦焦地 肉汁都能保留到 件數亦都夠多 呢個價錢係Vcity食到相當抵♡泰式冬陰功湯 $98冬陰功勁多料堆到滿晒 酸酸辣辣咁勁開胃 加上冬天飲個辣湯成個人暖笠笠咁♡泰式南京椰汁雞湯 $88椰香味超勁 雞肉又夠多 兩個湯份量都唔少 大約有3碗多啲既份量♡鮮菠蘿海鮮炒飯 $88呢個鮮菠蘿炒飯食得好安心 大家出去食菠蘿炒飯有冇個感覺係到底個菠蘿會唔會重用 但呢到一定唔會因為佢係切一片菠蘿出黎 再燒香佢既表面再切好等客人方便去食用 配上蝦、肉鬆、提子乾等 好有泰國風味♡泰式肉碎生菜包 $88泰式肉碎微微帶辣 肉碎唔算好肥 所以油脂感都唔重 加上用生菜包住黎食 油膩感再大打折扣 肉碎配上芫茜、乾蔥、花生碎、辣椒一齊炒夠晒惹味♡全隻海南雞 $218海南雞去晒骨方便食 肉質好滑而且食落去都好有雞香/雞油香 雞都夠厚肉♡泰式街頭椰子粟米雪糕 $58呢一個我諗係成餐一個最特別最期待既野 因為仲其他野食係香港都唔難搵到 但呢個我係香港就真係冇見過 個

屯門V city有好推介，呢間泰式餐廳店仔細細但價錢實惠，午市仲有套餐加配飲品都係+$10，推介佢哋個泰式檸檬茶，入面有檸檬、青檸，茶底仲好香👍🏻套餐有湯跟埋，好甜好好飲。泰式黃咖喱牛腩飯牛腩好多😁煮得夠淋食嘅時候好易咬岩岩好，汁好好味有椰汁香，配白飯無得頂！腩嘅筋膜同肉分明唔會太韌！大推海南雞飯雖然係套餐但份量唔細，無骨海南雞飯啖啖肉，☺️本身都好鍾意食海南雞雞肉帶少少脂肪好香。配上酸酸辣辣醬汁，加個白飯就最好啦。半隻海南雞朋友仔話想低碳唔食飯，呢個岩曬佢，海南雞飯啖啖肉份量都幾多😋香滑雞肉帶少少脂肪，配埋酸酸辣辣醬汁。泰式炸蝦餅小食揀了蝦餅，咬落外脆內軟最緊要夠熱夠脆小食來講好正🤓

屯門V City 新開咗間泰國餐廳「泰國婆」，仲長期唔少人排隊，住大西北嘅我又點可以錯過呢🤣✨🥬泰式肉碎生菜包新鮮嘅生菜包住香辣嘅泰式肉碎，食落去一口脆生菜、一口多汁嘅肉碎，食落有滿滿嘅層次感🤩✨🦑泰式燒鮮魷魚燒得啱啱好，魷魚嘅鮮味被炭烤嘅香氣包圍，夠彈牙！✨🐷泰式燒豬頸肉每次食泰國嘢必叫，配埋店家嘅秘製醬汁真係冇得輸😆✨🐷泰式乾炒豬肉片河即叫即炒，一定要趁熱食！河粉夠入味又唔會黐住晒，而且炒得夠鑊氣😍

除夕同朋友有約係屯門食個晚飯之後去睇戲。▪︎餐牌▪︎▪︎泰式燒鮮魷魚▪︎魷魚唔係太奀，口感軟硬適中，但係佢陣炭燒味勁得濟，食左3舊都唔係再咁想食落去😂▪︎泰式船湯河(牛肉片+牛丸5粒+炸豬皮)▪︎丸同肉都正常發揮，不過個船河有好大陣香茅味同香料味，有少少唔同平時食開嘅船河味道，但佢幾多餸都叫足料。▪︎芒果糯米飯▪︎成餐飯覺得應該最好食係個芒果糯米飯，椰漿甜度啱啱好，唔會好甜，飯嘅質地都ok，芒果唔算好甜。整體都ok，星期日都多人食，不過見點餐時都有唔少小食售罄，見幾款蝦餅都賣曬。不過想試下佢啲炒飯同炒麵類，下次如果有機會再黎吧。

泰式肉碎生菜包，88蚊份💰新鮮生菜包裹著香濃泰式肉碎，肉碎口感豐富，帶有微辣的香氣，同清脆生菜完美結合，泰國傳統風味和健康元素😍鳳尾蝦炒金邊粉，88 蚊份💰鳳尾蝦快炒後保持了其彈性鮮甜口感，金邊粉其獨特香料提升了整體風味，口感豐富，香辣中帶有微酸的風味😃泰式燒豬頸肉，78蚊份💰燒豬頸肉為搭配著泰式醬汁，豬頸肉經過燒烤後，肉質鮮嫩多汁，入口即溶😀泰式燒鮮魷魚，98蚊份💰魷魚經過燒烤後，搭配著泰式香料和醬汁。魷魚肉質彈牙，帶有微咸口感，泰式香料組合更加美味🥰香茅雞翼，48蚊份💰嫩滑雞翼與香茅結合，雞翼經過特製調味品醃製後入味鮮美，帶有微辣和香茅的香氣😀

係屯門睇完戲近近地去V city搵食🍽️見到呢度新開左間泰國菜🇹🇭價錢都唔算好貴～店鋪裝修都幾泰式😍食物都有唔少選擇🤤🥢泰式燒豬頸肉🐷 $78豬頸肉爽脆🐖個皮燒到脆脆地，肉唔會鞋，加埋個泰式汁好開胃😚🥢全隻海南雞🐔 $218呢個份量好足，佢會分開兩碟半隻半隻上👐🏻雞肉嫩滑😋最驚喜係送左碗雞湯🤤🥢泰式肉碎生菜包🥬 $88呢個係微辣嘅，但肉碎好多而且好juicy🤤加埋生菜食落去唔會乾口🥢鮮菠蘿海鮮炒飯🍍 $88個飯都炒得夠乾身，入面海鮮份量都OK，有蝦🦐魷魚🦑仲有臘腸同埋腰果肉鬆，全部一齊食，口感十足🤪🥢泰式南京椰汁雞湯 $88湯都夠濃椰汁味🥥入面有杏鮑菇同埋無骨嘅雞肉～🥣泰式冬陰功湯 $98呢個湯唔係好辣，有隻大蝦係入面🦐同埋杏鮑菇仲有番茄🍅酸酸辣辣咁好惹味🤤🥤泰式檸檬茶🍋 $25呢個個茶底係泰式奶茶個個泰國個款紅茶，叫左少甜岩岩好，加埋檸檬開胃解膩🍨泰式街頭椰子粟米雪糕🥥 $58呢個個人最推薦😍因為佢雪糕都幾大球，又重椰子味，加埋花生仲有粟米🌽一齊食更加好味同埋意外地夾，雪糕下面仲有糯米飯🤤