泰國人海南雞 (已搬遷) 新店位置

平時覺得泰國人海南雞既海南雞飯唔好食，但估唔到佢個冬陰公金邊粉幾好食。冬陰公酸辣度適中，入口仲要有啖啖椰香，金邊粉唔會太稔，豬頸肉肉質結實，幾惹味38蚊下午茶餐仲要有小食送，炸魚餅有陣陣香矛味，魚肉好濃味，但上枱果時係凍既，個甜酸醬都值得一讚

今日放假mr.monster話要出深水埗買電腦野 但我好肚餓要醫肚先！佢就想食飯 我就想食粉面～行過見呢間d下午茶幾抵 就入左去食！鋪面都幾光鮮整齊乾淨～播住d泰國音樂 幾悠閑～座位都算多 但抬與抬之間有d迫～咁mr. monster就order左海南雞飯仲有埋湯同汽水 都係$38！！海南雞係無骨既～而且好嫩滑！雖然價錢平 但份量都唔會少～配埋雞油飯同酸汁 就好開胃！我就order左牛丸肥牛金邊粉仲有配埋炸蝦餅同汽水$35～1黎到心唸咁細碗既？點知食完係好飽！我好中意食辣椒魚露～所以都加左好多來提味！整體都Ok 蝦餅細細舊 炸得幾香口！下午茶黎講真係好抵～唔洗加一。

深水埗福榮街一帶，食肆林立選擇眾多，日前試了間泰國人海南雞餐廳的下午茶，店內明亮整潔，叫了份喇沙魚旦雞絲金邊粉，連小食一客及汽水三十八元，轉其它凍飲另加三元，感覺超值，可惜湯熱粉冷，喇沙味欠濃香，雞絲滿口雪氣味，只有碟乍魚餅可口，凍奶茶花奶不足，甜而不滑囗，很是失望。反而海南雞飯相當出色，雞件份量夠，皮爽肉滑，味飯同餐湯溫度十足，連汽水三十八元，誠意推介必吃之選

突然想食泰菜，原本想去食生蝦但去開嗰間太多人！行行下去到福榮街，諗起呢間泰國人海南雞，之前試過覺得都可以偶然食下，咁啱當晚又有位，所以...... 等食嘅時候無啦啦上咗 openrice 睇下其他人點睇呢間泰菜，點知見到負評好多 不過都係幾舊嘅意見，既然我覺得唔太差，不妨寫下近期少少嘅 comments 等大家可以再參考下啦！坦白講，佢個二人餐其實份量都好足！我同保姆都唔算細食，但當晚都覺得 over 咗

是日要到深水埗，晚餐順道到黃金一帶找找經濟美食。在譚仔三哥維記功夫泰潮周記劉深生龍大家食(排名不分先後)等等食肆雲集的街道，揀選了久違的泰國人海南雞。點了兩款入門泰國菜，分別是炸蝦餅和肉碎生菜包。還點了她的招牌菜 - 海南雞。不得不提的是，這兒的價錢很大眾化。味道如何呢？即刻有得睇。先到的是炸蝦餅($45)，炸得金黃， 四顆開八，外層炸得脆脆，內餡香口彈牙熱辣辣，我冇誇張的。再沾上少許甜酸醬，正。緊隨送到的是肉碎生菜包($48)，並改了少辣，生菜每片都又大又新鮮，真係正菜。但可惜，肉碎帶點老和韌。幸好味道及控制水份油份均高明，挽救了略老的肉碎。但抱歉，這款暫只能評為Okay！如果肉碎能升呢，這道菜也應屬正斗之作。第三道是海南雞，點了例牌($50)。不愧以「海南雞」來命名菜館，真的弄得很出色，皮香肉滑，嫩嫩的。以泰式醬汁佐之，微辣之餘，芳香醒胃。但例牌份量不多，下次要點半隻。埋單，冇加一：$143總結：所點的食物，絕大部份水準很高。服務也在合格之上。價格亦很有良心，老土一點說是價廉物美。

週日早餐過後, 到下午三點又開始肚餓了! 行在這條街上食肆滿佈, 好多時會引發選擇困難症! 這天走進好耐之前幫襯過的” 泰國人海南雞”, 之前嘅印象好模糊, 今天所見客人也不少呢! 不過週日中午無客人才怪啦, 我們叫了:泰式海南雞撈金邊粉$36, 這個撈邊粉是跟一個鮮味精湯(泰國人果然對味精沒有偏見的) 海南雞睇落份量似好少, 但後尾食完反覺好飽下, 黃油雞的雞肉算滑嘅,撈醬係花生醬開嘅醬所以較杰身, 但味道較無乜咸甜味份量亦太少, 還好炒粉本身都較為夠味, 所以那撈醬是多餘的!牛丸肥牛湯金邊粉$35 裝住這碗金邊粉的是一個中碗看似不多其實是蠻滿滿的一碗, 肥牛同牛丸質量都不錯, 白蘿蔔也有幾片, 湯頭亦是例牌的微甜骨湯加一點師傅吧, 起碼属於:抵食”先啦!但奶茶就真的好差, 可能是店方只用一種紅茶葉有關, 太單調之餘而且這茶葉本身太削, 沒什麼茶味, 奉勸各位食友來的話最好避開不叫奶茶就可以了*看見這店的各分店的食評笑/ 喊樣比例一般都是 33/ 66的比例, 有時對一間食肆的評分真的比較困難, 唯有同時考慮番價位同質量的對比吧! 今次亦可能是小弟叫對咗佢做得有板有眼的一品也說不定,

路過回家，平時去開呢間，因為下午多位，一般都叫海飯雞飯，正常沒什麼特出，但尚可，今次下午茶試黃咖哩雞飯，飯質感都ok,但雞肉沒有味道，咖哩都冇咖哩香味，好淡，連辣味都冇 可取的是雞全是去骨，都叫勉強可入口，另外加10元轉特飲ok,有石榴味，夠氣好飲，成個餐好低食45元，但味道麻麻，下次都係海南雞穩彈

同同事行完福仁商場，係深水埗食街行左一圈揾野食。揀左尼間雞野食/店。一坐低一人叫紅咖哩雞飯$45，一叫泰式蝦餅飯$48。正飲住野，見到附近枱雞飯餐都ok,有期待 ，點知。。有圖有真相。蝦餅變左薯仔蝦丸開邊，雞塊後椰菜抄雞絲！即時問侍應如果我叫蝦餅小食都是會出像蝦丸形的？她說是呀，小食是四粒對開 。（飯餐是3粒劏開 ）。部長答覆都是理所當然咁。唉，早知我係街檔食串辣醬燒蝦丸好過啦！

本來想食荼記，途中見到呢間，突然又改變主義，走咗入去都嚟好多次，例牌又係叫海南雞套餐整碟雞看似好肥美沒有骨，肉質十分嫩滑又柔軟醬汁味道微酸不太辣，雞肉點上了醬汁更美味，我連雞皮點汁吃更惹味油飯軟硬適中，感覺是油了點，但非常香口個湯湯底如水乜料都無，仲咸到飛起，飲一淡我都無再飲食完之後慢慢飲埋杯熱檸茶，得兩片檸檬亦無乜荼味服務好好，姐姐們好好招呼，我坐好耐都無趕我走店內沒太多精緻的裝潢，勝在清潔整齊

有留意我的食評的人，也許會看得出，我一向對連鎖店沒太大興趣。但因為今晚八號風球，幾家深水埗區的心水小店都打佯了。無處可去，肚子又餓，便走進這家店去。　海南雞飯是這裡的招牌菜。可以分三項評論：雞、油飯、醬汁雞：最好的一項。已去骨，皮滑肉嫩，脂肪不多，有雞的鮮味，值得一讚！油飯：油香不夠，飯稍為綿了一點，是敗筆醬汁：普通的海南雞醬，味道不錯，可以再調濃一點「豬豬」飯，有趣的名字。「豬豬」是指鹵水豬手及豬頸肉。鹵水豬手：尚算入味，肉略嫌乾了一點，連皮吃還可以。豬頸肉：相當平庸。豬頸肉，不肥不好吃！這家用的豬肉不夠肥，就是原罪。而且燒又燒得不夠香脆，只是輕烤完胡亂淋上一堆醬汁，實令人失望白飯：平庸的白飯，煮得綿了一點招牌菜海南雞不俗，可以一試，但油飯和醬汁可以做得更好。至於吃豬，還是找別家餐館去吧。

隨便找點東西'醫肚', 進了這店去骨海南雞, 肉是嫩滑的, 味道還可以, 但皮真是厚得可憐, 真能想像! 汁醬只有一款, 沒有傳統的三款呢...海南雞竟然配不到雞油飯, 實在太令人失望, 沒什麼交代, 就端了白飯過來, 餐牌都說明雞油飯, 但算了吧, 在這地種地方講多也沒用, 有的話自然會被端來, 但真的欠了一點...很乾爽的豬頸肉, 不錯的小吃, 份量適中, 很香口炸得鬆脆的蝦蛢, 兩片有點兒不夠呢...

國慶日，可能太多人跑去看煙花，街上行人不多，到深水埗覓食，舒服得很。海南雞飯：皮薄，肉滑，加左$5叫脾，決定正確；香茅豬扒飯：味道一般；泰式蝦餅：餐加$10揀左蝦餅，好彈，正！兩人共$114，這裡的海南雞質素不錯，醬汁也很好，酸辣適中，跟飯的冬瓜湯也不過不失。環境嘛，沒有太多人當然舒適。以食物質素來說，和客人的數量不成正比，當日計，勉強要找缺點的話，就是服務員，人不多，幫我們落單，叫兩份餐，海南雞飯少飯，結果賬單得一份餐，跟餐的飲品調配一下便省回幾元，但沒有提示，飯當然也沒有少啦，為了這樣給OK不公平啊。

今日放假, 同朋友去黃金高登睇下野, 肚仔餓去搵野食, 本來一心諗住去劉森記食竹昇面...不過...條人龍成功將我地嚇走左跟住一路行唔知食咩...唔想食維記, 又唔想食周記, 結果去搵泰國野食, 原本我推介泰潮, 因為我以前食過, 覺得幾好食, 但朋友仔話, 不如試下未食過既泰國人海南雞~ 好, 一於捨命陪君子行到過去, 得小貓三四隻, 的確有d驚...不過唔緊要, 試下啦~裝修真係算唔錯, 連menu 座都有泰國人海南雞既招牌~ 枱同椅子都睇得出係訂做, 因為都係有泰國人海南雞既招牌, 牆身同厠所都舖左木紋板, 感覺衛生企理朋友點了海南雞飯餐, 一杯青葉特飲, 我點青咖喱豬肉片飯餐, 一杯香茅薑蜜結果, 海南雞, 皮多過肉, 黃油飯味道明顯是分開的...油還油味, 飯還飯味, 我朋友仲大呼, 未食過咁難食既海南雞飯, 青葉特飲, 好明顯係糖醬水...我果碟青咖喱豬肉片, 青咖喱味道都算有椰香味, 可惜, 咖喱味唔夠, 青色似人造色素多過真係撈出黎既色... , 豬肉片夠林, 算幾好食, 嫌少左少少...結果, 最後, 我地都要去返劉森記食下半場...

行街為相機買腳架，行到3點，居然未食早午餐，唯有一餐下午茶攪惦。行下行下，其實深水埗都無咩特別覺得好食，唯一劉森記覺得可以，大家食都得，但前個間好多人，後個間又無下午茶，好唔抵者....^^咁就走入這間周圍都有，但下午茶價錢相宜的店舖。冬蔭功湯底就比較稀少少，真是似泰國街邊個D 咁，一D 都唔SPICY，酸味味的，居然還有蝦。依價錢計起來，OK!

果日同個friend去開黃金買野,順便係個頭食埋飯先走! 見到呢間個牌咁大, 好似好掂擋咁....入去梗係試招牌: 海南雞飯,而個friend就叫左牛腩金邊粉. 見到呢個海南雞飯個D雞份量好似少左D, 而且,D飯又無特別香,又較硬,好普通另外,牛腩金邊粉個碗就好大啦,金邊粉都唔算少,不過牛腩又係得幾舊....仲有D飲品偏甜, 唔OK 比我想想中普通,普通, 不過價錢卻唔成正比....偏貴!