出街食一餐饭，我认为味道好坏都系其次，最基本要做到干净卫生，至少食完唔会肚痛肚疴贴钱买难受。今次食完呢间泰国人海南鸡真系大开眼戒，食饭食到一半成日曱甴死尸浮上面，即时反胃兼想呕，打电话去分店投诉，呀姐话要打比上头问下，一等就等足几十分钟。管理层处理自家餐厅卫生情况简直令感到心寒。首先，从头到尾冇一句道歉，只在乎我地几时拎返碗汤返去退返钱就想不了了之成件事。其次，从来冇问过我地拎任何相片，对产品出现问题彷佛毫不惊讶。又只著紧我地食左几多，要多于一半先可以退回整餐饭既价钱，但试问食饭食到一半先见到有曱甴，又何来可以将一半以上既饭菜拎返分店退钱呢？我地都好反胃，好想将一半以上既饭菜呕返出黎退钱呀！高层无疑系不近人情，不将食客感受、健康情况放系首位，更毫无同理之心，完全冇诚意去为食客解决问题。好难想像我地当日饮到有曱甴既冬阴功汤有几多位食客同样中招，又或者直头系饮左落肚而不知情！该店既卫生情况同对待客人投诉既处理手法真系令人心寒。我自己食完后第二日仲有反胃同肚疴，亦需要停工一日！所有情况均有图片作实，亦已报食环。各位食客自求多福！…查看更多
，更不断要求我们把所有产品在夜晚十点大半夜把产品全数拿回分店，才能退款，毫不合理。舖头一向野食水准可以保持，奈何卫生问题真的需要改善，已经不止一次食到头发、发泡胶、胶纸，今次仲有小强，加埋完全不愿意处理问题，永久blacklist吧。
