泰國椰菜苗 (已結業)

第一次黎到大埔墟，搵到呢間泰國菜，老闆好好人，問我地係咪第一次黎食，就介紹我地食咖哩蟹，不過我地人數唔多，叫左個套餐A，價錢合理，環境又舒服。如圖：食物相當出色！下次黎必定會再試老闆推介既咖哩蟹👍🏼

朋友介紹南盛街有間泰國餐廳食物幾好味，本人最喜歡去支持小店，今晚於是去幫襯下。「全個菠蘿泰式海鮮炒飯」冇花冇假，真係成個菠蘿上，比起附近熟悉街市的泰國菜，價錢平得嚟，味道唔差。我最喜歡係佢有好多炸豬肉鬆。「沙嗲串燒雞牛豬」串燒燒得燶咗一點，沙嗲醬平平無奇,沒有驚喜。「泰式炒金邊粉 Pad Thai」這個金邊粉真係非常失望！首先跟相片有出入，味道更是我暫時食過最難吃的。各位食家，若果想點這道菜，真的要三思。我相信朋友認為好吃的，不是我點了的菜，之後真的要弄個明白，問她究竟這小店出名什麼菜式，慎防下一次中伏。🤔這小店地方雖小，但有很多街坊支持，不斷都有人進店查詢入座。服務員態度都好友善。*餐廳沒有提供BB櫈。

有天，其實時間都已經不早，但是又需要先吃個午餐，但是琛仔廚房仍然有很多人在外面排隊😢，於是行多兩步，走到來這間應該是新的泰國餐廳吃個午餐。具兒童風格看看餐牌，即使週末，午餐也不太加價，大概＄50 ，有一個湯麵，另一個就是泰式黃咖喱雜扒飯。番茄薯仔湯夠杰，足料而不覺味精，讚！黃咖喱汁，放在飯的旁邊，任由顧客自己選擇加多少汁，因為未必人人都很喜歡吃飯撈汁。而雜扒，就有一塊雞扒、一塊豬扒、一條腸仔、一片火腿。豬扒，就比較乾身，沒有什麼肥膏，吃落會比較乾，質素一般。但是雞扒就非常美味，不算太肥，只有少許脂肪，雞皮也不算太過肥膩。腸仔亦都會剪開煎，味道味鹹，是雜扒飯的精選。火腿普通，當然，如果雜扒飯，再加一隻煎蛋😏，或者將火腿轉成煎蛋，其實觀感就會更加一流。看見旁邊其他食客的飲品，特飲不算太過吸引，奶茶好像比較淺色，於是就點了個凍檸茶，但是茶味亦都不太香濃，檸檬也不算很有檸檬香，味道普普通通。p.s. 店內紋身女子好熟口面😂🤔

小小的餐廳由正宗泰國厨師主理 - 牆上掛著由泰厨親自用泰文寫的餐牌，服務員態度親切，樓上還有雅座。先來一度小吃 : 泰式豬頸肉紫米巻 ~ 米巻味道清香，可點泰式酸辣醬料 再來泰式椰汁雞煲 ~ 充滿椰汁香味的雞肉非常清甜美味， 煲內已有不同蔬菜，再配粉絲、金菇和生菜，食得十分健康值得一讚的古法鹽燒盲曹魚~  那種鹽香帶出燒魚的香味，唔腥、質感剛剛好，連一個不吃魚的小朋友，也不斷要添食跟著的咖哩焗軟殼蟹 ~ 軟身的蟹加上香濃咖哩，連殼都食埋，配以薄餅非常好味吃完甜品：紫花椰汁大菜榚 ~ 清甜美味，十分满足

爸爸話早幾日行過見到呢度有間新開嘅泰國菜, 我哋今晚就試下。 呢條小街好有特色， 有唔同地方嘅菜館，包括越南， 泰國，韓國，廣東，日本 .....我哋五個人， 揀咗個: 四人泰式海鮮套餐， 先嚟個泰式刺身蝦， 新鮮香甜喎， 點埋啲酸酸嘅汁，幾開胃跟住嚟個泰式椒鹽鮮魷賣相唔錯， 但係就偏靭 ，暖暖地嘅泰式炒青口 ，呢個炒得幾香口唔錯。咖哩焗軟殼蟹， 軟殼蟹連殼都可以食埋， 咖哩夠香口，夠份量。原隻菠蘿海鮮炒飯， 最鍾意呢個炒飯原隻菠蘿上， 睇見都開心， 炒飯炒得粒粒分明。我哋另外嗌咗蒜蓉包， 一碟四條蒜蓉多士。薄餅細細件就燶咗啲啦。泰式沙爹串燒不過不失。奉送甜品 套餐包四杯飲品，不過要額外加錢。 舖頭坐位唔多， 最好先book枱呀!

最難吃泰國餐廳之一中午經過見新開，入去試叫左个青咖喱鷄飯加埋4塊鷄肉（勁細塊）鷄肉煮過熟，太韧青咖喱好甜，完全沒咖喱味飯好濕好失望，對食物甘尊重，對雇客的欺騙，遲早都會自吃苦果。............................................................

服務態度好，有傾有講，朋友一樣正宗泰國廚師主理，價錢便宜，味道鮮美香滑海南雞飯，鮮甜明爐烏頭/盲曹，正宗冬陰功，香甜椰汁咖哩牛腩/雞，最愛柚子沙律，數不盡的美味菜式，都係自己親自去試試就知無介紹錯