影片
以上资料只供参考，请与餐厅确认详情
今日朋友带咗我哋嚟东港城食泰国菜，餐厅都几大，位于商场转角位置，以木色系为主。八点入座，已经差唔多坐满九成。泰式四拼盘 $148拼盘有虾饼、鱼饼、春卷、鸡翼。拼盘新鲜炸出，春卷炸得香口。虾饼口感弹牙，配埋泰式甜酸酱，味道唔错。鱼饼加入香茅，每啖都充满香茅味道。串烧拼盘(6串) $98拼盘有鸡、牛、猪，每款有2串。串烧烧得刚刚好，食落仲有肉汁。肉质本身已腌得几入味，亦可配上提供嘅沙嗲酱一齐食。咖喱面包软壳蟹 $88面包内装满咖喱同软壳蟹，卖相相当吸引。软壳蟹炸得酥脆。咖喱好香，味道唔太辣。面包松软，吸汁一流，每口面包都充满咖喱。泰式肉碎生菜包 $88生菜新鲜，泰式肉碎加入蒜同指天椒，炒得几香辣惹味，辣得几过瘾。飞天炒通菜 $78幼身通菜，食落唔算太辣。泰式船汤河 $78船河足料，有牛肉片、牛丸、萝卜、炸猪皮。汤底带微甜。牛肉比较有咬口，炸猪皮放上面，食落仲好好香脆。芒果糯米饭 $68食泰国菜，必点芒果糯米饭。芒果超甜，仲配热辣辣嘅黑糯米同白糯米，糯米软糯有咬口，满足。另外，餐厅仲会送上桂花糕作为甜品，味道都唔错，唔太甜。
继续阅读
餐厅装潢不俗，木色系搭配不少绿色植物，也有木造吊扇等细致装饰，颇有东南亚风味。食客人数不算少，看来是附近街坊喜爱的餐厅之一，相信味道亦有保证。一试，果不其然。【盐烧乌头】这鱼真的值得一食，几乎连骨都想吮吸。体积足够3-4人食用。吃乌头最怕有泥味，但这餐厅处理得很好，相信有赖于鱼肚内塞入满满的香茅之类的香草，而鱼皮表面的盐巴也让整条鱼即使不用添加其他酱料也足够的惹味了。【泰式凤爪沙律】泰式凤爪就是泰式凤爪，凉凉的，酸辣杂陈，口感爽脆，很是开胃。既然是沙律，当然有些生菜垫底。看似普通，想不到沾到泰式凤爪的酸辣味之后令生菜有种焕然一新的感觉。【泰式船汤河】很多泰式汤粉面都会搭配炸猪皮，但往往炸猪皮都不够新鲜，失去了爽脆口感，变得或硬或淋，简言之疏风。不过，这碗的炸猪皮仍然嘎嘣脆。汤底的吵嗲味不浓烈却突出，恰到好处。【马拉盏炒通菜】炒菜不油不好吃的，所以这碟满满的油香溢于言表。相反，马拉盏味稍微淡了一点，美中不足。【附送甜点-蓝色立方体】不知名的东西，所以我自行据外表取名。味道清新，吃起来似大菜糕之类，又有淡淡的椰浆味。
继续阅读
见到呢间好多人等位，我都去咗试吓！餐厅都几大，以木系为主调，座位宽敞舒服💕泰式柚子鲜虾沙律🥗：酸酸甜甜嘅柚子再加上爽口嘅鲜虾，好清新，令人食得开胃🩷咖喱面包软壳蟹：咖喱同脆口嘅软壳蟹放入面包内，卖相好吸引😍 面包外脆内软，加上咖喱一齐食，好正！泰式烧猪猪颈肉🐽：烧猪颈肉点上秘制泰式酱汁，惹味而不油腻。串烧拼盘（鸡、牛、猪）: 我哋拣咗牛同鸡各三串， 每一串肉都烤得啱啱好，外焦内嫩，可配搭沙嗲酱一齐食💕不过如果沙嗲酱杰身啲会比较好。泰式干炒猪肉片河粉： 有猪肉片、粟米芯、蛋同芥兰一齐炒河粉，够晒镬气，食得滋味👍
继续阅读
少见嘅商场铺正宗泰菜！✨串烧拼盘 （鸡・牛・猪）（6串）$98非正式统计，所有正宗嘅泰式串烧嘅肉都系大大块串到满。呢度果然都系正宗好食。香料味都好浓，尤其系香茅味，完全唔使靠任何酱汁。每一款串烧都系嫩同多肉汁。✨豆腐粉丝肉碎汤 $88以泰国菜嚟讲应该系最清淡温和嘅一款。味道清甜，而且有好香嘅唐芹同埋芫荽味道。✨鲜虾春卷（3件） $58脆脆嘅春卷皮包住虾饺同埋原只鲜肉！香口又鲜甜。✨泰式千层糕（4件） $45烟烟韧韧又好重斑斓香味。
继续阅读
屋企人住喺坑口，但附近都无咩泰国餐厅，一系就执咗，一系要就要去宝琳同将军澳𠮶边🥲前排东港城终于开咗间泰国餐厅 — 泰国婆，早几日我终于有时间去食，估唔到又几好味㖞 😍餐厅🍴嘅菜式价钱唔算贵，都几适合住附近嘅街坊嚟食，而且地方又宽敞，有唔少大枱同卡位，坐得都几舒服㗎😌我哋就叫咗✔️醉猫炒河 $108✔️串烧拼盘 $98✔️马拉盖炒 $78✔️泰式千层糕 $45✔️青柠梳打 $38各种菜式嘅质素都好好，特别系醉猫炒河，炒得够晒惹味同埋有镬气👅连平时最容易会整到干噌噌嘅串烧都好有水准，烧得好香，但一啲都唔会韧！住喺附近嘅街坊值得去泰国婆一试！
继续阅读