泰國人海南雞 (已結業)

當日午飯時間見有位，而太太亦想食喇沙，就入去一試。我叫咗個黃㗎喱燒豬頸肉飯，個㗎喱汁味道都ok，但D豬頸肉就太咸，甚至蓋過㗎喱汁嘅味道。而太太一心想食喇沙，就叫咗個喇沙肥牛金邊粉，點知喇沙完全沒有椰香味，反而似㗎喱湯金邊粉，完全失望！餐廳雖然以海南雞為店名，以為海南雞係招牌菜式一定要試，但阿女食嘅海南雞飯，雞無乜味道，亦唔夠滑。唯一好處就係價錢唔貴，五十幾蚊個lunch，唔駛等位，但整體格局就似一間普通茶餐廳，以食怏餐為主。

今日去北角買嘢，突然落起大雨，見到渣華道間海南雞有位，所以就走左入去食個午餐。開餐前，見openrice劣評很多，我非常擔心中伏。好彩！無事！我點了泰式豬手飯，碟飯非常豐富有蛋有大大豬腳。豬腳夠腍易嚼，皮有脂肪，但不油膩，製作有水準。此外，食店懂得用鹹酸菜墊底，令到碟豬手酸酸味味，大減豬腳肥膩的感覺。碗飯好大碟，好飽。我特別欣賞這碗例湯，雖然隨餐附送，但真心好好飲，如果可以黎多碗就更好嘞。奶茶偏向港式奶茶，甜度夠，但濃度未到泰式奶茶。講真，食店冇錯，因為佢哋冇話這是泰式奶茶。

今日假日心血來潮突然想食泰國菜，所以午餐來左食北角分店既《泰國人海南雞》假日時間店鋪大都可以無咩人而且好靜內在環境算係寬闊，但就無咩冷氣大熱天無冷氣就食飯比較焗好耐無食尼個店，之前都有食過其他分店，都吾差，依家仲出左咁多新款，見到尼個菠菜麵好似幾吸引所以叫左來試尼間午餐來講都吾算平，$50-60左右不等，不過就免加一。剛落單不久就好快上菜係有效率朋友叫左個午市套餐《海南雞飯》$57 包飲品配埋湯、雞油飯但一來見到個飯就知吾掂、似普通白飯、雞雖然夠嫩但係無海南雞既風味，似白切雞。最欣賞係佢醬，算係幾好調得之後我就試新野《豬頸肉撈菠菜麵》$52不包飲品，不過可以加$8配茶、咖啡☕️或$10配夏日特飲一來個樣都好吾掂，又吾夠熱，而且份量好少豬頸肉無晒豬頸肉味，因為佢個醬遮晒，個醬似係薑醋，同豬頸肉好吾夾、亦吾岩撈菠菜麵，所以我無撈到都係分開麵還麵咁食菠菜麵好少，而且好油，加但炸蝦乾，似係乾撈蝦子麵無菠菜味同好乾同油。真係試一次就夠晒數午餐來講平仲要水準麻麻，有待改善

咁啱搭船黎左北角碼頭⛵️，行出黎就覺得好熱，行過兩條街見到呢間泰國菜門口果張海南雞既相，二話不說就入左去叫菜！叫左海南雞飯同豬手飯，因為係午市，送埋飲品，叫左杯凍檸茶同熱檸水，餐牌話+$12有油菜，就加左碟菜心，整體味道還可以。但係埋單時就覺得呢間服務差。之後再說。入面冷氣好大，好快吹凍啲食物，叫佢調細少少冷氣，但係話無得調，一係就熄左佢。去到最後埋單，個油菜計左$24，而唔係$12，佢話菜心係計$24，但餐牌無寫，落單同事又走黎話唔好意思，佢新黎唔知道，最後就話要計$24 就算。我都唔想同佢嘈了，但以後唔會再幫襯，環境同服務都差！

之前冇食過佢其他分店，見佢都算係一間成功嘅連鎖餐廳以為會幾好味，點知都係一般。午飯時間好想食海南雞飯，醒起呢度附近有一間泰國海南雞，所以就入去試吓。但最後我冇叫到海南雞😂。原因係因為入邊好凍。我哋坐卡位，四個位都好似係風口位，頭髮都喺度飛來飛去🌬🌬所以最後就冇揀到凍嘅海南雞，揀左個辣嘅青咖喱。餐牌上邊黃咖喱有一隻辣椒，青咖喱有兩隻🤔🤔。作為一個愛食辣野嘅人，梗係要兩隻辣椒嘅青咖喱‼️所以叫咗個青咖喱雞飯。但可惜完全唔覺得佢辣🙈 佢個雞肉麻麻地，隔離嘅配菜又好凍。雖然我未試過佢個海南雞飯，但我諗叫得做泰國海南雞嘅餐廳，下次我都應該要叫海南雞飯，應該會好食啲🙈。

本身想叫雞絲沙律！走汁！ 之後佢哋話冇得走汁。咁就唯有叫左第二樣所以叫咗個冬陰公湯。啲職員全部以為我唔食得辣，所以就係咁大聲講話要水收貼士😂係唔係想笑死我。之後冬陰公湯嚟到真係好多辣椒油係面，好彩我係食得辣同埋自己都有帶水。然之後本身想要張紙巾（佢地有的）之後都費事煩到佢所以用私家紙巾。職員態度差！！ 食食下又聽到啲職員話特登收起紙巾唔俾顧客拎，原因就係因為慳成本。係唔係咁呀你為咗慳成本而趕走客戶真係笑死我。食物方面個冬陰公湯其實冇乜特別，有冇椰汁又得一粒番茄仔，最多嘅就係水（雖然我知道我叫我個係湯）可能之前食嗰啲係正野😭結果俾錢我點都係俾足， 唔會俾tips,

Went to Koon Thai Hai Nam Chicken restaurant for lunch and we all felt so satisfied. The restaurant offers huge variety of lunch sets such as Thai style rice, noodle and curry etc. There are soup, salad and snacks as well. Also there are some signature drinks and desserts.We ordered the appetizer set which was very yummy. My favourite dish was their Hai Nam chicken, came with the Thai style noodle soup. The chicken was very juicy and tender. Love it!

連鎖式既餐廳有好多分店，價錢一樣，但食物質素就好參差。呢間海南雞飯既旺角分店我覺得麻麻地，但北角呢間值得我為佢寫食評，是關環境好，食物佳，服務員就一個個啦。唔講咁多，有圖有真相。成個套餐雖然係下午茶餐，但一點都唔細，夠份量，同正餐size比係細少少，但唔差得遠。有湯有食有凍飲都係42元，飲可樂雪碧就39元，係宜家食個飯都四五十既香港，算是抵食。講味道，都係有圖有真相一點都唔肥，而且有啫喱狀物在皮肉之間，呢d先係精髓，冇左呢舊野就唔算係好食既海南雞，因此皮香肉滑，醬汁就都係連鎖式味道，間間分店差不多。油飯亦一樣，正常出品。至於環境點好法呢，皆因呢間分店拍烏蠅，3個侍應兩個客，廿幾張枱坐得兩個人，任坐唔趕客，點個下午茶，42蚊坐足成個下午，你話抵唔抵。

Lunch 時間見到呢間新開嘅泰國人海南雞飯 係第二度都見到過 但從來未食過咁今次就試下佢地嘅海南雞飯先我地一行四人 唔駛等位 一去到直接有位坐但張枱好污糟 前一枱食完冇抹枱咁觀感比較差我就點咗個海南雞飯 仲有個飯湯 個朋友食咗個札肉肉碎金邊粉落單個時侍應好似好趕咁 都未講完就走咗去之後海南雞飯黎到 啲雞翼有毛未清晒 觀感好差個汁冇乜味 點唔點好似冇分別啲雞肉一般般 口味麻麻 又唔太滑個飯冇乜色 好乾 油飯都好乾啲雞又好乾朋友食個碗札肉麵佢話碗麵冇味 淡過水總體黎講都唔係太好啦 不論食物或者服務都係預計之下