影片
食家推介
IFC睇完戏再叹餐饭中环只系30分钟船程、海洋公园玩完香港仔同样只系30分钟船程，直冲索罟湾叹海鲜﹗完全意料之外，使得我赞口不绝﹗比西贡及布袋澳更好的选择。食物⭐️⭐️⭐️⭐️服务⭐️⭐️⭐️⭐️环境⭐️⭐️⭐️价钱⭐️⭐️⭐️⭐️卫生⭐️⭐️⭐️。青岛啤酒，国际品牌稳阵之选。豉椒炒蚬⭐️⭐️⭐️，极罕有地给3星﹗虽然不是生炒，但汆水不过份，仍然保持饱满鲜甜多汁，充满蚬水蚬味，搭上清新豉椒芡十分可口美妙﹗辣酒煮花螺⭐️⭐️⭐️，价钱贵到可以媲美濑尿虾皇﹗热腾腾吱吱咋咋地送到，极为软绵入味，鲜气迫人抢住食﹗身弹笃腍多多汁，只系略为偏细粒。辣酒汁跟大量螺肉齐齐捞饭坚系欲罢不能，可以送上几碗饭。蒜蓉粉丝蒸扇贝⭐️⭐️⭐️，突发奇想淋上辣酒汁调味，味道衬到绝﹗看似不热没半点烟，冲动地整粒啪入滚烫无比，烫到甩皮又𩙪晒眼水，痛痛啊﹗扇贝肉白雪雪厚厚鲜甜软塾，加上辣汁蒜蓉的助功，食到要捐手指呀﹗清炒白菜仔⭐️⭐️⭐️，在我心中很难炒得甜的蔬菜就系白菜，难度极高﹗不过师傅功力深厚，炒得爽甜热辣辣，无涩味无青味无腥味，可以安心大注大注地塞到舌尖上，赵得菜汁飞射。白灼墨鱼⭐️⭐️⭐️⭐️，刀功了得片片平均薄切半透明，拖一拖、灼一灼即郂上碟速速登场﹗鲜鲜鲜加上灵魂蒸鱼豉油，提鲜提味使到味道更上一层楼﹗扬州炒饭⭐️⭐️⭐️，炒功一流香喷喷，虽然少了点镬气，但非常真材实料，百味交错足料得过份﹗虾仔叉烧啖啖肉，捞埋辣酒汁更加美妙，停不了地扒饭啊！连碟都舔得立立令。豉油皇海虾⭐️⭐️⭐️⭐️⭐️⭐️⭐️⭐️⭐️⭐️，直程米芝连级数，我要比10星爆灯﹗去掉脚去掉头去掉脑非常干净，炸到虾壳香口薄薄脆卜卜，虾膏甘甜虾肉爽弹带汁，原只入口完全消灭，连虾壳都无得留低﹗头抽清香扑鼻不咸不腻不浊，只有鲜的份儿。蒜蓉蒸斑头腩⭐️⭐️⭐️⭐️，大量的蒜蓉澎湃地包著每吋斑肉，皮胶肉弹配衬著蒜蓉的辛甜更是滋味。蒜蓉斑头腩扬州炒饭⭐️⭐️⭐️⭐️⭐️，再次发挥我的创意，蒜蓉斑球捞扬州炒饭好食到无可能用笔墨形容﹗蒜蓉豉油撞斑肉，仲有叉烧甜搭蛋香，虾仔的鲜爽，集百家之大成互相呼应升华，忍唔住要大啖大啖地品尝﹗酸辣汤⭐️⭐️⭐️⭐️，港式多料到满泻，百鸟归巢锦锈超足料﹗酸度高带著非常多变的味道，啖啖都系精华，层次复习縯纷精彩﹗竹笋、甘笋、豆腐、粉丝、木耳、蛋花、冬菇、红椒、肉丝、葱花。果皮蒸鲍鱼⭐️⭐️⭐️⭐️，火喉拿捏出色，鲍肉非常弹牙，鲜味保存十分完整，沾满果皮豉油原集啪入，没有挑剔的机会。甜橙，摆盆一绝，成堆似兔又似饿，甜味出众又多汁。
继续阅读
平日星期四来行山后，选择了这间免收茶钱和家人的海鲜餐厅，估唔到是非常好味嘅海鲜餐，服务员Andy服务态度认真，有礼！经济实惠二人餐，只需要$368，而且新鲜 ，下次都会再嚟帮衬。白灼墨鱼蒜蓉蒸班头腩黑椒牛仔粒再送2罐汽水（我哋换咗两罐青岛）清炒时菜，杨州炒饭同埋水果🍉！同埋唔收茶钱同加1！念唔到白灼鱿鱼同头腩用新鲜嘅鱿鱼 非常超值，感谢用心经营！期待下次带小朋友再来品尝依度环境清幽 （对住个海）食到最后，仲细心提醒我哋乘船时间！
继续阅读
闲日与朋友去大屿山索罟湾行山，行完山去食海鲜。选择泰园的原因，因为这里的套餐选择多，又全包。点了个$368二人餐，再加个椒盐鲜鱿例牌。鲜鱿好味，白灼虾好新鲜，炒蚬和菠萝咕噜肉也不错。起初担心唔够饱因为份量唔多，但之后加埋炒菜和炒饭，一定够饱。今时今日，一个人大约240元，有6道菜，比你坐得舒舒服服，去边度揾。仲有，服务态度一流，啲𩠌一个个上，唔会冻晒。店员又帮斟茶、换碟，真系好值得赞👍🏻和推介给朋友。
继续阅读
新年期间没有加价👍一落船都有好几档海鲜，见到呢度价钱都几相宜，二人餐$368（没有加一茶芥）可以拣三个𩠌～ 另外包炒菜同埋炒饭，叔叔仲好细心，天寒地冻，佢将柠檬茶「座热」我哋豉椒炒蚬，唔算好大只，不过都几惹味。呢个椒盐鲜鱿，真系令我感到超惊喜！好好味杨州炒饭，呢个唔使介绍。豉油煎虾，呢个就普普通通，啲虾唔大只。略嫌少少咸。放假期间～ 望住呢个海景，慢慢饮杯茶，食海鲜 满足！总括来讲，以呢个价钱， 10分满意，服务都很好
继续阅读
行完山 朋友想食海鲜 疫情前都食过这间原来已换老板 今次6人 大家都唔太肚饿叫左4人餐 再加2人份量 上餐时有惊喜海鲜好新鲜 靓女Candy服务好好 每碟份量都唔小 仲有生果同汽水
继续阅读