泰味泰國餐廳

营业中

休息中

性價比超高既泰國菜 來到朋友屋企，朋友提議一定要去呢間泰菜試下 ， 一行3人去食， 地方唔大 ， 不過簡潔舒適， 食物方面唔講太多， 色 ，香 ，味 ，俱全！ 正阿😍 有部分食物要提早同店主預訂！ 值得一讚，生蝦刺身，日日新鮮，蝦頭炸埋，非常酥脆，咖哩蟹都非常新鮮，咖哩配埋酥餅，正，爆炸龍，泰式避風塘炒，用泰國食材製作，惹味👍 原隻椰青冬陰功炒飯，係出面未食過， 加埋大虎蝦，一拎出來，大家都好驚喜👍 食完飯，食芒果糯米飯，正宗泰國口味，真係無得輸👏🏻👏🏻👏🏻 一定借再來

豬肉碎好酸，食得出落好重檸檬，味道見人見志；啲生菜真係……睇相都知佢點唔新鮮法：生菜邊緣係啡紅色，部分一掂即凹，個感覺似係你擺咗啲菜喺雪櫃好耐（兩至三個禮拜）然後拎返返嚟個樣，好彩仲有其他生菜補救（但係嗰邊都係啡紅色）呢個小食賣$58好似，但你比唔新鮮嘅生菜我哋，真心覺得$30都不如。

夜晚嚟食，因為新年關係，落單嘅時候佢話嘢食要等一陣，我問佢要等幾耐，佢話15分鐘，好啦咁我等。點知一等等咗40分鐘。等唔係問題，但係同之前講嗰個時間爭咁遠。如果一早知40分鐘，我就唔係度食。諗住追吓佢，佢話有好多外賣做緊啊，係大單嚟。即係點，細單唔使理？仲有，想要啲汁點吓，原來全間餐廳得1個裝汁嘅兜仔。個侍應要喺另一張枱拎黎俾我。啲嘢係好食嘅，但係其他嘢都需要重視的。下次我會睇清楚多唔多外賣單，我先落單。

堂食和外賣自取都食過（一個月內食咗3次）水準暫時仍然保持到，海南雞、泰皇咖哩、燒豬頸肉都非常推薦👍🏻👍🏻 唯獨沒有Bb椅所以不便堂食，同埋上次飲椰油冰就一般價錢經濟 加上不重味精味 唔煮飯的家庭很適合🤣本區小有覺得好味的餐廳

好耐無返嚟荃景圍啦，發現呢到荃灣中心間泰國菜搬咗過嚟呢到，呢間味道我記得一直都唔錯，份量係細啲，但價錢我記得係好平。搬咗店舖，睇得出佢地比左啲錢裝修，個餐牌都好靚，個心有啲期待，我記得佢地嘅粉麵係好食，但今日想食豬頸肉，於是點咗豬頸肉飯，一上枱，咦……居然個煮法同豬手一樣，係煮出嚟再加茨汁。我仲以為係燒頸頸肉，會配上酸辣汁嗰種，一上枱見到碟野，個期望落差搞到我有啲失望。食落，唔，係豬手嘅調味，唔係難食，係合格嘅，只係期望落差。朋友點的泰式鴨絲生牛肉扣鈕金邊粉，所謂的扣鈕即係泰式酸辣湯，朋友話非常好食，真係好羨慕，今次點錯餐，下次如果有機會過嚟荃景圍呢邊，我一定要試吓呢個扣鈕湯呀！泰式奶茶係正常味道，不過個杯就細啲。

此店原來只開設在荃灣中心，現在竟然在荃威花園開設店鋪，作為街坊當然不容錯過。此店比荃灣中心那裡更加寬敞闊落，坐得舒服，店員招呼慇懃有禮。菜牌亦富特色，食品種類多樣，價錢實惠。是次點了泰滷鴨撈，菜式為特別醬汁再撈金邊粉加鴨肉，味道濃郁，鴨肉鮮嫩；再點了蠔餅，鬆脆可口，頗多蠔肉；叫了一碟馬拉盞通菜，確是水準之作，鑊氣十足，呷啖泰式奶茶，頗有泰國風情；略嫌炒金邊粉普通，海南雞撈頗有特色，醉貓炒河配海鮮非常惹味帶少許辣度，胃口大增，誠意推介。

因為疫情好耐無出街，今次一家大小來荃威探朋友開生日會。本來都無乜期望過，但竟然有驚喜食到正宗的泰國菜到會。 無諗過到會都keep到新鮮個味到。最欣賞係海南雞好滑好新鮮好夠味，同埋泰式鹵水拼盤。味道都幾特別唔同中式果隻，還有必食的生菜包呀！超正宗好好味呀！一定會再幫襯。 最驚喜係6大6小都唔洗八百蚊。真係無得輸平過自己煮啦～,。