影片
以上资料只供参考，请与餐厅确认详情
去完流浮山海边，当然系买下手信，帮下香港经济啦！除左买金壕，就系哩间饼店。要试当然系哩间铺头话自己整的饼啦，买左两种马仔同埋绿豆饼。马仔有黑糖同白糖两种，20蚊8件，奇W饼家系24蚊4件,所以一D都吾贵。- 黑糖马仔可惜系无乜黑糖味，吾系太甜，但好松化同感觉到中间的糖胶。（2分）- 白糖马仔都系一样松化，更加吾甜，比奇W好食。（4分）绿豆饼（$30蚊10件）3分- 饼皮好松，有D 似老婆饼的皮，- 涵料毫无绿豆味- 有10件当系饼干食都OK。- 比3分系现在已经比较难揾到来食。
继续阅读
最近经过网媒及电视报道后，好多人都去揾怀旧小食，而今多款怀旧小食当中，有一款系我细个嘅时候食过，不过从来冇谂过佢叫咩名嘅食物 — 炸油糍，有人叫佢做炸萝卜丝。呢间小食店经常有人排队，老板娘系咁喺度炸都冇停手... 专注地做一件事，感觉有啲似日本嘅吉列店或者天妇罗店除咗炸油词，呢度最多人叫嘅系酥炸生蚝同酥炸海虾，另外仲有炸蚝饼。由于系即叫即炸，所以等待都需要少少耐性。$13都算好大件一攞上手非常咁热，等返5至10分钟放凉之后食就刚刚好。粉浆入边有萝卜丝少少葱同虾米，好香口之余亦都好够味。入流浮山除咗去海鲜店之外，咁特色嘅小食店都好值得去试吓。
继续阅读
炸油池系香港已经好少机会吃到，外面有d小食店正嘅完全唔掂。每次来到流浮山我都会来买一个吃，因为佢系我暂时吃过最满意的炸油池，萝卜丝坚多，薄薄一层的粉浆包住有虾米炒过嘅萝卜丝，啖啖都好满足，老板仲会按你要求即刻制作。炸金蚝同炸多春鱼都好正架!
继续阅读
一路都唔知道平日早上的流浮山有乜野早餐选择，原来系正街内有茶餐厅及有早茶饮，见朋友到泰兴买外卖，仲推荐我食排骨饭鸡扎，试一试佢啦排骨饭21元，用碗来蒸饭，饭粒粒分明，排骨有咬口，好耐冇食过咁靓既蒸饭，呢啲就系古早味。鸡扎16元，腐竹包著火腿、芋头、冬菇、鸡肉、鱼肚，虽然细细件，但所有食材都融为一体，平时食鸡扎，火腿及芋头都系超大件及唔好食，呢件鸡扎真系好岩我口味。烧卖18元，比市面的细粒，味道正常。
继续阅读
969 浏览
假日参加了元朗亲子游一日团，午饭被安排在流浮山某间海鲜酒家，顺道参观流浮山海鲜街。海鲜街靠近大街路口的那一截全部都是海味杂货店及零食手信店，靠近海边的一截则主要是海鲜档及海鲜酒家，又有三两间茶餐厅及杂货铺夹杂其中。无意中发现一间毫不起眼的小店「泰兴美食中心」，除了售卖少量海味干货及零食手信之外，亦有一些油炸小吃 ⋯⋯ 究竟那一门生意才是小店的主力？最奇怪小店内又有三两张卡座及大圆枱，有点似茶餐厅，但又没有茶餐厅出品，只有油炸小吃。见到两个小电炸炉，油膉味随着炸炉热力四处飘散，唔敢窥探炸炉内的食油 ⋯⋯ 根据经验，很大机会系接近啡色的所谓「万年油」。为了健康着想，一向不大兴趣在街边买油炸食品（除了油炸鬼，因为好食、但又冇得拣，只有街头的地踎粥店才有新鲜油炸鬼）；今次也没有例外，即使是酥炸流浮山生蚝也放弃了。只不过，「即开即烧完只烧蚝」就吸引了笔者目光。以流浮山生蚝的身型大小及成本，$30 / 只绝对系偏贵，而且，酥炸生蚝也只不过 $30 / 串（虽然可能较细只）⋯⋯ 不过，即烧生蚝又有一定吸引力，香港其他地方实在少见这种形式的即烧生蚝，很有日本鱼市场风味。话明即开即烧，店主叫我们15分钟后才回来 ⋯⋯已经知道本地流浮山生蚝唔会很巨型，起初以为收 $30 / 只，店主会挑选较大只的生蚝，结果却令人失望。并非拣手巨型流浮山生蚝，其他海鲜档的生蚝还要大只得多；而且两只蚝明显一大一细，也难以接受。采用充满本地特色的蒜蓉焗炮制方法，蒜香浓郁；由于生蚝同样味浓，蒜香并没有掩盖生蚝的鲜美。虽然只是细细只，但充满蚝汁，肉质爽脆；味道其实相当不错，不过以这种大小的流浮山生蚝，加上只是街头档口，定价就偏高了。
继续阅读