泰仔亞洲餐廳 (已結業)

七一假期梗係約朋友食飯啦🤪8個大人+1個小朋友，叫咗個set可以選擇8個餸😋🦐泰式生蝦🌟夠大隻夠凍🦐月光蝦餅🌟好特別，彈牙，唔同其他店舖🐷無骨豬手煲🌟好腍好入味🐚明爐大蜆鍋😞呢個冇乜味可以唔使叫🦀焗黃咖喱麵包軟殼蟹🌟中規中矩，略嫌咖喱唔夠香🥬馬拉盞通菜🌟夠惹味🐷燒豬頸肉🌟夠惹味，而且有個蠟燭一路燒住🍍泰式菠蘿海中寶炒飯😀正常，好多提子乾，小朋友好鍾意叫咗三杯沙冰（走芝士），我嗰杯菠蘿沙冰略嫌太甜🍍喺屯門呢個商場仔裏，第二次幫襯呢間泰菜，可能因為假期好多人都唔喺香港，今日只有兩枱客😞小店值得生存，希望多啲人幫襯啦👍🏻👍🏻

這餐廳店員服務質素太差，當時員有兩枱客，4人在樓面叫寫單加單十問九唔應。叫左4次先施施然走埋黎。問佢仲有無餐紙，佢答最後都比你地用哂啦，食到一肚火。 這餐廳服務差極🤬🤬

味道不錯，抵食泰式肉碎生菜包～肉碎味道不錯，正常份量，生菜新鮮幾靚，要讚係生菜份量都夠，因好多時其他餐廳得好少生菜唔夠包肉碎無骨海南雞半隻連油飯一碗～雞嫩滑，上枱連一碟點海南雞嘅紅色酸汁(醬油碟size)，雞肉點埋汁係正，油飯味道不錯，不過雖然連一「滿」碗油飯，如果根據2人餐連兩「唔使滿，3/4」碗油飯嘅話就好，覺得2人餐一係無飯一係兩碗飯依家要我哋2人自行對分泰式明爐烏頭～湯汁同魚肉味道不錯，入面有少少粉絲很好味其他餐廳未必有，上枱魚未全熟正常，係等滾起魚熟食得，要彈係上枱火好細，明顯油膏(?)加得好少(係點火人自行加油膏(?)落個兜仔嗰款，唔係原裝一舊舊點火嗰款)，結果都無完全滾起見夠熟就食，結果一陣間火就熄，同佢哋講無晒火，結果又係換個油膏(?)加得好少嘅兜仔嚟點火，吓，慳成咁冬蔭功海鮮湯～上枱用火熱住，對我嚟講呢鍋湯酸味辣味對我口味，材料豐富珍多冰、龍眼冰～飲料正常，要彈係幫我哋落單嘅馬尾女侍應喺我哋揀2人餐選完食物後話有兩杯嘢飲除了椰青同酒類，雖然係我哋2人自言自語，唔知有兩杯嘢飲嘛，餐牌無寫有兩杯嘢飲嘛，自言自語咪講包兩杯嘢飲好驚喜好嘢好抵之類，雖然係我哋2人自己交談唔知個

屯門很少找到一間正式的泰國餐館，見呢間lunch menu都多選擇，即管試試~ 店內空間不太大，好在今天不太多人，不用等位。點了皇牌咖喱牛腩配蒜蓉包，泰式炒金邊粉，另加串燒2串。皇牌咖喱牛腩既咖喱汁香濃有辣勁，每樣配料均煮得十分入味，蒜蓉包充滿蒜香，用來沾滿咖喱汁食，好正！至於泰式炒金邊粉就略為遜色，賣相及入口都讓人感覺淡而無味。串燒OK，烤得香口入味，值得追加。

朋友生日慶祝，3個人點左2人餐再加左個冬陰功湯，估唔到份量都ok，仲要好滋味！「泰國菜」必食既生菜包，肉係入面既精粹，微微地辣，好開胃，唔會辣到係咁飲水。「炭燒豬頸肉」本身以為好普通既豬頸肉，點知係火燒住上，可以保持個溫度，肉唔會太韌，加上個酸酸辣辣嘅汁，真係食完又想食！本身見佢細細份，以為好少肉，但疊埋疊埋都滿足！「軟殼蟹咖喱麵包」個咖喱好正，加上個包吸哂哦咖喱，超美味！同埋個軟殼蟹仲脆脆地，真係無得輸！「冬陰功湯」真係好正！無試過咁濃既湯，又多料。唯一不足既係好多湯渣，咁會飲得無咁暢快。我地都叫左3杯奶蓋芒果沙冰，味道岩岩好，唔會太甜，正！

今次第二次去餐廳，係因為第一次去食嘅時候見到有個好抵食嘅四人套餐（$408 5樣菜），所以今次帶埋屋企人一齊去試~我哋今次分別嗌左：1.咖喱軟殼蟹麵包2.明爐烏頭魚3.炭燒豬頸肉4.菠蘿炒飯5.無骨豬手煲五樣嘢食份量非常足料！味道都好味！除翻每個人只係$90 當中我哋仲每人叫左一款飲品！（p.s.賣單先知飲品半價），店員非常老實！因為本身帶咗一個椰青，其後店員說椰青開口不新鮮買俾我哋，呢個舉動，相信喺其他餐廳會好少發生。下次可以再光顧，強烈推薦唔係連鎖式嘅餐廳

前晚食完揼心口千之味迷你定食之後就過咗Go Go mall睇吓有咩好嘢食可以彌補一下心靈😣平時對其他國家菜無乜興趣淨係鐘意食西餐嘅我決定咩都試吓就揀咗琴日去試吓🤤🤤🤤叫咗個二人餐，可能第一次食，嘢食選擇都OK，味道唔hea，個軟殼蟹包包滿分👍🏻👍🏻👍🏻不過如果油可以少返啲就更好，食完明爐烏頭已經飽，菠蘿炒飯最後打包留返做聽日晚餐😆😆😆希望保持水準下次有機會再去試其他嘢😋😋😋