泰亞萊海南雞專門店 (已結業)

今日嚟觀塘買外賣返屋企食睇餐牌都有好多選擇，叫得海南雞專門店， 咁就梗係要試下佢哋嘅海南雞飯啦，我加$10轉咗雞脾，講咗個份量先，好足料，好多嚿雞肉，而且啲雞肉好嫩滑， 雞皮又薄又爽，正宗皮薄餡靚而且啲油飯好香，就咁食啲飯都已經好好食，計埋份量， 呢個價錢真係好食抵食夾大件第二個飯係泰式黃咖哩蟹肉飯， 如圖所見，勁多蟹肉 黃咖哩唔算好辣， 有少少甜味，就算唔食得辣嘅朋友都可以試呢個蟹肉有鮮味，配埋黃咖哩，撈飯食，送飯一流無諗過有咁多蟹肉， 睇見都開心跟住呢個係泰式鹵水豬手飯，豬手煮得好淋好入味， 好夠份量，送飯都好正，豬皮一啲都唔膩， 每一啖都充滿住骨膠原仲有半隻鹵蛋最後呢個就係限量嘅芒果糯米飯，好好食！芒果甜， 糯米飯煙韌程度啱啱好， 軟硬適中，配埋個汁係完美超好食 個人意見係必食

觀塘原來也有一間泰亞萊海南雞專門店，喜歡吃海南雞飯的我又怎能不試試呢？這店鋪面積不大，沒有堂食，只做外賣。下單不久，食物便已準備好，而且包裝得整整齊齊。～招牌海南雞飯招牌海南雞飯果然不錯，份量也不少。海南雞已去骨，皮爽肉滑，雞味濃郁，脂肪不多；沾上醬汁來吃，味道更多元化。雞油飯看起來似白飯，但入口便能分辨出來。雞油飯微鹹有油香，一點也不覺油膩，入口更是粒粒分明，口感甚佳。～泰式鹵水豬頸肉飯鹵水豬頸肉和蛋鹵得恰到好處，味道不會過濃。吃起來啖啖肉又不會韌，配白飯來吃是最好不過。豬頸肉肥瘦分明，有咬口又不韌，而份量也不少呀!～招牌豬手一份豬手鹵得很好，味道適中。骨膠元豐富的豬皮炆得淋淋的，厚厚的豬手肉入口同樣淋滑。豬手下的酸菜原來也是亮點，酸甜爽口，十分醒胃。鹵豬手份量十足難以一人獨享，與其他人分享會更理想。是日午餐價廉物美，花費不多已叫人感到十分滿足，值得一再捧場。

住觀塘/觀塘附近返工既朋友有福了，新開咗呢間外賣店，有飯/麵類同埋限量既甜品。#招牌海南雞飯 💰50 價錢黎講都幾抵。呢款有另加$10轉雞髀，下次可以試下轉髀先。本身佢既雞份量都多，食落都好滑，另外佢仲配埋一個酸辣汁。#泰式黃咖喱蟹肉飯 💰50呢個既咖喱係好香椰香味，食落都唔會好辣。撈飯一流！蟹肉有兩大舊，唔會係有雪藏味個啲。#鹵水豬頸肉 💰88 好少係食鹵水既豬頸肉，見到係一片片都幾大片。鹵得好夠味，而且好淋。佢仲包埋一隻鹵蛋。#芒果糯米飯 💰58 好幸運可以食到芒果糯米飯！佢貼出嚟話係限量啊🤪價錢黎講都算正常。

話說完project慶功，大家都歸家心切，所以就中午嗌嗰豐盛啲嘅午餐🥣海南雞飯 - 轉雞髀🍗（$60）既然係招牌，咁就必食的。果然非常嫩滑多汁，不過每一份海南雞飯選取的部位都不一樣，有雞翼+雞胸，有雞髀+雞胸，亦有雞翼+雞髀🍗 😄😄 咁樣食落好有驚喜🫣 而且醬料十分地道。 芒果糯米飯🥭🍚（$58）我最愛！ 香港很少芒果糯米飯可以做到泰國的質素，但是這個不錯 😌 雖然芒果並不是泰國的，不過椰汁香濃，糯米飯也剛剛好。泰式豬肉生菜包🥬（$58）多蔥多肉碎，很入味，配着新鮮生菜食，剛剛好。 不過小妹覺得香葉同辣椒多些會更好😆😆 冬陰功湯🍲（➕$8）色彩、味道和配料都非常足夠，以加$8呢個優惠，頗為公道。

今日去咗觀塘做嘢就諗住睇吓公司樓下有冇啲咩好嘢食啦始終觀塘都超多嘢食一定係三心兩意㗎啦行吓行吓呢就見到呢間有幾間分店嘅泰亞萊海南雞飯專門店竟然喺觀塘開咗？咁唔使揀啦我一定要試吓因為呢間係好出名嘅一間海南雞專門店佢地理位置超方便只係地鐵站一出行5分鐘就會見到門口就會識做啲咩係佢哋嘅招牌菜式咁一定唔少得就係海南雞啦所以我今次就叫咗一份海南雞飯再睇落去其實佢都有各式各樣唔同嘅飯類同埋粉麵類嘅順帶一提如果你哋去到隔離嗰間嘅share tea買嘢飲憑着收據過嚟買海南雞嘅話仲會有折扣添簡直係大滿足呀個海南雞飯份量超級多！飯味嘅油香好重🤭而且軟硬適中而海南雞真係做得相當之出色啊！雞皮爽滑而且肉質鮮嫩再配埋佢哋嘅海南雞醬汁簡直係冇得頂呀香得來帶點微辣佢半隻海南雞嘅份量亦都唔會呃秤超級足料仲！舊舊都非常之滑溜最後我都叫咗一份滷水豬手！豬手做得好林 而且夠晒入味大大件啖啖肉正呀連佢嘅豬皮都夠晒火候入口即溶好似食緊好多骨膠原落肚！$88咁大份量嘅豬手簡直係抵食呀

幾個月無出街食飯，今次先嚟個外賣試試水溫，這間位於觀塘工業區的泰式外賣店，舖子小小但種類繁多，同事極力推介招牌海南雞半隻，果真無介紹錯，雞件大大件，入口啖啖肉，黃皮脆身又滑口，兩款醬汁味道也很正宗，中辣，但我是汁怪要再另加汁🤣另外也點了招牌豬手一份，好大盒份量夠3人食，豬手肉佔8成半，濃郁入味有咬口，1成半是骨膠原，都算幾抵食呀！再來一份泰式青咖喱雞搥，咖喱以椰香為主，香濃不辣，汁多得要添飯先得，雞搥size剛好方便入口。Order完很快便可取外賣了👍🏻

雖然堂食開放左好人可以一齊食，不過食Lunch 時間都好多人，都喜歡買外賣，最近觀塘開咗間新海南雞飯外賣，可以快靚正叫返去試試。當然就是必食海南雞呀，我一向都好喜歡食雞。隨了有飯亦有湯粉類、小食等必食海南雞飯呀份量真足料好豐富大大份仲叫咗個泰式青咖哩雞槌飯 $58味道好香濃稠青咖哩雞槌好有口感，辣辣地好惹味泰式青咖哩醬汁少辣，咖哩濃郁惹味配埋飯就好好食。招牌海南雞 $188無骨海南雞就最岩一家大細食到，一件件切開都係無骨，而且啖啖肉仲要每件雞件好滑，切開一件件分佈得好好，配埋飯一齊食就真係唔錯最愛食無骨雞肉，啖啖放入口雞肉鮮嫩仲有滑雞皮，食埋皮都唔會油膩完美既海南雞呀泰亞萊海南雞專門店觀塘開源道63號福昌大廈地下A8號舖

返觀塘上堂真好，周圍都好多開倉，購物多選擇，食嘢有平有貴，總會有新美食可以品嚐。今次就試吓泰式海南雞，經過見到價錢實惠，都算多款式選擇，又唔使等好耐就一於買來試吓！招牌海南雞飯 $50最鍾意海南雞無骨，肥瘦均勻，肉質鮮嫩，可口多汁，配搭泰式酸辣汁，更能提升鮮味。海南雞配雞油飯是常識吧！香濃美味，值得推介！泰式黃咖喱蟹肉飯 $50最適合懶人食嘅蟹肉飯，入口啖啖肉，真正蟹肉，食到一絲絲蟹肉的口感，配搭黃咖喱更加惹味。冬陰功湯粉 $50冬陰功可以選配一款餸，我就揀咗肥牛！牛肉味濃郁，肉質柔軟，食泰國嘢又點少得冬陰功呢？酸酸辣辣好開胃，加上金邊粉更加有泰式風情，特色美味湯底，滋味無窮。芒果糯米飯 $58店長推介真係好好食嘅芒果糯米飯，芒果清甜好味，最緊要唔酸，椰汁配搭糯米飯，又香又濃郁，甜度適中，很甜美的句號。

趁放假嚟觀塘探朋友班，回程時路經開源道，望到福昌大廈地下新開咗間海南雞外賣專門店。見舖頭啱啱開門，攞份單張睇下，原來都有好幾間分店，睇嚟都頗受食客歡迎。睇咗門口餐牌，除咗海南雞外，仲有唔少泰式美食供應，一於試下！點咗招牌海南雞飯 ($50)、鹵水豬手飯 ($50)、一份鹵水豬頸肉 ($88) 同 兩罐 OOHA 汽水 (+$6@)。店員好細心，將食物包裝得整齊企理，而且拎上手仲好「墜」手添！兩個外賣飯盒都睇頭十足，飯同餸分開盛載，而且份量都唔少，把便當鋪得滿滿，非常足料，絕不欺場。先嚐海南雞，睇下啲雞件幾靚仔，雖然係外賣，但擺放得一點也不馬虎，好有層次感。雞皮食落又爽又薄，而且仲有營養豐富嘅啫喱層，肉質鮮香嫰滑，入口雞香味濃，夠晒 Juicy，美味！連伴吃嘅醬汁味道亦十分對辦，入口酸辣辛香，同雞件好夾。油飯水準亦唔錯，質感相當軟熟，入口富雞油香。鹵水豬手亦值得畀個 Like，豬手鹵得好入味，大大件，皮肉勻稱，食落肉質好鬆化，軟腍得嚟又有咬口，連豬皮都鹵得夠晒火候，腍滑甜美、肥而不膩，入口滿滿嘅骨膠原。至於鹵水豬頸肉，亦做得誠意十足，一盒有唔少件，食落爽口彈牙，而且滷水嘅味道唔會死咸，有

公司樓下新開左間海南雞外賣店之前食過荔枝角分店果間，雞滑油飯香12點開始已經開始有人嚟買比一般海南雞專門店多選擇除左有飯之外，仲有湯粉！招牌海南雞飯海南雞份量一啲都唔少，雞皮爽滑，一啲都唔肥膩肉質好滑，連埋雞皮食都唔會有罪惡感呢度嘅海南雞醬汁好特別，係自家調製，香而帶有微辣至於油飯略嫌唔夠香，同埋口感硬左少少～～泰式酸辣鳳爪勁好食呀酸辣味岩岩好，醃的好入味！仲有種後勁嘅辣味，令我想追住嚟食鳳爪口感非常Q彈，軟骨可以輕鬆咬開冬蔭公湯加$8就可以有埋冬蔭公湯！呢個值得加錢要埋酸辣度岩岩好，每飲一啖都會有香茅&檸檬葉嘅香，令人抗拒唔到以前唔鍾意香茅陣味，但唔知點解而家會覺得香茅好香呀芒果糯米飯本身諗住一飲一小食已經好夠食，點知見到個芒果糯米飯旁邊寫住「真係好好食」咁我又好奇心發作，所以就叫埋呢個甜品首先見到有大半個芒果，未食已經非常吸引重點係芒果🥭味道非常清甜！糯米飯軟硬度適中，加埋稠稠地嘅椰漿個椰漿唔會太甜，反而好香，真係100%推介

我們到「小夏威夷徑」觀賞瀑布後，乘車到觀塘再轉車回家之際，經過開源道與巧明街交界看見一間新開業「泰亞萊海南雞專門店」，就决定買外賣招牌海南雞飯、黃咖喱蟹肉飯、滷水豬頸肉一份及三罐飲品。海南雞飯$50，滑捋捋的海南雞與爽口白飯份量很足，是抵食之選。少有的黃咖喱蟹肉飯$50一定要試，買的時候心想蟹肉應該都是蟹柳，但原來真的是蟹肉，與黃咖喱汁一起淘飯吃，椰香很濃香，口感很美味，進食要小心因為吃到很一顆微小的蟹殼碎。還有一份很入味的滷水豬頸肉，令外賣午飯更豐富起來。

餐廳位於觀塘，距離地鐵站路程需要三分鐘左右，地理上十分方便快捷，餐廳主打的當然就是海南雞，我這天也有好好品嘗一番，招牌海南雞飯，另外我還挑選了招牌鹵水豬手湯粉。餐廳是指收現金的，大家請好好記住，外賣自取更可打電話提早預訂。食物味道方面，招牌海南雞沒有選擇錯，香滑可口，油飯更是頂級水準，不油膩，充滿香料的味道。雞醬是餐廳自家調製，入口帶點香辣，更能提升雞的香味。另外，鹵水豬手經過長時間烹調，味道真的不錯，入味，膠質重，大力推薦。

疫情下時不時都只可以食外賣🥡，可能因為咁大大小小既外賣🥡店都多左，對於食客，多啲選擇當然welcome最近見到間新海南雞飯外賣🥡，一於又試下🐓海南雞總係百食不厭，尤其係呢啲濕熱天氣，唔想食熱辣辣既野，但又想食下中式野，海南雞介乎熱同唔熱之間就最好半隻海南雞🐓呢間店無寫係無骨海南雞，但係食落大部份都係無骨，啖啖肉，肉質都係好滑既，件數都唔少個人食雞真係唔似長輩會好快食得出係鮮雞定雪雞，但至少食呢度既海南雞我覺得合乎對海南雞既期望最滿意既係啲醬，本身好少食醬既我竟然食晒佢啲醬，醬只有呢款，味道係多酸少辣，裡面應該都係薑蒜個啲朋友啦，唔會好水又唔係好杰，岩岩好，雖然得一個醬汁，但佢真係令成件事提升左除左雞，都叫左佢滷水豬頸肉油飯，份量多，豬頸肉係薄切，每片都沾到滷水汁，肉本身應該係豬頸肉無咁肥既部份，所以拼埋滷水汁都唔會覺得勁油油飯就淡淡油飯味，重口味朋友可能會覺得有啲淡佢餐牌仲有啲其他咖哩類飯，有機會下次可以再試下