泰不辣媽媽 (已結業)

呢間泰國菜位置有啲偏僻，唔係我揀唔啱附近餐廳，周圍捐窿捐嚹，都發現唔到呢間野。鋪頭一半係廚房，一半只有少許坐位俾人客坐低食，主要做外賣為主。見到廚房嘅姐姐都係泰國人，所以都期望水準應該拍得住係泰國食嘅。午餐係可以揀金邊粉或者飯，餸我地揀左雞翼，咖哩雞，豆卜，泰式香腸（即係扎肉），龍蝦丸，豬頸肉，所有都不錯，不過豬頸肉比較辣，所以唔食得辣嘅朋友仔要小心啲(雖然辣得黎真係好好食)。最後我地叫左個甜品，泰國必食嘅芒果糯米飯，真係好有水準，芒果好甜，飯唔太硬唔太林，真係好似去左泰國咁，都係比起泰國買嘅貴少少就食到($28)。

最近知道表姐朋友新開左間泰國餐廳ThaiMaMa泰不辣媽媽, 中意食泰菜同辣野但又唔係好食我太辣既我一聽到''泰不辣'', 就心郁郁想試下啦!雖然位置唔多, 但對一個專做外賣既餐廳尼講, 好夠,好闊落同舒服又乾淨新開尼講都算多選擇, 價錢都好合理, $30-$50結果我叫左雙餸飯(黃咖哩+豬頸肉), 我無影相, 用住表姐朋友比我張張相先啦$43 其實幾低食，又可以要求多飯，D餸開頭望上去又會覺得好唔夠食, 但食落其實好夠喎又.我結果係堂食, 坐得舒服其實都係次要, 重點係同朋友食幾耐坐幾耐都無比人趕! 好過個D大家X 同大X活先啦已經!個度D員工服務態度好好, 有一個仲同我地傾左好耐計, 食得好味又開心真係唔怕悶親添呀!最後叫左個芒果糯米飯外賣拎走, 佢地會即刻整熱番比你, 暖粒粒好舒服呀~~~ 番到屋企都仲好好食!!強烈推介咁多位元朗既朋友仔過尼試試新意思, 都評下分啦~