波士餃子

营业中

休息中

為咗食餃子可以去到幾盡？.石籬有間街坊餃子小店聽講係每日人手新鮮包有9款餡料，全部都係豬肉餃最正係雙拼都唔洗加錢👍🏻湯餃跟無味精靚湯，大大隻脹卜卜🥟煎餃脆得嚟唔會硬崛崛今次試嘅紫菜豬肉、粟米芝士豬肉煎餃麻辣白菜豬肉同椰菜豬肉湯餃都唔錯～.就算唔食餃，呢度都仲有米線、小食等選擇米線熱辣辣用砂鍋上，仲有原隻鮮雞髀🍗足料苦瓜鮑魚排骨燉湯啱晒夏天飲☀️估唔到嘅係呢度竟然有酸辣魷魚同鮑魚調味好有泰式feel，海鮮爽彈！如果中意食蒜嘅，可以試埋佢哋嘅蒜泥白肉白肉係厚切，同平時食開薄過紙嘅唔同🤣.湯餃 $48/8隻 $52/10隻煎餃 $52/8隻 $56/10隻鮑魚涼瓜排骨湯 $48泰式酸辣鮮魷 $78泰式酸辣鮑魚 $88蒜泥白肉 $48麻辣鮮雞髀米線 $75香煎肉餅飯 $58跟風手打爆檸鴨屎香檸檬茶 跟餐+$18

呢度的麻辣餃子辣勁確實更足，咬開薄皮時紅油噴出的瞬間，麻辣感會猛地竄上來，算是有記憶點。每顆餃子都算大顆，餡料塞得頗滿，咬落有實在感。​不過餃子皮有時煮得有點軟爛，唔夠爽身至於砂鍋肥牛米線，上枱時「滋滋」作響的熱騰騰畫面確實吸引，紅油滾到起泡的樣子夠晒誘人。肥牛切得薄，浸在湯裡吸足味道，一啖落肚，麻勁先來，辣勁後至，嘴巴真係會有種輕微麻痹感，。​價錢方面的確抵讚，10 顆餃子加一個米線先 $110，兩個人分食夠晒飽，性價比算高。餐廳坐滿人也側面反映佢有一定人氣，環境，可能會覺得有改進空間

必須要比人知道有幾唔推薦！！見佢好評多 我哋就第一次叫外賣apps試下佢啲餃子水餃我哋叫咗大約既食物係涼拌手撕雞米線藥膳米線椰菜水餃韭菜餃子麻辣水餃芫茜水餃首先外賣等左勁耐唔到之後等左兩位外賣員前後腳送到（我地明白叫大量要分兩個人送）但之後發現冇咗所有餐具同埋手撕雞米線打去禮貌詢問係米仲有袋係餐廳換黎態度奇差 "我唔知wor!你自己問外賣apps啦！唔關我事！"😡之後突然眼睇得清楚了有袋外賣係度就電話覆"我送過黎比你啦！"本來都心生感謝 點知再打黎講"好遠呀我唔送㗎啦～你地自己搵外賣apps啦"少左野食都算 我地冇餐具係要用手食飯？😒終於搞掂咗餐具問題（自己去買）一打開個賣相唔錯既 但椰菜水餃已經覺得有浸怪味🤢一食落口即刻成舊lur 出黎 因為酸臭左🤮🤮🤮打去反映埋野食有啲問題要留意下 驚佢再賣比下一位職員諗都唔諗講係正常味道之後講佢未有再煮椰菜水餃試唔到味！放心 其他水餃同餃子冇事只係冇味啫😏😏😏係勁到芫茜餃子都可以冇味道！好神奇😏成餐飯好精彩～結果因為佢 我地兩個鐘後先有正常既其他餐廳外賣可以食

今次係第二次食呢間餐廳，第一次同男朋友嚟食嘅時候都覺得好唔錯，所以決定再encore，但係食埋呢次之後應該唔會再去。先講衛生方面，一入去就好多蚊，而我哋食緊嘅時候後面有個店員勁大聲咁樣狂咳，咳咗好耐(係由我哋開始食嘢咳到我哋走都未咳完)，跟住我望一望後面，佢係一邊包啲餃子，一邊向住啲餃子喺度咳，冇戴口罩，嗰啲唾液、咳出嚟嘅細菌全部都去晒佢包緊嘅餃子度，睇到之後真係覺得好核突，即刻唔想繼續食嘢。最後找錢嘅時候，男朋友仲話店員係用佢戴住嘅手套又包餃子、又收錢、又收碗碟，當中嘅細菌真係可想而知。我明白亦都理解餐飲業係呢個時勢好難做，但真係唔好喺啲客面前咁樣，眼不見為淨，自己偷偷地返廚房咁樣我都算啦😅睇完之後真係唔會想再嚟食，都唔會推介任何朋友嚟食。味道方面，個人認為係OK，嗌咗碟麻辣白菜豬肉煎餃、砂鍋肥牛米線都尚算好食，涼拌手撕雞米線就唔推薦，冇咩味、上面嘅肉碎亦都唔係特別好食。不過見住、聽住個店員係咁喺度狂咳，真係食咩都無味。麻煩餐廳做好衛生意識、改善好環境先繼續做啦🙏🏽

堂食叫嘢食，叫我等等，個後生侍應掛住包外賣唔我，我等左陣就走，唔通要等包晒啲外賣咩，見重有好多外賣要包，起碼落左單慢慢攪都唔覺，今時今日服務態度咁差，唔會再幫襯

呢間餐廳係屬於家庭式經營，主打人手每日新鮮包制嘅餃子🥟仲有米線、砂鍋套餐、特色小食同飲品🍱💗菜心豬肉餃子（$52）菜心豬肉餃子非常大隻，皮薄餡多，餡料用新鮮豬肉製作，加上清甜菜心，肉餡特別鮮嫩🥬；湯底都絕對唔馬虎，用咗五指毛桃豬骨煲雞老火湯，飲落清甜，好有媽媽味道🍲💗韭菜豬肉餃子（$56）餃子即叫即煎，外皮金黃香脆，香濃嘅韭菜豬肉餡簡直係經典嘅美味🎍💗粟米芝士拼椰菜豬肉餃子 （$56）粟米芝士餃子以豬肉餡加入香濃而且拉絲嘅芝士，再配搭清甜嘅粟米粒唔會膩🧀；椰菜豬肉餃子明顯食到有爽脆嘅椰菜粒，口感好好🐷💗砂鍋花膠雞煲翅（$88）花膠雞煲翅用砂鍋上暖笠笠，飲落濃稠黏口，充滿骨膠原，夠哂滋補養顏，除咗有大大件嫩滑嘅雞髀外，仲有雞絲、花膠同魚翅，都算足料🐓💗砂鍋胡椒豬肚雞（$58）砂鍋胡椒豬肚雞有濃郁嘅胡椒香味同微微辛辣，飲完即刻勁暖胃，有入面有嫩滑大大件嘅雞髀肉，而豬肚口感彈牙，唔會有騷味，仲有大量咸菜🐔💗香煎肉餅（$40）肉餅用咗半肥瘦豬肉、馬蹄、蔥同芫荽製作，然後壓平煎香至燶邊，食起嚟焦香惹味，送飯一流🐖

首先要講，店裏面真係好多蚊子，然後運作真係都比較亂，碗米線真係好難食好難食，得個麻字，我真係未食過咁難食嘅米線，睇落去就OK食落去真係搞唔掂 ，餃子還好，有少少鹹，不過如果你細心啲睇你可以睇到佢個表面好多黑色一點點，即係個鑊鏟都未剷乾淨就煎比個下個，你可以想像到個衛生程度幾好👍🏿另外就係紋身嘅店員係完全冇表情同佢講嘢好似聽唔到咁其實做街坊生意就做好啲啦嘢食建議真係做好先再出見到人哋介紹諗住喺屋企樓下試吓，點知又係伏總之就兩隻字難食

睇IG 推介，老遠搭車嚟到，等咗超過半個鐘先入座，order 咗煎韭菜餃，結果再等多45分鐘，出嚟嘅煎餃原來唔係跟落order 嘅先後次序，遲入座先食完都未算離譜，等咁耐唔問唔出，出都出錯餃子，仲好意思問我食唔食錯嘅餃子，－啲唔好意思都冇，亦無意思再整番啱嘅比我！最後，我話唔要啦，走啦，先好唔願意話退錢比番我，大佬，你嘅錯，又未上枱，你唔係諗住收我錢呀？！我隔離張枱嘅客人，都要等一個鐘先有得食，仲要去到4 5分鐘先話冇想要嘅味道！

兩個人食咗藥膳雞米線，同埋麻辣白菜煎餃，因為太肚餓，煎餃好快隊晒😂都冇影到相藥膳湯味唔係話好濃藥味嗰種，我反而鍾意咁樣，不過最想讚吓個雞，真係好滑，佢大概係一隻雞髀咁嘅量最後加咗個手打檸檬茶，$18 兩個人都飲唔晒😂收貨啦🤗隔籬枱個砂鍋米線都唔錯，好鬼滾，下星期會再試🤪嚟之前睇OpenRice見到有人話服務態度有問題，都驚驚哋㗎😂我地係好怕x牛、澳x 嗰種餐廳😅不過去到呢，又唔覺態度有咩特別問題😂正正常常，啲靚女都幾好笑容😂俾錢嗰陣仲特登問我哋覺得啲食物點，多謝前多謝後，街坊小店OK啦，收貨

個餃子好食喎(*¯︶¯*)叫咗兩款 一款椰菜豬肉 另一款芫荽粟米，豬肉餡好香。雲吞就麻麻哋囉，冇佢張圖咁圓，當係脆皮炸雲吞皮都OK嘅，大大塊咁。杯嘢飲都係中規中矩，好清甜，連埋煎餃子食可以試吓。本身諗住見到新開，叫熊X外賣試吓。點知個餃子都有驚喜吖，幾唔錯下次會再食。希望keep到水準啦

上餐吾跟點餐次序，遲嚟嘅客個餐會上先追問佢點解人哋有先個職員唔應機，零禮貌個老闆係現場都唔阻止呢種行為，非常之唔應該我睇現場有個客追問三次杯檸檬茶呢，明明我點先點解係人哋上先，個職員足足無視咗三次，係一啲回應都冇嗰隻我嗰份煎餃亦有相同情況，隔離遲入座嘅客都上晒餐，需要我多次追問先有得食食物質素方面亦都非常一般，芹菜餃就普通嘅但係芝士粟米餃同埋芫荽粟米餃冇任何味道呢一種價錢，呢一種味道，呢一種服務態度，三樣嘢加埋之後，我只可以講非常之唔推介

屋企附近新開嘅餃子店初次去試新野 叫左一湯餃 韭菜豬肉餃一煎餃 粟米芝士豬肉餃湯餃唔錯 餃子皮薄 餡都算多 餃子size適中湯餃嘅湯底係椰子湯 味道清甜煎餃煎得好脆 配上芝士內餡 好好食😋整體嚟講屋企附近有間咁嘅餃子店 幾好

上次見見到新開冇耐，就入去試下，今次推介砂鍋麻辣肥牛米線👍🏻👍🏻正，唔算好辣剛剛好雞煲翅好食👍🏻👍🏻😎第二次黎食都咁出色，成隻雞髀肉，啲雞好嫩，仲要咁既價錢，絕對抵食藥膳雞腳好入味，炆得夠腍，入口即溶值得推介😋😋我哋食嗰三樣嘢全部都係用砂煲上，好有風味，又夠保溫，上一次食餃子已經覺得好好食，好有家嘅味道，有好多款式餃子，隻隻都好大件，今次冇叫餃子，諗住試其他嘢食都正👍🏻👍🏻

晚上7點去到唔洗等位，睇餐廳名就知主要係食餃子🥟，但我俾花膠雞煲翅吸引咗，$78仲要配雞髀有埋飯同菜！當然餃子點都要試下，點了10隻湯餃雙拼椰菜豬肉餃同粟米芝士餃。先講吓花膠雞煲翅，原窩上熱辣辣嘅，湯底質感黏稠，如雞味和火腿味可以再濃郁就更正啦！值得一讚隻雞髀超軟滑，煮得啱啱好！雞髀夠大隻但花膠同翅份量少左d😅湯餃size都算大隻，足料味道正正常常，芝士餃芝士味幾出。個人重口味，感覺湯底偏清淡，所以餃子可以加多少少調味。如果湯底改用老火湯，感覺可能就啱啱好。整體感覺職員同食物係家嘅味道，下次會去試下煎餃🥟，支持小店！

今次嗌咗八隻煎芝士餃，煎得幾香唔燶我就鍾意撈菜脯食，老細話係自家製，甜辣少少加咗$4有包紙包飲品見到多咗好多飯餐，不過一個人食唔到咁多，下次帶埋屋企人嚟試埋個麻辣米線先😂