波士頓餐廳

营业中

休息中

1.港式西餐一早已經唔再係潮流飲食之選，懷舊亦唔係長遠吸引食客嘅原因，能夠屹立至今嘅都一定有其原因。2.細個時由屋企人帶住嚟波士頓餐廳，而家就同另一半用大人嘅味蕾嘗嘗兒時回憶中嘅味道。3.身邊人話要試火焰牛柳，我就點咗精選牛柳配蒜蓉汁。4.先講個紅湯，有時啲餐廳無論紅湯白湯都好似只係心意心意象徵式有個餐湯，無話好飲唔好飲，呢度嘅紅湯飲落有陣清香，係加咗檸檬皮嘅效果，原本以為檸檬皮會好澀，點知！咬落一啲澀味都無，加分。5.上枱時，啲汁淋上鐵板嗰陣咋咋聲真係好好氣氛，但又唔會彈晒油搞到好狼狽。6.火焰牛柳作為重頭戲係當之無愧，其實唔係話太花巧同浮誇，待應處理得更像是斟杯茶般常務工作，但看著火焰開始至慢慢熄滅呢個場面看著還是小壯觀的。7.2份牛柳都點咗5成熟，肉質淋滑但唔係梳打粉醃到了無生氣嗰種質地，火焰牛柳更帶點酒香。薯條仲係波浪粗薯條，開心。8.另外點咗個田螺薯蓉，略油。9.回頭指數：🌝🌝🌝🌝🌝

我接觸這港式扒房的時間相對較短, 就是在第一份工作的時候, 這裏是我的飯堂, 因為方便而私隱度比較高, 這裏提供的就是如金鳳及森美等港式鐵板牛扒, 肉質當然不能和高級扒房媲美, 但給我們的就是童年時的回憶感, 第一是將黑椒汁放入鐵板上發出渣渣聲的聲音, 第二就是用上特大塊的紙巾當作餐巾圍着頸子, 除了防止黑椒汁彈在自己身上, 也有一種高級西餐的虛榮感.除了鐵板牛扒外, 這裏的火焰牛柳是其他港式扒房沒有的, 將牛柳插在不鏽鋼條上, 當然之前經過處理,在上碟之前淋上烈酒作最後燃燒, 吃起來有少少酒香, 但最重要的當然是視覺效果. 同樣的處理方法, 也在經典甜品火焰雪山上可以見到, 這裏的是傳統的大塊兒, 表面的蛋白微微烤香, 內裏是朱古力蛋糕和雪糕, 以我現在的年紀當然吃不消, 但人越大就是想找回這種回憶.

阿爸好鍾意呢間餐廳，今年生日又帶佢嚟食。不過最差係無得訂位，仲要人齊先入得。雖然阿爸仲行得走得，但都71歲啦🙃唯有通知各位快d飛過嚟。仲要本身係想成家人齊齊整整食生日飯，改為唔等我老公，唔想阿爸等太耐。本身已經預咗係食住等，餐廳就驚死你霸住個位唔食野。我都明老牌餐廳買少見少，無得訂位都算啦，要我夠一半人先入座都可以接受，但要我等齊人先安排座位，然後上到去比我見到有張檯係留咗比人。咁到底係有冇得訂檯先？食物方面，不過不失，選擇算多，份量係超值。

12月31號都無加價，過咗晚飯peak hour ，9:15pm等一陣就入座，意外驚喜，二百幾蚊唔係梳打扒，係鐵板，又坐得舒服，性價比高，服務都唔差（無其他comment講咁差）。除夕，兩個鐵板餐連加一$473，一個火焰牛柳，一個西冷牛扒，我自己鍾意西冷多過牛柳多根。連餐湯（一個白湯忌廉湯無洋蔥正，一個紅湯羅宋湯好濃）配薯菜，曲薯條好好味。仲有餐茶。成餐飯好滿意，懷舊又好味，又唔貴。我會再encore。題外話，9:30pm last order。

同老公行街，係灣仔吾知食咩好，老公諗起佢有同事介紹過一間懷舊扒房係灣仔，我地就上openrice 搵食啦，去到排左一陣隊，上樓梯一層，好懷舊既店，點左雜扒和招牌菜火焰牛柳，店員表演火焰鐵板好精彩，牛柳有牛肉味，非常有水準。

叫位安排混亂，等了半個鐘，人哋9位遲來反而俾位佢先，但上到去原來係好多空位，根本唔需要等咁耐。侍應落單有些混亂😕問完又再問你食乜嘢🤦‍♀️不過鑊仔牛柳都幾好食，啲肉好腍好滑👍

上星期同朋友去呢間野係我咁大個仔食過最難食的西餐由湯開始 - 無一樣好食  火焱牛柳 叫7成熟 肉內凍冰冰  連個意粉都可以煑到咁難食老細呀 你真係好好試下D 岀品真係唔明可呢D岀品仲可以開左二三十年

星期日同老公去左灣仔，諗緊晚餐食咩好，老師話不如食鐵板扒，我諗起一路都帶佢去波士頓餐廳食火焰扒，於是去左食晚餐。未到六點去到已經要等四張枱，到走時好多人排隊。餐包鬆軟。羅宋湯好飲。鴛鴦扒(牛柳、豬扒)揀左黑椒汁，係你面前咋咋聲甘淋係扒上，兩者肉質都好腍，仲有薯菜同蔬菜，唔錯。火焰牛柳揀左蒜蓉汁，起晒火甘，牛柳好厚身，有輕微酒味，食落高級過鴛鴦扒既牛柳，老公話鬆軟得黎有牛味，好食。我地都揀左意粉，如果唔係可以揀飯。餐飲叫左凍檸茶同熱咖啡，前者好飲，後者麻麻地。

復刻餐廳已所剩無幾，能守住店子又可保持水準的更加不多，波士頓都算其中之一。餐包配以牛油，香甜鬆軟。趁著餐湯來食超級好味。餐湯以蕃茄作為基底，有不少蔬菜之外，更有牛肉粒，十分足料。香脆可口的炸魷魚圈，味道鮮美，口感外面酥脆、裡面彈牙。蘸上沙拉醬一起食用更為滋味。如果突然有超級想吃炸物的時候，這是個不錯的選擇。田螺有八隻，已經剝了殼，咬落肉質算幾彈牙，很好吃，加上充滿牛油香索盡田螺精華的焗薯蓉好綿好滑，連同面層的肉汁一起食好襯，田螺愛好者屬意之物。招牌菜火焰牛柳以一個烈焰冲天的姿態出場，看著店員點火，氣勢磅礡真精彩，現場表演火焰鐵板確實吸睛！牛柳吃下十分鬆軟，有牛肉味，非常有水準。黑椒汁及洋蔥汁都很夠味，用來拌勻意粉，正！英雄莫問出處，美食莫論尊卑，即使不是高級的牛扒，也能令人回味不已。

由於疫情關係好小出街食飯，多數屋企煮飯或叫外賣返屋企食，直至近這幾個月開始缓和及病毒控制，今天约了一班好朋友到波士頓餐廳一聚懷舊，對上一次食應該疫情之前了，當晚大约630pm到餐廳，當時已好多人等位，不過我們四位好快就有位，不用等好耐，入到去原先坐卡位但因為朋友買了幾袋衫比較擠迫，店員主動換1張四方長梳化给我們坐，立刻坐得舒適，值得一贊店員主動，貼心服務好，到點餐時叫了幾個比較出名的菜，大家一齊食，叫了一客炸豬手，一客火焰牛柳，一客西冷牛扒，同大蝦沙律，餐湯有羅宋湯同周打海鮮忌廉湯，店員會問豬手需要切碎上定原隻上，因為我地大家享受切牛扒嘅過程，當然選擇原隻上，方面打卡影相，此服務非常貼心值得一贊，豬手好大隻亦炸得好香脆，配上甜酸醬，非常好食，值得一試，到大蝦沙律雖然大蝦不算好大隻只有3隻，但都幾彈牙及爽口，配傳統薯仔青瓜红蘿蔔沙律好夾，好好食，之後到主打西冷牛扒及火焰牛柳出場，店員會叫客人準備打開餐纸巾擋住，避免衣物及人被鐵板醬汁彈到，當鐵板淋上醬汁時香味濃郁及鐵板喳喳聲非常吸引同開心，童年回憶返哂嚟，火焰牛柳好香嘅玫瑰露酒味，食落有小小酒香好特別，整體全晚食飯都好滿意，坐位好坐，服務

最近品嘗了一頓老式鐵板牛扒餐，讓我感受到了濃郁的懷舊的氛圍。這是一個令人愉悅的用餐體驗。首先，讓我談談那片美味的鐵板牛扒。這塊牛扒經過精心調味和煎烤，在鐵板上散發出誘人的香氣。牛扒的調味恰到好處，帶有微妙的鹹香味，讓人胃口大開。而且，將牛扒直接煎在鐵板上，賦予了它獨特的烤焦口感，這讓它更加美味可口。除了牛扒，這頓餐點還有多種配菜。配菜和牛扒一起放在鐵板上烹調，使得它們彼此融合，相互提升了風味。總的來說，這是一頓令人滿意的老式鐵板牛扒餐。牛扒的質量和烹調技巧都不錯。如果你想品嚐懷舊鐵板餐的風味，這絕對是一個不錯的選擇。

在灣仔區工作了一段時間，不時有人會向我推薦這間「老牌」扒房今天偕同友人一同試吃，怎料是一起中伏等位等了5分鐘左右，樓下的知客雖很有禮貌，有向我們交代還要等多少張枱，但也彌補不少這餐「伏」的心靈損壞餐包及餐湯餐包是不錯微温，軟熟帶點甜味，只是錯在我們塗了附上的牛油，牛油品質奇差，沒有牛油香，只有油膩的油味，和重鹹的鹹味，完全破壞餐包味道。羅宋湯保持舊式扒房的味道，酸味重，牛味沒有，湯中一點牛肉也沒有，我個人認極其量，她是可稱為雜菜湯。 友人的主食泰式鹹豬手配酸菜配薯條＄９６豬手入味， 肉嫩，皮很淋但說好的泰式呢?？她的味道就是滷得入味的滷水豬手，何來泰式？？是那碟泰式辣醬?？不解，但起碼正常可吃用。而我等了半小時，等到的是吃不下咽的食物爆炒黑椒牛仔骨配薯條＄１０３首先吃牛最重要的是有牛味，但她毫無無牛味，爆炒也吃不出鑊氣，放入口只有一口油，雖然份量上似是不少，有６ 件牛仔骨左右，但其實只有面的２件比較多肉，其他的都是肥膏，肉質淋爛，似是「拿」過頭，沒有咬口。２ 個主餐也是配薯條，薯條微暖，慶幸不會因放太久而油淋淋，只是不像是即炸，不香脆，也沒有薯味．作為一間老牌「扒房」而言，這個價錢，我

我二人幾個月前中午去食過招牌火焰牛柳, 出菜確實烈焰沖天, 有不足一分鐘的滿足, 但食物質素實在太差, 除了由五成熟變成overcooked, 肉質無味只有苦味, 根本不能食落肚，其他都不知所謂: 凍啡無味, 餐湯紅湯及白湯都差, 麪包好普通, 我花費HK$450食到一肚氣只食到二個普普通通的餐包及配菜及好淋的薯條。我及友人本來想去懷緬年輕時到此餐廳食扒的快樂，但這次光顧的經驗比較到普通茶餐廳還差，所以我和友人就永不回頭光顧！

超級難食既餐廳，大快活大家樂早餐件扒好食過佢1000倍。左上牛扒完全過咸，扒本身都已經腌到冇曬牛味牛既肉感都冇曬，唔使咁咸啦師傅，汁又得個死咸，想賺到盡用最垃圾既牛扒唔係問題，用合成肉都冇問題，你做得好我照比番同樣價錢冇所謂，但今時今日咁多科技味道，你都做到呢個出品你切腹啦，薯條唔講，主食煮到咁樣樣你覺得佢比咩質素伴菜你食，你比你個仔食都虐兒啦。左下牛尾你估好好多，一樣咁垃圾，牛尾唔入味煮唔淋，唔識煮唔好寫廚師推薦啦，你煮到咁侮辱左廚師兩隻字。落樓268大元灣仔268食晚餐唔係多錢，但如果食咁樣質素268就不如行1分鐘去最近茶記都10000%高水平過佢，唔係真係附近茶記好好食，係呢間野太難食冇對手。

去完會展後，家人提議想食扒，即時想到位於灣仔的波士頓餐廳，餐廳為老字號西餐廳，馳名鐵板扒餐。細細個時爸爸都曾經帶過我來据扒，如無記錯，我第一次正式据扒就喺波士頓。餐廳可以經營咁多年，食物的質素當然係唔差。幫襯當日為周末，餐廳只供應扒餐。而平時就有其他a la carte供應。有啲失望，因為其他的小食都好吸引。我地叫咗3款扒餐，西冷扒，火焰牛柳，雙扒餐。整體美味，質素OK， 而性價比亦算合理。火焰牛柳侍應會於面前點火，都幾特別。一餐飯帶來唔少記憶。