波士冰室

营业中

休息中

荔枝角原是工廠區但近年走藝術手作路線多有文青咖啡店冒起我間中會在這區行街睇戲想找價廉物美的食店卻選擇不多近日發現這間三月才開始營業的茶餐廳波士冰室看看菜單連鎖茶餐廳食物質素也有一定保證我們是午晚餐夾埋在下午茶時段食，所以叫份量較多的及自己喜愛的食物咖喱牛筋腩飯及西冷牛扒漩渦蛋包飯食物上菜速度10分快速這個牛筋腩飯，色香味俱全咖喱汁調配搭剛好，微辣，有馬來西亞風味上菜不久，三扒兩撥，10分鐘便吃光了阿華田正常，心滿意足朋友叫這一個西冷牛扒漩渦蛋包飯配凍檸檬茶走甜少冰這個蛋包飯可以配上不同的醬汁，友人選配燒汁賣相很像日式的蛋包飯牛肉煎得剛好，牛味濃蛋煎得剛好，還有流心的狀態友人亦感到美味食物味道吸引，我們決定追加瑞士汁雞翼這是茶餐廳必備的小食這間波士冰室整得很出色在我心中是他們的招牌菜店員服務態度10分良好我們曾經倒瀉了茶飲他也快速地為我們處理更換位置及補多一杯茶飲給我們

最近發現新開嘅「波士冰室」，門口擺滿花牌，吸引到我入去試試睇，睇下打工仔們午餐會唔會有多個好選擇。🍛 是日午餐 咖喱豬扒飯 $64咖喱係標準港式風味，唔算太辣，調味中規中矩，唔會過鹹或者過濃。豬扒雖然唔算厚切，但勝在肉質唔嚡，咬落鬆軟帶少少肉汁。飯量就特別多，食量大嘅朋友都應該夠飽。☕ 熱奶茶茶底味道偏淡，冇特別濃郁嘅茶香，不過口感夠滑，整體飲落順口。作為一間新開嘅冰室，味道屬於穩陣發揮，價錢合理，符合日常午餐水準。不過以港式咖喱飯嚟講，冇太大驚喜，勝在夠飽肚。如果大家想試試新店，呢間可以列入選擇之一。

今日做完facial，順路去咗荔枝角嘅波士冰室食晏。一入到去，環境舒服，坐低就點咗幾樣招牌菜。首先係吉列深海魚柳漩渦蛋包飯配咖哩汁，魚柳外層炸得金黃酥脆，咬落去魚肉依然保持嫩滑多汁，完全冇油膩感，證明火候控制得好好。蛋包飯嘅蛋皮煎得恰到好處，滑溜得嚟帶少少蛋香，飯粒軟硬適中，同咖哩汁完美融合。咖哩汁香濃得嚟唔會太辣，帶少少甜味，好啱香港人口味。瑞士雞翼撈公仔麵都唔錯，雞翼煮得入味，肉質嫩滑，帶住微微嘅甜豉油香，令人食到停唔到口。公仔麵煮得剛剛好，彈牙有咬口。奶油脆脆豬係驚喜之作，外皮香脆，內裡鬆軟，奶油味濃郁。飲品方面，柚子熱情果梳打清新解膩，凍檸檬忌廉酸甜平衡。

話說今日同另一半經過荔枝角有間新開試業的冰室叫「波士冰室」，見佢午飯時間有好多人排隊，一於就試下啦~餐廳的裝飾偏懷舊風格而且又簡潔乾淨，卡位數量都好多，整體觀感唔錯。因為就近工廈位置，所以較多打工仔放飯排隊，但我地因為比較早到，所以好快就有位坐喇。講返食物，小食鮮蘋果沙律味都幾多蘋果肉，同沙律醬和雜果伴在一起甜甜酸酸非常開胃。佢地招牌波士漩渦蛋包飯真心唔錯食。呢個套餐有四款汁可以揀，除左黑椒/咖喱/照燒汁之外，仲有芝士汁可以揀，選擇都好多。西冷牛扒漩渦蛋包飯個份量都好足，牛扒尺寸比手掌大，而且煎得好嫩。醬汁方面餐廳用另一個碗分開裝，避免左碟飯浸住太耐醬汁令口感變差，都係細心之處。蛋包飯上面的蛋仲有好多蛋汁，配埋上面啲木魚片真係好好味。午市套餐個銀芽肉絲炒麵應該係食過咁多間茶記冰室裡面最好食之一。首先，肉絲份量超級多，肉質柔軟無渣。第二，配菜除了芽菜之外，亦放左唔少韭黃，韭黃的香味令炒麵味道豐富左。第三，麵底沒有炸得過乾或者焦燶情況，入口沒有拮嘴情況，麵條亦都充份吸收醬汁，真係幾滋味。小食波士瑞士雞翼(3隻)都整得幾入味，甜甜地既醬汁配飯一流。波士冰室有幾款特別的飲品，咖啡紅豆冰都值得推

最近長沙灣開咗間新冰室，經常都好多人去光顧，今日一去，依然好多人，但好彩好快有位。午市有套餐，選擇都幾多，而且價錢都唔算貴。肉絲炒麵炒麵的麵條滑順，有彈性，肉絲則鮮嫩多汁，略帶鹹香，令人食欲大開。吉列特大豬扒漩渦蛋包飯賣相好吸引，特別係豬扒超大塊，而且外層金黃酥脆，內裡肉質鮮嫩。飯由柔軟的蛋包圍着，份量挺多，食得好飽足。自家製蛋白杏仁茶杏仁茶口感滑順，有淡淡的杏仁味道。懷舊紅豆冰紅豆軟糯，口感綿密，係童年的味道。