波士冰室

今天早上跟爸爸到灣仔會展逛美食展，落巴士後我們先醫肚，再出發血拼。行經這間波士冰室，見到早餐款式幾多，而且食客滿滿，所以便來這間餐廳吃過早餐！早餐餐牌款式很多，基本的三文治、扒餐、粉麵餐等等應有盡有。葡式咖啡，咖啡味香濃，非常香滑，醒神！檸檬西洋菜蜜，檸檬酸的，西洋菜蜜非常滋潤開胃！香煎特大豬扒餐，這塊豬扒超級巨大，啖啖肉的，而且豬肉非常香濃。一啖又一啖的非常好味。另外獨特的醬汁令豬扒更為惹味，這款醬汁非常出色！除此之外，這個套餐還有很多美食，有美味的火腿奄列，火腿數量超多，非常足料！仲可以揀選配香腸或午餐肉！這個套餐非常夠份量，而且飽肚！當然少不了香草蒜蓉多士，平常茶餐廳多數是吃到牛油多士，這間茶餐廳竟然是配上香草蒜蓉多士！香草蒜蓉非常惹味，啖啖都有滿滿滋味！另一客點選了吉列魚柳套餐，這塊吉列魚柳相當巨型，厚厚的魚扒經過吉列後變得金黃香脆，外脆內軟，口感非常美味！而且非常足料超大塊魚柳！極為滿足！配上沙律醬來吃超惹味！這個套餐還都是會配上了午餐肉或香腸、火腿奄列、香草蒜蓉多士的！超級豐盛的套餐。我們還額外加配了迷你五穀蛋白麥皮，非常足料美味！仲加了一件脆卜卜的薯餅！在波士冰室內吃了一頓美味又飽肚的早餐！…查看更多

小編今次來到灣仔一間懷舊風格冰室「波士冰室」，門外裝潢走復古路線，綠色招牌搶眼，裝修簡保留冰室的經典氛圍💚 提供多款冰室必吃的懷舊美食，例如菠蘿油、奶茶、常餐、炒蛋多士等等，更有特色「波士漩渦蛋包飯」✨ 感受港式冰室文化同滋味🙌🏻「吉列特大豬扒漩渦蛋包飯」製作需時20分鐘，吉列豬扒炸得金黃香脆，炒滑蛋造型就像一個小漩渦🌀 加上木魚絲增添和風味道，搭配特調的咖喱汁，香濃中帶微辣，每一口都充滿惹味🐷「波士瑞士雞翼撈公仔麵」 常餐配炒滑蛋、奶油脆脆豬，特製瑞士汁雞翼甜中帶鹹，撈上彈牙的公仔麵配煎太陽蛋🍳 奶油脆脆豬外層香脆，加上淡淡牛油煉奶香氣，成為常餐的經典組合👏🏼🍽 ：吉列特大豬扒漩渦蛋包飯；波士瑞士雞翼撈公仔麵👅 好味指數：7.75/10；7.75/10💰 消費：HK$72；HK$58📍 地址：波士冰室 (灣仔) 灣仔莊士敦道35-45號利文樓地下A號舖…查看更多

在「波士冰室」吃豐富的早餐當午餐。香煎特大豬扒拼雞肉腸~豬扒肉質軟嫩邊香脆，還有雞肉腸，我將火腿奄列爽在香草蒜蓉多士吃，味道非常豐富！全日沙律餐~西冷牛扒肉味濃。脂肪低，跟醬汁吃味道層次更上一層樓。鮮蘋果雜果沙律，是很開胃又受歡迎的沙律。脆脆豬，外脆內軟，塗抹牛油和練奶，香又甜。藍莓醬丹麥多士三文治~藍莓含豐富花青素，有助視力健康，藍莓醬滿滿的鮮味，和外脆內軟的多士，口感美味。熱柚子蜜和熱檸蜜，無論冷熱帶來解暑解渴，是最佳飲品。…查看更多

今日同朋友去修頓打完籃球肚餓就去到波士冰室食個飯。今日點了波士常餐：沙爹雞扒公仔麵，炒滑蛋，丹麥多士加配瑞士汁雞翼，懷舊紅豆冰，鮮油多士，凍檸檬利賓納。沙爹雞扒公仔麵：沙爹汁惹味可口，雞扒大大件口感肉質都好好。公仔麵軟硬得宜。炒滑蛋：雞炒得夠滑身，又唔會過老火。丹麥多士：香口多士，甜甜地好味道。瑞士汁雞翼：瑞士汁入晒雞翼入面，而汁唔會太甜或太咸。岩岩好既味道，雞翼肉質好冇雪味。懷舊紅豆冰：最傳統個隻紅豆冰，冰唔會太多，豆夠淋又唔會過淋。入口仲有口感，真係懷舊紅豆冰。鮮油多士：就係鮮油先有依個咁正既味道，多士熱辣辣將鮮油融化又融唔晒。這樣的口感是最正的，入口香口多士配起牛油口感。凍檸檬利賓納：檸檬酸酸地混入甜甜地既利賓納口感一流。非常解熱解口渴。…查看更多

我本身住附近，成日幫襯，食物都ok，但晤知點解突然間請左個中年男伙計，成日黑口黑面，大大聲叫客人去佢指定嘅位置坐，上食物都係大大力拋落檯面，真係冇嗮心情。原來有個瘦瘦嘅姐姐就非常好服務，唔知點解後來冇再見到，永遠輕聲細語同你講野，好好笑容，兩相對比，真系天差地別。唔會再幫襯…查看更多

有次去做treatment幫我做treatment個姐姐本身住灣仔問過佢灣仔有咩餐廳介紹下，佢話波士唔錯的我自己就未試過波士今次lunch同男朋友一齊去試下。我地12.50pm左右到，已經排緊條人龍啦好在排隊算快，10mins內有位坐了。今日個快餐有鮮茄芝士焗豬扒飯（$63包熱飲）我就試下呢個得唔得等左一陣就嚟到，份量都好足豬係厚切有骨豬扒，都冧，唔鞋口芝士都足料個飯有少少蛋，係炒底飯來。男朋友叫左個咖喱吉列豬扒飯($66，凍飲另加幾蚊）上一抬嚇死，超級無敵大大塊豬扒😂佢話塊豬炸得好酥脆好好味但最後食唔晒件豬扒，因為炸野都少少濟🤣。我見佢地早餐menu有厚切丹麥吐司食雖然想試，不過早餐時段就太早了🤣🤣有緣先再嚟試個早餐😋…查看更多

錯過了午飯時間，索性到冰室吃個下午茶。店子內有一些鐵閘、郵箱之類的裝飾，做就到點點古舊的情懷。足有一呎長的原條吉列魚柳是加點的，雖然表面佈滿麵包糠，感覺又不會太熱氣。即使是雪藏魚柳，中間的魚肉仍然做到軟嫩無雪味。唯一要挑剔的只是沙律醬太少，加些美極再蘸更佳。來到主食揚州炒飯，別以為下午茶份量不多，卻也足以讓人飽肚！炒飯裏有齊叉燒、火腿、蝦仁、蛋絲、蔥粒、生菜等等，豐富到不得了！況且即叫即炒，蔥香發揮得淋漓盡致，鑊氣一流！飯後來杯熱檸水，一樂也！…查看更多

今日同朋友去灣仔買完野經過波士冰室，入去食少少野先。我哋點左波士常餐（沙爹雞扒公仔麵+炒滑蛋+奶油脆脆豬）再追加瑞士汁雞翼，台式蜜糖波波腸，鮮油多士 ，咖啡紅豆冰。沙爹雞扒公仔麵-塊雞扒好大塊，肉質好。個沙爹汁就是個靈魂夠晒香口。炒滑蛋-滑度岩岩好，蛋夠香，炒時間岩岩好唔會生唔會過熟。奶油脆脆豬-香口夠脆口又唔會燶，加上奶更加可口。瑞士汁雞翼-雞翼夠入味，瑞士汁唔會過甜或過咸。台式蜜糖波波腸-香口表面加上肉質都好台式感覺。鮮油多士 -多士夠香口配合香既鮮油，慢慢融入多士之中更為可口。除咗味道正，仲有厚鮮油入口口感。咖啡紅豆冰-咖啡底個咖啡味香濃好飲，紅豆夠淋，這樣配搭又幾得意同夾。…查看更多

今日又喺灣仔食早餐， 去到呢間叫做波士冰室🤠🤠 喺出面望佢哋嘅裝修都幾靚， 所以即刻入去試一試， 見到餐牌入面嘅選擇非常之多， 最後決定係差不多最貴的牛扒餐入面係有牛扒 午餐肉 火腿奄列同埋一個蒜蓉多士🥪🥪首先講咗牛扒先， 真係好細， 但係質素都算好好， 調味唔錯😋😋午餐肉係正常發揮啦冇咩特別， 火腿奄列都幾好食多士我覺得佢真係整得好好， 淡淡嘅蒜蓉味， 又有啲脆真係幾好食不過真係要讚佢杯飲品， 我特登嗌咗出面好少見嘅 葡式咖啡， 飲落同普咖啡唔同， 會有一種特別嘅香氣， 亦都冇其他嘅咖啡咁苦， 又好飲又特別☺️☺️不過食完覺得真係唔係好夠飽， 價錢亦都唔算平， 所以建議大食嘅朋友仔要考慮清楚😅😅…查看更多

週末係港島拍拖周圍行吓早上第一站就係食個靚靚早餐灣仔依間波士冰室，早餐時間幾乎坐無虛，堂食外賣同樣忙個不停，非常受本地街坊，同遊客歡迎店內整體乾淨整潔有唔少特色香港懷舊打卡點，就好似鐵閘屏風、杯、牆壁上面嘅鐵信箱等等西式早餐，份量豐富，淨係睇佢嘅賣相，已經食指大動！一大塊牛扒，都幾厚身，配上黑椒汁，夠晒惹味。搽咗蒜蓉醬嘅丹麥多士，非常出色！多士牛油味好香，一層層既口感好香脆，蒜蓉醬味道香濃，非常突出，超好食！火腿奄列亦都做得好飽滿，仲有少少蛋液，令到口感更加滑溜另一份早餐，就叫咗有粉麵嘅。蕃茄排骨螺絲粉，淨係聽個名都夠晒健康，好適合鍾意蔬菜嘅我排骨一啲都唔肥，有少少位置係有軟骨，補充埋骨膠原，滿分！蕃茄部份亦做得非常出色，有好多新鮮蕃茄，同埋西芹、甘筍、洋蔥，令到個湯好好飲，真係健康美味嘅選擇！螺絲粉早餐，跟多士同埋炒蛋炒蛋同樣做到滑溜嘅效果，而白方包做嘅蒜蓉多士，亦同樣出色。佢哋個蒜蓉醬真係好香，無論係丹麥多士，定係白麵包嘅多士，一樣都係好香脆，非常推薦熱鴛鴦兩個字，香濃對於今日呢一個早餐，我比一百分…查看更多

波士冰室平時lunch time都會過黎食，$60-70灣仔區食飯差唔多都係呢個價錢，但係波士冰室食物質素真係對得住呢個價錢午餐款式每日都會唔同，真係港式飯，炒飯，焗飯，咖哩選擇都有，而且早餐都好多選擇手機落單，好快飲品已經送上，奶茶紅豆冰，可以少甜，奶茶加埋紅豆更有口感芝士黑椒焗雞扒飯，上檯時一句溫馨提示，小心熱，已經加左分黑椒味好香，2塊雞扒夠厚，再看看焗飯是炒飯底，非常有誠意，即點即焗，芝士又拉絲效果，熱烘烘的焗飯令人一口接一口…查看更多

📍波士冰室 (灣仔)📍灣仔莊士敦道35-45號利文樓地下A號舖🟡鮮雪菜蝦米肉絲米粉$39✨加配原條吉列魚柳$16✨（餐）紫薯紅豆冰$12波士冰室的鮮雪菜蝦米肉絲米粉，搭配鮮嫩的雪菜和蝦米，增添了鮮味，肉絲都唔會好鹹，米粉整體口感輕盈。加配咗吉列魚柳，好抵！好大條又好食！外層酥脆，內裡的魚肉嫩滑，份量適中，是一道有層次的炸物，不會讓人感到油膩或過於重口。飲品叫咗紫薯紅豆冰，好少見到冰室有紫薯特飲，即刻叫黎試下！紫薯的甜味與紅豆的香融合，唔會過甜，紫薯味都好香，值得一試！整體波士冰室定價合理，份量都好適中，不過要留意返營業時間到18:30，提供下午茶到18:00，不做晚市～要趁早餐午餐或者下午茶過嚟！…查看更多

靚茶記好味又足料🤭🤭芝士蛋厚切漢堡加薯條 $65 配凍檸茶咬落去，蛋漿爆多，漢堡包軟綿肉扒肉質鮮嫩多汁，厚切薯條炸得唔錯，好酥脆，口感唔錯～最鍾意係薯條～漢堡扒入面有芝士奶香檸茶檸檬好足吉列魚柳蛋包飯 $70 配檸蜜漩渦蛋好靚！同埋超大份😂🤣 柴魚片灑滿係蛋包飯上面柴魚片好味好，上菜既時候仲動L緊揭起蛋包飯入面有粟米、柴魚片碎等惹味撈飯配料，好用心🤤魚柳一樣好大份，金黃酥脆～外脆內嫩蛋包飯的軟硬適中，飯粒彈牙～檸蜜鹹甜適中👍🏻…查看更多

香港冰室越嚟開越多，每區都有幾間，當然質素都有參差，而灣仔呢間波士冰室就價錢合理質素穩定，而且選擇超多，所以漸漸成為咗我嘅飯堂今日又同同事過去食午餐，每日轉換嘅午餐通常有五個選擇，價錢已經包括埋熱飲想試一間茶餐廳嘅水準一定要叫焗豬扒飯，上枱當然係熱焫焫啦，鋪面嘅醬汁都好多，最緊要係件豬扒非常厚，但又做到好腍身，呢一點非常難得。而醬汁嘅調配都啱啱好，酸甜適中，墊底嘅炒飯亦都炒得好香，整體嚟講呢碟焗豬扒飯係質素以上朋友就叫咗咖喱牛筋腩飯，好多茶餐廳都只係做咖喱牛腩，呢度加埋牛筋啱哂朋友嘅偏好。牛腩同牛筋都炆得夠腍身，咖喱係偏向微辣而椰汁較重嗰一類，醬汁濃稠度適中，仲有好多薯仔伴碟，夠飽肚夠滿足…查看更多

今日約咗朋友喺灣仔食tea，佢之前呢食過呢間幾次，覺得食物都OK，所以帶我來試吓！入到去我覺得環境幾舒服，幾乾淨企理，掃QR code落單都好方便，下午茶茶餐都好多選擇有幾款下午茶餐會喺黑板上每日更新，是日下午茶A餐$49：燒汁雞扒飯，聽起上嚟好似好普通，但係咬落雞扒外皮煎到好甘香，醃得又入味，燒汁唔會偏甜，送飯一流👍🏻跟餐飲品：熱柚子蜜芝士火腿滑蛋丹麥多士三文治$42：首先講件多士，本身有少少味，就咁食已經好鬆軟好好味。配上嫩滑嘅炒滑蛋，一啲都唔老。當然唔少得三文治之寶火腿加芝士啦，亦是我的至愛瑞士雞翼撈公仔麵$57：雞翼醃得好入味，瑞士汁不會太甜，而且公仔麵都好彈牙，亦可加錢轉出前一丁。跟餐仲有香脆奶油豬及炒滑蛋，跟餐啡走…查看更多