影片
全城齐心抗疫嘅时势下，零晨收工揾宵夜吃充充电嘅好选择。数张折枱设在路边旁，开阳及足够嘅社交距离相隔远远超出两公尺。有多款包点小吃及多款蒸饭炒粉炒面粥等主食任君选择。呢个零晨点咗嘅一盅两件并不是一盅茶加两件点心，而是点咗烧卖拼虾饺，即点即蒸新鲜热辣，每样有两粒一个人吃刚好。及点了一盅土鱿蒸肉饼饭，从蒸柜攞出来同样热辣辣♨️。点心及蒸饭味道也不错😋。
继续阅读
夜晚都收唔到工，能量已跌停板，经过呢间小店有少许时间停一停，实在顶唔顺，落车买啲粮草，店面好细，比较残旧，店内位置系厨房，店外放咗啲不锈钢玻璃柜，放咗预先蒸好嘅中式点心，款式都几多！有个姨姨店员在看店，埋去拣好佢爽手袋好，比钱就走！快！腊肠卷（$6）传统腊肠卷造型，热辣辣，中式包松软，腊肠蒸到出晒油，咬落油香满咀，对我来讲偏肥，少咗瘦肉嘅猪肉味，啲油沾埋啲包，咸香好味！糯米卷（$5）糯米好多，蒸得透彻，所以淋身好味，一啲都唔会好硬，调味捞得咸香，面包只有薄薄一层，在胶袋焗一焗，所以微湿，如果纸袋吸咗多余嘅水气，会更好！姨姨太爽手，无乜接触！ok!虽然环境一般！快靓正食到点心，唔错！
继续阅读
Happy New Year🎉🎉🎉 哗，原来个人老左真系挨唔到😂 话说系朋友屋企烧完野食之后饮左好多酒，通常饮左好多酒之后都想食好多好多野落肚🌝 我地一大班人落左楼下一间点心店食点心😂 间店应该由一对夫妇开既因为一个做出面，一个系厨房。野食黎得好快，呢头落单，转头就有得食🤘🏿 所有野食都好新鲜😚 呢间野最特别系有得食鹌春蛋烧卖👏🏻👏🏻👏🏻 因为依家出面真系比较少机会食到。最出色系个牛柏页👍🏻 真系好入味 同d野食唔会过咸👏🏻 下次直头唔饮酒都应该去食❤️
继续阅读
大角咀, 围绕著富多来商场的铺, 差不多九成都是食肆, 而且都是十分细的店, 最爱帮衬这种超小型食店, 随时有惊喜…. 当然, 也有时可能”惊”多过”喜”, 哈哈….下雨天, 坐街边, 食盅头饭, 别有一番风味…..忽然….感觉自己距离”阿伯”级数不远....哈哈…凤爪排骨饭, 正常细号的金属盅, 其实就系排骨饭加凤爪, 我见住阿姐, 系蒸炉攞盅”排骨饭”出嚟后, 再系另一个蒸笼内夹出一件”凤爪”, 放在饭面, 哈哈… 我不期然, 立即想起一编好笑饮食潮文:【曾经，我都信麦当劳叔叔系个好人】(这处唔比放Link, 有兴趣自己揾, 一打就揾到). 好有麦记特色, 两样野摆埋一齐就系一个新产品, 就如:「新地苹果脆」.主角: 凤爪排骨饭, 算是近期食过最差的盅头饭. 凤爪皮, 一点烟韧口感也没有, 完全淋谢谢. 排骨, 望见, 以为好多…. 一夹, 接近六成系肥肉, 排骨??? 我应为只能够算是半肥瘦猪肉一堆, 白饭, 算可以过关, 虽不是很好的干爽饭身, 但也不淋不软, 入口, 仍然可以.另叫茶一壶, 味道可以, 虽然难请人, 但都唔可以系质素差既藉口吧.....见系小店经营, 纵使唔系太满意, 都唔想比个”负评”, 希望老板放多些心机, 做好些少.
继续阅读