影片
以上资料只供参考，请与餐厅确认详情
食家推介
❥ 四𩠌车仔面 + 冻饮 （$59）同事话喺北角个边有间好正嘅车仔面，所以我地喺正午时分（体感50度）之下由鲗鱼涌行左15分钟过去，就嚟焫著，心谂：如果唔好食返去打死佢(￣Д￣)ﾉ 好彩去到觉得CP值几高🤩贪心嘅我一如概往叫左四𩠌面同一杯野饮 (枝装可乐但我唔记得左影）😎面底要左河粉， 𩠌就要左萝卜、鱼皮、鱼饼同冬菇～ 河粉份量好多，好滑同唔会好碎～ 萝卜系咁多个𩠌入面最出色，好㶶味同好淋，好好食😋 鱼饼都好弹牙同好香，冬菇好入味，鱼皮都好香但唔太够脆：（ 佢仲可以加汁，我加左腩汁同咖哩汁，腩汁好香同有啲辣，好正🤩之后加多杯野饮，冻奶茶，茶味偏重同埋偏甜（已经叫左少甜），所以如果大家去可以叫微甜～ 面加野饮 $59，附近午餐食饭差唔多价，但佢啲野真系好大份，所以CP值高🤩🤩 附近返工嘅人可以去试下～～
继续阅读
难得嚟到北角，无理由又食快餐，终于俾我发掘到学校后面有间好潮既车仔面贪心啲叫左4𩠌菜系必需既！猪大肠多到鱼蛋都好大粒！我加左腩汁，有啲后悔，越食越咸，但系整体都好食既！够入味，可能我又无啦野饮，咸到有少少顶唔顺。幸好个萝卜唔系煮到溶果种，如果唔系就GG了，无筋，都算清甜。唯一挑剔下系个鱼蛋，粒多，松泡泡，如果转返细细粒咖哩鱼蛋就更正正啦！下次再有机会我就唔加腩汁啦，可能会叫捞，但捞又无得浸鱼皮...呢个价钱都算系抵架啦！平时顶多食三𩠌架咋！肥肥
继续阅读
今日同朋友去咗北角睇下有咩食😆发现咗有间车仔面店 我本身好钟意食车仔面所以就入咗去食啦！佢可以任选汤底同埋𩠌 我叫咗响铃同埋鱼腐，同埋汤底叫咗少辣，加咗杯冻柠茶就35蚊，对我黎讲都算几平！每个𩠌有两件，不过不失。面嘅份量就好多啦，所以就算两𩠌面都好饱。河粉好弹牙，唔会太腍，个汤底都好香，个秘制辣汁系咖哩汁咁嘅嘢，放喺个匙更上面。我叫咗小辣就觉得可以再辣啲，下次食会叫中辣！啲𩠌嘅味道就不过不失，鱼腐好食啲🤪同埋想赞下佢个冻柠茶，我叫咗小甜小冰佢真系做到，有好多所谓有帮到你小甜小冰嘅嘢饮都系好甜好多冰😂 呢杯就好好！大赞！
继续阅读
自认系车仔面fans 食匀香港多区的车仔面 波仔记系唯一一间令我一去再去嘅！忙完一日最好就系去食自己钟意嘅野 钟意嘅味道 充电！推介 一定要点佢嘅秘制鸡翼尖同鸡翼 好够味！猪红爽口！特制鱼饼好味！今晚点选汤面 中辣辣道啱啱好！醒神！今晚加班后已经好饿啦 面店光速地为我送上热辣辣嘅车仔面 好幸福呀！推介 大家寻找幸福味道
继续阅读
今日难得放假，梗系去揾男朋友仔拍下拖啦🙈玩咗成日，最后一站我哋去咗北角嘅波仔记食个靓面～依间面店一啲都唔难揾，北角站一岀再行前几步就到👍🏻入到铺头，里面嘅装饰摆设都好有怀旧feel，不过我觉得佢个LED logo最正，打卡一流🤣依度面同𩠌嘅选择都算多，而猪红就系老板嘅推介🤫老板同我哋讲，佢哋嘅猪红冇渣易入口，所以非常值得一试👍🏻👍🏻👍🏻但我个人比较钟意嘅唔系佢哋嘅𩠌，而系佢哋嘅秘制辣汁，又香又够辣，啱晒我依啲重口味嘅人🤤我哋今次总共嗌咗7个𩠌2个面，有猪红牛筋腩等等，埋单都只系80蚊，正～😋
继续阅读