泓一拉麵 (已結業)

本來都唔諗住試，見到啲食評好似普普通通咁。自己試試最真。佢地好似主打係拉麵。不過今次無試佢地啲拉麵。佢啲拉麵都好似幾貴。價錢同尖沙咀銅鑼灣都差唔多。成7-80一碗麵。下次先試。試左佢地個滑蛋豬扒飯。啲豬扒都唔錯，重係脆卜卜。肉都淋。蛋就唔算嫩，時間可以煮得短啲重好。飯既質地都可以，不過落得太多汁，對於鍾意多汁既人黎講可能鍾意啲。但我覺得整淋哂啲飯。同埋個味道咸左小小。都尚可接受。希望可以改善下。下次再試試啲拉麵。

星期二既下午12點第一次嘗試呢間拉麵店，店內空無一人所以寧靜又坐得舒服。入到店內先發現原來有lunch menu，由11點半到3點，平差不多10蚊，我揀左個咖哩炸豬扒烏冬45蚊，朋友就揀左個醬油拉麵43蚊。塊豬扒炸粉鬆脆，雖說不是好厚，但亦有口感，唔會乾爭爭👍🏻👍🏻 內裡亦有兩舊薯仔一舊蘿蔔大量葱花同少量紫菜乾。烏冬偏軟，岩晒我口味！醬油拉麵不會太咸，但只有一塊肉片同半隻半生熟蛋。。。略為少。

今日本身諗住去大圍一間餐廳食拉麵，但係去到發現冇開，所以就喺附近搵下有咩食行行吓又發現有間拉麵鋪未食過，於是就決定入去試吓啦入到去地方細細，不過未到繁忙時間所以人唔算多拉麵選擇還可以，但係價錢偏貴份量亦都較少不過味道唔錯，有正宗日本拉麵嘅風味特製豚骨墨魚汁黑蒜拉麵非常濃郁嘅湯底，而且麵質非常彈牙有口感豚肉層次分明，半肥瘦既肉質非常嫩口配料亦都做得非常出色，流心蛋時間控制得啱啱好特製豚骨櫻花蝦拉麵湯底都係非常濃郁，不過拉麵份量太少如果兩個人叫三個面，份量應該啱啱好

一向都知大圍多野食今日無意闖入小小拉麵店舖頭細細但好乾淨叫左一碗拉麵、一個咖喱飯豚骨湯叉燒拉麵湯底好濃，我同朋友都好鍾意食到最後差不多飲晒啲湯叉燒（我覺得即係豚肉）薄薄地但係超級香肉味拉麵麵幾彈牙，因為我本身唔鍾意食太'林'咖哩吉烈豬扒飯咖哩味濃，豬扒咬落香脆入面juicy不過飯嘅分量較少，男仔食可能未必夠

第一啖食落去真係嚇到個心離一離😱估唔到個麵會彈牙到咁嫁！！！佢比正常沾麵幼啲，夾係拉麵同沾麵中間不過就有晒兩者嘅優點☺️佢有拉麵嘅爽口彈牙，同時唔會有沾麵嘅過粗口感！沾湯嘅效果亦好平均，唔會因爲太幼沾唔夠或太粗沾太多。仲有個片好似奧巴馬火腿👨🏿口感嘅慢煮豚肉😍真係食到好有驚喜👍🏻美中不足係個湯冇得好似富士55咁翻熱，所以最尾幾啖會凍😢其實個湯嘅冇乜魚介味😅食落似豚骨湯多啲...不過以腸骨湯翻講佢又幾好味喎☺️但要強調重口味嘅👅頂得順超厚超heavy嘅湯🙈塊parma ham豚肉嘅咸味岩岩好！同埋又真係好奧巴馬喎👨🏿所以唔夠魚介味都可以接受😗其實份量都唔少嫁！不過👅太大食啦，而且個口感真係好正！所以唔替玉真係唔夠喉🙈不過沾麵替玉要15蚊，所以👅最後決定加個10蚊嘅拉麵落對面個個食完個碗湯到，咁就98蚊食晒兩碗麵啦😂

特製豚骨墨魚汁黑蒜拉麵其實老實講真係食吾出依碗拉麵有墨魚汁嘅鮮味,湯底有淡淡嘅黑蒜油香氣,但係味道太鹹。麵亦煮得太過淋,唯一可讚嘅就係佢地嘅叉燒,經過真空低溫烹煮令到肉質好嫩滑。而依個日式咖哩豬扒飯,可以話係我食過有史而黎甘多咖哩古列豬扒飯最難食嘅之一, 我買D即食咖哩都好味過佢多多聲,仲要就係得兩舊薯仔,吉烈豬扒又炸得吾夠香脆,中間好濕。

其實住附近一直都有留意開呢間鋪頭，今次算係第一次的起心肝入去試下，之前冇入係因為怕好伏，因為試過同區其他真係…但試完俾我既感覺係需然小店，但水準絕對拍得住區外其他拉麵店，無論湯頭，麵質，义燒更加唔使講，低溫义燒真係一試難忘，其實低溫义燒係香港真係好少見，仲要做得甘出色既真係冇幾間，真係完全低古左呢間拉麵店…真係要俾個good呀😁

今天下雨不想四處走，就留在大圍吃拉麵，上次試左對面，今次就試呢間。我點左味噌湯拉麵，男朋友就點了赤拉麵。我的味噌拉麵湯很清，一讚的是溏心蛋是一開二，比一般拉麵店的半隻多，身為溏心蛋控的我當然歡迎，男朋友那碗的蛋有點生，而我的算是剛好吧。至於叉燒，唔知點解好鞋口，見到海報寫是自家秘製，可能會較健康吧，但吃起來就有點怪。男朋友的赤拉麵不算太赤，也沒什麼辣味，他吃完好像不夠滿足我們另外點了炸餃子及薯餅，沒什麼感覺，就是比較一般吧。每人點了一支綠茶可樂，點時也有諗是否伏野，最後呢，就是有點怪的汽水味，感覺不到半點綠茶的味道。總結，這店質素不算差，只是收費有點追不上食物質素。

老老實實 我真係拉面精黎咁岩經過大圍見到有沾面緊係狗衝啦眾所周知 大圍食拉面黎黎去去都係得個間 又唔好食 難得見到對手緊係試下啦點左魚介海老沾面個汁一食，當堂嚇一跳哇，頂，好似食緊忌廉湯咁，係！係忌廉湯！魚介味呢？響邊啊睇過？睇過？海老呢？哦有d蝦乾咁，食唔到海老味既係面條質感非常麻麻都唔講喇唉食到溜溜地諗住叫杯水飲啦喂頂，熱水黎既喂！真係十間冰水都比我預到一千零一間係比熱水。88蚊，好似係最貴個款拉面，但咁既質素，sor我真係唔會再幫襯

尋晚邊捉pokemon，邊搵餐廳開飯。行到大圍d村屋附近，決定入泓一食麵。呢次係第二次食，本來想食拉麵，但見限定全部賣晒，所以決定食沾麵。叫咗個魚介豚骨沾麵，湯頭鮮甜濃郁，好強勁豬骨味！麵嘅份量都幾多，男人食一定飽（最後我都分咗小半比男友食）粉紅色慢煮叉燒入口即溶，正不過都係有之前嘅問題，湯唔夠熱，加湯後飲覺得特別漏。不過整體都幾好。

小弟自從係東京食過一次北海道醬油拉麵之後就愛上了，因為工作關係要經常周圍走，俾到我有機會周圍試。呢幾個月要係大圍返工，原來大圍都幾多野食。我通常放工都會食左野先返屋企今日又來泓一食拉麵，坐低就叫左個特製醬油我寫呢篇野係因為之前係日本食 個麵會有一陣好香嘅油味。但係我係香港未食過一間有呢隻味。而泓一就有呢隻味😋😋😋😋😋😋小弟講唔上係食家，但食野對肥仔來講可以話係人生大事。而泓一嘅北海道醬油我敢講係香港最好味嘅。講返個麵先，湯底醬油味濃烈，有雞湯味足，當然唔小得有陣陣嘅油香味。麵質唔錯，彈牙。叉燒用低溫煮法,顏色好靚（粉紅色）肉質嫩滑入口即溶。用全瘦肉有咁既口感，低溫煮法拿捏得唔錯。而半熟蛋味道香甜，做到流心（個人認為流不流心唔重要，味道先係主要）。環境就有d普通。會唔會再來？成日都心思思想食。你話呢？

點左叉燒，豚骨墨魚汁黑蒜拉麵湯底濃(唔似加味精，因為飲左d湯，未見口渴)讚！流心蛋火喉剛好(好味)推介低温烹調叉燒初時以為未熟(問清楚店員，先知低温烹調方法，色澤是這樣)食落口(口感正！肉好鲜嫩，好好味woo)值得再食！另点左(赤)豚骨拉麵湯夠濃夠辣(不用加七味粉)正！

點了三個拉麵，自下單起等了廿五分鐘都未上， 細看一下原來厨房做緊廿個外賣。我唔係話做外賣唔啱，但係唔應該因為做外賣，就要堂食嘅客人等囉。當時連埋我哋，總共有9個堂食客一齊等咗25分鐘，個個都黑哂面。我哋因為趕時間，等咁耐都未有嘢食，於是就走咗。我哋走嗰陣，呢間餐廳嘅人一句道歉都無，只係大聲同厨房講唔使做我哋嗰枱嘅拉麵。呢間咁嘅餐廳，我以後都唔會再去。

（上圖為封面照）******************************晚上想出外吃，但又不想走太遠，原想到其中一間新開不久、吃辣的食店，但因為太多人等候，臨陣改到上次已有點興趣吃的《泓一》。店子就在《龍x》對面，舖位前身是賣拉麵的《神座ラーメン》，不過口碑一般，更被形容為「日式車仔麵」，所以我倆從沒光顧過。內裡很港式麵店的格局，說實是頗令人卻步，亦曾令我懷疑會不會是舊酒新瓶。幸好有些日式擺設增添了點點氣氛，而且（當日）不用等位嘛…兩口子不是盲目跟風、亦非單純只為吃新店的傢伙，「有點想吃」此店是因其聲稱以「真空低溫烹調法」來處理叉燒。事後從網上找來相關資料：真空低溫烹調法 – Sous vide的法文原意是真空。作為烹飪術語，這是指把食物放入塑膠袋並且真空密封，然後以精確的溫度（通常為攝氏47度至88度之間；一般是將整袋食物放入水浴鍋中以控制溫度）長時間烹煮 。男友近日很喜歡「低溫烹調」的事宜，所以成功吸引到兩口子嚕。靜岡綠茶可樂（$18），對它早有所聞，想不到這裡也有供應，二話不說地點來喝喝看，個人覺得綠茶味不太突出，倒是挺「夠汽」，甜度恰好，不錯喝的說，但對於超級抹茶控來說可能

今日拜完車公，去左港鐵站附近搵食，行過見范振鋒夫婦介紹，入到去老公叫了個特長叉燒拉麵$78，我要了一個辣味叉燒拉麵$72，另外點了一個日式餃子$26，餃子先上，一望到已感覺中伏，兩公婆對望了一下，大家也感覺不對勁，可能我見識少，第一次見日式餃子是炸，不算難食，但算不上好食，但不會再encore。等了很久，到上我個碗辣味拉麵，是暖，不是熱，湯身很杰，但很鹹，真的不值這個價錢，這個價錢跟我lunch在中環某知名（上晒雜誌介紹）拉麵店食個拉麵相差不大，但質素就......麵質好一般同埋細碗。因為不太好吃關係，我用龜速吃到一半我老公個碗先到，他那一碗也是濃湯但勁鹹，我們食完後諗住走人時收左$194，張單竟然要加一，盛惠$194，我真的無言，唔好講日本，係香港食過中環大坑各拉麵店，除左味千，第一次聽見要加一，老公話如果知佢收加一門口都唔入 由於感覺中伏，沒有拍照，係老公影低佢個碗，所以只有一張相。