沾仔記麵食

营业中

休息中

雲吞麵係香港人既 comfort food。 今日行過佐敦，見到呢間傳統嘅麵鋪，就入去試下。店內裝修好有香港味道，係老字號，餐牌選擇唔多，但貴精不貴多，有佢哋嘅招牌菜式，雲吞同蝦子麵，品嚐一下地道嘅風味！1）（雙拼）雲吞新鮮牛肉蝦子粗麵（配湯）及（撈粗）- 一上枱無論係湯麵同撈麵都蝦子滿滿，一碗放落高湯中，味道鮮甜，另一碗撈麵，麵條掛滿蝦子，鹹香美味，麵質彈牙。雲吞好大粒，皮薄餡靚，入面有幾隻蝦，夾埋豬肉，咬落去口感豐富。牛肉採用騸古牛，肉質鮮嫩，好滑。食落去啖啖嘅滿足感！2）酥炸鯪魚球 （三粒）- 製作需時，但一上檯，香氣十足，鯪魚球大大舊，爽口彈牙，外皮脆口，配上蜆介汁，味道一流！食雲吞麵配可樂，簡簡單單嘅配搭，就係最滿足！

以前喺佐敦返工咗幾年通常都係帶飯如果lunch食嘢嘅話好多時都會揀呢一間沾仔記食一嚟佢好味而更重要就係佢好平， CP值好高佢選擇唔多三拼分別係會有鮮蝦雲吞、新鮮鯪魚球、新鮮牛肉證明佢對自己嘅食物質素係非常之有信心因為我哋係下晝兩點後入去食，所以係有蜆蚧鯪魚球所以我哋只係叫咗雙拼嘅粉麵咁多年，佢嘅質素都係非常好牛肉係非常之滑，同埋入味而雲吞嘅蝦係非常之大同埋彈牙第一次試呢一個蜆蚧鯪魚球點咗佢個自家製辣椒油之後成件事昇華咗好多一望個價錢牌發現原來佢係可以外賣辣椒油返屋企同埋佢嘅牛肉鯪魚球同埋雲吞都可以外賣做火鍋料

朋友在外地回港在佐敦行完街突然話好想食雲吞麵在偉大oper rice 揾到“沾仔記麵家”入到店舖已聞到, 已傳來好香傳統雲吞麵味道,雙拼雲吞/牛肉米$42先飲一啖清湯，雲吞好似乒乓波咁大粒，蝦肉鮮甜彈口，牛肉嫩滑三拼雲吞/牛肉/鯪魚球撈蝦子麵$60雲吞正牛肉嫩滑鯪魚球無魚腥味濃香蝦子灑上爽滑幼麵👍炸蜆蚧鯪魚球$30/3粒鯪魚肉彈牙果皮味好香跟蜆蚧醬絕配👍每款上湯油菜$18/$26大大碟新鮮又嫩綠腐乳通菜/蠔油生菜/蠔油豆苗飲品樽裝可樂和豆漿都是$8枝

今日去咗一間歷史悠久嘅沾仔麵店，雖然裝修簡單，但勝在食物質素高，價錢又親民，絕對係平民美食之選！蝦子撈麵：麵條彈牙有嚼勁，蝦子份量十足，鮮味濃郁，撈埋秘製醬汁，鹹香惹味，食到停唔到口！ 炸雲吞：外皮炸得金黃酥脆，內餡係新鮮豬肉，鮮嫩多汁，點埋甜酸醬，更加開胃！炸鯪魚肉：外皮香脆，魚肉鮮甜彈牙，蘸少少喼汁，更加提鮮！總括而言，呢間沾仔麵店雖然冇華麗嘅裝修，但食物質素高，價錢合理，絕對係平民美食之選！ 如果想試吓地道嘅香港風味，呢度絕對係一個好選擇！ 。溫馨提示：店舖位置有限，建議避開繁忙時間前往

超級有歷史的麵店，已經開了六十多年啦！從地攤起家，而中環分店仲獲米芝蓮推介😍店裡的裝潢簡單，充滿香港的懷舊氣息，感到特別親切。三樣招牌菜，每樣都好吃得讓你停唔到。首先是鮮牛肉片湯河，湯底是用豬骨、大地魚和羅漢果熬的，味道甘甜，還有韭黃的香氣，飲落好暖心。牛肉片軟嫩牛味濃郁！乒乓球咁大粒鮮蝦雲吞，每天現場手工包的，咬下去特別彈牙，鮮甜得讓你忍不住食多幾粒。最後是鮮鯪魚球肉蝦籽撈麵，鮮鯪魚球比雲吞仲大粒🤣 肉質鮮甜，好有口感，帶點陳皮香。竹昇麵爽彈，配上蝦籽，味道鹹香可口。每道菜都讓人有種回家的感覺，真的推薦大家去試試！

很不錯的雲吞麵店食既呢間分店喺佐敦廟街300號，店裡菜品不多，只有雲吞，鯪魚球同鮮牛肉可選面有河粉，米粉，幼面，粗面可選雲吞麵經典搭配必須是幼面，湯頭走鹹鮮路線，麵條很彈牙，重點雲吞非常非常大粒，單拼的話先$36但有三大粒，性價比很高鮮牛肉的話分量都不少，很彈牙，是新鮮的味道最讓我驚豔的係蜆蚧鯪魚球!一定要食!香港比較傳統的味道，新鮮炸出來還是燙的，柔軟的鯪魚肉，炸得很香，點蜆蚧醬成個鮮味大爆發!!!可樂用的舊式瓶裝，懷舊氛圍拉滿好滿意，人均也就40-50，我真係會為了半個拳頭大的鮮蝦雲吞和鯪魚球而來 📌推薦菜餚 ✨炸蜆蚧鯪魚球 ✨雲吞面

*$48大大碗三拼牛肉鯪魚球雲吞麵* 🍢🍜去開佐敦嘅，我又同朋友去搵食，沾仔記就係我嘅不二選擇！🤩入到去個餐牌一睇主打食三樣嘢鮮嫩牛肉🐮手打鯪魚球🐠大大粒雲吞🦐三拼高質面底🥳只係需要$48加多$12可以轉做蝦子撈麵！面質一如既往嘅爽口冇鹼水味，我最鍾意就係佢嘅牛肉真係好嫩滑👍，其次就係大大粒雲吞份量十足，朋友就好鍾意鯪魚球覺得比茶樓嘅更加好食😆。另外好欣賞佢加$26竟然有豆苗食，連埋個自家調製嘅蠔油，又唔會太鹹🥰一路食一路都見到全場爆滿，職員都好有效率咁工作，坐位亦都好舒服，比一般嘅雲吞麵來得企理，目測都有好多外國人特登嚟朝聖📸！誠意推薦鍾意食麵嘅朋友！地址：佐敦廟街300號地舖@chillchill_aloye@@jimchaikee_jordan#佐敦美食#雲吞#香港特色#美食推薦 #食好西#聚會#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #hkeat #foodie

**蜆蚧鯪魚球**這道菜的魚球外觀金黃誘人，咬下去時，外皮酥脆，內裡卻是鮮嫩的魚肉，口感非常豐富。鯪魚的鮮味與蜆蚧的獨特風味相互融合，讓每一口都充滿了海鮮的鮮香。這道小食的調味非常到位，既突出了魚肉的鮮美，又不會過於油膩，讓我在品嚐的過程中感受到一種愉悅的滿足感。**雲吞撈粗**雲吞的皮薄餡多，內餡的豬肉與蝦仁混合，鮮香可口。撈粗的麵條彈牙，搭配上特製的蠔油。讓整道菜品的風味更加豐富。每一口都能感受到雲吞的滑嫩與麵條的彈性，讓人忍不住想要再來一碗。又讓整體口感更加和諧，讓我在品嚐的過程中感受到一種溫暖的滿足感。

📍 沾仔記麵食  Jim Chai Kee Noodle🌍佐敦廟街300號地舖 G/F, 300 Temple Street, Jordan📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝雲吞、鯪魚球、牛肉，單拼雙拼三拼任意拼，可以配竹昇麵／粗麵／河粉／米粉／淨食。貴在精不在多第一次黎食緊係試哂所有，三拼係最好嘅選擇，淨食會嘅話，雲吞同鯪魚球分別多一顆。✿ 雲吞係我最愛，大大粒脹卜卜，裡面有成4隻蝦仁。✿ 鯪魚球鮮彈紮實，帶小小胡椒同芫茜清香。✿ 牛肉粉紅嫩滑。✿ 大地魚熬煮而成，湯底清澈味道濃厚，鹹鮮甘香▸ 甜酸炸雲吞◂＄４５／５粒✿  甜酸醬帶少少酒香？不死甜不死酸，味道有獨特風味，唔係我地平時經常食到果種。 炸雲吞勁香脆，雖然好食，但我會揀返湯食，佢哋個湯底太好飲。

沾仔記好特別, 佢無過多既配料,主打3款 (鮮蝦雲吞、鯪魚球、騸牯牛)今次叫左雙拼,雲吞拼鯪魚球,粒粒都兵乓波咁大~湯底：濃郁大地魚香味，夾幾條韭菜一齊放入口係最好食麵底: 彈牙，蛋香味都幾好雲吞：好多蝦,成粒9成都係蝦，佢係我少有食到有蝦味的雲吞,但亦有肉香！鯪魚球: 魚球細滑,但都有啲彈牙,口感唔錯, 魚味都有,因為加左啲芫茜就無咩腥味,我都食唔到任何魚骨！好好既體驗感我最驚喜係佢時菜有豆苗囉！仲係好新鮮,亦唔係比得少！推薦鍾意食雲吞麵既人去試上呢間店！

沾仔記喺一間多年老字號，主打雲吞，同埋手打竹笙麵，裏面嘅餸選擇並不多，專心做好牛肉雲吞同埋鯪魚球💪💪蝦子雲吞麵這道蝦子雲吞麵的雲吞鮮嫩，蝦子的鮮香味十足，搭配彈牙的麵條和清爽的湯底，讓人感受到海鮮的鮮美雲吞牛肉撈粗麵雲吞牛肉撈粗麵的牛肉鮮嫩多汁，與滑順的粗麵相互融合，讓每一口都充滿濃郁的肉香。撈麵的醬汁香氣四溢，口感層次豐富，牛肉亦都食得出係新鮮牛肉，落啲辣椒油超正🤤🤤🤤炸雲吞炸雲吞外脆內滑，餡料豐富，搭配醬料享用更加美味。白灼豆苗白灼豆苗清新爽口，保留了蔬菜的原汁原味，搭配輕盈的醬油，讓人感受到健康的魅力。這道菜品作為配菜十分合適，能平衡其他較重口味的菜品。

🌟放工返到屋企，梗係要打邊爐舒服下啦！今次去咗九龍油蔴地廟街嘅沾仔記麵食買咗幾樣生鮮食材返嚟，真係超正。✨首先買咗生鮮蝦雲吞一打，$68。啲蝦雲吞真係大隻又鮮甜，餡料豐富，蝦肉爽口彈牙，打邊爐嘅時候放落去煮一煮，啖啖蝦肉，真係無得彈！✨再嚟就係生鮮鯪魚肉半斤，$44。鯪魚肉滑溜香口，打邊爐嘅時候放入湯底，吸收咗湯嘅香味，鮮味十足。鯪魚肉片片厚薄適中，煮耐都唔會散，好方便食。✨最後係生鮮騙牯牛肉半斤，$72。啲騙牯牛肉真係超嫩滑，油花分佈均勻，打邊爐嘅時候放落去煮幾秒就食得，口感嫩滑多汁，無論點樣煮都好好味。🌟總括嚟講，呢次喺沾仔記麵食買嘅生鮮食材質素高，價錢合理。

食咗幾日西餐，老細話要食返餐local嘢～今日響九龍公園附近行過呢間麵店，佢話幾有feel喎，咁一於入去食返餐啦！！佢個menu好簡單，主要配菜得三款：雲吞、鯪魚肉、滑牛肉～咁識食嘅梗係乜都要啦！！嚟個三拼撈粗，老細要蠔油撈，我就用蝦子撈～而家真係唔係好多地方有蝦子撈麵食㗎啦！！🥰👍🏻上枱份量嚇咗我一跳！！大大碗蝦子撈麵～唔會再加醬汁，等你食到蝦子嘅鹹香味～雲吞好大粒，鯪魚肉都係大大粒～魚肉丸綿綿之中又有啲彈口～滑牛簡直係一絕，真係好滑呀！！老細話要食香口嘢～嗌多個炸雲吞加酸甜汁，同埋一個炸鯪魚肉～～鯪魚肉就梗係要跟蜆芥啦～靈魂醬汁呀！！佢啲蜆芥啲蜆大隻到呢！！😍😅呢度嘅油菜竟然有豆苗？！🤭可以揀～夏天仲有韭菜花～睇得出係良心食店，價錢實惠，用料上盛！下次行過路過都唔可以錯過呀！！😝😅🤣👍🏻

琴日返工冇咩心情, 唔想試新嘢,但係佐敦有冇咩選擇見到接仔記開咗好多年又有分店就入去試吓. 入邊唔係好多嘢食得鯪魚球,牛肉同雲吞見到姐姐喺門口包好多非常新鮮，所以叫咗雲吞同埋牛，有蝦子麵梗係要蝦子撈啦雲吞每一粒都有三隻蝦，非常大隻足料，味道未去到驚為天人，但係好過好多雲吞麵舖牛肉係成碗麵嘅精髓，啲牛肉好似落咗生粉那個咁樣一樣咁滑，但應該天生係咁，淨係落咗少少鹽食落去爽滑冇渣好重牛味仲叫多咗碟油菜同豆漿，唔開心嘅一日帶嚟一啲甜味

好耐之前食過一次依間粉麵店，但係已經忘記左位置，直到今日個朋友帶我黎Menu好簡潔，只有幾款食物：鯪魚球、新鮮牛肉、鮮鮮蝦雲吞湯底顏色好清澈，加咗韭黃好香，而且味道就係廣東雲吞麵檔嗰款我選左幼麵，麵條有少少鹼水味，但食得出有淡淡既蛋香，我轉左蝦子撈麵，佢整得好乾身呢樣嘢係做得幾出色，而且蝦子份量都唔吝嗇，足夠每一條右面都能夠掛到鮮牛肉算係淋滑好易咬，但份量吾算多，但依個價錢都幾抵食炸雲吞普遍都比出面大粒啲，蝦肉幾爽而且彈牙，炸到金黃酥脆再配上酸甜醬食，個人黎講都幾中意小店嚟講，希望繼續可以保持水準