河內越式料理 (西洋菜南街)

营业中

休息中

越南菜近排又幾鍾意食，呢日係旺角行過見到 "河內越式料理"，就入去食碗河粉，喜歡依度嘅湯底，夠清甜。看看餐牌價錢都好實惠，有越式湯河、撈檬、飯類、三文治、小食、沙冰、特飲等等，多款越南菜選擇。極品牛三寶湯河粉    $71依碗有齊三種材料，分別係生牛肉、牛展同牛丸，切成薄薄嘅生牛肉，食落去口感順滑，浸落湯一陣好快變熟，牛展軟淋，都有少少咬口，牛味香濃，牛丸爽口彈牙，而湯底用上牛骨煲多小時，所以牛骨味重，清甜唔口渴，檬粉順滑吸收咗湯汁，份量亦好足，成碗食完之後，好飽肚，性價比高。河內生熟牛肉湯河粉    $66牛肉好嫩滑，係碗內時半生熟，有咬口，肉質亦鮮嫩，入口時鮮甜肉汁，配搭芫茜等香料味道更特別清新，牛肉湯香味撲鼻，就連河粉吸湯都好出色，每啖都鮮甜可口！越式炸蝦餅    $32每塊都幾厚，份量超乎意料，以為圓形細細件，點知蝦餅都幾大件，好抵食，好濃蝦味，彈牙有嚼勁，沾上酸甜醬，味道多一份層次感。香茅雞翼    $22雞翼炸至金黃，酥脆可口，肉質軟嫩，香茅味都幾出，好焦香，外脆內軟，食落夠惹味。 椰汁珍多冰   +$10食越南菜多數會揀椰汁珍多冰，滑嘟嘟嘅粉條，美味又有口感，椰汁味非常香

今日tea time黎到呢間餐廳，想平平地食，賣單$150都唔洗，已經好飽～.🔸河內生熟牛肉湯河粉有牛肉片同牛塊，肉質唔會好鞋口，半生熟，鍾意熟d可以浸耐d先再食😛 湯底好香，加分🔸越式咖喱牛腩飯咖喱係結身個隻，有六七舊牛腩，幾好送飯😆🔸 越式香茅豬扒估唔到都幾大塊，切開左四舊，點咖喱食仲正😂🔸鮮芒果西米露見到好多人推薦，就叫黎試下，幾香椰汁味～🔸熱情果梳打唔會好甜，熱情果加梳打，不錯🤓

見客見得耐, 食Lunch 都變咗食Tea,不過都幾好丫,通常好多餐廳都有下午茶優惠! 這間就係其中一間我地同事食開嘅越南餐廳！餐廳有D似港式茶餐廳咁嘅feel, 快,靚,正！不過係食越南菜的! 🔮河內生熟牛肉湯河粉    次次都係食呢個, 廚師個standard recipe真係每一次味道都相同的! 薄切牛肉,大大塊,份量又多, 肉質嫩滑！個湯底最正,唔好睇佢地好似茶記咁就以為會hea, 個湯底真係用牛骨來熬的, 所以滿有骨湯香, 加上新鮮的九層塔,青檸,紅辣椒等天然食材, 更具越式風味！ 🔮順化蕃茄蟹膏札肉湯檬    蕃茄味濃郁, 湯底帶有微微的蟹鮮味!配料甚多, 尤其係札肉,仲會厚切俾你,真係幾抵 🔮越式炸春卷    其實好鐘意越南小食的, 不過碗粉太大碗喇,所以我地都係叫咗一個小食而已! 網紋炸春卷,皮脆餡多,有粉絲,甘荀,木耳,肉醉等,餡料十分飽滿,蘸一蘸自家秘製的甜酸魚露, 更加滋味！ 🔮椰子珍多冰 / 鮮芒果西米露  椰子味濃郁,但亦只係少甜, 啱哂喜歡微甜的我

到旺角同客戶開會開得好遲，見到哩間鋪頭都幾人氣，咁試試啦。晚市都幾多嘢食揀，60左右已經有碗粉面或者飯。椰子冰，椰子味好濃鬱，不過唔會好甜，啱曬女仔飲。熱奶茶，奶和茶味balance得幾好，飲落好順滑。香茅雞翼（2件），雞翼燒得啱啱好，皮脆啵啵，內裡好嫩，雞翼預先醃制過，好夠味。越式豬頸肉（細），細份豬頸肉分量都幾多下，仲搭配埋泰式酸辣醬。豬頸肉食落好彈牙，唔會覺得柴，唔錯。河內紮肉湯河粉，湯底好濃鬱，飲得出係落足料黎煲，食完唔會口渴，味精落得唔多。紮肉大件件都有4-5件，仲伴有芽菜等配料，好食。順化番茄蟹肉紮肉湯檬，湯底番茄味好重，蟹肉分量好多，仲有豆蔔，紮肉等配料，叫咗少檬都好大一碗，落埋辣椒同青檸更加好味。求其一餐都幾驚喜，難怪晚市全full，仲不停有客人walk in，應該都有好多街坊幫襯哩間小店。

成日食越南野黎黎去去都係食牛河多，估唔到呢度有番茄湯檬，簡直正中🤰🏻嘅胃腑🌝順化番茄蟹肉扎肉湯檬 $64番茄湯底非常濃郁！蟹肉亦比得好多，吸晒番茄湯好正，而扎肉就正常發揮，同埋成碗湯檬份量超多，大胃王都絕對夠食🌝極品牛三寶湯河粉 $69牛三寶即係生牛肉、牛𦟌同牛丸，牛𦟌口感較為軟淋，唔會太難咬，生牛肉肉質嫩滑唔錯，而牛丸都算爽口彈牙，湯底亦唔會太鹹🌝越式豬頸肉（細） $29豬頸肉燒得岩岩好帶微焦，咬落幾juicy而且口感幾爽口🌝鮮芒果西米露（+$10）🌝龍眼冰（+$10）芒果西米露係椰汁底，椰汁味幾香濃，芒果都幾甜，而龍眼冰都甜度適中

越南餐廳都可以價錢親民又好食！喺旺角行完街同朋友行經好多餐廳選擇嘅西洋菜南街，心思思想食越南嘢嘅豬太郎見Menu都幾吸引就決定係佢啦！.➜順化蕃茄蟹肉扎肉湯檬特濃嘅蕃茄湯底，仲有絲絲嘅蟹肉topping，一啖檬粉一啖湯，絕對係大滿足呀！仲要咁大碗，性價比高！.➜生熟牛肉湯河粉生牛肉大大片，肉質嫩滑唔鞋，熟牛肉軟冧味濃，湯底清香，配埋酸甜清新嘅青檸汁，更加開胃！.➜越式豬頸肉雖然係追加小食，但份量都唔小㗎，豬頸肉好香，唔會燒得太硬，香口惹味！.➜椰汁珍多冰&鮮芒果西米露大大杯特飲都係加 $10 ！味道唔太甜，啱啱好！.📍河內越式料理 (西洋菜南街)旺角西洋菜南街204號地舖

The "extreme premium beef triple treasure soup with rice noodles," which is rich and savory, with a generous portion of tender beef, beef balls, and beef shank. The Vietnamese-style fried spring rolls are also a must-try, with crispy and flavorful filling wrapped in a thin and delicate shell.For meat lovers, the grilled pork neck is another highlight. The meat is perfectly cooked, juicy, and tender, with a sweet and savory marinade that complements the natural flavor of the pork. Overall, the fo

時隔半年又來呢間店食嘢啦，來到越南餐廳當然少不了湯河粉🤩☺️我哋兩個人一人點咗一碗粉同一份小食 🤤😃😄【牛腩片湯河粉】牛腩大片！肥瘦均勻湯底清甜而且非常入味加上小米辣同青檸汁好好味份量十足👍👍👍【順化番茄蟹肉扎肉湯檬】一如既往嘅鈡意食😄😁酸酸甜甜嘅湯底好開胃肉餅爽口河粉特別嫩滑湯全部飲嗮 好正😊☺️☺️【越式豬頸肉】金黃色嘅外表十分誘人，百吃不膩，蘸上醬料酸酸甜甜，又香又脆！推介👍

今日去左旺角呢間河內越南餐廳食下午茶，下午茶時段都有幾多選擇，仲可以搭配唔同嘅小食，我同朋友見到餐牌都好似幾好就入咗去！入邊都幾大，座位都幾舒服，唔會太迫今日比較推介嘅，係佢嘅香茅豬扒湯河，香茅豬扒，有四大件，賣相非常靚仔，食落亦都有好重嘅香茅味，調味上都唔會太鹹，適中 河粉都非常大碗，唔會因為下午茶所以份量細咗，我哋兩個都差啲食唔晒 河粉軟硬力度控制得好好，唔會有太淋同鬆散嘅感覺炸春卷，亦都做得非常鬆脆，入邊滿滿嘅餡料，食起嚟有層次感，包埋生菜食就可以冇咁油膩！最後飲埋杯熱檸茶，大滿足

❤️順化蕃茄蟹肉扎肉湯檬 $66越南湯粉一定會食蕃茄湯 呢到嘅蕃茄湯超特濃 仲有蟹肉鮮味 而且真係有絲蟹肉架 絕對性價比超高❤️越式咖喱牛腩飯 $61正 最鐘意多汁 牛腩紋得啱啱好 夠晒淋 而且牛腩分量都好多 又有薯仔 飯又大大碗 水準依然❤️追加小食 越式炸春卷(2件) $22必必必食炸春卷 即叫即炸 餡料滿滿 外皮香脆 一咬落去卜卜聲 點埋甜辣醬食無得輸🤭呢到位置夠晒方便易搵 座位晤係話太夠 要食好嘢就早啲去拎位喇❤️河內越式料理 (西洋菜南街) (旺角)旺角西洋菜南街204號地舖

今日係旺角行街，心血來潮想食越南野，上網睇呢間食評同價錢都ok,就去左試😆無令人失望！順化蕃茄蟹肉扎肉湯檬有2大嚿蕃茄，湯底有蕃茄嘅酸味入面有扎肉蟹肉絲同埋肉碎，同蕃茄湯底好夾，好開胃😋而且好大碗，都幾性價比試左呢個極品牛三寶湯河粉，味道幾好，尤其係佢嘅牛丸好彈牙，湯底又夠熱，生牛肉可以自己揀淥到幾熟先食都得，正！牛𦟌大大塊，好滿足！男人都食得飽！鮮芒果西米露好重椰香味既西米露，而且配搭新鮮芒果，諗住當甜品試下又幾好飲！紅豆冰就飲得多，綠豆冰真係好少試，所以點左杯試下，果然無失望！將綠豆打成碎粒狀，一定唔會卡住飲管！椰汁未又夠重，未試過真係要叫杯試下！越式豬頸肉主食加$32加配左一款小食，豬頸肉份量都多，外面脆脆地入面好軟熟，真係外脆內軟好食😆

我哋又去encore喺旺角嘅 河內越式料理 喇👩🏼‍🤝‍👨🏾價錢實惠夠平民，而且份量都唔少!今次就試咗三餸河同三餸飯😂飽到我又要男朋友焚化埋佢🫃🏻<<極品牛三寶湯河粉>>($71)「牛三寶」顧名思義就係有三款牛嘅部位：生牛肉、牛展、牛丸💁🏻‍♀️薄切生牛肉肉質嫩滑💁🏻‍♀️牛展軟腍得嚟有咬口💁🏻‍♀️牛丸彈牙爽口易入口最正係個湯底!!!牛骨味濃! 飲落順喉唔似有味精👍🏻夾埋滑捋捋嘅河粉! 真係好美味😋<<越式河內三寶飯>>($71)有齊豬扒、雞翼同扎肉咁多肉肉🤤配上越式豉油撈飯，係簡單嘅幸福🥰特別係望落以為好乾柴嘅豬扒~原來佢係甘香酥脆哪香茅豬扒🐷入味得嚟! 仲要軟腍易咬! 入口唔會覺得好乾🙃一定要追加<<越式炸春卷>>($22)我次次都加㗎😎信心嘅保證✌🏻大大嚿嘅佢，材料非常豐富!佢有粉絲、木耳絲、紅蘿蔔絲同埋豬肉! 有軟有脆，口感好有層次👏🏻👏🏻外皮仲炸得好香脆添🤩最後一定要飲<<杞子龍眼茶>>($24)My favourite💛Highly recommend

叫咗個越式牛柳粒紅飯，紅飯用微波爐加熱又硬又乾好難食，以後唔會再返嚟食啲咁難食嘅餐廳。青檸梳打味道奇怪。環境不乾淨。Ordered the beef cube red rice, the red rice was re-microwaved dry, hard and disgusting. Will never come back to eat in such a disgusting restaurant. Fresh lime soda tasted weird as well. Place was unhygienic.

河內越式料理 • 旺角旺角呢間越式料理之前都食過，今次再encore，因為覺得呢間餐廳都算抵食，而且菜式選擇算多。我地係收工時間近7點入座，餐廳入面都多人，座位比較密可能未必坐得好舒服，不過侍應都好多禮貌，抵讚😋😋..✅ 越式豬頸肉撈檬 🐷 $62豬頸肉充滿油香，入口嫩滑，外面燒至好香，而且份量都多。檬粉亦都多，加上好多配菜絲撈埋食，好新鮮。份量方面，幾多幾抵食。😛..✅ 河內生牛肉湯河粉 🐮 $58生牛肉大大片，肉質嫩滑唔鞋，如果肉味更濃就好。湯底味道唔錯，有少許香料味，河粉份量都算多。👍🏼..✅ 香茅雞翼(2件) 🐔 $22雞翼入面好有香茅香味，好入味。雞翼外面炸至金黃，入面唔算好鞋，質素可以。😛..✅ 冰鎮凍奶茶🧋$20味道偏甜，比較似泰式奶茶，冰鎮幾特別。😝..✅ 椰汁珍多冰🧋$30椰汁味好香，幾甜幾好飲👍🏼

下午看見很多人，後來行完街試個下午茶，揀了個香茅豬扒湯河粉，再追加個炸蝦餅。河粉好滑，份量都不少，豬扒很夠香茅味，肉質不會做到乾柴，湯底又好味。不過跟了一粒青檸仔已乾了。蝦餅也不錯。