河內越式料理 (村南道)

营业中

休息中

越式豬頸肉撈檬我最愛嘅越南美食之一，豬頸肉笑得好香，每件都好大塊，而且肉質鮮甜美味，餐廳用嘅醬汁撈得非常好食，配上撈檬裏面嘅新鮮蔬菜，平衡到肉嘅鮮味和檬粉清新嘅感覺，實在太好食。安南鮮蝦米紙卷越南美食嘅米紙卷，都係我好鍾意嘅食物選擇之一，嘅米紙卷包住入邊豐富嘅餡料，非常鮮味，夾埋蔬菜紅蘿蔔等一齊食，非常健康又美味嘅小食。越式青檸冰超正嘅飲品，最鍾意青檸嘅香味，令人提神醒腦之餘，仲有開胃消滯嘅感覺，飲品只需要加$12 ，仲大大杯，真係好抵飲呢！芒果西米露呢個芒果西米露好香芒果味，而且唔會太甜，可以當飲品，又可以做甜品，真係一舉兩得。總括而言，呢間越南餐廳CP值極高，食物質素好，而且服務周到，係一間值得再返嚟食嘅餐廳選擇。

大愛越南野，呢間越南野好近大圍火車站，交通好方便，有時遲放工都會去食左先回家。今日放假，見佢D tea好抵，就去食個late lunch!  
特別鍾意佢個牛肉湯，真係好香濃，真材實料，食完唔會口乾，湯都可以飲埋！
今次叫左牛三寶湯河同香茅雞翼撈檬，加配小食有蝦餅同越南春卷，另外再加錢叫左芒果西米特飲同熱情果特飲。
牛三寶湯河真係好好味，加小小檸汁同配九層塔食，一流！九層塔好新鮮好香！河粉好入味，有咬口，一啖湯一啖河真係好好食！牛丸彈牙！大愛！
蝦餅都係我大愛之選，香口彈牙，有蝦既鮮甜！熱辣辣唔係好油，正呀！
春卷新鮮好味，鬆化可口！雞翼撈檬發揮正常，份量都幾大，由於牛湯太好味，我加左D檬落湯食 XD
最後講一講野飲，芒果西米特飲好足料好多芒果，好似甜品咁，好香好滑好正。熱情果特飲我個人覺得偏甜，加左DD水就剛好，一杯當2杯飲都幾抵 XD

唔想煮晚飯，求其屋企附近食個快得嚟又幾好食嘅dinner☺️ 大圍火車站過條馬路就到，地點方便👍🏻去到餐廳門口都唔少人等外賣，店內都差唔多坐滿，好彩只係等咗幾分鐘就安排到😁 餐廳感覺有啲似茶餐廳，坐位唔迫，坐落都舒服～生牛肉湯河粉 $58 份量都唔少，湯底幾清甜，最鍾意面頭嘅香葉、蔥、芽菜，仲可以加辣椒🌶️同原粒唧嘅青檸😋越式豬頸肉 $29雖然只有幾片，但大大塊，又有蔥油襯托，入口幾香，爽口彈牙越南滴漏咖啡 $18天氣咁熱又食熱辣辣湯粉，飲返杯凍香濃凍咖啡！gur晒！😌前後20分鐘搞掂埋單走人🤣快靚正之選！

我係一個中學生，透過朋友介紹試吓呢間越南🇻🇳嘢（內裡有學生優惠，但必須穿著校服）價錢對學生嚟講都唔算太貴。我試過佢地平日下晝嘅豬扒撈檬同咖喱牛腩飯，食物質素唔差。牛腩都幾入味，而且炆得幾林。豬扒撈檬都幾好食，非常適合係炎炎夏日試試，可以的話加返個小食，我試過佢地嘅蝦餅加塊生菜包住，點少少醬，入口不膩，勁正！！！但唯一可以改善的是裡面座位稍微有d迫，如果拿著好多野係身嘅人士就未必能夠食得輕鬆ga la !

今次黎到呢間大圍既河內越式料理，係大圍黎講都叫做幾特別既餐廳，環境夠曬乾淨舒服，仲有唔少特別既越瓷裝修，好似竹制既燈欖咁，係到食野都有少少感覺去左越南，依家疫情下黎呢度過下癮都唔錯。叫左個牛三寶河，都真係幾大份，食落幾唔錯，河粉唔會太軟，湯底幾好飲，好清，飲落唔會一大陣味精味，有唔少配料可以加，有辣椒粒，鐘意做辣既朋友就可以落多d la。三樣牛都好好味，牛腩好夠肉。牛丸夠彈牙。另外叫左個豬扒撈檬，豬扒炸得好香好脆，食落好有豬味，無乜落粉，所以唔會係好多炸粉，個檬粉又係唔會太軟身，食落都夠彈牙，個撈湯酸酸辣辣咁好大胃。好欣賞佢會送茶，好解利d茶，椰汁冰都好飲，唔會太甜，soda水用左沙示，d汽都keep得幾耐，成程飯都仲有汽，呢間野幾料都幾足，唔錯。

順化蕃茄蟹肉扎肉湯檬$66一絲絲嘅蟹肉十分掛湯，每一啖湯檬入口都有新鮮嘅蟹肉同埋鮮甜嘅蕃茄湯好正好開胃豆卜吸湯能力好高，所以入口會有一種爆汁嘅感覺上湯灼田園菜+$15生菜都係好新鮮嘅，煮得啱啱好，帶d爽脆感鮮芒果西米露$28 而家天氣開始有d熱，飲返杯凍飲就真係最適合不過粒粒芒果鮮甜，飲落去每一啖都係滿滿的西米，十分滿足絕對唔會過甜/死甜，當係一個飯後甜品都唔錯最後都想讚下店員嘅服務都幾細心同埋有禮貌👍🏻所以我都會再嚟食嘢嘅

今日中午叫了兩份午餐外賣自取，落單不久可以攞，佢因為已經包實咗一大袋，所以我無拆開逐樣check就直接取走。返到去一打開，激死，冇餐具，已經覺得佢地好求其。跟住打開個三寶飯，見到果兩啖札肉真係火起，抱歉唔可以用「兩片」嚟形容，因為仲薄過人地啲象拔蚌刺身，而且好明顯唔係完整的半片，應該是切衰了的頭頭尾尾，比紙薄，仲要得一忽，圖片果張就係片札肉，我係冇咬咗一啖先影，佢根本就係咁serve比啲客，唔望佢厚切，但無諗過一忽都當一塊。唉⋯⋯間嘢真係好求其。但味道仲算可以的。

知道呢間越南餐廳好耐了一直想試下今晚就黎外賣試一試點左~越式香芧豬扒湯河加配上湯灼菜本身仲驚會唔夠飽點知個河粉份量比想像中多呀食完係攬住個肚既感覺湯底都有點濃味唔會係好清淡本人就幾鍾意呀豬扒份量同質感都正常下次可以再試下其他

今日約了朋友食飯，想了很久都唔知食乜好，最後我們走了幾圈後，就決定食越南嘢。幸好今日人不太多，很快我們就可進入餐廳。探熱後，職員就安排了近門口的坐位給我們。餐廳光線很光亮，但枱與枱之間就較為狹窄，環境尚算乾淨。今天我們會選了越式香茅豬扒湯河及河內小食拼盤。越式香茅豬扒湯河，香茅味當然好突出，可惜豬扒味道不夠，而河粉又太少。如果男士們，估計一碗不會夠飽。至於河內小食拼盤，賣相確實不錯。可惜蝦餅食落不彈牙、炸春卷的春卷皮太淋，有點難嚼、雞翼不夠入味、剩餘兩樣就還可接受。相信不會想再多食一次。

優點：1. 湯檬湯河份量大，絕對夠飽2. 味道不差。生牛肉肉質鮮嫩，湯味濃，配搭青檸辣椒更惹味。蝦餅外皮很脆，調味不錯。豬頸肉香口，沒有燶。贈送的青茶也有甘香茶味。3. 餐廳光猛，座位舒服，感覺挺乾淨。4. 上菜快，執枱也快。侍應態度整體親切。5. 款式多。6. 主菜加一款小食不太貴，可以小嘗其他食物。缺點：1. 不時送錯食物。短短一小時已看到三四次送錯食物要客人提醒的情況。旁邊有客人本來叫雞扒河粉却送錯了豬頸肉檬粉，我的生牛肉湯河變成生牛肉湯檬也是因為旁邊客人點單時注明要熟牛肉檬粉，侍應帶回廚房，最後却送到我桌上了，我點的明明是河粉（不過我沒有追究....）只是覺得送菜有點馬虎。2. 因為疫情關係枱號成了正枱、A枱，但侍應却完全不清楚哪張是A枱還是正枱，感覺比較混亂。這也可能是頻頻送錯菜的原因。3. 餸比較少，尤其是牛三寶河粉，明明比生牛肉河貴$11，但牛肉牛展牛丸的份量也比較少，而且牛丸牛展的味道一般，性價比低，不推介。4. 飲品要加錢。特飲更要加$12。點了椰汁紅豆冰和椰汁鮮芒西米露。雖然椰汁味濃，但鮮芒沒有味道，好細粒。西米份量也不多。紅豆冰的紅豆也沒有一般茶餐廳多。5. 有點

晚上回到大圍，天氣稍涼，想吃碗熱粉。河內越式料理開店已有一段日子，似乎頗有口碑。餐牌搭配大路正常。其他選擇，回望一下，越式菜來說其實不便宜。最後點了三寶河，即牛腩，牛丸，牛肉。店員送上熱水，飲了一啖，有水銹味，還是洗筷子好了。最後等了十五分鐘，湯是熱。但湯色清，味唔夠，單飲可以，放麵不行。自行添加辣椒青檸，對湯有幫助。可惜食物質素欠佳。牛展，兩片不厚也不薄，但未夠火候稍靭，滷水味不夠濃和，牛味腥羶。牛肉也有兩片，用的是偏瘦，生熟剛好，可惜稍靭牛肉味淡。牛丸是街市凍肉舖貨，開半，總共有1.5粒。性價比其差，說白了就是孤寒。芽菜用得好，肥短種，要特別訂才有。河粉也出奇地有米香，相信是用越南產的乾河做。整體而言，配角出色，主角湯頭，三寶完全失敗，證明口碑也未必佳。題外話，洗手間門口走廊得滑，餐廳也不注意一下。

今日有嘢做要去大圍，就約咗一個住喺大圍嘅朋友一齊食lunch。兩三個月之前朋友已經同我講，大圍開咗間新嘅越南餐廳，今次就去試吓佢啦！我哋兩個人嗌左兩碗粉同埋一個小食😋🔸香茅豬扒湯河湯河份量超級多，湯底好味，豬扒鬆軟入味，我俾8分👍🏻🔸 蝦餅撈檬檬粉分量正常，蝦餅大大塊，有蝦味但係就唔太彈牙，俾6分😆🔸 小食春卷春卷包住豬肉、紅蘿蔔、粉絲等等，朋友覺得春卷好好食，但係我個人就覺得調味唔係幾啱我胃口，平均都係6分啦總括而言，呢間餐廳嘅份量多，價錢唔貴，食物質素中規中矩，街坊餐廳來講係唔錯嘅選擇，如果有機會再去大圍，我諗我都會再去幫襯😆

今晚放得夜左，又冇人陪，只好一個人自己搵野食😆係大圍經過好多次D間越南餐廳都冇入去食，因為平時都有幾多人等位同買外賣，本身我個人好心急，所以都吾會等！今晚疫情剛剛放寛關係，見門口又冇乜人排，就自己一個人去食！入到去見到都坐滿，侍應都有幫我探熱，同好禮貌地問我有冇信封載口罩，抵贊！但由於侍應吾多，我示意左好幾次才有人過嚟幫手我落單叫野食，我叫左碗蟹肉扎肉蕃茄湯檬🤗D碗檬粉都幾大碗下$66真係抵，又足料，湯底好正，又夠味，食到捧住個肚走！下次一定叫人陪我食叫多埋個蝦餅同軟穀蟹試吓！一個人的晚餐幾拾蚊，仲要冇加一，食到滿足走，真好

店鋪雖少，食物種類卻不少。最欣賞湯檬，原來很多多越南店只有湯河，卻沒有湯檬。難道這店店面雖少，但有撈檬又有湯檬，小食，飲品種類亦多，這點抵讚。牛油雞翼亦很香脆，價錢亦不算貴，4隻賣48元。但是，炸軟殼蟹就真是貴且難吃。廚師應該用麵粉包裹再炸，但所包的粉太厚實，令人難以咬開，亦難以咬碎，更別說吞下肚。83元2隻的價格就太貴。除了軟殼蟹，其他菜式我覺得味道和價格也ok啊！

入大圍多數都係食Café或者甜品，想醫肚可能就要搵一搵😗。今次我地行過少少，見到原來有間越南野😛！一入到去店員比人感覺好主動同有禮貌🤓，舉手嗌野食都奔走過黎落單，等左一陣就有得食喇🙆🏻‍♂️🙆🏻‍♀️。⠀🐮河內生熟牛河🤍 $64 一黎到見到個碗嘅size有少少嚇親👀👀，驟眼睇份量有啲似過橋🤣，但後來發覺佢麵多肉少😗，十日冇食飯嘅人都一定夠飽😎。湯底味道標準，好有牛骨湯嘅味道🐄，而且好清冇咩油，入口清甜充滿九層塔味，但飲完有啲口乾唔建議飲哂🤚🏻🤚🏻。牛腩爽口，肥牛唔韌唔鞋，幾正常🤸🏾‍♀️。⠀話說佢地仲有個重量級火車頭（二人份），應該會食到好似打邊爐咁🕴🏻。⠀⠀🐷越式豬頸肉撈檬🤎 $62 豬頸肉口感扎實，但冇焦香味🙈。檬粉爽口，連埋其他蔬菜絲，食落嗦嗦聲，做到好fresh嘅感覺🕺🏻。⠀⠀🦐越式炸蝦餅（細）$29 一上台就聞到好香蝦味🦐，入口軟綿綿，唔夠彈牙，有少少失望。⠀⠀🐖越式香茅豬扒🥩（細）$23 豬扒肉質比較實，同乾🙇🏻‍♀️，雖然香茅味搭夠但都一般。⠀⠀總結：我地覺得價錢黎講唔係特別平👄，但勝在食麵可以餵飽你，食物質素都還好，係食完湯河會口乾唔太鍾意😥。⠀⠀