影片
今日同事带我去食lunch, 揾到嚟沥源邨娱乐城地库嘅沙龙会。冇谂过玩桌球，打麻雀嘅地方，竟然系有餐厅，非会员都入得去食。午市套餐，全部都系$47,有碟头饭，亦都有炒粉面，$65套餐有小菜送白饭。 送热饮一杯。六个人就嗌咗六碟嘢食，可以大家share, 分量多到食唔晒，有海味杂菜煲，咕噜班球，干炒牛河，鱼松蒸茄子，菜远炒牛肉，咖哩牛腩，食到好开心，叫多个沙拉骨添！咕噜班球，肉质几结实，算新鲜呢，酱汁酸甜适中。鱼松蒸茄子，好香冬菇味，配料鱼松都多，茄子不会太淋，味道好又有口感。干炒牛河，河粉好烟韧，炒得有镬气，牛肉就用松肉粉腌过，质感软得滞，但整体味道是好食的。海味杂菜煲，都算几多料，菜都有4款，粉丝，虾米，冬菇都多，所以啖汤好清甜。沙拉骨，在炸好的长条排骨上，洒上沙律酱，估唔到排骨啖啖肉，又爽口，呢味𩠌很推介给食肉兽呢！饮品都好出名，估唔到热饮都咁大杯！ 叫咗杯热咖啡，味道都够香浓，不过甜咗少少，下次要佢少甜。如果叫冻饮更加大杯，以为系啲特饮杯咁大，如果细食嘅女士，叫一杯冻饮可以倒开一半share添，亦都可以唔使一人叫一个餐，譬如4人叫3个餐，大家分，又抵食又够饱，又唔会浪费食物，下次都会再帮衬。
继续阅读