影片
如果有睇食评，肯定唔会嚟买！寻日经过买外卖，第一次帮衬， 个阿婶就介绍食叉烧同烧肉，睇落去都唔系太差，买咗半斤叉烧同埋半斤烧肉返去试吓…已经觉得比较少， 我问佢系咪真系得咁少，佢话系呀，跟住个磅收钱。返到屋企自己磅下，结果只系得10两！自己安慰自己希望好食啦⋯⋯一啲都唔好食….又干又硬又咸！佢应该系喺佐敦油麻地我食过咁多间烧腊最难食嘅烧腊店！肯定以后都唔会再去帮衬佢。如果大家下次去买…..一系自己带个磅去….一系就叫佢喺你面前磅俾你睇。希望大家唔好中伏。
继续阅读
买咗几旧烧肉收咗$80。返屋企磅过其实一半都冇。他们给你 80元的烧肉比烧肉饭甚至更少。I paid $80 for smoked pork, and I received less than half when I weight it at home.味道也很差，不健康。 很咸，很难吃。Taste is also poor and unhealthy. Very salty and just doesn’t taste good.I would only support good honest local business. This scam business model is out of date.Hope they closed soon and get replaced by a better shop.
继续阅读
今日去宝灵街买野，经过此店，谂唔到食乜就入去简简单单叫碟切鸡饭，等食嘅空档发现佢都颇多规举:带外来食物酒水收几钱，净饮开水十蚊杯，罐装汽水$15一罐！！未经许可不能拍照拍片,烧味饭+罐装汽水(特价$58)……………食个饭啫！讲番碟饭，卖相唔差，正如之前食友拍嘅一模一样，左边放肉，中间青菜，右边系白饭，都睇得出有heart嘅。切鸡鸡皮爽爽地，肉偏咸，夹D羗茸，更咸！！反而白饭里面D酱油好得，咸淡适中，超好送饭！好食！！净系酱油捞白饭柤信可以连啪两碟。不过都唔会令我返转头。另外送嘅例汤都唔好嘥时间讲啦。埋单$48。好好食的话，唔贵。唔怪得佢咁静啦
继续阅读
曾经听上一代人讲，食乳猪一定要去佐敦沙记，今日放工心血来潮想食乳猪，一于冲去试一试！一入到去，入面冷清清，空无一人，老板问我想食乜，我问佢仲有冇乳猪，佢话买晒，唉！好失望！不过既然一场嚟到，老人家又讲到咁正！一于试一试其他烧味！所以就点了一个烧肉切鸡饭！一见到碟饭，已经觉得卖相麻麻，一口咬落烧肉到，哗！层皮硬到咬崩牙！实在大硬了！而且无肉汁，最大件事系好咸！我本身都已经好食得咸，都觉得佢咸，所以其他人一定顶唔顺！到切鸡，颜色已经麻麻，咬落去更加完全无鸡味，好似雪藏鸡咁，又无肉汁！整体嚟讲完全唔合格，我以后不会再去了！
继续阅读
44蚊食个饭其实系香港旺区都算系咁，早上9点几见到有饭食就走入去啦，烧味档一向都唔指望有服务，但系呢，叫个肥叉油鸡饭，味咸，豉油咸，葱油仲咸，叉烧系无问题，但鸡呢，咸同老，老得黎要未熟，所以就知油鸡师傅啲技术去到边，呢个价钱我无期望，但得到只有失望，当年嘅沙记，已不在了。
继续阅读