沙田一至尊燒鵝·生滾粥品專門店 (已結業)

今次试咗佢个叉鹅濑，好少地方有濑粉食喇~ 啲粉都几多，而且唔会煮到好腍，几好食。啲烧味嘅味道同口感都保持一贯水准，可惜唔知系唔系咁啱切正无乜肉嘅位，啲烧鹅主要系皮，唔多肉。不过真系好中意佢个叉烧，唔柴好嫩之余又好香叉烧味。另外啲侍应都好主动同好热情，我哋隔离台坐咗几位泰国游客，个姐姐好努力咁用英文同佢沟通，仲会同佢哋倾计🤣🤣 我哋喺隔离听得好开心。可惜佢哋个汤煲坏咗啦，佢每日都有唔同例汤，之前试过味道都唔错。等下次汤煲整返再去～…查看更多

今日较平日早下班，就去了石门京瑞行了一趟寻找美食。石门美食多的是，最后选了沙田一。不用好像中午需要排长龙，其实当天晚上都是人山人海，但最终能找到两个面向墙单丁位、就马上冲入去了！食物款式非常多包括烧味、生滚粥，还有家常小菜，最后都是选了两碟烧味双拼饭：烧鹅烧腩饭 及 叉烧油鸡饭 （唔知系唔系入夜了 想点个乳猪或转米粉都是售完）先来个例汤 （天天不同），今天是节瓜淡菜瘦肉汤，清甜好味，饮完唔算太口喝。然后先来烧鹅烧腩饭，配以酸梅及芥末酱 。烧鹅好味，仲系油身，果然名不虚传，烧腩仔就稍略嫌咸了一点。然后就系叉烧油鸡，叉烧虽然瘦叉，咬落粗糙，但胜在食出酒味，有心制作。相比其他地方的叉烧，这里的有惊喜！油鸡正路。最后想讲下饭同汁，汁唔会太咸，饭都是正路的，总体的都满意 下次有机会会斩料加𩠌！…查看更多

今日一个人自己早收工，即刻谂起石门沙田一间烧味店，记得疫情时我差唔多一个月都会嚟一次，佢嘅叉烧我真系觉得全香港最好食，每次同朋友讲起烧味店，我一定提议佢哋过嚟试一试。由于好耐冇食过，今日再过嚟买一个叉烧饭同埋一个烧鹅鹅头，返屋企自己饮杯啤酒食饭。返到屋企一打开盒叉烧饭我已经呆咗，究竟俾咗啲乜嘢？系肉酱定系梅了嘅叉烧？ 成盒饭好似打咗风咁乱七八糟。先唔讲味道，味道嘅嘢好个人，所以我净系讲卖相同埋肉质，叉烧食落去毫无质感，好似食紧肉泥，佢嘅肉质真系十级难食，唔知道系咪落咗好多肉松粉之类，有一半叉烧并不是齐整的，好似系将啲肉用刀背拍到烂咗，然后搽上叉烧酱，咁就当叉烧，如果叉烧有问题，唔明白点解斩叉烧个师傅，会拎出嚟卖，咁样真系害死佢。记得佢开业初头我真系来得好密，而且我都有系Openrice分享，希望如果老细见到留意一下。另外我都嗌咗一个烧鹅鹅头，唔知点解佢嘅切法同以前唔一样，佢呢个好似系卤水鹅嘅切法，但系因为烧鹅嘅关系，佢啲肉系比较干身，咁好难食。 另一方面佢嘅颜色亦都唔一致，怀疑系合成出嚟嘅。而且咁啱得咁跷我食头两件感觉有沙粒！究竟系运送途中唔小心跌咗落地下，定系其他问题就不得而知。总括而言，如果呢个叉烧质素，我系以后唔会再帮衬。…查看更多

安景街公园睇完樱花 行过石门揾野食，经过 望入去 个装修都几干净企理竟然烧味店用日系装潢 就试试烧味系咪新派口味招牌及第粥 + 葱花虾米炸两 $62 + 热奶茶 $5点左一份「全日生滚粥品套餐」 热饮加$5，及第粥底入口绵密，用料好足:猪肉丸+猪心+猪润+猪肚+猪粉肠，猪内脏全部都好新鲜 唔会有猪臭味炸两个肠外皮做得几细滑，不过3条油炸鬼个口感都唔同 有条入口香脆 但另一条就偏硬偏靭 可能唔系同一批炸起古井烧鹅+烧腩仔双拼饭 $60分到一只鹅上装小脾 烧鹅烧得皮脆肉嫩 未食已经闻到鹅香 入口油香多汁 好味，烧腩仔口感似烧肉 唔够爽口 好彩调味都不俗 *店员姐姐送我地每人一碗例汤*卡位唔多*无收+1 …查看更多

呢间沙田一烧味店舖面相当明亮除咗烧味选择 仲有午餐可以拣人流几多 坐满舖两个人食相当快就可以入座价钱合理 双拼饭 除咗搭乳猪其余系介乎$50-$60之间跟饭附中汤 或者加$5 热饮 或者冻饮另外加钱一坐低就会送上例汤例汤日日唔同唔似系味精汤而上餐嘅速度都好快另会有两只碟仔连埋包装嘅芥末酱同酸辣酱自助唧讲返啲肉烧鹅、烧腩仔同叉烧都系中规中矩冇惊艳嘅口感但亦唔叫难食总结呢度系一间烧味快餐店并冇令人深刻嘅记忆点建议冇抱大期望先唔会失望…查看更多