沙士亞印度餐廳 (已結業)

住左大埔咁多年.. 搭車成日經過呢度.. 但都冇入去試過.. 早幾日男朋友話不如試下呢間.. 我地星期一去.. 嘩.. 原來好鬼抵.. 星期一至四有個套餐.. 包括薄脆.. 兩款咖喱.. 烤餅同白飯..另外仲有兩杯野飲.. 都係$130.. 咁我地就叫左呢個餐.. 咖喱方面我叫左雞同羊.. 不過侍應冇問我幾辣.. 當我食既時候.. 本人覺得唔夠辣.. 但男朋友就話好好食.. 因為佢都唔太食得辣既.. 但好欣賞d烤餅係熱辣辣的.. 好味.. 不過我都係比較欣賞佐敦咖喱.. 超正!! 嘻~~

我多數都係中午去食lunch...因為school近個邊..同班fd去食..佢見到我地著校服..\就d態度一直都唔好..但對隔離台既客就好好..可能都係印度人既關係卦..之後我地就叫野食喇//d咖哩..都ok..不過就咸左小小咁..雞就好好味..d 簿餅都ok..

在大埔區來說，此間餐廳己很不錯了。家庭式經營，服務態度良好，食物質素頗有水準，甚有住家風味。不過略嫌份量少了點，大胃口的要多點2個菜才夠。

我唔係住大埔但經常出入大埔. 好多次過門而不入, 因為見這間店好似無乜人入去咁. 睇左post 就想去試下. 因為第一次乜都未食過. 叫左一個二人餐. 份量就剛剛好夠兩個人食得都幾飽.咖哩唔夠辣. 但係雞都幾入味, 幾滑. 叫餐都要二百元埋單其實貴左少少.

本來今晚訂o左七點鐘o既四人table, 點知去到竟然冇留位, 好彩都係等o左十五分鐘就有位. 不過呀老細就有道歉, 同埋之後都serve得好好... 講食物, 其實都係一般o既印度菜. 我覺得乾炒咖哩蝦做得好. 唔係俾d蝦仔你, 同埋都幾爽. 芝士大力菜, d菠菜太溶. ok啦. 但係四,五十蚊一款食物o黎講, 每人一百蚊都唔洗落樓, 好ok!

發現有平價外賣午餐,$15 可選咖哩牛,咖哩豬或咖哩雞配飯或nan.唔同肉都會用唔同的咖哩,當然味道一般,沒有太大驚喜,而且個nan係一早整定,然後"叮"番熱,但價錢ok,多一個外賣的選擇.

住o係大埔咁耐, 呢間我都食過幾次, 但每次食完都好失望, 心諗點解由印度人開o既餐廳, 做出黎o既菜式會咁'那西'? 最近同班friend四個人食o個一次, 有以下收穫:- 印式烤餅(Naan): 唔錯, 不過不失.- 印式烤雞(Tandoori Chicken): 話明係烤, 上菜時竟然係脆卜卜o既! o的骨都炸到窿晒, 分明係番炸隔夜o野. 我地食o左兩三啖就擺埋一邊. >_<- 串燒免治羊肉卷(Seekh Kebab): 味道唔錯, 但份量好少, 一個人食晒都唔夠飽!- 乾炒洋蔥咖喱雞(Chicken Bhuna): 係濕o既行貨椰汁味咖喱, 一o的洋蔥都唔見!- 勁辣羊肉(Lamb Vindaloo): 粗製濫造, 只係狂落乾辣椒片(仲冇點煮過)就算交貨, 得個辣字, 冇厘味道, 連我咁鐘意食vindaloo都頂佢唔順!- 芝士大力菜(Saag Paneer): o的菠菜蓉好稀, 印式芝士得o個兩三粒仔, 搵笨!連埋啤酒汽水差唔多要400蚊, 我o的friend食完之後都話, "早知出老尖食好過."

好驚訝發現呢間野無人寫過,因為係報紙雜誌都見過佢既介紹,自己身為一個大埔人當然都食過唔少次啦!呢間野係門口睇似乎不外如是,又係一間黑媽媽既印度菜館,但係入到去食佢d野就知佢有幾得。最基本既咖哩,並無分大中小辣,但係比我發現佢唔會"拿西",雞,豬,牛,海鮮等唔同料,佢會用唔同既咖哩去配,最好味係大蝦咖哩,唔係一味得個辣字,夠香,辣度算中上,d汁係黃咖哩(雞就係紅咖哩),用黎撈薄餅真係一流!佢既飯唔係用碗或碟上,而係用鐵兜上,夠大夠保溫,亦好有風味。其他食物如鐵板羊就乾左少少,但味道唔錯。咖哩角夠傳統,比起我係重慶大廈食既"薯仔角"好味好多。價錢一般,3個人食晚餐,300蚊有找,食得暢快,雖然d waiter都係印度人,溝通會有少少問題,不過menu有中文有英文,指天篤地都ok既!