沙坦尼阿來 (已結業)

話咁快weekend就黎到星期日，梗係係屋企訓到日上三竿。屋企人買左呢間「沙坦尼阿來」既外賣番嚟一齊食。呢間位筲箕灣東大街嘅泰國餐廳係泰國人主理，泰國人煮嘅泰國嘢起馬夠正宗！==============================青咖哩牛腩飯 (配飲品) $62一打開外賣蓋果刻既青咖哩香味已經撲鼻而來！青咖哩嘅辣度容易接受，香葉香料味濃郁，辣中帶少少甜，非常開胃！牛腩夠淋，青豆為咖哩帶來爽脆口感，配一大碗白飯簡直一流！餐飲嗌左凍泰式奶茶，之前有經驗飲泰式奶茶好甜。泰式同港式奶茶唔同嘅地方，普遍泰式奶茶用甜味帶出奶茶既味道，走甜嘅飲落口會寡寡地（唔知大家有冇呢個感覺🤔）呢杯少甜岩岩好，有茶味得嚟唔會似飲糖水，比較啱香港人口味==============================泰式雞肉炒金邊粉 $52賣相唔錯，雞肉分量不少，唔會淨係得金邊粉，食落仲有啖啖花生香味。雖然炒得有些少油膩，不過食得炒粉麵就好難避免啦～總括嚟講「沙坦尼阿來」果然冇改錯名，阿來阿來～值得翻啅！下次幫襯下堂食先！

不過不失嘅菠蘿雞粒炒飯Lunch set $52 包熱飲，有湯，仲有個飯後甜品真係幾抵食。如果個炒飯可以多啲肉鬆同腰果會更好，肉鬆可以乾身啲，但overall 都合格，同埋好飽肚。😊

📍#沙坦尼阿來📍Delicious Station #DeliciousStation.🇭🇰香港筲箕灣筲箕灣東大街42-52號金來大廈地下L號舖🇭🇰Shop L, G/F, Golden Mansion, 42-52 Shau Kei Wan Main Street East, Shau Kei Wan, HK.🌐筲箕灣.#MFJ筲箕灣 #MFJ泰國菜 #MFJ_ShauKeiWan #MFJ_ThaiFood .人均消費: HK170.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.新開業時食過一次就無食了，當時覺得出品同勝價比高✨今日再食仍然唔錯！.🆗炸春卷🌯HKD55春卷裡面有蘿蔔絲粉絲等等，外皮好脆熱辣辣味道偏淡，醬有點似酸梅醬，普普通通👌🏻.👨‍👩‍👦‍👦四人套餐 HKD580四人餐有6道菜，比單點平好多！⭐️特色小食拼盤小食拼盤有春卷，雞翼，腸，蝦餅，蝦多士同肉丸每樣都4舊都幾多下！每樣都炸得好好味！尤其係雞翼，蝦餅同蝦多士！好抵食！.💯肉碎生菜包🥙同平時食的生菜包感覺有啲唔同，帶微辣，但魚露味超香，

同屋企人去食 入到去就唔係好多人 想快d有位坐 有野食 就叫左炒飯 同一杯凍檸茶 熱奶茶 黎左兩杯凍奶茶 話佢兩句轉返 佢就話我屋企人口音有問題 聽唔清楚就問啦 仲要明明冇口音 好啦 都算啦 佢就整左碟炒飯 本來都想就咁食算啦 點知就發現左隻死曱甴 真係火都黎埋 咁既餐廳 咁既員工服務態度 咁既食物質素 都唔明點解仲未汁左去 真係火都黎埋！

放工終於可以食餐好試下新野飲品無得跟主菜，正價$38椰青黄咖喱雞 $98, 汁料偏鹹，香料味唔夠，薯仔完全唔入咖喱味，雞肉都係無咖喱味，似煮熟左放落去，所有料同知汁膽係分開，麻麻地。香茅燒牛肉，$88左右，牛肉新鮮，超有牛味，外面醃料好惹味。可惜燒到過火，裡面非常乾。蝦膏炒飯蝦肉厚身，算有幾粒鹽醃過，炒飯底有蛋絲唔出奇，但佢面都有隻炒蛋，好少咁大方，仲要唔老身，撈埋d蝦膏飯食好正！豬肉粒醃左，甜甜地又有肉香，好好餸飯d飯又有乾葱又好配料，有獲氣，蝦膏又香，真係好好味 唯一感覺好味既菜色！炒飯臨尾食食下發現，點解覺得咁豐富呢，原本唔止蛋絲肉鬆乾葱同蝦膏，綠色果 d唔只有葱花，仲有豆角粒，好有心機！只可以post 12張相，咁比大家睇下主食 d價位。以質素黎講，偏貴，炒飯一流，可再食。另外，客人多，人手唔夠，當晚起碼等了半小時才有第一味菜。

筲箕灣東大街雖然有很多食店，但泰國菜反而不多，今次試了一間叫沙坦尼阿來兩個人點了冬陰功，泰式烤雞，泰式乾炒豬肉河粉及柚子沙律柚子沙律最先上枱，非常大碟，十分抵食，味道也不錯，但如果溫度可以再低一點會更佳冬陰功裏有很多隻蝦，但酸味較重，如果多放一點椰汁會更好烤雞味道是正宗的泰式烤雞，烤得比較乾身，沒有肉汁泰式乾炒豬河粉則正常，沒驚喜也沒有失望餐廳整體而言算不錯上菜速度也合理，但可能因為餐廳是地舖，附近有些花槽，所以店裏有一些飛飛出現，這點比較扣分😔

諗住行開近近哋，就試吓啦，好鬼鍾意食泰國嘢嘅我，經過門口，又咁啱坐咗個泰國人(廚師)起到，諗住一定會好正啦叫咗個海南雞同船河。。。。好 期待啦船河一到，嘩，個湯咁深色，一定好夠味，好好味，好正啦(好多船河都用牛血湯), 點之個湯只係和暖，而個河粉就超熱，個湯好淡，一飲成口好似只得五香粉而其他嘅味就無啦，個炸豬皮好韌，韌到唔可以就咁咬開，要浸好耐先咬到值得一讚嘅係佢有泰國獨有嘅肥嘟嘟芽菜超正，幾多芽菜，而其他餸都ok嘅，啲肉都幾滑而個雞就不過不失啦，下次再有機會食就食啲淨次無食過嘅嘢

今日同男友去龍脊行完山，打算到筲箕灣區內食晚飯，係openrice見到呢間開舖不夠一年既區內小店，評分都吾錯於是決定去試試。我地兩個人叫左一個青咖喱飯，一個泰國船面，一個馬拉盞炒通菜，椰青同薄餅。食物上台時熱辣辣，味道好味，真心值得推介。另外，非常時期，老闆每人都放了一張alcohol pad，小小舉動都顯得非常細心。總括而言，食物質素水準高，環境乾淨，老闆親切。本人推介青咖厘，因為入面有正宗泰式茄子

哩間泰國菜都開咗一段時間，終於有時間嚟試。舖頭細細間，都好整潔。我哋大約晚上九點到，唔係好多人，唔洗等位，可能係疫情嘅關係喇。坐定定後，每人一塊消毒火酒清潔雙手。好貼心哦。餐館啲嘢食唔係好貴，合理價錢。我哋唔係好肚餓，叫咗四個餸。我哋叫咗乾炒香辣牛河，炒得好乾身，好好味，牛肉都好淋。蝦餅，好食好彈牙，又唔會死死實實咁，熱辣辣，好。肉碎生菜包，味道唔錯，我就覺得酸咗少少。馬拉盞炒椰菜苗，椰菜苗有啲老，所以食到有菜渣。味道幾好，可能轉馬拉盞通菜會好啲。枱上有個酸辣汁，好開胃醒胃，用嚟點蝦餅好好味。晚餐每位仲加送口罩，實在太好喇。 下次人多啲會再試其他嘢，呢一間會再encore。 希望小店會繼續keep住水準。

早排行街見到呢間泰國菜, 小弟對泰越野情有獨鐘所以狗衝入去試下入到去已有好強烈的泰國味; 鋪頭的裝潢設計同灣仔九龍區的正宗泰國菜館差不多, 有泰味XDDD睇餐牌都好豐富, 平時食開的海南雞, 蔭公都有, 而且有船河, 正呀~~叫左幾樣野; 船河, 蝦餅, 豬頸肉同埋炒菜(仲有個炒河不過唔記得影相)等餐的時間唔耐, 10-15就已有得食先講講頭盤炸蝦餅, 炸得唔油, 脆口而有蝦味, 掂! (80/100分)船河就好豐富, 有札肉同埋豬肉塊, D粉滑而爽口, 本身都好掂的了但係唯一美中不足就係八角味太勁, 搞到好似食腦水粉咁...(65/100分, 不過真係好香)個炒河黎到, 炒得岩岩好唔會成碟油, 同埋唔會一夾就散, D牛肉都唔會炒到乾晒有牛味, 成碟野好香好好味 (85/100分)最精彩的菜就係個豬頸肉, 好好食, 超好食; 核爆級好食, 點好食, 唔劇透了請自已去食, 總之我俾(100/100分)最後個炒菜就一般, 可能菜就係菜味, 唔會炒到變肉味...冇咩突出, 唯獨是有金姑同埋秀珍姑 增添氣氛餐飲就飲左泰式奶菜, 同港式奶茶完全兩樣野黎...果層花同茶香簡直係好飲中的好飲食完這餐

不得不說呢間餐廳門口的裝修同個名真係有點難令人好奇同埋想試一試。但住喺附近嘅我已經食遍成條東大街，既然開左間新餐廳當然要試試啦！點知好有驚喜，真係好好食！點左個泰式肉碎生菜包，好清新，味道唔會太濃。青咖喱雞甜甜地超好味，老闆介紹了同薄餅一齊食，正呀！飛天通菜都OK，辣度剛剛好。週三晚上唔算多人，伙計服務亦好好，不錯的晚餐體驗。兩個人埋單3個送加飲品都唔駛$300，絕對可以做我的飯堂！建議老闆考慮改改門口的裝修，唔好遮住啲窗，讓人感覺較有距離感。

終於有機會來呢一間泰國餐廳。泰式鳳爪沙律 鳳爪拆左骨，都幾入味，但有筋，所以筋部份好硬，洋蔥都好生。炒雜菜 有多種菜如椰菜、芥蘭、 菇、粟米仔、蘿蔔，部份入味，不過芥蘭好苦，蘿蔔都好生。青咖哩雞 青咖哩的味道好味，唔太辣，唔會只係得椰汁味，雞肉雪味好重。蒜蓉包蒜蓉包唔夠脆，麵包質地一般，所以食青咖哩建議都係送白飯比較好啲。白飯最後頂唔順都係叫咗白飯送青咖哩雞，因為好味好多，其實淨係要青咖哩汁送白飯已經夠，唔駛有雞肉。餐牌上面有泰文，而且老闆的面口似泰國人，估計應該係泰國人主理。

I thought I’d be visiting my old vegetarian restaurant so didn’t expect Delicious Station at all! Initially I was upset it wasn’t the former restaurant but the food was so good, it was a happy accident! Everything is cooked to perfection & really friendly but professional staff. I’ll be back. Thank you.

屋企人帶我去間新開嘅泰式料理餐廳。店員介紹左幾味菜。先上一味咸蛋青木爪絲沙律。青木瓜絲咬落爽脆清新，加上有咸蛋碎、花生、紅蘿蔔絲車厘茄.......etc.由於咸蛋只打碎左半隻黎撈，淡淡咸香得黎又唔破壞沙律清新口味，味道同口感都充滿層次感。果然冇介紹錯，非常好食前菜。跟住黎左碟鐵板蠔餅。蠔餅外脆內軟，帶少少辣味食落非常惹味。然後就係馬拉盞肥牛炒米粉。味道較濃有D辣，份量好足，適合鐘意濃味嘅人。最後上埋主角明爐魚。條魚大大條真係望到都興奮🥰廚師選用烏頭魚，啖啖肉之餘又夠滑，個汁有肉碎同粉絲，味道清淡。食完幾味好飽埋單，400幾蚊超平。原來間舖新開張未開始收加一，不過就算收加一都唔過$500，好食得黎又扺食，會再幫襯。

今日放假到東大街搵食，見到一間新開的泰國菜館，午餐只是$50左右，包餐茶免加一，於是入內試試。看看主餐牌，價錢大眾化，結果沒有點午餐，隨意在主餐牌點了一個飯及炒粉。先上桌的是濕炒雞肉金邊粉酸甜度適中，碟邊配上生芽菜及生蔥，伴以花生碎，正宗的泰國做法。後來的香葉肉碎煎蛋配白飯，不但賣相吸引，肉碎炒完仍能保留肉汁，不會太乾，加上辣度適中，不嗆喉，香葉略為炸過再炒，屬有誠意具水準之作。個人習慣食完桌上所有食物最後才喝飲品，放了半小時的芒果沙冰並沒有出現芒果汁還芒果汁，冰水還冰水的情況，加上濃濃的芒果味，應該用料十足。以食物水準，環境舒適度及價格來評分，餐廳性價比相當高。