沙嗲王 (眾安街) (已結業)

沙嗲王呢個老牌子相信無人唔識而荃灣呢一間分店同以前好唔同而家裝修較為年輕，亦都有好多卡位可以選擇！枱上面仲有落單加水等等服務嘅按鈕，好方便！每一次呢度都會食沙嗲肥牛配粉絲同白咖喱豬扒飯呢兩樣亦都係沙嗲王嘅王牌好食程度10分滿分！食完之後仲會有優惠券送返俾你下次用！朋友聚會好去處，地方夠大，坐幾耐都可以！

呢度嘅王牌食物非白咖喱豬扒飯莫屬豬扒夠淋身 用白咖喱汁撈飯 好好味！叫左2個🤣🤣🤣我哋仲叫咗椒鹽豆腐四件，外脆而入邊嘅豆腐都好入味，嫩滑！仲有春卷，可以用生菜包又得，就咁食卜卜脆又得！最後再配一杯珍珠奶茶，絕配！仲有好多新品推介黃金軟殻蟹石鍋冰魚石鍋清酒煮蜆

因為卡通片關係，我地一行五人去咗沙爹王食飯，最後每食食咗百五蚊左右，整體味道一般，因為換槍所以專登叫左甜品，甜品味道好一般饅頭太硬身。卡通飲品同飲色素冇分別，飲落去好有藥水味吾好味，白咖喱味道正常吾差，肉醬年糕冇味失望，雞翼味道正常吾差，檸檬茶完全冇味，飲左半杯冇飲。蛋黃軟殼蟹蛋黃味唔夠 ，只屬一般。豬扒好好好油，吾好味。整體來講只屬好一般，感覺上質素比之前差了不少，而且這裡待應少，好難找到待應叫單和追單。

一行七人約食飯，無訂位就咁walk in，去到門口地下已經有人等緊位，咁我地7位仲有3個未到，staff同我地講照上去，話上面有位。上到去又有staff話有位叫我地行入啲，入到去同待應講我地7位，個姐姐勁串話：都冇位！邊個叫你地上黎！我都冇位比你嫁啦，去lift口等啦。我地勁無奈行返去lift口等。等緊期間lift口附近有兩張檯執緊，於是我地問staff係咪坐得，佢又好似唔想比我地坐住想拆開做細檯，叫我地等多陣。咁都算，我地都未齊人仲有3個黎緊，於是同姐姐講唔緊要我地等冇所謂，之後陸陸續續都有幾檯走，好多空檯，都唔想比我地入。咁其中一張大檯執緊，我問可唔可以坐，佢先好唔願意叫我地行去等，但走廊又逼又多人，張檯又好亂未抹。於是同姐姐講我地出返去lift口等啦，執完再入，佢就一野搵張餐紙com住啲飯粒、辣椒同啲汁，就叫我地：坐得嫁啦。好嘔心！

黃金鹹蛋黃軟殼蟹軟殼蟹好脆😊雖然用鹹蛋，但係鹹味係岩岩好，齋食唔餸飯絕對冇問題😃鹹蛋黃炒到起沙，連埋脆口既軟殼蟹，其實口感幾似鹹蛋魚皮😂北海道芝心餅外脆內軟，好好食😍食得出加左蛋黃醬，所以好軟滑。不過蛋黃醬味稍為蓋過左芝士味，如果減番少少蛋黃醬就好啦😂表面既紫菜絲令芝心餅個味冇禁單調，唔錯👍避風塘脆豆腐炸皮好薄，豆腐好滑，口感一流😍豆腐夠晒味，加上避風塘微微辣，好香好惹味。日式蟹粉豆腐鍋配飯石頭鍋好熱，上到枱啲汁仲係度煮緊😂好多蟹粉蟹肉，仲有好滑既豆腐，夠晒足料😋最正係有鹹蛋黃調味，配埋飯都夠味😍

整體質素一般 味道一般 大不如前 令人失望 裝修後第一次來食 服務員全是新人 不知道是否請不到人手 ？差一點我想自己去取飲品 為何只是兩杯汽水 就要用上三至四次去找服務員呢？真不明白 總括 不想再來食嘢‼️😓

自從上次試了旺角的沙嗲王後，感覺很不錯,所有是日就試試荃灣分店此店比旺角MPM 細，座位之間距離比較近，不過裝修風格也差不多，牆上都有插畫點了以下：蝦兵蟹將 - 炸軟殼蟹和炸蝦球，熱氣之選；另外面會有少許黑椒，少少辣的，不錯白咖哩巨脾飯 - 雞脾是鐵板上，而且已切開了，大大隻很厚肉，而且肉質夠嫩，再配上白咖哩汁，正沙嗲豬扒湯麵 - 沙嗲汁夠濃，不過豬扒炸得有點乾，拉麵也不會過淋，好味啤酒 - 杯也有雪凍，熱氣野配啤酒當然是一流啦相比起來，旺角店會比較舒適

突然行過見到白咖喱豬扒飯，又想食😂😂今次光顧另一間沙嗲王平日既夜晚已經好多人，Full house 咁滯😅今次主要target 係白咖喱豬扒飯，所以其他嘢由💁🏻‍♂️發版2人餐都幾抵食，仲要有d 27周年回贈都好抵今次叫左個2人餐，1個湯1個salad ,個湯好水，好難飲，好明顯溝左好多水Salad 5明白點解要加個菇落去，好5 match ,勁奇怪，佢個沙律又係cheap cheap salad 不過牛油雞翼好值得讚，熱辣辣，好香蒜味，皮好脆，大推2人餐好處，可以叫特飲，個特濃朱古力，好像維記朱古力奶咁，好好飲個芒果就淡口d，可能本身西米都無咩味既關係，本人強力推薦雞翼同朱古力特飲，如果你平時都飲好濃杰身既朱古力既話💁🏻‍♂️叫左紅酒牛柳粒焗飯，味道一般，平平，無咩特別叮叮叮，main point ,白咖喱，同以前一樣咁重口味，有3大塊香矛豬扒，係3大塊丫！如果50元有咁既份量都真係5錯 ，一如既往，豬扒調味夠，好香，好入味不過幾個月食1次就夠，太油了總括嚟講，耐不耐食一次係幾好的

有好同事先有好午餐🤣，今次一行四人，去沙嗲王。先見到個lunch set的餐牌，睇落都幾抵食。四人都決定巨脾飯，我就要左沙嗲汁，不過我都試左少少白咖喱汁，覺得好食d。經過一輪計算下，跟set的小食好似抵過單點，所以我地一齊叫左幾個小食share，有雞翼、一口炸雞球、脆蝦棒同一口貝，另外再各自叫野飲。我個人覺得巨脾飯的確幾大隻，都算抵食、不過有機會我都想試下其他，因為都好似幾多選擇。至於小食方面雞翼就正常，一口炸雞球都幾好食，不知不覺間就食晒，至於一口貝就太細隻，大隻d會開心好多🤣。整體而言係抵食之選，不過有一個美中不足的地方就係太多油。

又黎到睇完佢打波喺荃灣食飯嘅日子。小食好多種類，而且都好平。芝士年糕都係一般，有小小油得濟。越南豬肉粉卷都係，睇佢面頭就知好油，加上個粉皮面好厚，蒸得唔多淋，啲皮有啲部份咬唔到。不過哩度嘅飯都唔錯，佢嗌左牛柳粒焗飯，份量都好足，加埋蛋同芝士，係幾好食。豬軟骨飯好值一試，又平又好食俾左大概5舊豬軟過，價錢好平，但質量好！仲有好大堆配菜，推介！哩度逢叫嘢食飲品仲要半價！真係唔嗌唔得！叫左朱古力沙冰，真係好濃朱古力味，唔會一啲味都無！真係估唔到咁好飲！

呢度午市套餐估唔到咁抵食！即燒雞扖荷包蛋飯$51，白咖哩香茅豬扒飯$56。仲送埋餐飲，坐好耐傾下計無人趕，地方乾淨，侍應不斷為你添水，服務態度一流，下次一定再來。

朋友好驚訝我從未食過沙嗲王既人氣之作---白咖哩飯，並指出係其他地方食唔到。聽完佢咁講之後，覺得應該要試一試呢間平民連鎖飯堂。今次揀左荃灣既分店，光線充足，唔會好似旺角分店咁暗；但冷氣非常唔夠，店內體感溫度仲熱過店外。小店最近推出左個麻辣白咖哩湯底，所以中意食辣既我就揀左一個湯粉，朋友就要左個白咖哩飯，另外加一份印度薄餅同小食。麻辣白咖哩豬扒讚歧烏冬 ($56)上到枱我地誤以為比錯野，因為只有紅油而唔見白咖哩，但職員表示係咖哩係底。實物同圖片永遠都有一段距離…😥聞落去只有麻辣香味，但唔會太嗆鼻；賣相都好豐富，豬扒都有三件，仲有一堆雜菜，整體分量都唔少。豬扒比相象中既厚身，肉質鬆軟，而且醃得非常入味!! 香茅味好出，全碗麵最好食就係佢!!但豬扒以外既野我只係食左三分一就放棄左，敗點係有油益味!! 攪到D雜菜同烏冬都有陣益味，而豬扒就因為佢本身濃味，所以即使受到影響都唔覺。強烈唔推薦大家食呢款麵，因為唔會知佢幾時有事幾時無事。白咖哩厚切豬扒飯 ($62)呢個等左好耐，全因為吉列豬即叫即炸，新鮮熱辣~~呢個性價比好高，塊厚切豬扒絕不戲場!! 除左近乎有一吋厚之外，仲要差唔多一隻手掌咁大塊!!

沙嗲王嘅白咖哩豬扒真係好好味，每次去幾幾乎係必食。經常門口，聞到白咖哩豬扒味，就俾佢吸左入去😂。出左新野monster Hunter系列，試一試佢。其實同白咖哩飯差唔多，只係多左啲菇，唔係豬扒而係豬扒粒，仲有多左一個大啡菇，好味。而飯唔係白飯，而係加左工既飯，由於太飽，食唔晒😅。蝦兵蟹將既炸蝦炸得好脆，要趁熱食先更好味，好好味。而炸軟殻蟹就啖啖肉😍，好多肉。應該係避風塘的，對我來講有少少偏辣。而蝦片就冇咩特別，都係要趁熱食先脆😂。蟹粉煲都係經常會叫既野食。因為食完覺得幾好味，所以經常都會翻叫😜。鮮芒西米沙冰，有粒粒既芒果肉，冰量唔太多，幾好。呢杯青檸柑梅蜜配蘭香子都係我經常叫既野飲，因為覺得酸酸地又有青檸清新既味道。但呢次呢杯完全失準，好甜，甜到你唔想再飲😖。

完成左千色店購物，同男人行到攰又拎住一堆戰利品，決定提早食晚飯。接近6點時間，未算多人，可以直入有位（食完後已見到排長龍）。唔知係未人手唔夠，禁極服務鐘都無人理，等一陣先落到單。叫左個一口炸雞球，唔覺得增量左，醬汁開頭又黎錯左甜酸汁，隔左陣先有人換。味道一般。麻辣白咖喱米線配黑椒雞扒，雞扒大塊，不過無切開，叫人俾刀叉，等多陣唔耐煩，自己去拎味道唔錯既。麻辣白咖喱，只食到麻辣味，油度十足。芝士牛柳粒焗飯配紅酒汁，次次食依個都唔錯夠入味，焗既時間剛好，蛋黃汁配合芝士融入飯中，一流，但牛柳粒多筋。最後，再催情況下黎埋飲料，朱古力沙冰感覺似未搞勻既麥旋風一樣，芒果西米唔錯。

沙嗲王雖然幾好食,但我都唔會經常去,因為最主要都係鐘意佢個白咖哩豬,而呢款菜半年食一次都還好,食得多就係好快厭,但今次入到黎見到有個巨脾就即管試下,又估唔到真係貨真價實比咁厚肉我,而且仲好滑有咬口,睇黎以後又多一個選擇,但薯菜就稍為一般,略厭乾身,建議簡飯會好D