沙嗲王 (已結業)

疫情下難得可以Hea爆既慢活日子旺角區美食多籮籮行咗陣街經過沙嗲王諗都冇諗即刻上咗去實在太耐無食佢嘅 招牌白咖喱香茅豬扒.撞啱下午茶時段有個「輕量白咖喱香茅豬扒拉麵」.本身跟碗拉麵係湯麵問姐姐個麵可唔可以走湯呢間姐姐話可以啊！超開心（之前第二間唔得）咁就變成震懾食道既白咖喱撈拉麵喇～隱藏版食法～.真係勁爆宇宙味蕾之癲世界級好食！！！.可惜杯凍奶茶（無乜奶茶味）.依家用手機App落單 會-$2每消費$20送$2 下次再食又再減真係啱晒我啲精明又醒目嘅為食鬼呀…查看更多

岩岩叫完野食諗住去洗手間點知洗洗下手有個職員（呀叔）衝入黎打乞痴仲要係除低口罩打 打左落我個身到我當場鬧佢 你除口罩打乞痴 個口罩做樣架！？之後我出左去同前台職員（呀姐）投訴佢地不停同我講唔好意思 話可以比制服我換我無要 因為我唔肯定乾唔乾淨之後比濕紙巾我抹身我鬧佢地 點解依家疫症時期 衛生意識都可以咁差我太嬲 同覺得個身太污租 我已經無胃口食最後無食就走左——————————————————————太嬲 無影相問完呀叔個名 轉個頭都唔記得左希望佢地衛生意識提高返雖然我感覺到佢地好有歉意, 但我認為員工需加強衛生方面意識 …查看更多

今日去左星際拎鏡，原本諗住去女友做野嗰度等佢收工，但女友知我喺旺角，就話佢都好耐冇出旺角，所以收工就出黎旺角行下同食野，唔洗我走黎走去。咁女友7點半左右黎到，就諗食啲乜啦，我就比左幾樣佢選，佢就覺得好耐冇黎沙嗲王食，所以就選左沙嗲王啦。入到黎，又要比人check下體溫，之後比左張qr code我地，叫我地用手機點菜。下！！？？個人覺得咗樣點菜唔係咁岩沙嗲王呢類餐廳，如果你係任食放題字下十下既話，手機點菜會係幾方便同有效率既方法，但如果係就咁叫野食，始終有位侍應係會好啲。（純個人諗法，用手機點餐有2蚊平，不過都係覺得唔好）呢期出左隻滑蛋飯餐，個人鍾意食蛋同豬扒，就點左個滑lulu蛋香茅豬扒飯，跟餐可以加錢加個餐湯同豬肉粉卷。仲有叫左白咖喱肥牛烏冬，「12年前價脆蝦捧」，飲品2杯，埋單200蚊落樓。滑蛋豬扒幾好食，香茅豬扒又淋又有味，蛋份量多，味道ok，成碟飯cp值高，如果可以選汁（黃白咖喱汁等）咁就正，推介👍豬肉粉卷係我喺沙嗲王入面最鍾意既菜式，我女友都唔明我點解咁鍾意，次次黎食都要點🤣另外個白咖喱肥牛烏冬，烏冬唔錯，滑而彈牙，唔係最好食，不過睇得出唔係用平價烏冬。肥牛有啲老，我覺得ok. 白咖喱唔錯，個湯味因咖喱而變得好飲。做promo嗰個都二年前價脆蝦棒唔錯，跟醬點黎食幾好。價錢抵👍👍最後講下服務，沙嗲王真係唔錯，姐姐友善，仲有個後生仔喺度，叫佢幫手加水都好快。冇左以前嗰個按制落order, 可能覺得煩同會忙啲掛，可以理解。…查看更多

沙嗲王真係久唔久都要去食下 沙嗲王大部分食物都係水平以上 今日出旺角整完電話 諗唔到食咩之際就突然間喺腦海裏面閃到沙嗲王三個字 下午茶時段 啲份量都唔少 因為佢分咗小鳥派及滿足派 分量及價錢都會有所不同 白咖哩豬扒飯 $52白咖哩呢個汁真係送飯一流 豬扒鬆軟 唔會炸過龍仲有啲啲肉汁 沙嗲肩胛肥牛粉絲 $50沙嗲湯底就係配粉絲最好其實佢仲有拉麵 烏冬嗰啲揀 但係揀粉絲就好吸味 家長佢啲肩胛肥牛唔會鞋口加咗兩份蒜蓉牛油雞翼 都唔記得影相 炸粉夠鬆脆 唔會炸過龍雞翼都好juicy 不過雞翼就比以前細隻咗 而家係一隻大一隻細 好彩每人兩隻 食太多都怕熱氣而家好多餐廳都係用QR code點餐 沙嗲王用QR code 自己點餐仲有優惠 小小都好過無呀 …查看更多

好耐冇食過沙嗲王，上一次應該係舊年11月，今晚有人請食飯，當然9秒9跑去啦🤣當然而家疫情未退，在於顧客來講好似係一件好事，唔需要排隊、又有折扣、人少咗服務又好咗，但係對食肆來講就真係前所未有嘅寒冬❄️好啦，入到去梗係叫嘢食啦，打開餐牌用手機落單仲可以平$2😍白咖喱豬扒飯係我每一次去沙嗲王必叫嘅食物，有成四塊豬扒，白咖喱汁撈飯真係冇得頂🤩真係每次食都係咁好味，而且每間分店都可以保持到水準，非常讚👍🏻👍🏻加十幾蚊就有兩塊薄餅，用嚟索白咖喱汁真係好好味㗎😱魷魚王子，其實有啲似避風塘嘅做法，用粉漿炸咗魷魚筒之後再加蒜蓉炒，非常嘢味，但係就比較熱氣🥵蝦醬炒通菜用石兜上，食到最尾仲係可以保存熱度，通菜鮮嫩無渣，但係比較鹹咗少少🤏唔記得咩名，好似酸菜魚嘅味道，娃娃菜嗦咗啲汁非常好食，魚亦都夠滑👍🏻👍🏻值得一讚嘅係，因為白咖喱汁又要撈飯，薄餅又需要白咖喱汁，所以同侍應姐姐講，問佢可唔可以俾多少少白咖喱汁我，佢就即刻遞上👏🏻👏🏻非常滿足嘅一餐🤤…查看更多

沙嗲王以前讀大專年代都會一大班同學去食，因為一定多大枱，仲可以叫好多餸share!!時至今日都會不時掛念白咖喱豬扒飯、小炒的味道。近日經過旺角，剛好想去食。睇睇下餐牌發現部分菜式價錢係十二年前價錢，見幾抵食順便又叫多了。今次新嘗試！！蟹粉豆腐鍋配白飯極推介👍🏻👍🏻👍🏻👍🏻👍🏻極好食！有蟹粉、蟹肉、咸蛋黃真係好夾，令清淡嫩滑的豆腐多了一重口感！必食避風塘系列-鮮魷皇子👍🏻👍🏻👍🏻👍🏻👍🏻鐵板上，仲熱辣辣咁炒出XO 醬炒蘿蔔糕👍🏻👍🏻👍🏻👍🏻好多醬炒，蘿蔔糕外脆內軟加埋杯超濃味的朱古力沙冰大滿足！兩個人食都相當飽了…查看更多

香港晚市已經少咗人外出食飯所以當晚等位唔係等左好耐就入到去店家都有做足防疫措施包括提供酒精搓手液同幫客人量體溫👉🏼紅酒牛柳粒焗飯溫泉蛋整得啱啱好有流心效果撈埋芝士口感好creamy，女仔黎講真係會飽到食唔晒👉🏼雜菜西蘭花朋友話要減肥但依然食晒成碟相信一定好好味，而且西蘭花都比較新鮮唔會好鹹非常清淡,係健怡之選👉🏼印度薄餅薄餅整得好鬆軟，撈埋咖喱汁非常開胃係一個唔錯嘅菜式當晚店家有提供清水唔使額外叫嘢飲，而且用手機落單有折扣優惠轉左Menu但依然都有啱食嘅菜式大家可以嚟一時試…查看更多

依間無𨋢老人家唔太方便.餐廳有2層，每層空間都唔大點餐後等候左略長時間先有第一款食物上檯.全部食物上晒餐需時個鐘.但飲品過個鐘後先上檯.唔止我一張檯係咁嘅情況，所有餐檯都係等好耐先有食物.避風塘鮮魷皇子（$50）：份量都多味道濃.蟹粉豆腐鍋飯（$76）：每次必點，蟹肉份量都足夠，好濃郁嘅蟹粉味，溝埋淡味豆腐味道都仲好濃郁，每一啖都有蟹粉蟹油.送飯一流！石鍋XO醬蘿蔔糕（$48）：味道一般，XO醬少，蘿蔔糕偏軟冧冧，一夾就散開！蘿蔔糕原本嘅餡料都好少.菠蘿碧海（$25）：味道一般般，入有少量菠蘿肉.…查看更多

總覺得聖誕節還未過，但一眨眼已是新年。新年前與好友一聚，交換旅行手信，順道慶祝新年。這間分店在樓上，下班後過來，也不用等位。不用多想，照舊來個二人餐($258)。剛點完餐，店員已送上是日餐湯蕃茄湯。蕃茄湯有少量蕃茄蓉，是蕃茄膏的味道，偏酸的湯非我所好，友人卻覺得這熱燙的湯還好。藜麥田園沙律(小)，可配日本芝麻醬或和風醬。兩款醬沒有太大分別，反而加了少量藜麥，令平平無奇的沙律變得特別。十數粒藜麥置於新鮮沙律菜中間，作為前菜，已夠兩人吃，拌芝麻醬更易入口。然後是主菜A，由鐵板到鍋類也有。而蟹粉豆腐鍋配飯是必點的食物。一大碗滾熱的豆腐鍋，除了那滾燙的滋滋聲十分吸引，其豐郁的蟹粉香氣讓人垂涎三尺。此餐可配價錢較貴的兩件薄餅，但比多人選配飯，因為白飯最能吸收蟹粉汁，而且飯的份量比較多，兩個男生分享吃也可以。白咖喱香茅豬扒飯，餐單上寫了必食，就算不寫也必點這個皇牌。以前豬扒與醬汁分開上，現在豬扒與醬汁同上，在視覺上看似多了醬汁，而且熱咖喱汁能維持豬扒的温度。唯豬扒底部因沾上醬汁變稔。點餐時可選豬扒與咖喱分開上，兩種做法各有其優點。椒鹽雞軟骨，椒鹽味香，不會過鹹。雞軟骨鬆脆，如吃炸雞。檸檬片可多加一兩片。一片太少，而且太薄，薄得不能壓榨出檸檬汁來，形同虛設，扣了一點分數。飲品較以往多了限制，但仍保留我們的心水飲品。鮮芒椰汁沙冰配西米，配搭由以往可從多種配料中選擇，變成只有西米配料。幸而頂層的芒果肉仍有很多，甜度適中。菠蘿碧海從字面上看不及芒果沙冰吸引，但比沙冰好喝。梳打味為主，底層有小量菠蘿片。內有一粒話梅，裝飾為主。甜品選了兩杯雪糕，士多啤梨味和曲奇味，曲奇味太甜，士多啤梨味相對甜味適中。另一日吃了一個午餐。午餐價錢較實恵。慢煮豬軟骨飯(配溏心蛋半隻)($64)，香軟的豬軟骨配上稀肉汁，拌飯一絕。配上新鮮爽甜的菜，外爽內滑的溏心蛋，整體做得不錯。凍紫薯鮮奶配珍珠(套餐+$7)，可選少甜少冰。可再少甜一點，微微紫薯味，珍珠靭度適中。整體餐點都做得不錯，而且上菜甚快。用手機點餐減$2。…查看更多

行街行到攰，唔想再行去搵野食，於是上左去食白咖哩豬扒飯。好耐無食，發覺餐牌多左好多野揀😳點了蟹粉豆腐鍋、白咖哩豬扒飯、鹹蛋雞翼同鮮芒西米沙冰豆腐鍋偏鹹，送白飯較好；豬扒飯就跟過往味道差不多；至於雞翼，真係極度邪惡！我已經唔係上碟後即食，但仍然熱辣辣！外脆內多汁，味道唔會太鹹，真係有鹹蛋味！唯一缺點係，六隻雞翼入面有兩隻入面唔熟，應該係雞翼太肥厚或解凍不足所致，我留意到係因為見到有少少血水滲了出來，不過通知侍應姐姐後，佢地好快處理，數分鐘後換來兩隻新炸起的，我滿意她們的態度。…查看更多

收左工，打算食個平得黎都有啲特色嘅晚飯所以去左沙嗲王食2/F full左所以行左樓梯上3/F唔多人，只系得一個待應我地叫左蟹粉豆腐鍋泰式酸辣鱸魚炸蝦春卷菠蘿特飲哩個香而且豆腐好滑但個鱸魚就味道好，但魚肉唔算系好入味而且有啲魚鱗下次再試過第2樣…查看更多

好耐無食沙嗲王，其實去親幾乎每次都係叫白咖喱香茅豬扒飯，因為係招牌菜而且真係十分好味，亦可加簿餅點咖喱汁，十分開胃。今次除咗叫白咖喱豬之外，亦叫咗雞髀沙嗲拉麵。白咖喱一樣咁好食，唔太辣，又香，豬扒皮脆肉嫩，份量十足，可以話係抵食之選，但飯量就唔係好夠，大食既朋友真係要加簿餅另外既雞髀拉麵，雞髀份晒十足，賣相亦十分吸引，皮香，肉滑，一個人食都多！拉麵就普通，個人覺得同沙嗲湯唔太夾，建議可以試其他配撘！不過店員服務麻麻，環境昏暗係呢度特色，但我就唔太鐘意啦。…查看更多

#沙嗲王小編周不時會黎食下遠近馳名既「白咖哩香茅豬扒飯」食過既朋友都應該會認同佢既高質白咖哩味道濃郁，充滿奶香又唔會太辣加上洋蔥就更顯惹味，送飯一流‼️香茅豬扒亦都相當出色，香茅味道夠突出且即叫即炸，能夠保持肉質鮮嫩真係好味😋…查看更多

基本上這次來沙嗲王，都是因為上次光顧後，得到$22的現金券，才會來把它用完。這間沙嗲王分店，在這個位置，好像是新開的，但原來這一層沒有窗子，看不到街外的風景，只看得到室內環境以及那個第5人格的擺設。😪因為這次來完之後都發現，其實很多時候，外出吃東西，都不外乎雞扒、豬扒、牛肉、雞翼，然後配飯配麵條等等。點了個沙嗲王經典的龍蝦湯，雖然細細碗20多元好像不太便宜，但是它的味道，仍是這麼吸引，微鹹，有點兒杰的質地，內裏又的確有點龍蝦碎肉，多年之後再喝，味道也沒有什麼轉變。話雖如此，但是沙嗲王的牛油雞翼還是好吃，外皮夠脆，炸得夠熱，但是又不覺得肥膩，可能因為溫度夠熱，內裏有保持大量肉汁，:)雞翼確是味道一流。因為近幾次都發現其實白咖喱豬扒飯，所謂的沙嗲王必點菜式之一，其實味道都沒有什麼特別。只是和友人一人一個麵，但這次的拉麵沒有上次另一間那麼彈牙。但沙嗲湯還是不錯，不算太過肥膩，我又再點了一個雞扒的，雞扒亦都是用鐵板另上，因此賣相看起來比較好，而且鐵板上的雞扒，有時有點燒焦，吃起上來鑊氣比較好。看看這個第五人格的餐牌，餐飲或是其他食品都只是噱頭東西，又有色素，造型有古怪，不點也罷。這間沙嗲王，門面及內裏裝修比較遜色，但是沒有窗沒有玻璃這一層，感覺就較為侷促，雖然上菜反應還算夠爽快，但確是經常把東西弄跌。…查看更多

前幾天晚上路經旺角搵嘢食，見到沙嗲王，即管上去試一試，我們叫了沙嗲肩胛肥牛拉麵、白咖喱豬扒飯和蒜蓉牛油焗蜆，八咖喱醬煮得唔錯，有椰香味和咖喱味，配合一件豬扒，味道很出位。拉麵也很香，湯底很夠濃，蒜蓉牛油焗蜆有很香的蒜蓉和牛油味，下次會再去。…查看更多